DK1885 (已結業)

平常吃到的越南菜均以南越餐廳為主，雖知道越南地形狹長，南北差距數千公里，地理條件發展出截然不同的南北飲食文化。氣候也是影響飲食的一大因素，北越平均氣溫相對較低，其飲食亦因此較為清淡，以簡單香料提升食材本身的鮮味。香港普遍都是以南越菜式居多，比較濃味及混合了法式料理，故 L 特意選了一嚐北越菜餐館。樓底特高，充滿空間感。相信店主是滾樂的愛好者前菜選了蓮藕心鮮蝦沙律，蓮藕平常吃得多，蓮藕心還是第一次吃爽口的，加上酸酸甜甜甜的調味很開胃，蝦亦算大隻。海防手工墨魚餅令人感到驚喜，外層金黃香脆內裡墨魚滑好彈牙而且很新鮮，調味恰當用不著魚露。北越街頭燒鵪鶉口感有點像乳鴿，外層香脆但肉質又多一份嫩滑。北正宗牛肉湯河與平常吃到的生牛肉河最大分別就是湯底相對較清淡但確實能吃到牛肉的鮮味。DK 就是越南北部 Dong Kinh 的縮寫，而1885，就是法國將越南納入殖民地的年份。越南就是一個富法國風情的地方。

係修頓球場附近經過見呢間餐廳。見到室外座位裝修得幾別緻，所以入去試下室內裝修得簡單但係有心思，而且座位寬敞舒服😊蓮藕心鮮蝦沙律蓮藕心好嫩、好爽脆，而且真係有拉絲㗎😂沙律菜好新鮮，而且夾雜住切絲嘅香葉，味道好fresh。大蝦唔係急凍蝦，又大隻又爽口彈牙👍🏻好好味！海防手工墨魚餅我本身好鐘意食墨色餅、墨魚滑，所以order左碟試試。口感好彈牙，墨魚肉嘅比例一定好高，無9成都有8成，如果唔係都唔會味道咁濃沃同咁彈牙🤤🤤🤤而且唔止彈牙咁簡單，當中仲夾雜左切粒嘅墨魚肉，令墨魚餅更有咬口！醬汁方面，除左點一齊上枱嘅特調魚露會好惹味外，原來點餐廳放枱面嘅特調辣椒醬，仲令味道更濃沃、惹味！椰汁喇沙葉煮海螺椰汁味好甜、好香濃。海螺好大粒、好多肉，肉質好彈牙！真係估唔到會同椰汁咁夾😂而且餐廳仲跟左碟油炸鬼，用黎點椰汁食，真係好惹味😋😋😋！北正宗牛肉湯河牛肉湯河除左牛肉外，仲有牛肚、牛丸、同牛腩。上菜時，店員好friendly 咁推介我食牛肉時可以夾住醃蒜片黎食，呢個係越北獨有食法！我覺得湯底好清香，牛肉片好香牛味。仲發現牛腩有別於平時，唔係炆到腍啤啤，而係實得黎又好有咬口。店員果然無介紹錯👍🏻配埋蒜片食真

上星期有晚收工就同左個舊同事黎食飯聚舊！佢話呢度係食越南菜，不過同我地平日食既會有唔同，因為呢度係食北越菜~~唔知會有咩唔同呢？！！由舊同事發辦後，我就乖乖坐低等食xpp首先有份 家鄉白灼豬肚＄68~平時食越南菜都好少會食到內臟，呢份豬肚帶有胡椒味，加上香葉同芽菜一齊食，味道幾新鮮！跟住嘅 香茅魚露煮活蜆＄118都好正唔單止啲蜆有大大粒，好飽滿~~啖湯仲好鮮甜添：）而呢份 北越街頭燒鵪鶉＄98係由店員推薦既~鵪鶉一開四，燒得皮脆肉嫩，點返佢哋自製嘅酸汁調味，正！最後我哋仲嗌咗一碗 海防蟹肉湯金邊粉＄108~~味道唔錯，仲好有驚喜！！！成碗粉有好多已經拆殼嘅鮮味蟹肉，呢度嘅金邊粉仲同我哋平日嘅好唔同~~係比較粗身同闊身嘅，店員話仲係用糙米製成，食落比平日既有咬口！！個晚仲飲左呢杯好fresh既百香果梳打添：）

今日同朋友行開灣仔， 見到呢間越南嘢都幾多人，同埋都想食啲河粉濕濕地。一入去裏面都幾有特色。 同埋內裏裝修都乾乾淨淨、正合我意。 同埋最緊要坐得舒適。海防手工墨魚餅: 首先嚟嘅就係個墨魚餅， 呢個墨魚餅我覺得幾好食，因為佢少油，同埋我真係食到入面有一啲墨魚嘅肉，在點埋佢秘製嘅辣汁感覺都好完美。 作為前菜我覺得都ok幾開胃。蓮藕心鮮蝦沙律:本人首次試有蓮藕的沙律，一支支咁樣好特別，同埋有蝦， 蝦亦都好大隻好鮮甜， 原來蓮藕同蝦配落沙律度係有咁特別嘅食法，而且係好食嗰隻，唔錯唔錯。北正宗牛肉湯河:有牛肉牛丸牛筋牛肚， 首先我哋要介紹呢度啲牛筋真係非常之大舊， 佢抆得非常之鬆軟， 食到啲骨膠原味， 牛肚亦非常之爽口，切片嘅牛肉亦都非常之好食。 加埋嗰個湯底真係very good！香辣香葉炒藍貝： 其實呢一個青口我覺得最好食嘅地方，就係佢每一隻都係有辣味嘅肉，而且肉係鮮甜新鲜，同埋佢呢一碟，係辣辣地， 另外有好香嘅香草味， 所以呢一個可以試到佢炒海鮮嘅功力係非常到家。港島區嘅朋友可以嚟呢一家試下呀，因為佢哋煮啲越南嘢都幾正宗同Unique。 我覺得呢一間一值得一試!

蓮藕心鮮蝦沙律好清新既前菜。除了常見既沙律菜同蝦仁外菜式配上獨特既經過xx既蓮藕心，平時甚少見，食落酸味咪，酸度亦恰到好處，非常醒胃。海防手工墨魚餅好彈牙既口感。墨魚味頗濃食落有墨魚粒，真材實料，的確係手工製造，並非粉多而料少的廉價貨，配上魚露，更能帶出鮮味，值得推介。香辣香葉炒藍貝非常香濃惹味的菜式。濃烈的香茅，微微的辣度，加上香葉，其精華被嫩口軟滑既藍貝（藍青口仔）完全吸收，十分香口。菜式很有驚喜，鍾意香口野既你一定要試。正宗河內雜錦牛肉湯河食越南菜緊係要試番碗湯河。眾所周之，食湯面，湯係靈魂的所在。呢碗河既湯底牛味十足，配上牛肉的不同製品，材料新鮮，即煮即上，十分滿足。總結地方光猛舒適，菜式頗有驚喜，亦顯出廚師對食物質素的要求。非一般水準，值得一試。

平常香港吃到的越南菜大多是南越或港式越南口味！難道找到一家北正宗，當然要試一試小店位於譚臣道， 裝修別緻開揚先來一份香草野菜燒牛柳沙律，燒牛柳入口香濃，牛味豐富，口感嫩滑，清新之選海防手工墨魚餅彈牙有口感，而且墨魚味濃郁香茅魚露煮活蜆的大蜆十分鮮甜新鮮，咬下去很多汁，肉質嫩而不韌，又有湯喝海防蟹肉湯金邊粉，有魚餅，豆腐卜，蝦2隻及鮮蟹肉，湯底用蝦蟹分開熬製，又香又入味，金邊粉像意大利闊條麵般有咬口入鄉隨族，要了一個新鮮椰青，白色椰肉及清甜的椰水清新解渴試了店家推薦的越南雪奶啡，濃縮一杯正宗滴滴咖啡加煉奶再用冰溝稀，充滿奶香原來北越有那麼多美食，立刻有到海防市一遊的衝動

這裏在修頓球場隔離的一條街，如果你不是在這裏附近工作的，或許你會不懂這裏有條食街。不單止我們今晚是的這一間越南菜還有很多其他餐廳，得閒可以過來看看。餐廳地方雖然少，但是供應很多特別的泰菜。先來墨魚餅，這個墨魚餅最特別的地方就是一個鮮字，你是嘗到一口新鮮的，而且不是油炸的所以沒有太重油感。之後的雞腎很特別，他是用香茅去炒的而且帶一點辣，吃的時間十分滋味，會吃個不停。再來就是最可口的藍青口了，想不到這裏也會有供應，但他不是用西式方法去做，而是帶一點東南亞風味的，青口當造，吃得滿口是香。我們以這個蟹肉湯粉做結尾，只能夠說是無懈可擊，蟹肉的香氣滲進口腔，令到口腔裏都是新鮮的蟹肉香氣，再配上用返茄底做的湯底，能夠中和強烈蟹肉的味道。

同男朋友去完越南番黎之後一直都好掛住越南d野食,今日經過灣仔見到依間裝修得幾靚既越南餐廳,就同男朋友去左試👫👫香茅雞翼($68)雞翼新鮮炸起,食落去仲係熱辣辣,香茅味道好香,外皮好香脆☺️香露蒜頭炒時菜($68)因為佢加左魚露黎炒,所以食落去特別香口同鮮甜北正宗牛肉湯河($98)個河粉好足料啊🥰半生熟牛肉肉質嫩滑,加上仲有牛丸,牛肚同牛腩,食落去湯底濃郁鮮甜,再配埋越南香草味道更加入味☺️火焰香茅豚肉串($128)賣相好吸引啊😍豚肉入口軟淋,用香茅特製既醬汁香氣濃郁,配上豚肉食口感好juicy啊💕好推薦

香港多數見到d泰國菜，但越南菜就真係買少出少喇，今次黎到灣仔食DK1885，發覺原來越南菜仲好食過泰國菜，雖然我都唔知有咩大分別，但見到佢有唔少香料既肉類就覺得好正！！！頭盤黎左個沙律先，食落幾開胃可口，仲有幾隻凍蝦吊下味，無咁單調，一個幾開胃可口既前菜。之後叫左個辣雞腎，雞腎食落都幾彈牙有口感，唔會太軟/太硬，硬度岩岩好，加上有少少麻辣既味，真係唔錯。之後叫佢個牛腩河粉，河粉軟硬度都算幾okay，牛腩亦都唔差，幾嫩，同埋無根既，所以入口都幾好。但湯底就有少少唔夠味，不過落左辣椒都補救到既。最後食左個煎魚塊，魚塊上枱仲好熱，似係岩岩煎起，唔會話一早煎定之後就拎出黎，咁就會令魚塊出曬油唔好身，但個上枱仲係乾身又夠熱

超級口黑面黑服務，中午排隊混亂！無指示下，入舖攞位，又叫番我地出去等，等完開門又叫番我地去排隊，但其實我地黎先。好，如果佢啲嘢好食，我又唔介意你冇禮貌少少。結果，落單時應都唔應你一句，就咁指一指個menu就算，又唔覆單，算數。以為佢聾啞，又唔係。好，到野食，個撈檬林到好似pat💩咁，白色似米粉，痴埋一舊舊，勁難食。再加埋魚露，仲一pat pat，個炸扎肉又乾又鹹！唔會有下次！！！個杯野飲都ok既，叫左杯鹹柑桔水，得熱既，冇凍！其實睇相，你見到碟野，你都唔會想食！

從早年九龍區的「北正宗」到今日灣仔的「DK1885」，餐廳已由快餐店風格變成甚有格調的小酒館，不變的是高水準的食材和出品。自從餐廳搬到灣仔區，多是中午經過，午市這裡主要提供快餐，而我卻心心念這裡的海鮮和小炒。是晚終於有機會晚上到此用餐，比起中午的繁忙喧鬧，入夜的譚臣道多了幾分輕鬆，讓人不禁想坐下來慢慢傾，慢慢食。蓮藕心鮮蝦沙律 $88坊間甚少見到的蓮藕苗，口感清脆，配上酸甜的醬汁，非常清新爽口。海防手工墨魚餅 $108越南直送墨魚餅，非常彈牙，亦混入不少墨魚粒，口感層次豐富，與香港本地較為多粉的魚餅完全不同。配上魚露或辣醬，香口不油膩。香茅魚露煮活蜆 $118用新鮮大蜆，無沙，加上湯底有魚露的鮮甜及些許酒味，配上適量香茅，不禁飲到精光。海防魚蝦蟹香葉蛋炒飯 $118只能用完美來形容這碟炒飯。夠鑊氣，飯粒炒的乾身、粒粒分明，用料上乘，份量十足，滿足了完美炒飯的所有條件，敢說就算五星級酒店的中菜廳也未必有此水準的出品，非常考驗廚師功夫。店員耐心介紹每一道菜的食材特色、烹飪方法以及搭配的醬料，非常有心。飲品方面有越南咖啡、越式特飲以及越南啤酒提供。值得一提的是，目前階段自己帶酒亦免收開瓶費，

星期六嘅灣仔一向較靜, 而喺呢個時勢, 就更顯冷清。 要挽救經濟, 我會選擇從小店入手, 呢間係我個list嘅其中之一, 原因好簡單:用心。今晚兩個人嚟, 先食春卷, 鬆脆唔油膩, 值得一提嘅係團隊對醬料好講究, 所用嘅魚露唔會死咸, 混入少許蒜蓉, 很提鮮。接住就係夠晒鑊氣嘅炒菜心, 老闆話加咗魚露炒, 再加埋蒜粒同炸蒜末, 好快就清晒。主食叫咗乳豬同埋肝醬雞卷, 前者外皮鬆脆, 冇肥膏啖啖肉, 同自家調配嘅青檸汁好夾, 鍾意濃味少少嘅就可以點葱蒜汁; 後者就更有驚喜, 雞肉好嫩, 食落好juicy而且滲出陣陣香茅味, 加上豬肝醬就更香, 但一啲都唔膩。呢兩度菜都配咗少少酸蘿蔔同菜絲balance下, 都好新鮮, 唔係求其搭上去。平時食越南菜都係湯河、檬粉同粉卷之類(呢度都有, 湯粉嘅湯頭一流, 檬粉係靚料), 嚟咗呢度先知有咁多選擇。老闆很友善, 會介紹菜式嘅用料同烹調方法, like!良心小店猶在, 想繼續有得食, 就要用實際行動支持。

📍經過哩間越南野其實好多次，但係lunch食又好似有點貴，終於有日夜晚要係灣仔食就立馬試下啦🤗 店面好簡潔而且好光猛，感覺好乾淨😂 由於平日夜晚去，所以人唔多。海防鮮蟹肉海鮮粉 🦀 ($108) 作為一碗越南粉，哩個價錢絕對唔平，但見到有蟹肉又真係好想試下😍 粉係選用手工鮮檬粉🍜，我其實以為同平時食開既檬粉一樣，但上到黎個樣原來幾似我地食開既米粉，但口感上係滑啲同淋啲，而且好索湯👍🏻👍🏻👍🏻 而湯底呢，好鮮甜，帶酸同埋少少辣🌶，岩哂我唔係好食得辣，店鋪都有另外提供青檸同辣椒，覺得唔夠可以自己加🙂 而餸方面，就有主菜蟹肉、蜆(?!)、蝦同埋都係索湯嘅豆腐卜🥰🥰🥰 蟹肉分量好多，而且好新鮮，即刻覺得價錢係值的💯

尋日我同老婆兩個係灣仔揾食，行過小街見到呢間北越野，人唔多而且亦幾肚餓了，就入左去試下。我地唔多大食，同一般都中意食海鮮，所以就叫左個海鮮粉兩份分加個龍躉做餸。老婆再點左個雪啡奶試下。一點雪啡奶同龍躉(唔記得全名🙇)，老板娘就話我地識貨。雪啡奶冇乜地方飲得到，咖啡味香濃，而且有奶果種好smooth嘅口感。龍躉魚係一個煲，有五片好厚嘅龍躉，加左啲青蔥之類煮。龍躉煮得好鮮，煮得啱啱好，口感彈牙又唔老。啲配菜同魚都煮得好香好入味，所以我地食得幹幹淨淨😋仲有個蟹肉海鮮粉，好多蟹肉，仲有蝦同BB青口。湯底係十足料嘅海鮮湯，冇味精feel。BB青口同平時食嘅青口好唔同，平時青口都係“鞋”身嘅，不過BB青口非常嫩同時好冇青口味。所有菜式都好出色，處理得好好，而且份量好“扎實”。兩個人$320落樓，食到咁出色嘅海鮮真係意想不到。我地都覺得老板娘太有良心，咁做生意怕佢好難賺，唔想佢咁出色嘅北越餐廳做唔到落去，所以我地都叫佢唔洗咁”扎實“，等我地叫多兩個餸食下啦😄真心推介！為左幫佢宣傳下，我平時唔寫食評嘅都黎寫下宣傳下啦。

值得大力推介的北越小店他們的椰汁味及九層塔香料用得非常出色，香港只此一家，也可以免開瓶，部分菜式要預訂。此店前身是北正宗，在九龍時已食了幾次，如今在灣仔，更加要光顧多些。菜單另加墨魚餅 3/5 新鮮彈牙1) 蓮藕心鮮蝦沙律 3/52)街頭爆炒鴨舌 4.5/53) 鮮蟹肉香葉肉碎米纸球 4/5 之前更好食4) 燒法國鵪鶉 4/5 也是之前更好5) 越式焗象拔蚌仔 4.5/56) 香茅魚露浸胭脂蚌 2.5/5 因不會太熟，所以比較腥7) 椰汁喇沙葉煮海螺 4/5配油條 3.5/5 好香脆8 香辣香葉炒藍青囗 3/59) Dk烤乳豬 2.5/5 食過中式，這款可以不試，其實味道也不差，只是中式芝麻皮才是皇道10) 北越刁草龍躉 3/5 魚新鮮，無腥及泥味11) 椰青蒸膏蟹 4.5/5 椰汁十分清甜12)湯粉/撈檬 2/5 13)紫米乳酪 3.5/5另加炒飯 3.5/5 乾身及香口