Dirty Skillet

營業中

休息中

之前見過唔少人介紹呢間餐廳果時已經好想黎，自從係附近番工終於有機會試下🥰入到餐廳好似去左主題樂園咁🎠正中間仲有個旋轉木馬型嘅餐檯，少女心滿滿，打卡一流今次見Lunch Set都有幾多選擇，價錢合理性價比高，值得一試Lunch set 可加$20 配是日精美沙律/餐湯及蒜茸包今次揀左煙三文魚沙律，蔬菜新鮮，煙三文魚大塊帶鹹香，配上櫻桃番茄酸酸甜甜好開胃主食叫左ALL DAY BREAKFAST，材料好豐富，有炒蛋,薯餅,紐倫堡豬肉腸,車厘茄,炒蘑菇,煙三文魚同蒜茸意大利包! 煙三文魚食落帶鹹香，蒜茸意大利包外脆內軟，車厘茄鮮嫩多汁，紐倫堡豬肉腸香而不膩，值得一試值得一讚佢哋啲嘢飲真係幾靚，好岩用嚟影相今次叫左杯fresh grape and apple yogurt soda，賣相好靚滿滿青提香甜清爽

迎來生日Week呢所以今個禮拜特別多飯局🙈 今日約咗朋友嚟到筲箕灣呢間打卡風滿滿嘅Cafe😊🔸Hairy Crab Coral Baked Scallop, Mashed Potato呢個焗扇貝係季節限定嘅菜式😚 面頭用蟹粉黎調味 而底層用薯蓉去襯托 我最鍾意佢調味唔係好濃 但係有淡淡的牛油香味 同埋保留左扇貝嘅原本嘅鮮味☺️☺️ 🔸Pork Knuckle with purple cabbage and homemade apple relish呢個脆皮德國豬手真係不得了‼️ 份量非常大份 估計有三至四人份量🫢 外皮炸得非常香口同埋好脆 但係入邊嘅皮脂 & 肉仲係好軟嫩😮服務員仲會即刻幫你切開隻豬手 切到細細舊就好方便分嚟食 唔使自己郁手🤭 另外一讚嘅係佢嘅配菜 包括有紫椰菜同埋Homemade 蘋果蓉 兩個都有微酸嘅味道 配埋鹹豬手真係一流 👅 或者唔鍾意配酸酸哋嘅配菜可以考慮點芥末 同樣出色👍🔸Fresh Grape Apple Yogurt Soda賣相非常靚嘅一杯飲品 面頭鋪滿切開咗嘅提子粒 而青蘋果味配埋乳酪真係好夾 平時出邊舖頭好少見到呢個 combination🔸Pineap

環境：7.5/10以夢幻為主題，令人有一種身處旋轉木馬之中，浪漫極了💕食物：7.5/10Baked Scallop (3 pics) $138大閘蟹special menu😘帶子加上蟹粉蟹肉相當鮮甜，底層仲有薯蓉吸收海鮮精華，正😍Broccoli Pizza $68🥦🧀原個蘭花焗芝士加煙肉，賣相吸引，芝士控留意啦🤪Burrata Pizza $198同樣有芝士🧀一大舊水牛芝士，店員仲要幫手分埋，一啖咬落去成口芝士，齒頰留香，但唔會掩蓋醬料同ham嘅香味🤗Taiwanese Fruit Tea $65 & Dirty Cookies & cream $58水果茶🥭相當足料，味道相當清新而唔會太甜🍪 Cookies & cream奶昔口勁細滑，而且賣相玩味十足，打卡一流😜Baked Alaska  $88火焰雪山表面棉花糖燒得勁香，配合中間雪糕一冷一熱衝擊味蕾🤪💰性價比：8/10 人均$300左右，環境同食物質素相當唔錯，價錢公道，絕對值得大家一試😆

餐廳裝修好靚，位置闊落，最岩約朋友 飲杯野傾下計食飯。勁推薦soufflé omelette ，口感唔會過於甜膩，一個人都可以直接吃曬一整份，整體奶味濃郁，蓬鬆柔軟。尼度噶舒芙蕾基本都好好食。酥皮焗周大蜆忌廉湯，尼個都好值得推薦，酥皮好鬆脆，沾埋個湯口感好特別。

Dirty Skillet今次要介紹喺筲箕灣一間好夢幻有旋轉木馬型嘅枱嘅cafe叫「Dirty Skillet」，呢間cafe有兩個入口，正門門口有一級，側門就有斜路，絕對方便輪椅人士入去幫襯！1.壽喜燒牛肉PIZZA$198（9.5/10）超級欣賞呢個pizza個皮，原來佢哋放喺一隻好多窿嘅碟上面一齊焗呢個pizza，令到呢個pizza夠煙韌夠軟熟，pizza面上材料又非常豐富，材料包括有嫩滑唔韌嘅壽喜燒牛肉、一隻溫泉蛋、紅洋蔥、芝麻、青蔥同拉到絲嘅大旺芝士！2.墨西哥脆餅配四川麻辣手撕雞（2件）$78（9.5/10）呢兩個墨西哥脆餅真係咬落非常香脆，原來入面配上四川麻辣手撕雞，又辣又脆呢個配搭真係好好味！3.Dirty Cookies&Cream$58（8.5/10）未飲已經覺得隻杯好靚，先食一塊朱古力oreo，再飲成杯好滑好香嘅朱古力忌廉鮮奶，好好飲！4.Dragon Hat$58（8.5/10）呢杯係火龍果梳打，飲落有淡淡火龍果味，雖然甜度有少少甜，反而上面果舊火龍果果肉就唔會好甜，火龍果果肉無搞爛放喺梳打入面，切圓形放喺杯上比食客慢慢食，好唔錯！2人總共價錢$431，有加一服

朋友一早已經想食呢間，見佢生日就訂咗位，呢度非常之有少女心，有個旋轉木馬好吸晴，呢度嘅飲品每一個都非常可愛。另外呢度仲有盲盒可以抽，抽中黑色熊仔就可以拎走一隻公仔，小朋友一定好喜愛。意大利頂級布袋水牛芝士薄餅布袋水牛芝士味道濃郁，口感Creamy，火腿咸香味適中，薄餅好有咬口。我哋每人都叫咗一杯嘢飲，一個係火龍果，一個係菠蘿，兩個都非常之靚。味道香甜，非常解渴。我地叫咗一隻豬手，店員會幫我哋切開一件件，豬手外皮脆卜卜，肉質軟林，味道啱啱好，唔會過咸。

之前試過Dirty Skillet Lunch Set已留下好好印象，今次決定去試下佢主菜menu✨成間餐廳以夢幻樂園為主題，中間有嗰旋轉木馬🎠嘅座位，加上落地大玻璃，打卡一流👍🏻。餐廳環境闊落，坐得幾舒服，完全冇壓迫感❤️❤️有選擇困難症，照住佢Must Eat List 去㨂就岩啦🤤：No.1 Burrata Cheese Pizza🍕🔸將幼滑、奶味香濃嘅布袋水牛芝士，混入鹹香嘅Parma Ham及香腸，再用意大利醋平衡返Pizza嘅膩，味道豐富，口感多層次，仲要薄餅內軟外微脆，係我試過最好食Pizza之一😋🥇No.4 Flaming Cheese With Garlic Focaccia🔸店員將酒倒落芝士內，再點火令芝士🧀燃燒變軟，大家記得要襯熱食，因芝士凍咗會冇咁軟身！將熱辣辣拉絲芝士&酸酸甜甜嘅杏脯醬放上蒜蓉味濃嘅香脆意大利包，係一個又好睇、又好食嘅菜式💥食完濃味嘢，當然要配杯Fresh飲品，2款心心眼😍特飲，都好值得打卡！🍍Pineapple Hat: 新鮮菠蘿汁配雪碧，味道酸酸甜甜，每啖都飲倒菠蘿肉！仲有大大塊焦糖菠蘿俾你慢慢品嚐，正👍🏻🍏Fresh Grape & Appl

餐廳：Dirty Skillet地點：筲箕灣形薈地下菜式：西餐餐牌：星期六午餐時間有早午餐餐牌，主菜10選1，加$25包是日餐湯或沙律同咖啡或茶，加多$10就有指定特飲。原來呢度叫Dirty係叫大家放低儀態用餐。煙鴨胸沙律 是日沙律係煙鴨胸沙律。煙鴨胸有2/3片，伴有新鮮沙律雜菜，青瓜片，車厘茄，加上香甜黑醋，食落清新開胃甜甜地。甘筍忌廉湯是日餐湯係甘筍忌廉湯。個湯熱辣辣上枱，面頭有少少香草同橄欖油，色水呈橙色，飲落甘筍味濃，夠滑溜，味道唔錯。份量好大碗，跟有一片厚身香草醬多士，又脆又香口。手切美國板腱牛肉蕃茄湯米通粉，煎蛋，牛角酥 $88 另加一手切美國板腱牛肉蕃茄湯米通粉超大碗，好香番茄湯底加上新鮮番茄粒同粟米粒，配米通粉一流，面頭灑上蔥花調味。面頭仲有唔少手切美國板腱牛肉條，真係好淋。牛角酥勁酥脆，切落去同咬落去都聽到清脆脆皮切開既切切聲，明顯新鮮整起。配一兜有藍莓粒既藍莓醬比你自己調味，味道好夾。煎蛋兩隻，蛋黃呈鮮橙色，好有蛋香。伴有車厘茄切半，青瓜片同菜苗。蜜糖燒厚切煙肉，炒蛋，裸麥飽 $88 另加一蜜糖厚煙肉好吸引，煎得閃靈靈，食落甜甜地，好香口，肉質半肥瘦所以咬落又多汁又

平時去筲箕灣通常都係去東大街搵食，今次朋友介紹形薈裡面有間好似遊樂場一樣既餐廳。Pineapple Hat 一坐低先叫左兩杯好得意既飲品，菠蘿特飲酸酸甜甜，仲切左一大舊新鮮菠蘿係面。Dragon Hat火龍果甜度適中，口感清爽。Burrata Cheese Pizza先嚟到係香噴噴既Pizza，職員會幫我地分好上面既芝士，令到每一塊Pizza都有滿滿芝士，加上Pram Ham咸香，非常好味。脆皮德國豬手配酸紫椰菜及自家製蘋果醬大隻到要另外開一張枱仔去放隻豬手，咸香酥脆，好啱幾個朋友一齊Share。蟹膏蟹肉明太子甲羅燒龍蝦汁意粉滿滿蟹膏加上蟹肉意粉，成件事非常夾，意外亦煮得軟硬適中，值得推薦。震震吓梳乎厘奄列好大塊好誇張，梳乎厘奄列香甜鬆軟，最開心既地方係放喺一個旋轉木馬嘅托盤上面，成件事好夢幻，打卡一流。

香港罕有fusion菜店家將唔同既菜式同元素融合得恰到好處，前菜墨西哥脆片配上四川麻辣手撕雞，墨西哥脆片既爽脆口感同手撕雞既麻辣配搭得好絶，味道層次多樣化，有創意。脆皮德國豬手伴紫椰菜，德國經典豬手既酥脆與清爽的紫椰菜融合，豬皮酥脆咔咔聲，清新既椰菜，肉質唔韌唔油膩，火候剛剛好。芒果拿破崙既清新芒果風味同酥脆酥皮，更顯甜蜜風情，同餐廳講今餐係慶祝生日，仲會幫手寫Happy Birthday，打卡一流。飲品既火龍果士多啤梨梳打（Dragon Hat）和奶油朱古力奶(Berry Twist Float)都好正。Dragon Hat清新可口，Berry Twist Float濃郁creamy。環境設計都好別緻，令用餐氛圍昇華，打卡絕佳。

-好少去港島東食野，但今次🐷咁岩過黎筲箕灣，就俾呢間餐廳嘅外形吸引左🤩門面裝飾到餐牌都色彩繽紛，裡面仲以旋轉木馬作為主題，又以植物裝飾，環境非常夢幻舒適，好岩慶祝活動同一家大細🎂 🍄Polar Mushroom/Mayo $68份量頗多，灑上類似椒鹽調味嘅炸茶樹菇外脆內軟，菇身唔會太乾之餘仲保留到菇汁，配搭蛋黃醬更開胃。性價比高，推薦俾鍾意炸物小食嘅朋友😋 🦀Crab Miso Spaghetti $155意粉混合大量蟹肉，龍蝦汁亦相當掛汁。中間再放上甲羅燒，蟹殼裡面盛載住好多蟹膏、蟹肉、明太子。整體口感豐腴綿密，帶濃郁蟹肉鮮味👍🏻 🍕Burrata Pizza $198餐廳銷量No.1食物，當然要試😏採用水牛芝士中最頂級嘅意大利Burrata Cheese製作，味道清新，奶味較重，口感軟滑。Pizza以濃香蕃茄味嘅肉醬作為主調，再鋪上咸香嘅Parma Ham，最後將Burrata Cheese以溫度較低嘅狀態鋪上剛焗好嘅Pizza上，再淋上甜度較高嘅醋-Balsamic Vinegar，味道平衡且有層次😍必食！店員見我地影完相，仲會主動幫我地切好pizza，再將芝士均勻放係每件piz

【東區】【Dirty Skillet】上次過嚟筲箕灣呢邊見到呢個新商場，就見到呢間西餐，適逢大學同學耀哥話過港島東交收，咁就叫佢過嚟一齊試啦。佢就試咗 $88 嘅「手切美國板腱牛肉蕃茄湯米通粉」配「煎蛋牛角酥」，佢話個蕃茄湯勁正，唔係一般廚師可以煮到嗰隻味，牛肉都好食。佢加 $35 要埋「是日沙律」同特飲「Pineapple Hat」，佢仲讚緊嗰碗蕃茄湯幾正同埋啲米通粉好好食，幾乎要一巴煎埋佢度佢先肯講個沙律同之前嘅煎蛋同牛角酥，佢話都 okay，不過見佢真係食得勁 enjoy。杯特飲佢就話打咭個樣好正，飲落都好香菠蘿味。講咁耐耀哥食乜，我又講吓我食咗乜嘢先。我係試咗 $198 嘅「Burrata Cheese Pizza」，見佢係呢度銷量 No.1 嘅 pizza，用咗頂級 Burrata Cheese 嚟整，奶味香濃、造型獨特，配埋 parma ham 同意大利香醋，成件事係啱啱好，每種味道都好平衡。嘢飲我就飲 $58 嘅「Dirty Cookies &Cream」，用個類似痰盂咁嘅杯上，好特別，飲落都好特別，好香曲奇味。最後試甜品，叫咗 $118 嘅「震震下梳乎厘奄列」，每日限定

住係嘅筲箕灣朋友話比我知✨筲箕灣有間裝修到超靚嘅餐廳💖裏面有旋轉木馬架😍呢日我就過咗去搵朋友去打卡同食Brunch啦手切美國板腱牛肉番茄湯米通粉，煎蛋，牛角酥✨板腱牛好重牛肉味，番茄湯又香濃，係我食過最高享受嘅茄牛通呀🤩牛角包極酥脆🥐配埋兩隻煎蛋，感覺呢個早午餐好豪華😚炭燒牛肩扒，煎蛋，燒薯仔✨早午餐就係度鋸扒😎繼續豪華落去！牛肩扒牛肉味同樣重，肥瘦適中又無筋而且好有咬口，夠高質！燒薯仔好濃薯仔味，正！是日餐湯/沙律 及 指定特飲 + $35餐湯係蘑菇忌廉湯，順滑又多蘑菇🍄‍🟫沙律係煙三文魚沙律，爽脆又鮮甜💚Pineapple Hat清爽解油膩嘅菠蘿梳打，上邊真係有新鮮菠蘿食，超甜超多汁！Fresh Grape & Apple Yogurt Soda呢杯提子造型嘅梳打味道超似飲緊日本汽水😆食完咁多水果，連甜品都唔使食啦❤️

筲箕灣有一間環境好價錢抵又好食嘅afternoon tea，真心要推介比所有人食！講緊 $228/兩位仲要樣樣都好食🤤 餐廳裝修用旋轉木馬做主題！勁打卡able 🤳🏻而且空間又夠大，坐得好舒服😌無論情侶拍拖定朋友傾計都好合適😚🍰SMOKED SALMON, CUCUMBER SANDWICH煙三文青瓜吐司三文魚夠新鮮，青瓜爽脆，配埋烤過的吐司，真係好夾！🍰 SALAMI FOCACCIA沙樂美腸意大利包沙樂美腸鹹香惹味，包都烤得香脆，食落去好滿足！ 🍰 CUTTLEFISH STICK THAI CHILI MAYO脆墨魚條；泰式辣醬墨魚條炸得香脆，泰式醬酸酸甜甜，好惹味！🍰 MINI ANGUS BEEF BURGER迷你安格斯牛肉漢堡牛肉漢堡肉汁豐富，咬落去好juicy，配埋生菜蕃茄，真係好正！🍰 CHICKEN WINGS, GARLIC BUTTER蒜香牛油雞翼雞翼烤得香脆，蒜香牛油味好香濃，食落去好惹味！🍰 MANGO NAPOLEON芒果拿破崙酥皮好鬆化，芒果餡甜而不膩，真係好正！🍰 OPERA LAYER CAKE法式歌劇院蛋糕蛋糕層次分明，咖啡味香濃，食落去好香滑！🍰

食物普通 侍應服務態度差舉手order嘢食 有侍應見到但唔理會明白可能唔係每位都係樓面侍應但係唔洗見到咁多次都唔理擰轉頭😓直到有位男侍應見到先過黎落單其實講一句等一陣又或者回應一下究竟有幾難？望到咁多次都掂行掂過😓