Chor Bazare Indian Cuisine

營業中

休息中

素咖喱角今次我哋試咗呢一個素咖喱角，超級正咖喱角嘅外皮非常之香脆、裏面嘅餡料非常之紮實，有薯仔、豆粒、仲有唔同嘅香料，就連我印度嘅朋友都話好食！酸辣湯呢間餐廳除咗有售賣印度嘅小食之外，亦都會有提供泰國嘅料理，我哋都嗌咗泰式酸辣湯，飲落去酸酸辣辣，不知不覺間就會見到碗底，可想而之係幾咁好味！牛油雞咖喱牛油雞咖喱係印度嘅名菜，我覺得佢嘅咖喱香味好重，印度嘅朋友話完全係當地嘅風味！佢仲會附上一碗印度嘅白飯，同香港嘅白米好唔同，印度嘅白米會更加之幼細，口感可能會有少少嘅唔同，但係都不減佢嘅好味！印度黄雞飯黃雞飯，顧名思義就梗係黃色㗎啦，我覺得佢好食嘅地方在於佢嘅香料，真係令人食指大動芒果奶昔朋友話飲得出佢嘅芒果係用上咗印度當地土產嘅芒果，我都覺得佢同我哋平時食開嘅泰國芒果好唔同，呢個係冇咁甜，但係會有種獨特嘅香味，而佢嘅奶亦都唔係普通嘅牛奶，感覺上有少少臊味，係一個幾特別嘅體驗。——————為食分界線——————📍 Chor Bazare indian and thai cuisineG/F, 14 Sun Chun St, Tai Hang, Hong Kong推介指數 🤰🤰🤰🤰🤰(5/5)

星期五的晚上到訪這印度菜小店，就坐落在大坑，店子小小就只能坐10來人服務員就只有一人，就那個印度女生，應該是兩公婆的小店吧，服務態度不錯，不過就忙得不可開交食物：酸辣湯（雞肉）小辣帶點酸味，湯底濃稠，雞肉清淡，吃下去感覺十分健康Mango lassi 超濃稠又帶甜的芒果拉西， 入口非常甜，配上味道非常濃郁的印度菜很適合魚餅印度餐廳裏面竟然有泰式魚餅，配上泰式辣醬味道剛好印色羊肉黃姜飯非常多的黃姜飯，眾所周知黃姜消炎，配上大大粒的羊肉，口感軟稔，味道不錯青咖喱雞飯 別被他的外表騙到，這個青咖喱除了很辣，而且鹹香十足！加了不少的椰漿令他口感更濃，配飯吃非常不錯有誠意的小店，值得推介

搵食行遠D，今日lunch time去左大坑食印度野！店鋪雖然細細間，但勁有印度風味，感覺置身在係小印度咁，連職員都係印度人。淨係大坑入面已經有兩間分店，但我地今次去既係大坑新村果間，有印／泰菜食！今次同左3個朋友一齊黎食，可以叫多幾款野黎share～先黎一個湯水，酸辣雞湯好惹味，似中式酸辣湯，濃濃芫荽味，又酸又辣相當開胃。前菜就叫左份魚餅，呢個係泰式風味，同泰國街邊食果d魚餅冇乜分別。主菜就叫左幾款，分別係青咖哩雞飯，Phad thai同埋Butter Chicken & Nan青咖哩雞飯係泰式風味既咖哩，滿滿椰香，d雞亦好嫩滑，配飯同Nan真係好夾。Phad Thai 既味度相當地道，只係對比起泰式既濕，但都好味道。Butter Chicken 配Nan真係正到食唔停，d雞滲透奶油香，好滑好嫩好yummy。最後飲品我就叫左杯 Mango Lassi，乳酪控既朋友唔可以錯過，唔會過份甜，芒果味又唔會假，真係好好味。整體黎講食物素質好好，價錢亦合理，印度店員服務都好好，值得一試！

夜晚走左去大坑食印度菜，新鮮下。Hot and sour soup (chicken)蔬菜酸辣湯辣辣地，同中式酸辣湯有少少似，都係比較稠身既。Fish cake泰式炸魚餅好香口，蘸埋泰式辣醬食，仲惹味，好食。Butter chicken served with rice牛油雞咖哩配既係長條形既米，呢款咖哩甜甜地，一入口仲有種焦糖既味道，唔錯。Lamb biryani印度黃姜羊飯用既都係長條形既米，羊肉帶少少羶味，甘先似係食緊羊。Iced lemon tea同飲開既檸檬茶完全唔同，佢味道似黃色個種蜜蜂糖，好特別。

星期六晚去左很少去既大坑食印度菜。Soup: Tom kha gai (chicken)唔知係咪印度既湯係行比較稠身既路線，呢款酸辣椰奶雞湯味道似稀啲既白汁雞皇飯既辣版。Appetizer: Samosa (vegetable)素咖哩角係炸既，入面有薯仔、青豆，仲有四款醬俾你蘸，幾香口，好食。Main course: Green chicken curry served with rice 泰式青咖哩微辣，雞肉幾多，撈飯食一流，正。Main course: Phad thai泰式蝦炒河粉味道帶甜，鍾意有雞蛋，如果蝦可以剝埋殼就好啦。Drink: Mango Lassi味道酸酸地，唔稠身。

大坑有間實而不華既印度x泰國餐廳，座位唔多但志在平實唔貴！Tom Kha Gai 酸辣椰奶雞湯 最鍾意個湯椰奶味夠曬重，雞味都香，好多蘑菇、薑片、印度香料等等，味道好飲！Third Man Pla 泰式炸魚餅軟滑易咬口，加埋泰式辣醬美味小食！Butter Chicken 牛油雞咖喱呢度既咖喱偏甜唔太辣，雞件份量多。Phad Thai 泰式蝦炒河炒濕炒河賣相一流，味道真係幾泰式同偏甜，炒得夠曬火喉，推薦！Iced Lemon Tea 檸檬茶特別口味檸檬茶，唔係傳統港式或者泰式既檸茶！整體黎講黎到大坑都值得支持既小店！📸 Credit to Instagram: @mroolong

真開心又到星期五，今晚約朋友食印度菜，去大坑道新村街，細細間舖，印度餐廳但有泰國菜食，於是我哋兩樣菜式都點下：大家分享一份泰式椰汁雞湯，椰奶雞湯南姜雞湯高良薑雞湯，好滑，唔只湯滑，大大粒雞肉都好滑。一份泰式魚餅有四件，每人兩件煎得好好，好味，夾酸汁。泰式青咖喱雞，用豐富的椰奶，所以與湯一樣，很滑。終於食印度菜，羊肉香飯用印度米，長長形狀一粒粒，很有色彩，羊肉軟熟好吃，唔差。食印度菜唔可以放棄芒果乳酪，可口。

因為唔近地鐵站，平時食飯好少去大坑道浣紗街附近一帶，不過今晚朋友話事，唯有奉陪，佢介紹去食一間有泰國菜又有印度菜嘅餐廳，佢話整得都幾正宗。可能因為印度餐廳我覺得佢哋用牛奶用乳酪用得幾好同埋好豐富，我哋食咗 Tom Kha Chicken 及 Green Curry with rice，兩樣幾相似，同樣有椰奶、乳酪，所以口感很滑溜，包括雞肉。亦吃了 Fish Cake，配酸甜汁，歷久不衰的合拍。Lamb biryani 羊肉配印度香米，香料豐富，很惹味。Mango LassiIced Lemon Tea一餐最完美少不了甜，Mango Lassi 質感厚，甜美可口。

大熱天時嚟到大坑呢一度雖然要行一段距離，不過呢一度除咗充滿歷史特色之外另外都仲有唔少喺飲食雜誌又或者網站度上名嘅餐廳，絕對係又高質又chill得, 🤩地方唔算大嘅大坑基本上啲餐廳都一目了然而且絕大部份都係來自唔同嘅國家所以選擇都的確唔少。 🥳而再行入少少嘅位置就有一間泰印2合1嘅餐廳，兩個國家嘅菜式都係香料為重，的確幾有吸引力😳Sour & Spicy soup— 🥣喺泰國當然要飲返碗酸辣湯開下胃，加埋雞肉落去就更有味道。🐥呢一度嘅酸辣湯相對就比較親民，即使唔太接受到辣嘅都可以輕易嘗試， 酸度同辣度到適中，最精彩嘅當然就係大量嘅配菜，有菇類有雞肉亦有菜同埋蘿蔔絲，🥕每啖都可以享受到多重嘅食材，熱辣辣之下飲返一碗更加符合泰國風情🤤Third Man Pla— 🐟呢個即係泰式魚餅，裏面就有少少似扎肉嘅質地，當然熱辣辣去食嘅時候就更加feel到裏面嘅微小魚肉汁，🐟的確係鮮味十足，要點埋甜酸醬先至係最正宗嘅食法🐟Butter chicken with rice— 🍛嚟到印度嘅環節，相信依個都係一款印度嘅標誌性菜餚，，🍛少咗印度咖喱嘅重口味，撈飯或者撈烤餅都絕對一流🍛Pad Thai — 🍝又再

Chor Bazare Indian Cuisine地址: 大坑新村街14號地下搵地方搬屋, 本身喜歡靜中帶旺架地區, 又要方便係港島區返工, 大坑小社區成了的心目中之選。睇左幾個放租盤, 四圍行下再了解附近民生設施同生活所需, 再搵地方食野醫肚。 小店式經營架餐廳同茶餐廳都好多, 岩曬我呢D無飯家庭。Indian Cuisine 卻有泰式菜, 叫碗冬陰公湯, 濃味得來又酸又辣, 夏天會促進食慾架。魚餅就是一般食到, 中間混了些豆角同蔬菜粒, 味道偏鹹, 要點泰式甜醬先得。Green chicken curry serve with rice 綠咖哩因加了椰奶, 易入口相對無咁辣。這道也是泰國菜呢, 其待食到手做辣鮮NANN,下次要點歧印度CURRYMango lassi 就係印度飲品啦, 香甜mango + yogurt 打成架飲品, 解辣同濃味食物一流。我點架菜都比較重調味,飲一口成個人都舒服曬。有得食到THAI 同INDIAN CUISINE, 幾得意。

Chor Bazare Indian Cuisine地址: 大坑新村街14號地下係銅鑼灣運動完, 出完一身汗成個人好累要食野補充返, 係球場行去大坑比行返出天后近,去左朋友介紹架餐廳食DINNER。運動是為了食更多美食, 今餐當然要食豐富D多D份量啦, 出完汗身體要補助返鹹份架,所以有高血壓架我乘機會食重味D架菜式。飲湯補下水份先,酸辣蔬菜湯飲落去是鹹酸味,幾開胃架,又食到蔬菜SAMOSA是炸印度DUMPLING角仔, 三角型大大件, 入面是咖哩薯仔, 成大件都是澱粉質,夠曬飽肚實在。butter chicken served with rice 我好鐘意個汁, 由大量牛油同蕃茄煮成, 確實是好肥但極之滑同美味, 我本身唔太喜歡偏乾身架印度米, 如果可以跟配NANN就好啦。個butter chicken好食, 雞肉又嫩, 我伴SAMOSA食用來點汁基本上食到一滴咖哩汁都無剩。最後飲返杯Mango lassi , 爽呀!印度菜幾好食, 上面幾樣野食左$150左右

今次喺大坑試咗呢間印度餐廳，由印度人打理，除咗傳統印度菜仲 crossover 泰國菜店員仲推介新出嘅二人套餐 $200*Tom Kha Gai 酸辣椰奶雞湯其實冇咩酸辣味反而椰奶味好濃，，成碗好杰身， 不過裡面好多香葉飲起上嚟冇咁方便*Fish cake 泰式炸魚餅幾香口彈牙， 每人一件有啲唔夠喉*泰式青咖哩雞肉尚算傑身，香料適中唔會蓋過青咖哩味*Lamb biryani 焗完出嚟好香，估唔到印度米飯咁爽口乾身，而羊肉淋身帶少少騷味*Mango lassi 芒果乳酪用返印度芒果調製， 酸中帶微甜

位於大坑的印度餐廳，由印度人主理，除了正宗印度菜外，還有泰國菜式。餐廳細小，只有幾枱座位。裡面帶濃厚的印度特色，如牆上擺設、佈置及枱布等等。熱前菜：泰式炸魚餅泰式常吃的前菜小食，炸得油香。魚餅本身已經香辣，蠻彈牙，還可以蘸點酸甜醬。經典麵粉：泰式雞炒河粉 即是泰式炒金邊粉，份量大碟，有雞肉、甜椒、雞蛋、櫻花蝦。調味料的香茅略略有點老，一邊吃麵一邊吃到混合了一絲絲硬硬的香茅粒。味道甜甜酸酸，很開胃。傳統咖喱：泰式青咖哩（雞肉）新鮮青辣椒製成的青綠色咖喱，咖喱醬汁濃厚稠杰，散發陣陣椰香。食材有雞肉、泰國茄子、紅椒、豆角及檸檬葉等香料。飲品：Lassi傳統的印度乳酪飲品，乳酪打至起泡，香濃奶香乳酪味，而且有助解辣及解膩感。

Chor Bazare Indian Cuisine （大坑）同朋友去咗中央圖書館睇咗陣書，lunch就喺附近嘅一間印度餐廳食嘢☺️ 我哋入咗一間由印度人開設嘅正宗印度餐廳～Appetizers 🍘 Fish cake魚餅一上枱就好香🤩 外皮少少彈牙，裏面香香辣辣，配埋甜酸醬更好味😋Main Course 🍝 Phad thaiPhad thai非常正宗，而且仲好大碟！裏面仲有蝦、魷魚、青口😳 蔬菜方面有甜椒、生菜、菇等等，好足料！ 我哋鍾意加埋青檸汁食，咁就冇咁甜，而多咗啲清新嘅酸味🤗Drinks 🍹 Iced lemon tea大大杯檸檬茶，估唔到咁大杯咁足料，有成4片檸檬😙

Chor Bazare Indian Cuisine 早前同朋友去銅鑼灣行街，行到大坑附近落大雨，即刻入咗間餐廳避雨，誤打誤撞入咗呢間由印度人開嘅正宗印度餐廳，估唔到又幾好味😋！Soup 🍲 Tom Kha Gai ($128)呢個係「酸辣椰奶雞湯」，一上枱就超級無敵香，應該係啲淡奶嘅香味🤩 呢個湯係唔酸唔辣嘅，反而會甜甜哋，好creamy，啲雞都好滑，份量仲好夠多😋Main Course 🍛 Butter Chicken ($128) 呢個係印度傳統咖哩：「牛油雞咖哩」，佢配埋一碗白飯，個飯比較我哋平時食開嘅長身、粒粒分明😙 呢個白飯配上咖哩汁食真係超夾！ 個咖哩又香又creamy，仲有好多雞肉，足料！🥳Drink 🍹Mango Lassi ($20)呢個係一個芒果乳酪飲品，好香奶味同乳酪味，好飲，如果食咗辣嘢仲可以解辣☺️