Délifrance (愉景新城)

營業中

休息中

Delifrance推出回收計劃，將已清潔之Delifrance旗下指定品牌金屬罐或其他品牌月餅金屬罐連同金屬蓋到全線Delifrance分店回收，每回收1個金屬罐，可獲贈Delifrance $50禮券1張。有禮券去食買左流心芝士熱狗+迷你火雞片鮮蘑菇湯長通粉+三文魚炒蛋+包+白糖衣吉士忌廉軟心冬甩+紅糖衣紅果子軟心冬甩。迷你火雞片鮮蘑菇湯長通粉+三文魚炒蛋+包，蘑菇湯有火雞和粟米粒, 好香，長通粉軟硬適中，味道好！炒蛋好嫩好滑, 加三文魚, 好味。流心芝士熱狗，鬆軟嘅三文治軟包、珍寶腸配上清新番茄同火箭菜再加埋香濃車打芝士汁，一啖咬落去….好Juicy 呀~白糖衣吉士忌廉軟心冬甩+紅糖衣紅果子軟心冬甩，口感較綿密濃郁加上上層脆卜卜的,簡直連食2個。

星期日去愉景新城購物完就搵晚餐食啦搵左位之後再點餐點左一份龍蝦汁煙三文魚燴飯+ 餐湯+ 芝士西蘭花 🥦 + 一杯飲品熱檸蜜 $107芝士西蘭花太過濕，焗完還有很多水在底，而且仲夾雜左一粒硯肉餐湯係羅宋湯味道比較淡龍蝦飯不過不失餐飲方面熱檸蜜叫咗少甜但係都係超級甜

平時係屋企附近都見到呢間店，外表高級，價錢更高級，一直都唔敢入。但係最近多左張50$ coupon 可以一試每一個餐都可以跟一個湯，通常都係70$ up，或者一湯一飲品，80$ up。我叫左個雞肉蘑菇意粉，加一個薯容，一個包，一個湯，一杯熱水果茶。首先，個湯同我expect個味唔一樣，以為係酸酸甜甜，好易入口，原來係得個酸字。2，個main dish，好膩好漏，食完好濟，個汁又唔係特別有味。不過有樣野都值得讚係啲雞肉好大舊，足料3，薯蓉，就係普通一個薯蓉，屋企買個薯仔擺落去焗一樣，但係收27$總括，價錢收咁貴，食物又唔係好食，唔成正比

因為朋友有張$20 coupon,所以就去試下，我叫左個蘑菇粟米長通粉配芝士炒蛋包，仲包埋飲品，我叫左杯芒果橙茶，味道似羅拔臣喱哩粉味，芝士炒蛋包新鮮出爐，好夠熱，通粉湯底淡味，好適合小朋友食，不過因為下午茶餐，份量較少，大食量既朋友可能要叫兩份

計一計又是時候去搵荃灣既好友來個飯聚 不過原來星期六日想係荃灣搵食都係比較難 大概是荃灣人口開始增長友人一家三口要顧及BB 想坐得舒服又唔想比人趕走 一行四人浩浩蕩蕩走到DélifranceDélifrance主打輕食西餐 食物味道不算太濃 都適合BB一起進食 點了二人套餐再外加一個晚餐 套餐有前菜、主菜、飲品同甜品焗雙芝士西蘭花 前菜份量不多 而且芝士亦不算多 食落芝士味不算濃厚 有點失望 凱撒沙律 跟坊間食的沒有大分別 同樣地都是份量細 三個人只能每人淺嚐點 吃得不太夠 滋味焗薯 算是正常分量 薯仔味道濃郁配襯芝士及煙肉碎 芝味香濃 滋味口感提升 肉醬千層麵配薯蓉 新鮮焗製 千層麵煮得軟硬適中 口感層次分明 面層是厚芝士 食落有飽滿肉醬口感 茄汁鮮香帶甜  配合牛油味極濃既幼滑薯蓉 味道別有一番風味 仲好飽肚 鮮菠菜三文魚芝士汁燴飯 鮮菠菜加上三文魚 配合起來好合拍  毫無違和感食落唔覺有腥味 雖然混合咗芝士汁但都唔覺油膩 頗討好 雲呢拿雪糕伴法式蝴蝶酥 蝴蝶酥鬆化唔硬  入口香酥普通雪糕口味 不過伴著蝴蝶酥一併食份外好吃 熱有機檸檬綠茶 味道算是不過不

今日叫左芝士熱狗餐、法式三文治餐、三文魚炒蛋牛角包配蘑菇通粉，另配4個包點。唔經唔覺好似叫得比較多，三個人最後真的食不完。法式三文治真係超級推薦，三件三文治也是不同的口味，每一款味都唔錯， 當中有我最鍾意的碎蛋。煙三文魚炒蛋好好味，炒得好香，唯獨通粉煮得有些硬，而芝士熱狗亦是我的至愛，芝士味超濃，芝士控必要一試， 而4個包點不過不失，當中玉桂味的那一個包點，好香，希望玉桂味值一得一試。總括而言，環境及食物也不錯👍

早上到荃灣工作，從地鐵站行15分鐘到愉景新城食早餐。之前同事提議我去delifrance 食長通粉，說很好吃。此店在戲院門口的轉角處，店面本不大，但在店外有擺放桌椅，可容納更多人。早餐近10個選擇，最終選了烘芝士炒蛋小班里尼包，配迷你有機鮮蘑菇及香甜粟米蘑菇湯長通粉。烘芝士新鮮夠熱，入口即溶。感覺芝士同炒蛋隨著包一開二而分開了，起初吃不到炒蛋。但半硬不軟的面包配搭不錯。長通粉比我期望的遜色，因為長通粉無味，拌著蘑菇，粟米吃有點怪。咖啡挺香濃的，飲完好醒神。

星期日荃灣食野真係好恐怖，超爆多人！但delifrance 算叫易d搵枱，一黎都可以搭枱丫ma,仲要有幾多bb櫈tim!我地坐低好快叫左個二人餐，但唔記得映低，百幾蚊有哂前菜主食野飲同甜品，都唔錯！首先就d前菜拎左先，其他就等個call機飛碟響先去拎，本身想叫個焗薯批，但無哂！好失望！咁轉左叫白湯同芝士西蘭花，份量其實較少、味道就普通不過不失～野飲叫左個芒果檸檬梳打，仲加左6蚊要個乳酪畀個女食首先黎左個煙三文魚卡幫尼煙肉扁意粉，煙三文魚得3片，意粉老公嫌硬，但其實唔覺，幾有咬口，我女三歲半食都無問題，仲幾鐘意食tim,味道唔錯既！肉醬千層麵焗薯，幾好味，佢有個自助counter可自取芝士粉加落食物度，略嫌係肉醬d肉少d,係茄汁多最後個蝴蝶酥雲呢拿雪糕，蝴蝶酥個樣睇落係差d,但我女都食哂，都ok既，雪糕都幾大球、幾抵食啦le個餐服務員執枱都幾快手

每次來幫襯主要都係為左拎泊車票😂係愉景新城想搵間西式早餐，其實冇咩選擇，除左佢就係麥記。用餐環境都幾舒服，商場唔係太多人，食物基本上都幾普通，唔算特別出色，但除餐附送的咖啡就比較難飲，不過今次試下錫蘭奶茶又幾有驚喜

今日同朋友行街在愉景新城午餐，delifrance是不錯選擇。椰香雞焗飯。雖然等得耐。但香濃磨菇汁和烤雞肉質細滑。我最喜愛加大量芝士粉伴着一起吃，而且可以加沙律和飲品。友人點了黑松露帶子意粉，有點淡但勝在帶子新鮮肉質彈牙，意粉掛滿醬汁。蜜桃達好好味用餐坐位舒適，環境清潔。服務員有禮。

假日帶住小朋友去到啲 DPark ，幾個family,一行十人真係唔多選擇，貪佢呢度有大枱。等左半個鐘，終於等到有幾張相連枱。排隊去買嘢食真係排咗好耐，而且人流多，出餐安排極度混亂。我個餐唔知點解同另外一個人嘅餐擺埋一齊，好彩係識嘅啫。而且個餐出咗好耐，我個牌都冇響過！但係講返食物質素又真係好好嘅！叫咗個黑松露蘑菇意粉。黑松露好香，冇糕都好好食。個忌廉汁香濃，小朋友食到唔停口，1+1 配飲品。職務咖啡都香濃，真係唔錯。咁嘅價錢。算好好啦！

Delifrance 皇牌下午茶推介$48迷你火雞片鮮蘑菇湯長通粉+三文魚炒蛋+法國貴族牛角酥+飲品一杯蘑菇湯底好香濃, 湯面上有一塊薄薄的火雞和粟米粒, 長通粉煙煙靭靭, 因為蘑菇湯底好味, 所以不需要配料也把整碗吃掉..🤗🤗炒蛋炒得好嫩滑, 好有蛋香, 配埋半熟的三文魚, 好惹味。可以自由配搭牛角酥或者法國包,牛角酥皮一層層, 外皮鬆脆, 內裏軟綿綿， 入口香濃牛油味， 不需要再塗牛油了。餐茶叫了一杯熱奶茶 (+$4可以 upgrade大杯)， 奶茶調味不錯， 非常滿意。

四五點呢啲尷尬位成日都好難諗食乜，食lunch又too much，但食dinner又太早。行開去愉景新城見到有delifrance，都係三四十蚊一個下午茶，抵食過lunch好多意粉份量正常，烤雞真係如圖一樣有四大件。但味道好淡，聞落有菇菌香，食落完全無味，落足芝士粉都於事無補多士口感幾鬆化，脆身、唔會烘到太硬，如果芝士再多啲會更香口，好在有煉奶搭夠跟餐可以揀有機水果茶，有芒果橙/蘋果/雜莓，我揀左雜莓，莓香突出，紅茶底味道濃厚解消滯。食落無咩芝士味，反而似雜果蛋糕，質感都唔夠實，一吉開層次分離。值得讚賞係店員服務態度同緊急應變非常好，以客為先。我唔小心撞跌左杯茶打爛左，原先負責收銀既後生仔即時掃走玻璃碎，仲關心我有無受傷先，感動之餘都勁唔好意思😭😭😭

今日去左屋企附近嘅Delifrance食早餐 見到佢個menu都有幾多選擇同佢有好大個麵包櫃 本身好想好想食佢個白汁碎蛋法包 係童年回憶 可能係太耐冇去 店員話碎蛋包 只有軟包😭 但實在太鍾意白汁碎蛋 所以就額外加咗個嚟試下軟包好冇食😛 我地總共嗌咗三個餐 分別係烤雞鮮蘑菇香甜栗米及煎蛋蘑菇湯長通粉 意大利黑松露醬炒蛋配炸亞拉斯加珍寶魚柳及法國貴族牛角酥 同一個包個包好鬆軟 入面嘅白汁碎蛋同以前一樣咁好食🤤烤雞鮮蘑菇香甜栗米及煎蛋蘑菇湯長通粉 份量幾多 而且有好多粟米🌽意大利黑松露醬炒蛋配炸亞拉斯加珍寶魚柳及法國貴族牛角酥 黑松露炒蛋好似太熟 唔夠滑 牛角酥好香脆😛 魚柳味道唔錯 但略嫌太細嚿星級全日早餐 有炒蛋 炒蘑菇 番茄 香甜粟米 煙肉 珍寶腸 炸亞拉斯加珍寶魚柳及法國貴族牛角酥 其實同上面都近似 但望落豐富得多🤤整體都唔錯嘅 下次會再去😬

之前中秋節參與回收月餅罐活動, 換了一張$50 coupon, 於是和太太往荃灣Delifrance食dinner, 我們點了拿破崙西蘭花鮮磨菇意粉配忌廉蕃茄湯和熱lemon water和烤雞野菌長通粉配熱鮮奶咖啡。拿破崙菠蘿西蘭花鮮磨菇意粉拿破崙醬汁鮮甜開胃, 菠蘿食落鮮甜,西蘭花和磨菇食落爽口, 意粉食落爽口, 整份拿破崙西蘭花鮮磨菇意粉食落足料, 份量十足, 忌廉蕃茄湯蕃茄鮮甜, 忌廉香滑, 整碗忌廉蕃茄湯飲落開胃；烤雞野菌長通粉烤雞肉質鮮嫩, 野菌食落爽口, 長通粉食落熱辣辣, 整份烤雞野菌長通粉味道適中, 最後熱鮮奶咖啡, 咖啡味道香濃鮮奶味香滑, 餐廳食物美味, 份量十足, 有$50優惠券只需$100,我們食了一頓美味晚餐。