Chop Chop 食神叉燒 (宏安道) (裝修中)

見食評幾好,行過買料加餸試試,買咗梅頭叉燒和燒腩仔｡服無真令人失望, 等得耐已經扣分, 仲要催了兩次後在我後面的order 號碼有得攞先 啲後面的套餐都係有叉燒, 點解斬嗰啲套餐叉燒先? 我的order只係斬已有的燒味又唔使裝飯湯和餸,啲店員只係話師傅努力斬緊, 好敷衍｡雖然事後有道歉, 不過都大打折扣｡未試過買燒味畀錢後要等20分鐘先有得攞, 除非畀錢時講明｡食物質素ok啦, 味道above average 少少, 燒腩仔個盒無開隆疏氣令到一半的皮冧咗失敗, 個盒係有預開隆位, 但職員無開,失敗｡ 整體食物質素ok, 但貴了些唔值, 加埋服務,更加唔值

Chop chop食神叉燒我耐唔耐都會幫襯，平時嚟呢度就一定係食叉燒燒味，質素都算唔錯😋 但原來除咗燒味之外，依家仲有煲仔飯食！真係估佢唔到喎！😳雖然放寬咗晚市堂食，但今晚都係想買外賣返屋企食！喺疫情之前係從來無諗過外賣煲仔飯呢樣嘢，因為煲仔飯一定要夠熱有埋個煲先夠正宗地道嘛！唔知喺幾時開始係可以連埋個煲攞返屋企，真係顛覆我嗰想像。🤯呢度煲仔飯款式有成十款，普通平時食到嘅款式都有，另外可以額外加其他餸如潤腸、雞等等💁🏻‍♀️ 煲仔飯價錢由$76-$108不等，呢個價錢係用openrice app買外賣，仲平過堂食，仲要送埋個煲俾你！👍🏻 我見好多煲仔飯餐廳外賣煲都要加多$20，呢間真係抵到爛！由於煲仔飯製作需時，建議早15分鐘落定order先過嚟攞！包裝方面好貼心咁用一個類似蛋糕盒嘅紙盒裝住，啲紙皮有一定嘅厚度，好實正而且唔怕攞返屋企時整親自己。一打開個盒見到成個煲喺入面真係好正！👀紙盒上面有教你外賣煲仔飯要點整先好食，佢建議返到屋企用明火加熱三分鐘，跟住喺煲邊唔開蓋咁倒佢附送嘅醬油再焗一分鐘先食。因為我攞返屋企時仲好熱，所以我完全無跟佢指示食😂❤️ 排骨臘腸飯 $76一開個蓋個煲仔飯好靚

$79 for a char siu rice may seem a bit overpriced but after trying it for myself I would say it’s worth it. Portions are on the smaller side, (though you could probably ask for 多飯）but everything is very tasty, especially the char siu, which is the star of the show. The fatty parts of the char siu enhances the overall flavour and is just the right amount. I’m normally not a fan of fatty meats and usually prefer my char siu to be lean, but the char siu here has the perfect balance of meat and fat.

昨晚初去朋友家食晚飯便別坐車去了北角買這店出名的义燒。有好多人在網上睇這店的义燒好好食。去到是4:00pm左右。我便買了半斤最貴的食神腩义燒$99, 再買了半斤梅頭义燒$79和半斤燒腩仔。真的要講講，因是第一次試，價錢比一盤的燒味店貴得多，當然應有其望，好可惜是非常失望，相信不會再食！最貴的食神腩义燒，應是好味的半肥瘦的义燒，但食下去不是半肥瘦，而是一舊肥豬糕，非常差。兩種义燒又燒得太竉，又好硬唔鬆化和乾，切得太大舊，一差差差和差！！！反而燒腩仔好得多，好味，皮過了兩個鐘還好脆口，比义燒好食好多。初二非常貴和失望的一餐！不值，大家樂的义燒還好食過！我覺如這店真是有人講得出名，那應有馬會中菜廳或利苑义燒的水準呢？希望那什麼食神廚師，真的要用心注意吓义燒的質數！要人比這貴的價錢但又差又唔好食！

外賣有原個砂窩煲仔飯，Gimmick滿分，送到上門打開仲熱都值得一讚！不過日本肥牛窩蛋煲仔飯 $120隻蛋已經全熟（我都明比隻生蛋又好似唔合衛生，係我有不切實際既期望，但我叫窩蛋真係諗住有得撈蛋汁...）而另一主要食材日本肥牛係牛肉粒，肉質偏韌，呢個仲要係全餐廳最貴果款，加啲紫菜同洋蔥就變東洋風？真係令我非常失望！另一款煲仔飯係北菇臘腸雞 $80，賣相吸引好多，望落都覺得多餸！不過我無食到，朋友話正正常常。另外叫份食神腩叉燒 例牌 $119，望落半肥瘦，肉質唔錯，但唔知係咪因為底有層油定蜜糖，食落好痴牙！味道又無乜特別，所以大家都對呢個招牌叉燒興趣不大。*以上價錢為堂食原價，外賣平台 價格有加有減，但因為朋友落單，所以忘記確實價錢。

Made an order and stuck at processing for one hour , restaurant cancelled right after and never fulfilled order. If you cannot fulfill the order do not accept it

點了玫瑰叉燒飯，早上11:57 親身到店面入order ，等了足足15分鐘有多才拿到外賣還要再三催促！😌為何去呢間？ 經常行過見到，一路未試過，今日下決心試下，因見到一個類似暗然銷魂飯的「玫瑰叉燒飯」，食落始知有點中伏。食物質素：不要有太高預期，叉燒全是瘦的還要個面燒得好燶！叉燒口感有點像擦子膠！個煎蛋全熟，與圖片有很大出入🤔衞生情況：很可惜！見到㕑部有兩個師傅，一個是有戴口罩， 第二個師傅的口罩卻帶在鼻下，其實與沒有戴是沒有太多分別。為何這家店的衛生管制是那麼不一？外賣盒還要加$2😓

「黯然銷魂飯」呢個名聽得多，今日嚟炮台山見到呢間叉燒好出名，一於試下傳說中嘅黯然銷魂飯。果然係非一般叉燒，每件肥瘦都好均勻，一d都唔會又乾又瘦，好Juicy...叉燒一定要有少少肥 先至好食。原來叫飯仲跟餐湯，個湯好夠味...感覺似啱啱煲滾咁熱辣辣👍🏻「蒜蓉炒菜心」好鮮嫩翠綠，份量都幾多。加埋杯「凍檸賓」揀直係完美午餐。餐具全部密封式包裝，乾淨衛生👍🏻下次可以再嚟買例牌 , 返去比屋企人試下乜野叫「正宗嘅黯然叉燒」🤗

外賣自取，準時在Apps指定時間到達，在店等候超過45分鐘，而且出食物的次序錯亂，遲落單的同樣菜式反而先出，多次催促但員工欠缺跟進，最後要求退錢，先有食物。其中一份煲仔飯有落單付錢加雞肉，餐廳收了錢但餐廳沒有加。整體極度失望，不會再幫襯。

早排凍凍地涼涼地,仲未禁堂食之前食既咁就行過北角見到有食神叉燒本店平時食開都係沙田分店既原來本店係開左係北角AIA大廈附近既而家冬天仲有加推臘味煲仔飯   有下午茶優惠,外賣優惠,低至$40起,好抵食一日有四個時段出新鮮叉燒,想食好野就睇時間11點半至6點半都有共四個時段煲仔飯$80起,可以原煲上外賣走叫左個黯然銷魂飯同煲仔飯先上飲品,飲住等~半肥瘦腩叉一流仲有燒鴨,白切雞,豉油雞等選擇用本地豬,不加色素,烤得焦香甘嫩肉質鬆化肥瘦雙間,肥美而不油膩加埋隻半熟蛋黃拌勻飯食,好回味！米身粒粒分明，初生雞蛋鮮黃味濃煲仔飯共有十款肥牛,窩蛋,雞肉臘腸,排骨南瓜,臘鴨,咸魚肉餅款式多之餘仲可以另外追加料!原條臘腸,肉鮮有咬落有肉汁,唔會好柴皮最重要味道好,唔會有油溢味雞件嫩滑多肉,應該係鮮雞件!!上煲後加少少豉油更加香味十足食到尾仲有飯焦添！CHOP CHOP食神叉燒地址： 香港炮台山宏安道18號地下3號鋪電話： 3618 7718營業時間： 11am-9pm備註：接受八達通、信用卡

話說燒味飯對於FatBrown 有着一個無可抵抗嘅魅力，其實一個禮拜總有一兩日會忍唔住去食個叉雞飯今日去咗北角做嘢，經過一間燒味舖個名幾特別，叫做ChopChop叉燒食神，個名咁寸，就要睇吓佢啲叉燒有幾神先<黯然銷魂飯$79>叉燒半肥瘦，中間層脂肪爽口，叉燒燒得香脆煎蛋邊微燶，個邊少脆，唔錯<豆腐火腩飯$53>除左招牌叉燒外，每日有幾款客飯簡客飯價錢都唔貴，大概五十零蚊連飲品，價錢合理兩個大男人食飯點少得男人的浪漫呢雖然份量唔大，但系火腩肉又香又淋，淋埋左充滿靈魂的茨汁，真系無得輸

最近天氣轉涼了，每次轉涼的時候總想吃大量的肉以增加體內熱能，剛剛經過北角長街的一角，看見醒神的招牌，就算時間尚早未到晚飯時候都也二話不說便闖進去了。舖頭的名字叫食神叉燒，入內即見到大大的招牌寫上黯然叉燒飯，我還大大聲的說應該與金庸先生{神雕俠侶}著作中的楊過招式，但店員立即以他專業的知識糾正我，那是……周星馳食神電影中的菜式，對不起，我不看周星馳的劇目啊，哈哈。說回食物，這個食神腩叉燒又實在真的是與眾不同，肉質十分肥美，又多肉汁，實在是沒有輸的餘地，話說回來，真的有需要看看食神了！再來一個開胃咕嚕肉，酸酸甜甜的，果真開胃啊！用來絆飯一起吃就最好不過。此外，油雞也不錯，再配生菜吸吸油就更好了，要再消化多一點，就要來個凍檸樂了。

晚餐食燒味，揀左黎食神叉燒，呢間餐廳有兩間分店，分別係沙田同北角，今日黎北角店，地鐵站行2分鐘就到，好方便。餐廳裝修幾特別。有啲簡約酒吧feel，無論牆上嘅餐牌，啤酒樽裝飾，都非常特別。食燒味有得飲啤酒？都真係好特別！今晚自己一個，呢度叫得食神叉燒，當然要試下個叉燒，於是食左個叉油雞飯。點左半肥瘦叉燒，口感唔乾又有點油脂，外面燒得甜甜，色澤又夠靚。油雞亦係好嫩滑嘅部位，上面已經有薑蔥。值得一提呢度嘅飯加入左藜麥，夠曬健康。另外跟個餐湯，係經典嘅港式湯，紅蘿蔔豬骨湯，味道濃郁又大碗。飲品揀左熱檸蜜，正正常常啦。總括黎講呢度幾有驚喜，下次可以黎試下啲啤酒。

今天中午在炮台山辦點事，就腳來了這家Chop Chop 食神叉燒吃晚餐。環境有別一般的燒味店，有一個巨型的霓虹燈招牌，裝潢有花心思，乾淨企理。餐牌選擇十分之多，有各式燒味飯，步入冬季更有時令的煲仔飯，亦有外賣優惠。黯然銷魂飯先點一客招牌的黯然銷魂飯，其實就是半肥瘦叉燒加太陽蛋，但半肥瘦叉燒的確是一絕，肥瘦相間的腩肉，蜜汁焦香腴美芳縈齒頰，肉汁豐盈，甘腴可口，加上半熟太陽蛋，蛋黃滑溜澄黃，亦呈半生熟，入口夠嫩滑，亦富蛋香，拌入粒粒分明飽滿的米飯，層次豐富。日本肥牛窩蛋煲仔飯煲仔飯即叫即做，所以要等大約二十分鐘，原個瓦煲熱辣辣上枱，火喉拿捏恰到好處，米飯甘香口感偏硬，加入微甜的煲仔飯豉油，將雞蛋與日本肥牛粒和米飯攪拌後，每一粒飯都充滿醬味蛋香。日本肥牛粒脂爽肉軟，油香豐富而牛肉味亦濃郁。凍奶茶/凍檸水最後來一杯凍奶茶，能品嚐到茶香及奶滑，十分不錯。

朋友在北角工作，平時都會去宏安街「Chop Chop食神叉燒」吃午餐，已成為了他的飯堂。因為疫情關係大家少了見面，今日約了這位朋友，他就推介去這家餐廳吃飯。我們選擇了套餐，食物包括有燒味、小菜及時菜， 這套餐能滿足到既可食燒味又可以吃到小菜的願望，一舉兩得。1)自選燒味雙拼(6選2)，選了「梅頭叉燒拼脆皮燒腩仔」，梅頭叉燒肉質嫩腍，肥瘦分別，肥肉爽脆，瘦肉結實，燒烤味香濃，水準甚高。至於脆皮燒腩仔，確實皮是脆卜卜，腩仔香口，肥膏部分仲入口即溶，油脂豐富，很美味。兩款燒味都好食，回頭率高。2)自選小菜一款(9選1)，揀選了「開胃咕嚕肉」這是香港人最愛的地道小菜。咕嚕肉應該是用梅頭肉來製造，肉質超嫩，而且不帶骨，啖啖肉，醬汁酸甜度平均，再配上新鮮菠蘿及三色椒，十分惹味又開胃，贊！3)自選時菜一款(3選1)「蠔油菜心」，菜心翠綠新鮮，脆口無渣。「是日例湯」紅蘿蔔、 粉葛及豬肉，湯底味道清甜，送上時湯的溫度超熱，非常暖胃及滋潤，不太覺得有味精，例湯也不錯。