Chatuchak (已結業)

今日同老媽子嚟希慎行街，順便喺food court食埋飯，見到呢間chatuchak，望落去啲menu都唔錯，於是係到食埋lunch 🤩招牌海南雞飯好味，雞件雪白嫩滑，油香滿滿，雞油飯都好香，啖啖都好滋味😍加配咗炸雞翼，炸得好有質素，香口juicy，調味又夠適中，正😋仲叫埋杯泰式奶茶少甜，好似叫咗泰國咁，冰冰地又甜甜地😙泰式乾炒河叫咗牛，鑊氣足，炒到熱辣辣，入口好惹味，而且份量都好夠多😋加配左個芭堤雅燒雞扒，外皮燒到好焦香，肉質又保持到，唔會好乾，好味道😚飲品就叫咗杯青檸雪碧，解熱一流😆今個午餐CP值超高，平均$70左右就食到個飯加嘢飲，都係個銅鑼灣食嘢嘅nice choice 😎

同朋友一齊喺 希慎廣場 shopping，行吓行吓肚仔餓😅，再行吓行吓 不自覺雙腿帶咗我哋嚟 food court 😆，見到呢間泰國🇹🇭小店，上網Google一下，發現原來係新開，睇落幾啱我哋口胃，於是就決定試吓😆我哋叫咗 $64 嘅「冬蔭🇹🇭鮮蝦🍤炒飯」，跟餐加 $28 要「串燒雞🐓（3 串）」同 $10 嘅「熱情果薄荷🍀梳打」；再加 $48 嘅「酸辣扎肉沙律🥗」，同埋 $48 嘅「炸蝦餅」😆，全部share 嚟食😆「冬蔭🇹🇭鮮蝦🍤炒飯」炒到粒粒分明，帶微辣，有淡淡嘅冬蔭功同香茅香味😋。「酸辣扎肉沙律🥗」嘅泰式🇹🇭沙律汁超級惹味，一入口就感覺係由泰國人烹調製作😆，非常泰🇹🇭非常正😆，呢個真係有小驚喜😆。「炸蝦餅」外邊炸到脆卜卜，裏邊嘅蝦肉🦐🍤好彈牙又有蝦味😋。「串燒雞🐓」肉質比較結實，沾埋帶少少甜味嘅沙嗲花生醬，香口美味😋呢幾樣食物基本上全部都好食，真係有小驚喜🤩

$28 沙嗲雞肉串燒超抵呀🤩仲要超香超好食😗只要叫個主食就可以用套餐價錢食到啦🥰冬陰功湯粉配雞扒（$64）湯底比較甜，比一般的冬陰功小辣。隔壁吃的海南雞口感比較滑，湯底是清香的雞湯。粉面只可以選擇金邊粉，另外蝦餅（+$24）亦都好唔錯💕.Try this cheap and authentic Thai food at Hysan Place Food Court! The chicken skewer was at a stealing price($28), the meat is tender and juicy. Love their Thai tea as well!

午市時間去左希慎廣場11樓同人逼Foodcourt，搵個位食晏都有啲困難，好彩最後食到間好味既泰國菜！招牌海南雞飯 $68餐廳有櫥窗見到好靚既海南雞，就即刻叫左黎試，光澤外皮厚厚雞肉，有咬口有彈性，再配合雞油飯同埋雞湯配搭，非常開胃！鮮蝦炒金邊粉 $64熱辣辣夠鑊氣既金邊粉，鮮蝦數量都好多，而且周邊蒜粒、辣椒、白糖配搭金邊粉都好惹味！炸蝦餅/2件 +$24脆口炸蝦餅滿口蝦肉，再沾泰式辣醬。串燒雞/3串 +$28雞件平平凡凡，但重點個沙嗲醬昇華成個雞串。泰式奶茶 +$10真係用泰國茶包沖，夠濃味！

招牌海南雞飯賣相超討好，海南雞飯嘅份量超級充足!去曬骨😋 啖啖肉～ 食得好過癮🐥皮薄爽滑之餘 雞肉味道濃郁 食落口仲好嫩滑 蘸埋個辣椒醬就更出色😋 油飯都幾有驚喜，唔會太油，啖啖飯都有咬口～ 仲有酸蘿蔔等配菜🤭 更開胃～ 蘿蔔無渣😚酸酸甜甜咁～ 好食😍😍 呢個飯CP值真係超高!!泰式乾炒牛河有驚喜! 竟然係food court食到咁有鑊氣既炒河粉! 唔會太油之餘 可能呢種河粉比較薄同寛身～所以每條河粉都好夠味🐮 牛肉都幾嫩口😋芭堤雅燒雞扒燒得外脆內軟～肉質嫩滑😋 甜甜地既雞扒～岩曬我口味泰奶傳統泰奶對香港人黎講實在太甜，呢杯泰奶保持到傳統泰奶既味道之餘又迎合到香港人既健康文化，少甜岩曬貪靚既女士👻

晚餐想食清淡d，去咗希慎廣場既美食廣場食，見呢間新開既泰國菜有好多沙律就試試先，點知去到話得返3款沙律，有無搞錯。酸辣鳳爪沙律 $48呢個酸辣鳳爪沙律係雙份份量，鳳爪份量多，無骨，夠脆，味道少少辣，抵食。沙律有洋蔥絲，蘿蔔絲同車厘茄，墊有少少生菜，味道就好辣。青木瓜沙律 $48呢個青木瓜沙律都係雙份，份量就少d，青木瓜絲上面有少量車厘茄，蘿蔔絲，同豆角，另外有生菜墊底，上面加上脆口花生，原來仲有櫻花蝦仔，個汁酸酸辣辣，食落唔算辣。海南雞全隻 $248呢個餐牌無寫。全隻雞肉都唔少，雞肉好嫩，都有雞味，雞皮超好食，又有彈性，不過唔知點解雞肉有d鹽焗味。醬汁得一款，少少酸辣加薑蓉。質素係可以，不過價錢都唔平。總括而言，食物算可以啦。

尋日喺Hysan food court, 見到呢間新開嘅泰菜,今日特登去試吓。因為唔係好多人，一去到就搵到位，買嘢食又唔多人當晚全程好暢順。我叫咗個海鮮炒pad Thai，非常好味，嗰啲粉炒得好煙靭呀，但又唔會一嚿嚿，啲汁吵得好好味，海鮮好新鮮，啲蝦好大隻同好彈牙。$64蚊大大碟有埋嘢飲，都幾抵，一定食得飽。好味！