Chop Chop 食神叉燒 (新城市廣場) (已結業)

燒味是廣東人的最愛，其中以叉燒最為受廣大市民歡迎，叉燒製作工序繁複，很多燒臘食肆所製作的叉燒，味道極為普通。近年市面上出現了食神叉燒，今晚終於來到新城市廣場的分店，一嘗食神叉燒的滋味。店內提供的進食器皿，全是一次性的，非常衛生及安全，令食客放心。黯然食神叉燒飯$79，食神叉燒，採取了豬肉最佳部位，五花腩的肥瘦均勻，軟硬適中，果然不是浪得虛名。再配合自家製的醬油，令到每口飯都吃到食神級的味道。招牌乾炒牛河$75，鰹魚乾鋪滿了牛河的表面，令到傳統的乾炒牛河，味道再加多了一個層次。乾炒牛河用上了頭抽，醬油香味十足，配合牛肉和河粉，傳統而又創新，加點辣椒醬，就可以減少油膩感，增加點辣度了。叉燒燒鴨雙拼$109，叉燒肥瘦均勻，雖然沒有食神叉燒的味道這麽高，不過比起普通食肆的叉燒，味道以很超卓了。燒鴨皮脆肉嫩，確實比叉燒不遑多讓。鹹檸七$25凍檸樂$25

男朋友由細到大都喜歡食肉，尤其係叉焼。今次佢帶我去沙田食叉燒，我以為去某某茶歺廳食，原來响新城市廣場三期內，店名叫「Chop Chop食神叉燒」，搭地鐵就到，真係好方便。「黯然銷魂飯」係此店生招牌，必叫必食。多人叫叉燒，必定日日鮮，叉燒厚切燶邊，肥瘦比例恰到好處，太瘦會好硬難咬；飯一粒粒好胞滿又白淨，荷包蛋煎得好正，黃白分明，同叉燒倂埋賣相吸引，再淋上此店㗎秘製拌飯醬油，好味到極😋👍一碗「黯然叉燒飯」當然唔夠飽，跟住叫了一碟「燒味雙拼」，有鼓油雞、叉燒。雞肉嫩滑，叉燒係用梅頭肉，無肥膏，薄薄㗎叉燒皮夠晒香口，白飯可以任裝。最後叫了一碟「招牌干炒牛河」，炒得唔錯，唔會好鹹，一啲多餘㗎油都冇，牛肉夠嫰，河粉彈牙，配埋薄薄木魚絲，夠香口。飲品當然不可缺，男朋友叫了一杯凍檸樂，我就叫了凍檸蜜，飲包食醉，好滿足，好滿意。

「Chop Chop食神叉燒」本店在北角，現開了沙田分店位置在沙田新城市廣場第3期3樓，去開一田shopping 就一定會知道餐廳位置。必吃「正宗黯然銷魂飯」$79，腩叉燒肉質十分腍，有香濃燒烤味及蜜汁甜味，配上煎半生熟太陽蛋，蛋黃汁是靈魂，一口腩叉燒加蛋汁配一口飯，已很滿足。「燒鵝油雞雙拼」$109，鵝肉質地結實，有鵝油香，而油雞肉滑，配飯一流。「招牌干炒牛河」$75，牛肉大大塊，牛肉比較佔3分2，河粉粗身，味香濃夠火喉有，超有驚喜。「咸檸七及咸檸樂」$25，足足一大個咸檸，配上罐裝汽水，算合理啦～

今日終於可以試到黯然銷魂飯嘅始祖😃之前睇到YouTube有人介紹過，最吸引我想試嘅係五常米同最出名嘅叉燒，一去到第一個發現竟然係白飯任裝😱嘩...咁同燒銀紙冇分別喎，五常米咁貴😝黯然銷魂飯：第一次食五常米，微甜帶點點米香口感好好👍🏽叉燒焦香半肥瘦完全唔膩🤩🤩的確係經典之作🉐另外有一碟醬汁店員話係師傅用紅洋蔥加多樣配料自家秘製！堅係惹味👍招牌乾炒牛河：叫得招牌的確唔簡單，用咗木魚絲放面形同大阪燒餅，牛肉份量多，最重要係夠鑊氣👍再整多碟雙拼切雞燒鵝髀🍗肉質一啲都唔韌，好耐冇食到咁滑嘅髀肉！正呀！

同兩老行完新城市，老人家唔鐘意西餐又嫌貴🤑要係新城市平平地食中式飯都幾有難度🥱但新城市翻身左後新開左呢間燒味飯，價錢唔貴但原來大有來頭😲😲😲係香港四大名廚之一戴龍師傅做監製，重現番 食神 中黯然銷魂飯👍🏻餐廳唔似固有既燒味店，而係走時尚cozy路線，裝潢設計明亮大方，坐得好舒服 😌餐牌選擇除左主打既燒味，都有小菜揀呢點幾好，唔洗成餐淨係食燒味可以兩款都叫大家share😍👍🏻我地落左單食物好快到，服務員幾有禮物👍🏻👍🏻🌸燒鵝油雞雙拼兩老最鐘意燒鵝所以唔洗諗一定叫，而我就叫左自己鐘意食既油雞燒鵝賣相幾靚，仲要係髀位😍😍見到已經流晒口水！入口熱新辣辣，鵝汁一咬衝晒出黎，鵝油香滿溢口腔，非常正！肉質好爽嫩，最驚食到霉既鵝肉😣呢到完全唔會，肉質爽嫩又夠味，個外皮再脆啲就滿分😋油雞一夾上黎見到盤底既鵝油+雞油超吸引所以入口係滿滿油香，雞皮咸香味夠而且唔會好肥好多脂肪，油膩度岩岩好肉質同樣軟嫩，點埋薑蔥無得頂🥳🥳🥳而且唔用添加劑、味精和色素，食都食得健康啲！🌸黯然銷魂飯無理由唔試呢到既招牌叉燒份量幾多，而且燒既火喉好好，焦糖色叉燒入口係非常tender，十分軟嫩鬆化食得出係用靚既梅頭飲而且帶有少少肥

耐唔耐都會嚟沙田新城市行下街，發覺都多左唔少食肆，行行下，就俾呢間食神叉燒吸引住，難得大商場入面都有燒味飯食～二話不說，即刻order返個黯然銷魂飯，貌似簡單嘅煎蛋叉燒飯，要煮得好味都唔簡單，香口肥美嘅叉燒，撈勻嫩滑既煎蛋，味道相當夾，正！見到啲燒鵝燒得咁靚，嗌咗個燒味雙拼，果然好好食，睇得又食得，香脆燒鵝皮，肉味濃；油雞肉滑～～另外order左個炒飯，呢個食神炒飯材料豐富，仲有粒粒蝦肉，爽口彈牙，炒得夠鑊氣！飲品嗌左杯檸賓同埋檸蜜～～

Lunch time 沙田大多數餐廳都要排隊等位，由於已經遲左出發搵食，唔想等，呢間見裝修都衛生企理，價錢都中等(新城市廣場係偏貴),就試下啦。店名叫食神叉燒，第一次黎當然叫招牌菜 叉燒炒蛋飯。一上菜就覺得有啲失望...飯多餸少叉燒質素還好，色素唔算深，蛋就油左少少。食左好多白飯，感覺店家想整好質素，又想慳成本，就算食嘅人覺得就算覺得味道ok ，都會覺得唔抵。如果想慳成本，都唔應該係份量入手，好似要就住食，慳住食啲餸咁...仲要加一服務費

我劣食獵人第一次出動寫食評，就係因為食左盒世間罕見嘅超難食叉燒飯。從未食過咁肉酸嘅「肥」叉燒，完全無味，鞋過鞋底，似係隔夜整番熱咁。睇下d叉燒個死樣：我畀$60 (唔係平)，只係想有盒「正常」嘅叉燒飯，你畀盒咁嘅野我，公平咩？

平日夜晚嘅7點半, 新城市一田嗰邊3樓嘅食肆竟然企滿等緊枱嘅人, 我地泊左車唔想等, 行多兩步食li間鋪位唔太當眼嘅ChopChop食神叉燒(同埋因為店內職員好welcome).🥢燒味雙拼 (HKD109)店員推介佢地嘅燒味雙拼, 我地揀左燒鵝x鼓油雞, 大隻燒鵝髀*lucky*, 平時唔多食皮都食埋, 因為個皮燒得好有油香, 同埋唔會好似平時燒味鋪鄒哂皮, 燒鵝就啖啖肉唔dry👍🏻; 鼓油雞喺燒鵝髀下層, 雞肉非常嫩滑dip附上嘅薑蓉好好味👍🏻.🥢正宗黯然銷魂飯 (HKD78)睇過”食神”一定聽過黯然銷魂飯!! (原來係li個師傅整ga). 店家採用腩位嘅叉燒, 切得厚薄適中, 叉燒juicy完全唔乾, 肥瘦比例均匀, 味道唔會過醎, dip店家秘製叉燒醬更加惹味. 飯量則多到有點嚇人😅, 細心位係旁邊嘅菜心係熱的, 唔會因為佢唔係主角就擺啲一早淥好凍哂嘅菜, 大部分枱都有order li個飯呢.🥢食神炒飯 (HKD75)唸住嗌個湯粉, 點知7點半左右已經賣哂🤣, 咁就來個炒飯吧! 好多叉燒粒, 仲要係肉多過肥膏的👍🏻; 蝦粒, 葱, 乾蝦仔, 碎炒蛋...勁足料!! 唯一多左嘅就係

唔知係咪疫情關係生意難做😅真係好難食😅嗌左個「食神黯然銷魂飯」 本來對佢有期侍😂話哂都叫自己做食神叉燒🤯點知一黎到 賣相為0🥴叉燒勁硬 無味 個飯就淨係淋D豆豉汁就算 仲要賣到$80😰然後為左個口唔好咁乾就加左9蚊買維他奶 本身以為係支裝 點知佢係真係平時一pack pack嗰D💩真心既咁既價錢你去D茶餐廳買個叉燒飯仲好😹希望可以改善下質素啦因為都係幾難食下🥶仲有入面都幾焗下😅地下都唔多乾淨😅

經過見到好多人叫外賣，於是就試下，食完覺得整體都不錯，員工服務態度好，地方夠大，坐得舒適，之後網上查下，睇到評論意外地較小好評，但相信餐廳已改善了很多，食物質素也完全冇問題，大家可放心去試😉-🤍黯然銷魂飯$79🤍食神炒飯$75🤍燒味雙拼$109-🤍黯然銷魂飯⭐️⭐️⭐️⭐️配料有一排叉燒、一隻蛋、菜心，叉燒既角位有小小lon邊，所以有小小焦香同口感😍仲有蜜汁味，重點有黯然銷魂汁，酸酸甜甜，配飯不錯！/🤍燒味雙拼⭐️⭐️⭐️⭐️叫左油雞同燒鵝雙拼，油雞仲係無骨既Tim，肥瘦均勻😍 燒鵝外層燒得香脆，內裏肉質鮮嫩，價錢合理。-環境：7.5/10服務：9.5/10好味指數：8/10回頭率：7/10

成日聽黯然銷魂飯今次特登專程帶朋友嚟到試一試！ 頭盤叫咗個燒鵝油雞雙拼， 配埋佢嘅甜酸汁同埋薑蓉味道非常不錯， 雞肉非常滑嫩主菜黯然銷魂飯佢嘅叉燒係用咗五花腩部位所以食落口感係半肥半瘦口感非常juicy ，雞蛋係用咗初生雞蛋所以非常嫩滑， 特別一讚就係師傅特別調製嘅醬汁用嚟拌飯非常特別好吃， 又唔會太鹹。 仲有叫咗一個招牌食神炒飯，裏面有蝦仁帶子青豆等等配菜，面頭就加咗蟹子，炒飯粒粒分明口感都幾好不錯。 飲品方便叫咗一杯咸檸七同埋鹹檸樂， 個咸柑桔又幾大粒非常足料， 值得推薦一試！ 環境方面地方都幾寬敞開揚，食得舒服，位置喺沙田近一田附近都非常容易搵到。

成日聽暗然銷魂飯今次專誠嚟到試一試， 佢嘅叉燒係半肥瘦， 部位係五花腩肉， 口感同味道ok， 我比較喜歡佢嘅醬汁， 聽聞係師傅獨製嘅醬汁，撈飯都幾好食， 叫咗杯鹹檸七個咸柑桔又幾足料喎勁大舊。

不可一不可再😡呢間野如果你想試但未試既真係可以唔洗黎😂建議大家落樓下街市斬個叉燒飯都無咁嬲😡仲好食過佢nnnnnnnnnnnnnnnn倍成兜飯已經無賣相😒舊叉燒外皮有一層好厚又實既糖漿燒過望落黑到炭屎咁🙄個特製醬料又係黑到墨咁 食落又無味鼓油無鼓油味 又甜得好怪 總之食碗野好似食緊糖水飯咁🤬🤬🤬飯又太林 無飯粒應有既口感🤯+$8先有野飲🙄唔比錢佢賺啦😤呢碗咁既野都賣成$79 加埋野飲$90你食埋得個份🙄唔洗錢都唔會再食🤬好鬼食難食🤮🤮🤮🤮🤮🤮

今日同幾位朋友係新城市閒逛, 係幾間餐廳中見到呢間食神叉燒, 幾有港式風味, 於是一試, 一試就領野。我地叫左叉燒一丁同埋燒鵝瀨, 先講叉燒一丁, 叉燒激瘦, 而且沒有什麼味道, 放埋係個出前一丁上面, 味道同賣相都認真麻麻。而出前一丁既都可以煮到唔好食亦相當考技術, 相信大家自己屋企整亦會較出色。燒鵝瀨相對黎講正常, 係個湯極清淡, 基本上係冇味, 如果你追求冇味精, 相信會非常喜歡。結論: 食神準備既叉燒就冇咩驚喜, 反而係呢個質素下, 仲有加一服務費, 令我地一行人都非常SURPRISE 。係咁大競爭既地方, 希望店舖能提升返應有既水準。