Chop Chop 食神叉燒 (宏安道) (裝修中)

🔅🔅🔅宅在家太耐了憋不住要出下街等男友放工撐擡脚他說超級想吃燒味飯於是揀左高名氣的🌟Chop Chop食神叉燒🌟🔸懷舊的港式餐廳裝修超喜歡一瓶一罐的咸金桔和咸檸檬一隻隻金鷄碗🐔增添了不少氣氛😍🔹<燒味雙拼>兩人當然叫二人餐已有梅頭叉燒跟切雞叉燒賣相有光澤超吸引咬落肉質完全不柴但爽口特別邊位燒得香脆好滋味～切雞肉質超滑沾葱油送飯一流👍🏻🔸<蝦仁炒蛋>蝦仁和蛋的份量絕不吝嗇😍採用高蛋白質的初生蛋濃鬱蛋香味配爽口蝦仁再加上我最愛的葱花男友也贊不絕口😋🔹<啫啫唐生菜>平時食開都係啫啫通菜原來同唐生菜都好夾少少辣辣地好好味～🔸<咸金桔梳打>好飲既咸金桔梳打真的好難先遇到今日就好幸運可令我一試難忘咸度超夠超級解渴👍🏻🔹<總結>好滿足吃到高質素叉燒值得一提的是那餐湯很像媽媽煲的味道完全無添加味精值得下次再來😜🔅🔅🔅

今日專程過嚟炮台山食叉燒，真係返唔到轉頭，以後對於叉燒既要求只會越嚟越高!離地鐵站好近，行到街口就見到呢間食神叉燒，佢既裝修好型格而且保留咗舊時香港既風味! 入到去既感覺好乾淨企理同埋燈光都柔和，好舒服同埋勁香既叉燒味! 望到佢既menu真係種類繁多而我地咁為食就當然食二人餐啦，相對真係抵食同埋試到唔同菜式!凍檸茶&凍奶茶都一D不普通，茶底非常濃郁所以飲落好順喉同埋茶味充滿整個味蕾。我飲既奶茶既奶味亦都好香滑，一嚟已經好滿足!梅頭叉燒&切雞雙併呢個真係冇得輸，叉燒整得靚唔在講，切雞既肉質鮮嫩厚實同埋雞味濃郁，配合埋佢既薑蓉送飯真係一流!叉燒都有跟個醬，令叉燒本身個香味更加提升，層次非常豐富。肉質方面肥瘦適中咬落軟淋，真係好正宗好食既叉燒!我明點解會食到家燕姐感嘆以後食唔返咁點算，因為真心好出色!飯方面亦都加咗適量既藜麥，令本身平平無奇既白飯都好有咬口，再跟個例湯，超級正!另外仲有蝦仁炒蛋，蝦仁好彈牙同埋新鮮，完全冇雪味同埋大大隻!蛋炒得岩岩好再加上有大量蔥花點綴，送飯岩哂!仲有個啫啫生菜煲，蝦醬同埋蝦乾味好濃郁仲有真係原煲上，好食又惹味!

作為饞嘴一族，最開心當然就是「餐餐食得好，日日有食神」！難得可以夜晚出街堂食，今晚就一於約埋食神一齊去吃至愛嘅叉燒。餐廳位於炮台山宏安道，門面好 Sharp 醒，以墨綠色為主調，店內裝潢亦甚可觀，時尚又帶點懷舊情懷，牆上的霓虹風格字樣相當矚目，打卡一流！先細看牆上餐牌，除了有招牌的黯然銷魂飯、多款人氣燒味如燒鴨、燒腩仔外，還有開胃咕嚕肉、乾炒牛河、食神炒飯等供應。唔想動腦筋，就簡簡單單點個「滋味二人餐」，套餐非常經濟，只是 $168 就已經包：燒味雙拼、蝦仁炒蛋、啫啫唐生菜，例湯及白飯各兩碗，仲要免收加一服務費，十分抵食。是日例湯為一年四季都啱飲嘅青紅蘿蔔豬展湯，湯味非常清甜，而且一點也不油膩，令人喝得很舒服。燒味雙拼有梅頭叉燒和切雞兩款，叉燒賣相很吸引，呈有光澤的深紅色，未食已令人垂涎欲滴。嚐一件，肥瘦比例剛好，入口不會過於油膩，而且吃起來比坊間的叉燒多了一陣玫瑰露香，加上肉質不會過乾，中間位置又夠鬆化，食落有肉香。切雞味道亦不俗，外皮金黃順滑，肉質柔嫩細膩，皮肉之間還夾著一層薄薄嘅透明啫喱，令人回味無窮。估唔到連白飯都有水準，米飯灑上了芝麻粒，入口外韌內軟，粘度適中，帶濃濃米香。接

今晚約了朋友吃飯，原因是很久以前她說過想吃這間餐廳的叉燒飯，於是在她離港前一起聚聚。餐廳門面很搶眼，紅色和綠色的霓虹燈，裡面的裝潢也貫徹舊式茶餐廳的格局，懷舊但環境乾淨。滋味二人餐$168⭐️雙拼例牌雙拼是叉燒和白切雞，配搭每人一碗飯和湯。米飯放了芝麻粒，吃起來更香。有一隻白切雞雞腿，表面油光閃閃，挾起來沒有皮肉分離。雞肉入口嫩滑。叉燒厚度適中，色澤自然亮麗，偏瘦一些，入口軟韌適中，肉質鬆軟沒有渣，配上銷魂醬，將叉燒味道推上一個層次，令人滿意。⭐️蝦仁炒蛋蝦仁入口很爽脆，蝦仁的數量也不算少。抄得乾爽沒有出水。⭐️啫啫唐生菜這道唐生菜不錯，加了肉末和醬料，味道正好！⭐️例湯今日是西洋菜湯，暖暖的，有家的感覺。⭐️咸檸鹹柑桔配上七喜，把柑桔戳破，入口鹹中帶甜，很清爽。▫️二人套餐份量剛剛好，很飽足。

肥brown一直都好鍾意食燒臘之前上網見到北角開左間Chop Chop食神叉燒, 係由香港四大名廚之一嘅戴龍師傅坐鎮, 就有少少心動得知電影<<食神>>黯然叉燒飯係戴龍師傅出品, 就決定同女朋友一齊過黎朝聖我地又想食叉燒, 又想食油雞, 見到滋味二人餐有三餸一湯都只要168蚊, 好似幾抵, 就嗌左一份<燒味雙拼(梅頭叉燒、切雞)>Chop Chop 嘅梅頭叉燒玫瑰露味幾突出, 肉質瘦而不柴, 配上佢嘅紅蔥頭秘製醬料, 好惹味切雞竟然係雞脾, 超驚喜肉質鮮嫩, 配上蔥油都唔錯<蝦仁炒蛋>雖然Chop Chop係專門做燒臘嘅, 但蝦仁炒蛋都做得好有靈魂炒蛋超滑超多蛋汁, 中間仲有好多爽口嘅蝦仁呢<啫啫唐生菜>Chop Chop嘅啫啫唐生菜都唔錯, 用蝦醬調味嘅煲仔唐生菜味道少咸, 好啱配飯食<例湯>我哋果日嘅例湯係青紅蘿蔔湯, 超足料呢<白飯>白飯都粒粒分明肥brown只能説空穴來風必有因, 叫得食神野食當然有一定水平

之前經過砲台山見到開咗間chop chop食神叉燒 ，門口嘅霓虹燈招牌好搶眼 ，所以今日冇煮飯，決定嚟試下餐廳嘅招牌叉燒。餐廳環境幾舒適，店員好友善👍👍見到餐牌二人餐好抵，168蚊就有燒味雙拼，蝦仁炒蛋，啫啫唐生菜，同埋例湯白飯。👏 雙拼係切雞同梅頭叉燒，叉燒醬係大廚秘製，味道好特別。切雞非常滑，點薑蓉真係冇得頂。唐生菜用瓦煲上夠曬鑊氣，蝦仁炒蛋超滑，蝦仁大大隻又爽口，呢餐家常便飯性價比極高💯💯 

食神中的黯然銷魂飯令人印象深刻，廿多年後的今天終於可以在現實中一試餐廳裝修新潮，打破燒味店舊有形象，更有手工啤供應，玩味十足倆口子要一個滋味二人餐最划算例湯為青紅蘿蔔豬展湯湯味道清甜又潤肺燒味雙拼為梅頭叉燒及切雞！叉燒以玫瑰露酒醃製，以醬料和焦糖上色，烤至焦香鬆化白飯有咬口，外韌內軟！配上以紅蔥頭煮成的秘裝拌飯醬汁，難怪以白飯任裝作招徠蝦仁炒蛋雞蛋嫩滑，蝦仁爽口彈牙啫啫唐生菜伴上鹹香蝦醬，十分惹味那麼多食物只須$168，毋須加一，抵到爛

經過一個多月的禁堂食，終於可以外出晚膳了。街角耀眼的霓虹燈 -「食神叉燒」， 很注目，又很有香港懷舊特色。很多情侶都點了這個滋味2人餐，$168可以試勻出名的叉燒、切雞，還有兩碟小菜，一人一碗白飯和湯，免收加一，很抵食餐廳名有叉燒兩個字，可見對自家的叉燒很有信心。梅頭叉燒半肥瘦，有淡淡的蜜香， 吃下去軟滑鬆化，還有一點點烤焦，可算是色香味俱全。切雞是雞髀位，肉質細嫩，皮下脂肪少。蝦仁炒蛋一點也不馬虎，不但蝦多size大，炒蛋香滑，炒得剛剛熟透。啫啫唐生菜原來是蝦醬肉碎炒生菜， 蝦醬味十分突出，又不過於太鹹。例湯是蘿蔔豬骨老火湯，味道不錯。吃到最後才看見「白飯任裝」四個字， 餐廳都的確慷慨。還有一點值得提的是，餐廳竟然提供日本常陸野貓頭鷹手工啤酒，我們飲的是橙皮味道， 橙味比較淡，但酒味清香，值得一試。

叉燒全是肥膏，又油，又無豉油，飯又乾，價錢又貴，完全失敗！唔會再有下次！唔知點解有人話好食，我和公司同事食到大家叫晒救命，見佢門面唔錯，完來敗絮其中，難忘一次經驗！

今日見到網上外賣平台有優惠，就特登叫個外賣送餐，好耐之前堂食試過一次，都覺得唔錯。簡單叫個暗然銷魂飯外賣，話就話五花腩，九成係肥膏，叫人點食呀。打電話去問，個職員竟然話，真係九成都係腩。明明之前食過，都唔係咁。如果因為有優惠，就俾啲食唔到嘅叉燒我，咁我寧願你唔做呢個優惠。我都係想食叉燒姐，俾返半舊肉我都好呀唔使全部都係肥膏掛，你不如直接叫肥膏飯啦。咁我咪唔會叫呢個囉！相入邊呢筷子上面就係瘦肉，其餘全部都係肥膏，呢一舊算係最多肉㗎啦

《食神歸位！👑》———————————————-#食神叉燒 🤴🏻叉燒啊～好叉燒啊～呢間燒味鋪堅係《食神》大廚開嘅，戴龍師傅就係客串過嘅炒王呀，完全喚起童年回憶（暴露年齡系列🙈）。今次外賣叫咗套餐，包燒味雙拼（梅頭叉燒、切雞）、蝦仁炒蛋、啫啫唐生菜，另有兩碗白飯同例湯🤗-招牌叉燒顏色唔錯，有少少燶邊，火爐控制幾好，梅頭肥瘦均勻，同醬油及焦糖味道好夾，多汁焦香，對得住「食神叉燒」呢個名🍖而油雞選用左雞脾肉，相當滑嫩入味。蝦仁炒蛋都幾香滑，可惜個啫啫唐生菜既口味略重，撈埋飯食會比較好。例湯就相當抵讚，好足料，有老火湯嘅味道🍲-單睇價錢可能有啲貴，套餐雖然寫話係二人份，但係份量十足，最後我地四個人share食都覺得飽，性價比都幾高！😙-⭐ 參考價錢︰Chop Chop 食神叉燒滋味Set Meal︰$168-🍌 抵deal 指數：7/10💰人均消費：$42

今日嚟開北角做嘢，本來係想去食半島冰室的，但係可惜佢哋冇開於是喺附近食咗呢一間食神叉燒。一過嚟有下午茶都幾抵食全部都係$40以下左右，我就揀咗個滑蛋叉燒三文治諗住輕輕咁樣食。嚟到估唔到個份量都幾大，個滑蛋炒得好滑，油令令咁好靚仔，叉燒半肥瘦少少燶邊好正！蜜汁味十足，不過略嫌整體鹹咗啲，如果可以比多塊多士嘅話應該會啱啱好！

Wonderful guys here.Fresh ingredients, can’t taste any MSG, good menu with fair prices.Pork belly char Siu was fantastic, very fatty and delicious, wonderful chatting without being overcooked. A special little signature house sauce was a tasty surprise.The lucky residents of Fortress Hill have a great bbq / roast meat restaurant on their doorstep.Very much enjoyed. Will come again.

正宗黯然銷魂飯 $79叉燒燒得夠火候，但有d太燶，表面已經燶左，有層燒焦左，所以食落會有d苦燶味，而叉燒本身都有層次既，半肥瘦，如果唔燶會係好食既叉燒。飯都係冇特別香，未到有驚喜，未至於要呢個價錢。。。📍8點之後有時會冇晒叉燒。

終於有機會試吓出名的黯然銷魂飯，此店裝修十分年青，有霓虹燈光管招牌及播放著流行音樂。套餐要$80，燒味來說，價錢有點貴。飯上枱有托盤，賣相不俗，附上餐湯是蠔豉合掌瓜，例湯來說，是很足料了及順口，有老火湯嘅味道。主角黯然銷魂飯上枱賣相精緻，太陽蛋加上半肥瘦的叉燒及菜心，少少炸過的蒜蓉及紅蔥頭醬（自己估的）。個人覺得太陽蛋可以再生一點，多點蛋漿溶入飯裏面。叉燒顏色不俗有少少燶邊，火爐控制很多，梅頭肥瘦均勻，加上黑色醬油味道唔錯，但整體味道太甜，少了叉燒那種辛香及玫瑰露香味。值得一讚白飯中有藜麥混合，口感唔錯，食燒味飯都會健康啲。