Delicious (已結業)

年頭開果陣已經聽過呢間舖，不過都係咁啱得閒先入去試下 openrice個簡介係寫第二層，其實即係一樓(第一層係地下無誤XD) 入得黎當然係食熱狗啦，不過都有好多款架 而小弟就要左甜蜜蜜蜜糖腸+日式BBQ醬，另外加個飯球 其實腸就冇乜所謂，不過BBQ醬就幾新鮮 熱狗可以跟餐，不過果日唔係好想食炸野，所以都係放棄 咁啱舖頭得番一個人，所以都要稍為等一陣，之後就當然係迎接美食啦 甜蜜蜜蜜糖腸熱狗配日式BBQ醬 ($25) 個人對包就冇要求，反而BBQ醬真係好突出 一黎已經多到瀉，二黎隻醬係有啲酸甜嘅感覺，平時食熱狗食黎食去都係果幾隻味，今次真係大開眼界 除左醬之外，腸都係熱狗嘅精粹，不過BBQ醬真係好突出，所以唔係好食得出蜜糖味，但係粗度搭番夠 意式蕃茄炸飯球(4粒) ($25) 飯球除左有飯，當然仲有啲蕃茄(好似係XD，事實上我食唔出中間溝左啲乜) 啲料炸完之後癡埋一舊，就算咬一半都唔會散晒，最緊要係冇油，食落比較易入口 $25得4個乒乓球咁大嘅飯球真係有啲唔夠喉，不過佢做左咁耐都係呢個價，係物價不斷升嘅時代都算可接受 最

屯門的華都商場多年來都屬次屯門市中心群廈中，較二線的商場，但近年市廣場大幅加租下，不少連鎖店轉戰華都，所以從前二手書店 的暗黑氣氛不再，大通道的一層都是連鎖店的天地，人流多了，而一樓就全是電子產品、旅行社和小食店的聚集地，旺丁又旺財。 在電梯口近期見一間頗有heart的熱狗小店，其實在這地段開小食店真的超大競爭，但一開已經人流不斷，可見熱狗非常有市場，附近都是魚蛋燒賣炸物碗仔翅等。 價錢不比九龍區便宜，但香腸選擇夠多，也有不同的醬汁可選配。不過可能大家都被IKEA 寵壞了，想要茄汁的時候又想要Mustard，但這裡只跟一款醬汁，另外一款要加$1 ，如果想要肉醬、芝士醬的話就要加$10，大家可以衡量一下，見相片都應該幾飽肚香港人都是貪吃的，心思思想食熱狗又想食薯條，見到加$12 combo，雖然係薯角都照殺 通常一間新店都會先試最基本ge食品先，蜜糖腸配茄汁，面頭再灑了些香草，如果不好香草的朋友，可以落單時說明。在小店旁邊就可以看到廚房的運作，一人主力落單，一人主理食品，重複的工序早就熟練得很，煎包，烘腸，夾包，擠醬都快而細心，醬汁一定不會Z字型的大條道理在麵包外面。香腸皮脆得有卜一聲

出奇地,屯門也開了一家可以自選腸的熱狗店!知道消息後當然要第一時間試試.店鋪細細,畢竟食熱狗專門店係香港地都唔會大大間,門前一個收銀機入面就是廚房,傍邊一格小空間可以坐著吃的,不然就外帶回家.兩個男士一個主力負責收銀,一個就主力做熱狗,店員都很禮貌,感覺很頗有熱誠.熱狗是可以自選腸款及醬汁的,有點可惜的是麵包未可以作自選,否則就更完美了.腸款有分開$25及$28的款式,第一次點就要了香草豬肉腸,由於有四款醬汁,花多眼亂,唯有多給$1要兩款醬,經典的茄汁加芥末醬的組合.店員示意等五分鐘,唯有走走其他店回頭再取.回家後當然是立即試味!先講講麵包,雖然只是普普通通的質素,但烘得很香,看到上面焦焦的也感覺到的.腸是熱狗的靈魂!這家店出品的熱狗都很著重腸的質素,SIZE很巨大,而且一咬下去還流著汁,味道剛剛好,不會過鹹,豬肉香而不膩.腸衣比一般其他的香腸硬及脆,應該採用天然的腸衣的!醬汁方面不得不提這店的芥末醬,不是用英式的黃芥末,而是有點日式口味的,相信是自家調的.如果想要經典的芥末口味則有點失望,不過我喜出望外試到獨有及可口的就口味!!小店要繼續努力!支持!

襯有空閒時間, 到屯門市中心走一趟, 剛巧經過華都商場, 就看看有什麼小吃填一填肚子.Delicious, 名稱很普通, 但主打屯門區不常見的熱狗和意大利飯球, 就試一試.1) 煙燻辣肉腸配柚子蜜糖芥末醬及香辣蒜蓉醬$28:腸: 先說辣肉腸本身, 微辛帶鹹香, 感覺上不算辣, 記得多年前在綠野仙踪吃的台式辣肉腸就真的很辣了, 可能現在已經吃慣辣, 變得麻木. 個人認為醬汁完全滲進腸身, 味道不夠濃烈, 豐富. 肉的煙燻味道及質感亦未算突出, 肉汁就剛剛好.包: 本來打算不要包, 但要麵包只是減$5, 而且單吃香腸未免太鹹, 太膩, 所以還是要了. 麵包重點是烘得夠不夠香脆，因為很影響熱狗好不好吃。不過這個麵包的包邊不夠焦，不夠脆, 較普通.醬: 職員在新張期內, 免費給我選了兩款醬, 蜜糖芥末醬及香辣蒜蓉醬. 本身就沒有期望, 因為就不會失望, 卻帶來了驚喜. 先說柚子蜜糖芥末醬, 廚師先生說是自家特製的, 用舌尖一點, 酸中帶甜, 頓時感到很開胃, 平時在街市吃到的, 大多只是蜜糖芥末醬, 而Delicious 加了柚子在其內, 除了為這個平凡的醬帶來清新香味, 微酸亦為這個醬帶來開