Ciao Ristorante Italiano (已結業)

一間半自助式的意大利餐廳，服務不錯，環境也不差，食物也不壞～＜生牛肉＞配上綠色的豆豆，豆豆有點酸，牛肉切成薄片，吃上十片都不覺＜漏＞．呢個我最鍾意．仲有：＜鵝肝醬蕃茄多士＞間唔中先有既＜南瓜湯＞＜墨魚汁天使麵＞＜焗蠔＞食物唔係樣樣都好，但當然會有幾款必食之選．

雖然食物不是樣樣都很好，而我也不懂得評論她的意大利菜是否正宗；但我很享受整個過程：小小的份量，不同的嘗試，有喜也有驚。也要特別提一點：我相信他們的伙計已不同了，服務很好。喜之選：生牛肉(連埋粒豆豆食)焗蠔焗茄子鴨肉扁意粉(好香，雖然肉少少"鞋")羊脾肉紅酒燴牛尾甜品驚之選：田螺<--太"林"魷魚<--太"硬"豬柳<--太鞋就只說這麼多吧，有時對於「食評」的感受也很矛盾，好的是有點指引，壞的也許會失卻了驚喜。=)

同女友香港一日遊，遊吓遊吓嚟到深井。上次嚟去咗裕記食咗隻難忘嘅燒鵝。今次轉轉口味食西餐...環境幾開揚舒適，細望D擺設，好似有D似曾相識，但一時又唔肯定係唔係...簡單叫兩款set。湯只係普通嘅忌亷烟肉碎湯，真係好普通；麵包反而有D心思，乃係三文魚及鵝肝醬伴蕃茄粒多士，俾普通包水準當然高一皮，不過味道當然冇得跟以前西貢嘅Firenze比la...Salad亦只係普通雜菜沙律，冇乜特別...女友揀食辣牛肉條伴茄醬意粉。粉淥得算唔太淰，但又唔算al dente，ok la；配上茄醬及微辣嘅牛肉，幾開胃...自己就要個肉眼扒配黑椒汁。牛扒煎得過熟，唔tender；反而個汁夠辣，黑椒味算夠，蓋過肉嘅不足，不過若個汁再杰D會更好...忽然靈光一閃。埋單時就問個侍應佢哋以前間鋪係咪係佐敦。佢好驚訝問我點解會知道，我就答佢因為個装修及牙簽筒似曾相識..^_^記得以前佢哋嘅一道Foie Gra pasta非常出色，但單憑呢次lunch嘅水準又覺得退步咗好多...可惜...

我黎過好幾次, 但都未試過有其他食評咁差的待遇喎. honestly speaking, 我覺得幾抵食架. 佢份量細,係等你可以試多幾款食物, 而唔會食幾樣已經飽晒食唔到其他野, 我好appreciate 架, 如果你想要大碟d, 可以同侍應講架喎. 好似我想食唔回本的意大利粉怕太飽, 就叫侍應落一人份量, 佢都會照做. 飲品要求走冰又次次都照做無問題, 其實佢地幾flexible 同友善, 我唔係熟客黎架, 因為幾個月先去一次. 我覺得最好食的有以下幾款:- 鵝肝醬多士- 各款沙律- 焗蠔(其實可以一次過order 多d架)- 燒牛肉w/ 吞拿魚汁- 生牛肉- 牛肚意大利飯- 忌廉奶凍(exactly 個名唔記得).....etc.大家係咪比較怕羞呢, 我會一次過叫六七樣食物架喎...無問題oY.... 唔錯bor....

住係深井附近咁就同我bf去食下啦~~~個度間間都有個人係門口招呼人,但上次因為食過所以今次食第二間,我bf就好鍾意kcal 但一心試新野嘛~~個度又任食貪心咪走去食下囉~~~貪佢樣樣都可以試少少!!唉~~~~~~~~~~~~~~叫左幾樣野碟碟都好大隻碟!d野食就係隻碟六份之一!!!所以我地就係咁叫喇~~但係除左意粉比較好食d之外............其他都唔想講!好心唔好浪費d碟啦~~次次都比一大個碟!得個2粒肉!睇見都覺得唔好意思叫野食!佢個主菜???豬柳就好似五香肉丁d味咁,唔知叫特別定平凡啦~~~叫2杯野飲都冇味--我叫iced cholocate,bf叫咩咩蜜桃茶!我成杯都冇飲到!我想投訴,但費事比人覺得我自己叫左唔岩飲,就係度嘈!!我地只係求其食飽左就算喇~甜品我叫意大利蛋糕>.<""我今次好後悔黎呢度食!!!早知去番kcal!!!!而且d waitress又有時個個企埋一面,有時真係有d覺得佢地唔夠好!!!走個時間間野都會同你say goodbye好似博我下次黎咁!講真下次我都會去其他個幾間試下!因為佢地好大方好有禮貌!

Only one word for this restaurant 'BAD"Bad food, bad services & bad feeling.Although i have VIP card since Yr 2001, but now, will not go la!!!Opening, the food was good & the services was nice.The $138 buffert, the food really not like Italy style. No drink provide,it must paid $28. + 10%, alomost $200 per one. not cheap !!!

平時都有去食lunch，味道唔錯，份量都足！至於buffet dinner，款式算多。但係某ｄ頭盆就麻麻！但係價＄略貴。

去一間常去的餐廳，就算老闆不在，其他人仍然認得你，所得的招呼亦不同。其實，每次也總光顧不同食肆，如何建立一個關系？這是雙向的，別以客自居，尊重別人，自然得人尊重，係欣賞這裡老闆Joe的性格。一手好菜，一份堅持，只供識貨的人欣賞。

同朋友去食, 朋友未食飯而我食左小小野, 星期日晚竟然冇set dinner, 係都要人食佢個所謂buffet, $138 +10%, 唔去都去左心諗睇佢裝修應該都不是太難食, 就本住一試無妨去試下啦,點知惡夢就係咁開始。好啦見到menu上面幾十款野食有頭盤沙拉主菜, 仲可以任叫, 就叫左下面幾樣:香草焗田螺: 冇咪, 我唔覺得佢係焗囉, 應該係白灼紅酒燴牛尾骨: 有紅酒咩? 我食落同茶餐廳d 蘿蔔牛腩一樣味墨魚仔墨魚汁意粉: 又係冇味, 應該係d墨魚仔同意粉求其用水烚熟再用d所謂墨魚汁撈埋就上碟其他d野都係求求其其，總括就係d野除左個名之外冇一part係意大利菜,冇咩邊樣野有驚喜同值得回味,講真飲埋野連service charge達成200蚊一個食d咁既野真係...除非你好得閒(專程入去深井)同嫌錢腥, 如果唔係我勸你都係去大家樂食個扒餐可能仲開心d。

和十多個朋友們到深井探望一個剛剛生完BB 的朋友，臨到她家前，先到這間CAFE 吃午飯。這裡的SET LUNCH 由$38-68 不等，我叫了一個茄汁豬扒意粉餐($38 + 10%)，頭盤是鵝肝醬多士，粟米忌廉湯，茄汁豬扒意粉和餐茶。除些之外，我們還叫了焗蠔。雖然我覺得鵝肝醬的味道不是太正宗，我還笑說是不是鄰近燒鵝店不要的鵝肝做的？！但以這個價錢已經算是不錯了！餐湯就一般吧！ 豬扒意粉也是一般吧！

第一次去食,Total三個人,食之前係無睇過任何食評o既環境一般啦,就算室內都有蚊而且空間唔夠大, 一人多就幾嘈食方面,點解我話印象最深就係田螺呢??因為大大隻碟,上面只係得五粒田螺,賣相其差!!最差都係碟雜菜,成碟所謂o既雜菜甘荀佔o左九成....食o左好多o野都唔覺有一味係可以回味o既會唔會再去?我都唔知....

約左BF去荃灣睇戲，買左5點場剩返太多時間lu，所以就去深井搵野食~ 一去到，見到一系列西式餐廳，包括法式o既Kcal、俄式o既新皇后餐廳、美式o既Cowboy Brunch&意式o既Ciao~ 經過比較之後，發現無論係環境或菜式variety都係Ciao最正，就去食左一個好豐富o既lunch~ lunch set由$38至$68，每款都包括意式溫室沙律、三文魚蕃茄蒜茸飽or鵝肝醬蕃茄蒜茸飽、芝士焗生蠔&是日餐湯，每一款appetizer都好唔錯ga~ Main Course我o地要左鮮茄牛肉扁意粉&紅酒什菜鴨腿飯，份量好足而且新鮮熱辣，味道都幾好~ 最後我仲嘆左杯幾香滑o既奶茶，絕對滿足哂~ 真係好抵食，睇相：http://community.webshots.com/album/310163504KCFeLe?996

食物還可以,service very very bad, EQ 既就去la !

今年我去左試下佢既聖誕大餐，成250位，以佢既地點及名氣，價錢就貴左少少，不過即管可以一試。論味道，只有個鵝肝比較好味，其餘的都只是一般。而且佢拎每味菜上枱時也沒有替你放在適當的位置，只是放在枱 面上就算，以咁既價錢換這樣的服務絕對是不合格的。這間餐廳的面積也不算大，所以談話時會給人家聽到，如果你是打算拍拖去的話便不太方便了。

食物水準OK, 甜品幾好味.服務態度係我見過之中最差既, 如果唔係親身感受, 好難相信. 我去之前都有睇下openrice食評, 都知道服務態度差架喇, 果然閒名不如見面, openrice既評語都好中肯, 除左埋單, 未見過佢塊面唔係黑既, 如果咁好彩叫到佢埋黎, 每次order都好似求佢俾野我食咁, 就而且好悔氣, 會好大聲咁問/答你要乜, 你可以想像下黑口黑面而又好大聲講野咁問你要食D乜, 好似拍戲咁囉, 又好似有個大傻咁既人serve你囉.我一D都無嬲, 正所謂人一世物一世, 乜都要試丫嗎.走果陣都睇多兩眼, 因為我唔會再去.大家如果想開下眼界或測試自己既EQ, 一定要去.可能佢地咁岩心情唔好啦.P.S. 我唔係佢Competitor