Dodam Chicken (1亞太中心) (已結業)

Dodam Chicken🐔呢間韓式鋪頭嘅嘢食選擇非常之多種類，包括有韓式炸雞🐔、唔同種類嘅鍋物🥘（例如人蔘雞）、Pizza🍕、唔同類型嘅小食🍟！總有幾款啱大家✅✅餐廳仲有免費嘅小食同埋飲品bar，提供唔同嘅飲品泡菜、小食俾大家，仲要係冇額外收費㗎！超抵食！🈹🈹我自己就特別鍾意佢哋嘅泡菜，調味啱啱好，唔會太酸太辣！💯💯💯烤焗芝士脆薯條 $98呢一個芝士炸薯條，包括左薯仔條同埋番薯條，感覺上更加健康同埋多一款口味！💖💖薯條同埋芝士嘅份量都幾多㗎！四個人share都絕對冇問題👌🏻芝士仲可以做到拉絲效果，正呀！蜂蜜牛油香蒜焗烤雞 🧄🐔$208佢哋嘅蜜糖牛油香蒜烤雞，雞肉肉質嫩滑，非常之多醬汁，而且好入味！份量都非常多㗎，我數過足足有12件！從朋友一齊share簡直就係大滿足！🤩🤩

今日去咗觀塘APM shopping, 咁我朋友話想食韓國嘢做下午茶，上網搵吓就見到呢一間評分都幾好嘅餐廳，我哋下午茶時間佢都唔算太多人，好快就搵到位！我哋今日都費事食咁多，因為夜晚仲約咗打邊爐！叫咗一個炸雞，同埋一個香辣海鮮湯面！韓式嘅海鮮湯麵都做得幾好食，亦都有唔同嘅海鮮，上枱已經非常香噴噴，忍唔住即刻拎電話出嚟打卡！湯麵嘅軟硬度，做得非常好，唔會有太軟嘅情況出現，廚房係控制時間上做得唔錯，再加埋佢本身辣辣地嘅湯底，非常煙煙韌韌，正！配料亦都有非常多唔同嘅海鮮，有我最鍾意食嘅蝦，每一隻都非常爽口彈牙，配埋本身韓式面一齊食，好match! 都見到有青口同埋魷魚，餐廳絕對唔手軟！我哋就叫到一個鹹蛋黃味嘅炸雞，鹹蛋黃炸雞外脆內軟既口感令人非常享受，亦都睇得出餐廳係即叫即做，咬落去出晒煙，熱辣辣！佢嘅炸雞外皮酥脆口感， 咬落後帶有juicy肉汁，絕對冇好乾嘅口感，配上鹹蛋黃味嘅調味，第一次食到呢一個味道上嘅配搭，覺得非常特別 下午茶嚟講，簡直係100分！下次有機會再嚟試吓佢唔同味道嘅炸雞同埋韓式食物！鍾意食韓國嘢嘅朋友，唔可以錯過！

今日約咗朋友喺APM交收，跟住想喺附近食午餐，商場嘅餐廳，又多人，又成日食，真係想試吓新嘢。行前少少，去1亞太中心，嗰座大廈都有好多餐廳。小朋友一望廣告牌，就想去食炸雞，咁我哋就去試吓。餐廳都幾寬敞，有大窗可以望風景，光線好充足，可惜我哋唔係坐窗口位。睇menu……..好多都好正喎……不過好多都辣，我小朋友唔食辣喎…….揭多幾頁，好彩都有好多唔辣嘅選擇。我哋叫咗黑松露卡邦尼意大利粉，瑪格麗特薄餅，香脆雞。脆香雞一黎到唔見咗幾嚿，小朋友急不及待叉咗嚟食，我想影張相留念都唔得😥。意粉好重黑松露味，好香。食食吓仲俾小朋友搵到芝士竹輪卷，佢好開心，因為平時西餐冇佢鍾意食嘅竹輪卷，佢即刻搵晒嚟食😅。薄餅邊勁脆，除咗平時嘅蕃茄醬同芝士，仲有一種啡色醬汁，甜甜地，成個Pizza走一圈，所以每一塊都有少量，幾得意。因為餐廳播住韓國流行曲，仲有個大電視。小朋友可以聽住歌食飯，心情特別興奮，一邊食，一邊跟着拍子點點頭。因為你開心，我也很快樂😀。之後我哋仲傾咗一陣計，小朋友仲爆咗同學秘密俾我知，我哋突然friend咗好多🤣🤣🤣。總括，各樣嘢也十分滿意，會再嚟，希望小朋友下次再爆秘密俾我聽😅。

話說前排去韓國旅行，唔知係咪食得太飽定係食得太多好嘢，到宵夜食韓國炸雞嘅時候覺得一般，都唔錯咁，今次竟然比我係香港搵到間好正嘅韓式炸雞Dodam Chicken 嘅觀塘分店環境舒適，玻璃窗引入自然光，令整體感覺明亮舒適，白灰雲石圖案檯配搭藍白藤椅，比人一種和諧放鬆嘅感覺睇返餐牌脆雞或烤雞都有多種口味，叫左餐牌上推薦嘅香辣脆雞，一試難忘，熱辣辣之餘，超級脆口，雞肉滑，醬汁甜甜辣辣好過癮另外仲點了韓式海鮮煎餅，拎到嚟先發玩勁大碟，但食食吓太好食就不知不覺地食哂，首先海鮮份量足、咬落去除了餅脆，蔥都好脆口，平時唔點食蔥嘅我都全部食哂，再配上魷魚、蝦等海鮮，正原來午餐時間仲有免費的甜品，香濃嘅紫米露整得好食過一般糖水舖，仲有得自製格仔餅，勁好玩

記得dodam chicken啱啱新開嗰陣都有特登同朋友去試過～好耐冇食又想食啲韓國嘢，同同事即興走去食😎😍黃金鹹蛋脆雞 （有骨） $152👀唔知大家平時食炸雞會鍾意有骨定冇骨，如果有得俾我揀，我無條件一定係叫有骨！！（有骨好食好多的🥹）呢度嘅半份炸雞份量都幾多，會見到每一嚿炸雞都沾滿鹹蛋黃，入口好邪惡！味道唔會太鹹，炸雞肉質都嫩💯😍Margarita Pizza $135👀唔想食飯就叫咗pizza，估唔到又係超大一份！2個女仔係食唔晒😂😂番茄嘅酸甜可以中和芝士嘅膩感，趁熱食有拉絲效果～個餅底係好脆好薄，大愛🫡除咗主食，出面仲會有韓式泡菜同炒粉絲，佢個抄粉絲好正宗，偏甜口味，正喔～～

餐廳環境闊落，空間感十足，設計具韓風。餐牌除左招牌炸雞，仲有芝士火鍋、韓式炒年糕、泡菜系列，仲有韓國傳統料理，款式包羅萬有。古岡左拉芝士薄餅：薄餅熱辣辣，餅底質感比較薄脆，面層鋪滿金黃色嘅芝士、冬菇絲、瓜子仁，芝士仲有拉絲既效果，味道好食又濃厚，令人食慾大增。招牌甜辣芝士無骨烤雞：炸雞成日食，今次我哋食烤雞，雞肉入味又嫩滑，保留適當肉汁，年糕口感煙煙韌韌，獅子狗魚蛋裡面有芝士，勁邪惡，另外仲比左碟紅蘿蔔漬物解肥膩，很貼心。芝士辣撈麵：甜辣醬辣味適中，撈埋拉麵、椰菜、魚糕，勁掛汁，特別開胃。特別一提，晚餐時段會有自助甜品提供。總結，餐廳位置近地鐵站夠方便，座位舒服，休閒既氣氛令人感覺放鬆，店員會主動加水收碟，食物質素高，口味多元化，值得推介。

餐廳裝修以黑白色為主色調，非常型格，仲有幾部大電視機不斷播放住韓國流行既KPOP MV，韓風味濃。餐牌款式選擇有好多，除左餐廳推介，仲有獨特新菜單，我哋食左幾款餐牌招牌菜。招牌甜辣芝士無骨烤雞：甜辣醬汁味道調得恰到好處，烤雞鮮嫩又厚身，芝士量夠多，配料有芝士獅子狗、口感軟糯既年糕，十分滿足。芝士辣撈麵：甜辣醬汁混合左芝士既奶香味，配以有嚼勁既拉麵、魚糕片、泡菜，惹味可口。招牌雞肉炒飯：炒飯粒粒分明，配料有雞肉、青豆、紅蘿蔔、蛋絲，炸洋蔥圈夠香口。晚上仲設有自助甜品吧，包括黑糯米糖水、麵包布丁、自製格仔餅，記得要留肚試下。整體感覺，餐廳食物色香味俱全，上菜速度快，環境空間感十足，啱晒一大班朋友嚟聚會，性價比高。

看食評才知原來是韓國過江龍餐廳, 餐廳內有個甜品自助吧, 有紫糯米, 自制格仔餅等。 紫糯米太甜, 格仔餅還可以, 如果有花生醬會更出色, 不過可以玩樂一番倒算不錯。香辣脆雞 $205上碟才發現雞件內含有大量年糕, 原本打算是全雞件的, 雞件的數量真的很少, 餐牌上也沒有明確顯示, 虧它還要收$200多!! 芝士雖然也焗過, 但並沒有融入雞件之中, 醬料甜中帶微微辣, 並沒什麼特別驚喜。雞件也有別於一般餐廳, 起碼每件都比較細小, 毫無脆口感覺。招牌海鮮炒飯 $128飯粒比較濕, 海鮮就是小許蝦仁, 細帶子, 三件“大概”是炸魷魚, 由於我咬了一口只吃到炸粉, 但看到少許紫色, 所以其實材料不多, 味道非常普通。食物水準已經一般, 每次都要舉手才有人加水, 但又不停想收走我們未吃完的食物, 到底是什麼一回事? 也許韓國那邊很出色, 但這邊有待改善。

今日我們去觀塘的Dodam chicken餐廳食韓國菜💖 這間餐廳位於觀塘觀塘道414號亞太中心3樓1號舖 地點很近地鐵站這間餐廳的環境很寬闊 他們有很多的座位也見到街外的美景 我們今次在這間餐廳點了招牌年糕 韓式海鮮煎餅及兩杯朱古力奶昔 他們全部的食物也好大份😝他們的招牌年糕食落去又辣又甜 食到傳統韓國年糕的味道 這個年糕好入味 食落去泡菜味好濃郁💕 另外他們的韓式海鮮煎餅 裏面有好多材料 例如有魷魚 蝦 韭菜 蛋等 這個煎餅煎得剛剛好 不會太窿 也不會太油 他們的菜式食落去熱辣辣的 好吸引至於他們的朱古力奶昔 超級大杯☺️ 朱古力味同埋奶昔味好重 加了少少刨冰 飲落去好滋味🥰 他們餐廳還提供了免費的自助吧 我們出去拿了一個紅豆窩夫 這個窩夫熱辣辣的 而且紅豆味很香的 食完主菜 當甜品食一流💕

睇完韓劇又想跟女主角食炸雞😂上網搵左下發現公司附近呢間Dodam Chicken好似都唔錯，就係APM隔離，好方便下！餐廳唔算大，裝修企理，卡位仲有落地大玻璃窗！🍗蜂蜜牛油香蒜脆雞 $152半份炸雞大概就係半隻，蜂蜜牛油鹹香中有蜂蜜既甜味，加上刺激既蒜味好好食！雖然係有汁但仲感受到少少脆皮感👍🦑招牌海鮮炒飯$128海鮮有帶子同蝦，分量都多，炒飯係濕潤類型，入面仲有三色豆、蛋同蝦米一齊炒另外仲有免費既自助甜品吧，今日有兩款甜品，都幾好食

📍官塘《Dodam Chicken》好耐冇食過韓國嘢,同朋友今日去開觀塘就入咗去呢間早餐未落格, 唔係好肚餓, 所以我哋淨係order左少少嘢🙂傾下計招牌芝士甜辣無骨烤雞🐔🍖甜甜辣辣 好開胃水冷麵🍜芒果沙冰 岩曬宜家咁熱仲有免費甜品bar😬原來係近期先有(可以自己整waffles🧇,有麵包布甸🍞幾好味😋👍🏻同紫米露…餐廳會不斷refill…後期轉左紅豆沙）整體來講 份量大大份 味道唔錯 仲有免費甜品吧

之前食過炸雞覺得唔錯，今次同屋企人又嚟食下其他食物。店內電視播嘅都係K-pop music ，好有氣氛😚⭐️白雪芝士雞雞皮上有滿滿嘅芝士粉，香味好濃，咬落有好多肉汁流出嚟，正👍🏻⭐️辣拌冷麵冷麵加上青瓜🥒、蘿蔔、蛋🥚、韓式辣醬，好開胃好清涼，夏天叫岩哂⭐️黑糯米、窩夫🧇呢到有免費自助甜品區，唔係間間分店都有。裝了一碗黑糯米，以及自己整了一份窩夫。窩夫機已經一早預熱了，自己放入已調好嘅漿係機到，預返時間。個到有個牌教點樣整、所需時間，所以成事好簡單

今日又係觀塘返工,收工同朋友喺公司附近嗰啲嘢食下,朋友帶咗我去一間韓國菜餐廳因為佢經常都會幫襯。Dodam Chicken 餐廳位置喺觀塘道414號1亞太中心3樓,上到去餐廳地方非常闊落,一大片落地玻璃望出去環境開揚,裝修整潔,感覺好舒適。Crunch Chicken 212元,香脆雞分量好多,雞皮炸到金黃色,脆卜卜非常香口,食落去雞肉仲係好嫩滑好juicy,雞味香濃，炸雞配上唔同嘅醬汁又有另一番風味,食落去啖啖肉，真係好好味。食炸雞，一定要配返支韓式啤酒，感覺舒服又好味。Budae Jjigae 188 ,部隊鍋材料好豐富,韓式香腸餐肉,菜,泡菜,大蔥,韓式年糕,重點韓式公仔麵,味道好香,湯底帶係有少少辣味,加上芝士，令公仔麵更加香口，食落去煙煙韌韌，口感特別，餐肉同香腸真係絕配，公仔麵食到停唔到口。Ginseng Chicken soup 175, 人參雞湯味道香濃，大大隻雞髀肉 睇見都流口水,雞髀肉特別嫩滑，雞味香濃，雞肉吸收咗人參嘅香味,味道更加有層次,整個湯底都有人蔘雞嘅精華,味道鮮甜清香。

《Dodam Chicken》餐廳地方闊落，坐得好舒服~ 枱算係幾大張 ，但係因為啲食物嘅碟都好大份 ，最後都有少少迫😂▪️▪️▪️▪️▪️▪️▪️▪️▪️▪️▪️🔸三重芝士脆雞($218)🧀芝士除咗可以拉到絲之外， 仲好香濃濃郁~ 炸雞香脆之餘 ，炸粉亦都唔會太厚， 食物水準一流 ！另外最值得一讚嘅係中間麵包沾滿曬芝士 ， 就算減緊肥都會好想食！ ！🤩🔸芝士年糕拉麵($175)每次食韓國嘢都會叫年糕拉麵🙀😽少少辣味配埋年糕食 ，簡直一流~再加埋蛋同埋芝士🥳🥳🥳🔸照燒汁焗魷魚($175)平時比較少會叫魷魚食，今次算係幾有驚喜😍除咗口感唔錯之外，醬汁調味亦都值得一讚!!🤪🔸海鮮泡菜餅 ($175)自己算係幾鍾意食泡菜餅 ，不過今次叫到嘅泡菜餅唔算太脆 ，口感一般， 不過海鮮嘅份量都比較實在👍 算係中規中矩一般🤕▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍觀塘觀塘道414號1亞太中心3樓1號舖銅鑼灣波斯富街99號利舞臺廣場18樓A號舖#波比出沒觀塘 #KwunTong #KwunTongfood #觀塘美食 #hkfoodie #hkblogger #foodie #hkfoodblogge

餐廳環境都幾闊落，坐得幾舒服，外面仲有個小小自助 area ，自助整格仔餅，格仔餅個蛋漿都幾香，味道亦唔錯，仲有少量甜品可以拎嚟食～蜂蜜牛油香蒜脆雞 （半份）炸雞外層酥脆可口，同時带有蒜香和甜味，叫左半份，大概有7件雞件，有雞髀又有雞翼，其餘都係雞胸，肉質都幾juicy 幾嫩口，兩個人食岩岩好！韓式炒牛肉粗粉絲有別於平時見到的韓式炒粉絲，呢款用左粗粉絲去炒，咬落煙煙韌韌更加有口感，加左醬油等調味料，帶有一點甜味和麻香味，加除咗加左牛肉，仲加左少量蔬菜，更加有口感～