Dodam Chicken (1亞太中心) (已結業)

除左韓式炸鷄，其實烤雞都好食。【Dodam Chicken】已經食過好多次，主打韓式烤雞，最近lunch就去食左觀塘分店佢地既lunch set。Lunch Set大概$80左右，包括飲品櫃飲品一款同韓式小菜自助任夾任食。Lunch time基本上都係自助式爲主。 蜂蜜蒜香烤鷄：大概有半隻鷄，新鮮焗起，超級無敵熱同香脆。就算外面包裹左醬汁，都食到個皮係好脆，裏面既肉超級juicy。蒜香味十足，蜂蜜一D都唔小氣。另外仲有沙律同腌蘿蔔，可以解膩。 辣味韓式冷麵：比較少地方有得食韓式冷麵，所以就叫左。醋可以自己加、可以控制酸味既濃淡。冷麵非常冰凍，而且個辣味唔會好勁，反而好惹味。另外仲有青瓜同水梨，好傳統同好清新！推薦。 韓式小菜：應該除左泡菜，日日唔同，雖然係可以自己任夾，但完全唔馬虎，非常好食！ 個人幾推薦lunch time黎食，因爲同晚既食係唔同既！

放LUNCH 4個人想食韓野，所以決定試試這家餐廳。我們叫左4樣野SHARE食，每碟份量都好多，4個人食唔晒，下次叫三樣都夠。首先是瑪格麗特薄餅，餅底鬆脆可口，配上番茄醬和奶酪的搭配，多汁不會好乾。香辣脆雞則是外皮酥脆，內餡多汁，味道甜甜辣辣的，很開胃，如果唔係番工真想啤啤佢。而芝士蛋熔岩泡菜炒飯則是熱騰騰上桌，口感豐富，有著芝士蛋的香濃味道，而泡菜的酸辣口感則是炒飯的點睛之笔。海鮮炒烏冬則是海鮮和烏冬的搭配非常完美，海鮮鮮甜多汁，味道非常豐富。值得一提的是，這裡有任食泡菜及韓式炒粉絲，真係食完前菜都5成飽!

估唔到喺香港都食到咁好食嘅韓國嘢，以後食炸雞唔使飛去韓國！我哋叫咗半半薄餅同一份黃金鹹蛋炸雞半半薄餅我哋叫咗Gorgonzola + Margarita 口味，Gorgonzola芝士和蕃茄醬好濃郁，兩種味道完美地融合一齊。Margarita味道簡單又經典，食落好清新！薄餅底部酥脆，但又唔會太硬！黃金鹹蛋黃炸雞大大份，份量好多，聽講有骨好食d，所以我地叫左有骨版本。另外仲有無骨版本俾懶人揀😂外皮炸得非常酥脆，肉質嫩滑！黃金鹹蛋黃咸香味濃郁，亦鎖得住肉汁，真係好好食！最驚喜店員同我地講最近有免費甜品自助吧！今晚我哋食咗紅豆沙和麵包布甸。紅豆沙口感順滑，紅豆味好濃郁，甜度適中，唔會太甜。麵包布甸非常軟嫩，加上濃郁嘅果醬同雲呢拿醬，真係好香好好味！而且滿指定金額仲送埋窩夫🧇滿足到捧住肚皮走見到隔離枱叫其他野食都好吸引，下次要叫多幾個frd黎，可以試多幾樣食

哈囉！今日同女朋友嚟到觀塘嘅Dodam Chicken啦！入到去之後，啲炸雞嘅香氣就直撲我哋嘅鼻孔，令我哋口水直流咁。我哋就嚟咗兩款無骨雞脆皮，分別係韓式甜豉油同香蒜豉油，真係一試成主顧啊！韓式甜豉油炸雞皮好鬆脆，啲酸酸甜甜嘅味道同埋啲油條真係好好食！香蒜豉油脆雞就充滿咗大蒜味，每一口都好滋味，啲肉質又鬆又軟，真係好正啊！之後，我哋試咗芝士年糕炒麵，呢個真係好正啊！麵嘅味道好濃郁，有濃濃嘅芝士味，再加上啲年糕同埋啲拉麵，味道好濃郁，真係一道食物中嘅經典啊！每一口都好滋味，令人唔捨得停口！最後，我哋嘆咗一碗紫西米露，呢個係完美嘅結尾啊！紫米煮得好好，入口即化，紫西米露唔會太甜，係一個清新嘅甜點，令人覺得好舒服同埋滿足。總括而言，Dodam Chicken嘅用餐體驗真係好好！啲餐廳嘅服務好友善同埋好細心，啲餐點嘅味道又非常正，真係一個值得推薦嘅餐廳啊！如果你想嚐到最正嘅韓式炸雞同埋芝士年糕炒麵，就記得嚟Dodam Chicken啦！

放假想食下炸雞，今次揀咗位於觀塘嘅Dodam Chicken。餐廳位於亞太中心，環境相當寛敞。黃金鹹蛋炸雞一隻（$208）- 未食已經聞到陣陣嘅香味，入口鹹蛋好夠味，連埋炸得好鬆脆又嫩滑嘅雞肉真係好正。係好邪惡，但真心好味，必食推介。芝士雞蛋卷（$135）- 蛋卷蛋味好香，一切開加埋入面好澎湃嘅芝士流出，配埋茄汁同埋沙律醬食，味道好有層次。餐廳提供紫米露同布甸麵包做甜品，味道唔錯，食埋甜品真係好完滿。餐廳裝潢modern，環境寬敞，好韓風設計。食物質素好好，適合一班人食飯聚會

同朋友係亞太中心唱完k 經過樓下呢間韓式炸雞🍗見到個menu款式都幾多 所以決定試下個lunch!!只係炸雞款都已經有2-3頁 而且有得揀全份/半份+有骨/無骨！呢排有新菜單可供選擇！飲品款式都好多樣化！有Korean Drink, juice, smoothie 叫左呢個韓式年糕拉麵！鐘意食芝士既一定要試下！芝士非常拉絲！！而且韓國撈麵配個芝士真係好match!! 年糕亦好煙韌👍🏽炸雞是必須的！叫左韓式豉油脆雞🍗全份雞肉外脆內軟！雞肉嫩滑～食雞就最怕會肉質既問題！但試完之後真係完全唔洗擔心呢一樣野！冷凍麵！店員會比埋一支wasabi同醋 可以自己選擇落唔落！麵都係好長 但會有剪刀✂️方便進食！滿指定消費金額💰有返個窩夫🧇送返做飯後甜品😋😋

週末約咗個朋友敘舊。揀咗呢一間位於觀塘嘅韓國炸雞餐廳。=======環境=======餐廳以深藍色、白色，及紅色的裝修為主，很有格調。而且餐廳的樓底很高，亦很闊落。值得一提的是窗邊的座位，有個很大的落地玻璃，可以看到窗外很優美的風景。=======食物=======⚜️黃金鹹蛋脆雞（無骨）半份 $152⚜️炸雞的賣相十分吸引，而且份量十足。兩個人分，每人都食到約10件。炸雞的鹹蛋味十分濃郁。雞肉很軟滑，外脆內軟。雖然雞是油炸的，但吃起來不太油膩。我們倆很快就把這20件吃清光。⚜️半半薄餅 （Gorgonzola + Black Truffle & mushroom) $165⚜️一個薄餅可以選兩種口味。我哋揀咗一個芝士，另一個黑松露。兩款口味都很重料。芝士味和黑松露味分別都很濃郁。另外，薄餅也有很重的蕃茄味，酸酸甜甜的味道令人更開胃。=======總結=======埋單共$348.7 (即每人$ 175）。總括而言，餐廳食物的水準，而且環境優美。聽着餐廳播放的k-pop，吃着k food，我與好友渡過了一個美好的星期六下午。💜

Dodam chicken 俾人嘅印象就係炸雞好食，但係其實除咗炸雞之外，仲有好多其他韓式食物整得好好～今次特意推介幾款比大家：1️⃣韓國海鮮湯麵⭐️⭐️⭐️⭐️有時如果唔想食得太多煎炸嘢，食一碗湯麵就無得頂～除咗麵地彈牙有口感，最正係海鮮嘅配料都唔少，有好多魷魚鬚、蝦仔等，加埋和味嘅湯底熱辣辣，夠晒暖胃😋2️⃣韓式餃子年糕湯⭐️⭐️⭐️⭐️上湯開得好惹味～煮出嚟嘅餃子都好入味，索曬啲湯底，加埋煙韌有咬口嘅年糕，口感豐富味道一流！餃子入面包嘅餡都好足料，啲肉都好好食，食到停唔到口😍😍整體而言，餐廳環境舒適，空間充足裝修都好新好靚。食物質素中上，價錢物有所值侍應服務都好周到，下次過嚟觀塘不妨試吓啦～

放工行幾步就去咗亞太中心食這間韓國餐廳今次冇食炸雞，要咗雙重芝士烤雞另加一份海鮮煎餅海鮮煎餅份量比想像中大分好多我覺得要兩至三個人食先至夠過癮味道唔算好濃,可以再點返個汁另外煎餅底部煎得夠脆，食落覺得香口好味海鮮份量都多，有蝦、魷魚、青口感覺係足料海鮮份量平均，唔會一塊有海鮮一塊冇，塊塊都食得到雙重芝士烤雞， 中間個芝士麵包係亮點麵包入面嗰種芝士味濃郁唔會太油膩 ， 甜醬上面嗰種芝士可以拉絲配料入面有烤雞、蔬菜同埋有芝士餡心嘅獅子狗，覺得幾特別都幾滿足到芝士控餐牌款式都算幾多，樣樣都想食，我哋都揀咗好耐，下次可以再食其他另外仲有一個位要留意，下面好多人等電梯但係原來扶手電梯都可以上到嚟三樓唔使喺出面排隊大家可以留意下

這間韓式餐廳巳經第四次光顧了，每次相约朋友聚餐都很喜歡來這裡。食物質素色香美味，炸鷄不覺得 油膩，韓式年糕酱汁做得出色，甜辣度剛好。另外還有黑松露pizza，黑松露醬頗多，味道非常之濃郁。最後餐廳環境不錯，無論坐窗口位或較入位置都好有feel。

朋友好想食韓國菜，佢揀咗位於官塘壹亞太中心嘅Dodam Chicken。我當然奉陪啦！我哋揀咗近窗口位置坐底，雖然沒有海景，但看著港鐵車來車往又是另一番風味，餐廳環境舒適，地方闊落由於朋友已一早揀好心儀食物，不用我這個有選擇困難症的人操心，感到非常幸福Tentacles & Chicken大大碟魷魚鬚及炸雞炸雞外脆內軟，內質嫰滑，食到停唔到口魷魚鬚被一層薄薄的炸粉包裹着，味道鮮甜，好有咬口得嚟唔會韌Truffle Pizza熱辣辣的Pizza，鬆脆的餅底，舖上蕃茄醬，厚厚的一層芝士，再加上滿滿的黑松露，口感非常好，芝士味濃郁得來又唔騷，正。Rapokki On Cheese又有年糕又有拉麵，雙重享受，味道帶少許辣，非常惹味

之前去韓國旅行已經見過呢間韓國炸雞店，見到觀塘有分店，即刻約朋友去試下。餐廳以深藍色格調設計，場內有個電視不斷播K-Pop music，而且有落地玻璃設計，光線透入餐廳，都幾靚。店員好好幫我哋安排咗窗邊位置，打開餐牌見到炸雞口味超過10款，有蜜糖、香辣、豉油、香蒜等等，諗咗好耐我哋決定叫返最高人氣嘅香辣味，因為我哋得兩個人所以嗌咗半份。半份香辣脆雞甫一上枱，炸雞香味撲鼻而來😍甜辣汁掛滿炸雞表面，賣相已經好好。雖然我只係點咗半份，但係都差唔多有10件脆雞咁多。咬落去啲肉汁滴晒出嚟，但係完全唔油，廚師處理得好好👍🏻炸雞雞肉仲係好嫩滑，甜辣汁唔會好辣，唔食得辣嘅朋友都可以試下。韓式炒牛肉粗粉絲呢個炒粉絲份量好多，兩個人食都好夠。呢個炒粉絲好特別，比起平時食嘅粗好多，更加有口感。牛肉炒到好香，粉絲吸收咗香濃醬汁，推薦👍🏻另外大家可以預先喺OpenRice訂枱，有75折優惠🤪

點左香蒜脆雞和韓國甜豉油脆雞🍗🍗本身幾期待黎食炸雞，肉質係鮮嫩，味道非常香濃，但味道真係太鹹食第二件，要去皮先食到。韓國炒粗牛肉粉絲，有鑊氣，加埋配菜，味道香濃，粉絲有口感，不過味道都係偏濃。韓式海鮮煎餅，材料不豐富，只食到蛋漿、魷魚和蔥，欠缺其他海鮮，味道較清淡，煎餅較軟身，不會外脆內軟，味道一般。雞肉炒飯，都係非常之普通，非常乾身，缺乏意慾再食。整體覺得性價比不高，雖然份量充足，但價錢偏高。環境舒適，服務態度良好。

再一次黎呢間韓國餐廳"Dodam Chicken" 🐥🐤🐣貪佢食物份量大，品種多，價錢合理，味道又出色😋另外餐廳干淨又寬敞，枱與枱之間有距離感，仲有不斷播放k-pop, 好有去左韓國嘅感覺，又坐得舒服，同朋友傾計一流今次我地book左6點半，時間早可以安排坐係窗邊位，等野食上枱嘅時候可以望下觀塘市中心嘅風景＆地鐵來來回回嘅情境打開menu有好多不同口味嘅炸雞任君選擇，有選擇困難症嘅我真係要encore幾次先食得晒所有味道🤣今次order左魷魚鬚脆雞，炸物我覺得佢地做得好出色，粉漿調校得好好，好薄，好脆，唔會因粉漿過厚而食滯左， 魷魚鬚底部鋪滿大量嘅雞塊，雞肉嫩滑juicy（份量嚇呆左相當大份）芝士年糕拉麵：有芝士嘅關係餐廳用鐵板上令芝士冇咁快凍左變硬，而材料相當豐富有芝士獅子狗，蛋，魚糕，年糕＆拉麵，每樣材料都可以沾上韓式辣醬，甜甜辣辣好惹味，當芝士遇上年糕簡直絕配黑松露磨菇pizza：從未食過咁熱嘅pizza, 證明餐廳上菜效率高，一出爐就送上食客枱上。pizza餅底係薄批黎，但薄得黎唔會好似食餅干咁硬，但又有食面包嘅口感。

我去咗Doodam Chicken試咗佢哋嘅無骨雙併甜辣同香蒜豉油炸雞，仲有泡菜年糕湯配炸紫菜粉絲卷。份量夠食3-4個人，好豐富呀。炸雞皮炸得好脆，肉質又好嫩，甜辣同埋香蒜豉油嘅味道都好好味。泡菜年糕湯入面嘅年糕同魚糕都好有口感，湯頭微辣又唔錯。炸紫菜粉絲卷個皮好酥脆，粉絲又好香脆。仲有啦，菜裏面仲有啲獅子狗、年糕同薯粉，都好好味㗎。Doodam Chicken嘅野都好食，餐廳環境舒適，服務態度都好好。如果你鍾意韓國菜，就一定要嚟試吓啦。