Dodam Chicken (1亞太中心) (已結業)

見dodam chicken近排做優惠，下午3點到5點有7折，就睇完戲順便過嚟食。Dodam chicken位於亞太中心，APM出行幾分鐘就到，很方便。雙重滋味 $248雙重滋重即是半半，可以選兩款，多試一隻味，我地選了韓式辣味和蜂蜜牛油香蒜味。大部份韓式店都是賣炸雞，焗雞就比較少見，所以黎試一試。焗雞口感嫩滑，完全不會嚡，上面灑上杏仁片作點綴。韓式辣焗烤雞韓式辣焗烤雞有2種不同程度的辣。韓式辣是甜辣味。唔食辣的朋友要小心啲，正常辣度的醬都幾辣。蜂蜜牛油香蒜焗烤雞大推蜂蜜牛油香蒜焗烤雞，甜甜的很不錯，蜂蜜同牛油味很出，配上香脆的杏仁片口感一流。韓式魚片湯 $175魚片湯的湯底口味適中，不會太淡或太鹹。加$20仲可以加烏冬，不過我們得2個人食唔曬就沒有加。除了平時常見片狀的魚糕，還有條狀和丸，口感唔同，但食得出都是用魚製成。魚片湯用料豐富，除了唔同種類的魚糕，還有蛋、冬菇、洋蔥同菜，食完好滿足。

跟朋友去完韓國旅行番嚟還有啲意猶未盡的感覺😎 於是今日再去dodam kitchen 食番夠本👍❤️食得韓國菜 點少得韓式炸雞🍗我地2個女仔就叫左半份黃金鹹蛋脆雞 （無骨）🍗💛（$152）話就話半份 但份量都幾多 數埋都有十舊到😉同埋新鮮炸起熱辣辣 🤤 脆口之外啲炸粉又好薄 肉質好嫩👍😎 仲要鹹蛋好出！ 係每一邊都食到粒粒鹹蛋碎既 完全係韓國食到既水準呀！另外 我地見到有個 韓式手抓飯 🍙 好似幾特別既茶式就去try try 😀 佢個飯主要加埋蟹籽、蟹柳粒同埋紫菜😉同埋都幾大碗🤤 仲會比埋手套 🧤方便以手抓方式整成飯團咁 簡單又衛生😍仲要幾好味😋小朋友食一定會鐘意😆最後當然仲要叫番碗韓式海鮮麵（辣）🍜餐廳用韓式鋁鐵兜呈上 好有韓國地道風味😍當中海鮮有 青口 鮮蝦 🦐八爪魚🐙 蠻豐富的至於韓國拉麵都當然唔會令人失望 煮得唔會腍又咬口 且個湯底辣辣地 好惹味🌶除食物外 呢到環境都好闊落 我地2個仲要坐卡位 對出面有落地大玻璃👍真心正！好岩同朋友坐係到傾下計 嘆下美食 而且服務很好👍

講到食韓式炸雞自己幾鍾意dodam chicken，之前淨係試過銅鑼灣店，今次試返觀塘店🤤同銅鑼灣店唔同，觀塘店環境更加光猛，走優雅路線～星期日六點左右去到，未係好多人，唔使排隊就直接入去食。今次三個人食叫咗兩份雞，手抓飯、仲有一個pizza同嘢飲。總共食咗700蚊左右全餐最驚豔就係呢個鹹蛋脆雞，賣相已經好吸引，一上菜就聞到好香好濃鹹蛋嘅味道😈 揀咗無骨雞，成舊雞放入口外脆內軟嘅感覺真係好正🥰 鹹蛋食得多係有少少膩，但係配搭飲品同其他食物都OK另外一樣好鍾意就係手抓飯，好得意地要自己捏成一個個飯團🤣 蟹柳蟹杍紫菜沙律醬嘅配搭簡單但係好夾，鍾意食飯團嘅朋友仔一定要試吓烤雞比起脆雞個人覺得冇咁特別，可能係因為我哋叫咗原味。不過配搭佢俾嘅bbq醬同芥末醬之後都幾好食嘅叫多左一jar 西柚梳打，用嚟解膩一流！唔會太甜，飲落好清爽！個人鍾意black truffle and mushroom 個邊，truffle味好出，配搭甜甜嘅蕃茄醬都幾得意

韓式雞店數量在過去幾年暴增，但是依然有新鮮感，因為味道比肯德雞好味得多。品嚐過幾間韓式雞店，小編比較喜歡「Goobne Chicken」。今晚諗唔到食乜，就試下呢間在香港有兩間店的「DODAM CHICKEN」。周末晚上人流不多，但是韓雞店總會有電視播放K pop 因此環境不算冷清。在韓國開店的 DODAM CHICKEN，與於2011年在韓國開業的韓式烤雞店 Hwaggudak 屬同一集團，因此香港店可以同時品嚐焗烤雞和炸雞。原本想要半份焗烤雞及半份炸雞，可惜焗烤雞沒有半份選擇……唯有放棄炸雞。餐牌上焗烤雞款式有多款味道，不過第一次吃，還是點原味最好。焗烤雞沒有半份選擇，有十多件，最少兩個人才可以勉強吃完。【原味焗烤雞 $195】店內的焗烤雞都以多款秘製香料醃過，並以專業薄餅爐焗烤而成，用高溫烤焗高達450°C熱力散佈平均之外還可以逼出雞身多餘的脂肪，同時可以保持肉汁。雞皮薄滑又沒有太多脂肪，但不夠脆口。肉身柔軟嫩滑，但香草味不重。店方附送兩個醬汁可以沾上雞件增添味道。韓雞店都是走年青新派路線，難得見到 Menu 中有傳統人参雞湯，當然要試試下。韓國食物的代表，除了泡菜、韓牛外，必選

本人超喜歡吃韓國前菜，最好就係可以任食，搵到呢間有炒粉絲、泡菜任食...淨係食粉絲都可以食飽哈哈！Lunch食成碟炸雞太heavy，最好就係同朋友share，想食蒜味雞但又唔想太甜，所以冇叫到蜂蜜牛油香蒜脆雞，一於試下香蒜豉油味，點了焗烤雞冇咁熱氣，皮脆肉嫩，有少少食中式豉油雞的感覺幾特別，可惜無為意原來可以改做無骨雞，唔係食得仲盡興！另外亦點了芝士蛋熔岩泡菜炒飯同朋友share，加左煙肉添了點咸香，唔錯唔錯！份量大，每個lunch set都只係$80零蚊，仲有前菜任食同一杯飲品，超抵!

咁啱喺附近做完嘢，約埋喺附近返工嘅朋友，大家都想食韓國嘢，見Dodam Chicken個位咁方便，APM行前幾步就到，所以過嚟食晚飯同傾偈餐廳好乾淨好闊落，枱櫈又大張，座位好舒服，同隔離枱有足夠距離，傾偈都唔會被隔離枱聽到或者嘈住大家，餐廳仲播住K Pop，氣氛好好，好彩我哋算早放工，6:45pm入座，過幾個字餐廳就滿座要排隊等位餐牌提供嘅食物選擇好多，有埋圖片，望落好吸引，我哋點咗兩款主菜香蒜脆雞(半份)($148)-炸得啱啱好，外脆內嫩，汁嘅份量啱啱好，唔會令到雞皮淋晒之餘，又夠濃味，香蒜汁配埋杏仁片同檸檬汁，食落好開胃芝士年糕拉麵($175)-有大量芝士，甜甜辣辣嘅汁都好足夠，拉麵、年糕同其他配料都好足，啖啖都食到芝士同汁，味道好香濃前菜酸蘿蔔味道啱啱好，唔會太酸，好清新我哋見其他客人點嘅食物都好大份好吸引，希望下次有機會同多啲朋友嚟，可以試多啲款同飲品.

📍係香港食韓國野，我首選一定係呢間🤔 佢嘅食物大份又好食，而且好貼近我喺韓國食到嘅味道，價錢唔算太貴 CP值高。海鮮煎餅 $155 👉🏻 韓式煎餅喺香港唔多餐廳做得好食，呢間做係唔錯👍🏻超大量嘅海鮮同埋蔥，煎到好脆 好好食🤤韓式牛肉粗粉絲 $165 👉🏻 有別於一般嘅韓式炒粉絲，佢用比較粗身嘅 類似薯粉，口感煙韌，更加好食💯芝士雞蛋卷 $135 👉🏻🧀🧀🧀🧀🧀超大量芝士…. 一夾起勁拉絲 夾極都痴住🤣 好足料呀炸魷魚鬚薯角 $168 👉🏻 本身仲諗緊要食炸雞、烤雞定係炸魷魚鬚，最終選擇咗之前未食過嘅魷魚鬚🦑 佢炸粉粉漿唔會好厚，好脆 上枱熱辣辣 好惹味口香！因為粉漿唔會好口，所以唔會覺得好油膩好滯，食多幾嚿都仲食得落。另外佢個底仲有好多炸薯角，同樣都係好香脆🥔

雖然一早訂咗位, 但去到竟然冇乜人, 以前呢間好多人排隊食, 訂位都話FULL要WALKIN, 不過今時唔同往日, 今次再食返覺得差咗好多, 唔怪得之少咗人流, 午餐SET包飲品同小食, 係自助形式, 飲品都係罐裝或者紙包, 小食係炒粉絲同泡菜, 但賣相唔太吸引蜂蜜脆雞- 有蜜糖味, 但炸雞好一般蕃茄卡邦尼炒年糕 - 年糕 一定要熱食, 凍咗就會乾口感亦會有好大分別, 呢款炒年糕味道不錯韓式拌飯 - 冇乜特色既拌飯古岡左拉芝士薄餅 - 呢款PIZZA幾好食, 餅底夠薄而脆, 芝士味濃而多豉油炸雞 - 得陣豉油味, 雞肉完全唔入味, 有炸雞賣既K仔M仔都好食過佢總結 : 有啲菜式真係麻麻地, 雖然有啲某啲菜式係唔差既, 但冇意欲想再嚟食

早排同朋友講起，好想食韓國嘢，尤其是勁掛住韓國嘅牛排骨湯😍😍今日終於有時間同朋友去食下韓國餐廳，apm來來去去都係嗰啲，唔講唔知原來觀塘都有間韓國嘅過江龍，係APM隔離嘅亞太中心餐廳位於亞太中心3樓，一出轉右就見到餐廳環境好優美👍🏻👍🏻適合一家大細出去食飯/一班朋友嚟吹水傾偈嘅好地方👍🏻加上餐廳入邊播放年輕嘅韓國歌，風格都以時尚為主👍🏻今次點左我好掛住既韓國牛排骨湯（$208）仲有我好喜歡既招牌沙律（$128）non alcohol drinks 選擇都幾多，飲品我哋點左ade Mango & Yuja口味（$40/per cup) ，原來有得一Jar咁叫既，會幾適合一家人/朋友聚會叫👍🏻沙律用料勁新鮮，有腰果，紅腰豆，菠蘿，車厘茄，粟米粒等材料，配以自家調製嘅沙律汁，加上新鮮既沙律菜，勁好食！橙色呢個一片既應該係紅蘿蔔，加咗入沙律入邊，個colour 好豐富呀！！！香噴噴既牛排骨湯勁多牛排骨係入面，2人份都夠食，每人都有2-3碗架！牛排骨都有十塊左右。湯好香濃既牛味，配以韓國粉絲，菇類，食完勁想encore 😂😂😂飲品揀左ade…..韓國hit左都好一段日子，難得黎開韓國餐廳梗係要試

去開觀塘一帶，諗左好耐都唔知食乜好，呢排煲開韓劇想念oppa……🤭🤭🤭諗起有間韓國過江龍炸雞係附近，仲要係APM隔離既亞太中心，咁近緊係想試下啦！一出lift就見到招牌，好易揾🫶🏻我哋下午時段入去，見到門口炸雞menu已經按奈不住😙枱面以雲石風，餐廳主打裝修都好舒適！一入門口就見到電視播緊k pop 😍我同朋友極愛芝士！我哋點左三重芝士脆雞（$218）超級大盤！而且cream cheese好出色！店家係炸雞既中間位置放置左一個面包，面包裝既係滿滿既cream cheese! 另外2邊各自有mozzarella cheese同Cheddar cheese係底部既2邊，各佔一半成件事好正啊！芝士迷必試！上枱果下鐵板仲「渣渣」聲咁架😍！熱辣辣既炸雞配以熱溶既cream cheese!好豐富既芝士味啊！！炸雞配以芝士，仲有拉絲效果😍完全心心眼狀態😍飲品方面，non alcohol drinks 選擇唔少，我選左之前受歡迎既ade (Mango)-$40，芒果味道濃郁！而且有果蓉係入面，視覺同味覺既大享受啊！另外朋友點左同樣係ade(yuja)-$40，清香既柚子味同芒果既配搭唔同，係另一種清新

今天去吃了好久没吃的韓國炸雞，這裡簡直就是芝士控天堂～無骨脆雞每次吃雞我都喜歡吃無骨的，咬落去肉質唔會太乾，外面啲炸粉唔會太厚身芝士年糕拉麵其實我最鍾意食既係芝士年糕拉麵，雖然有好多芝士，但因爲有辣酱，所以一啲都唔覺得得滯，年糕都好Q彈芝士雞蛋捲呢個絕對係必嗌既菜品，切開入邊係融化既芝士，有拉絲效果，出邊有一啲酸酸甜甜既酱，口感丰富且綿密

环境好好，我哋坐窗边位，可以见到地铁来回，小朋友会好中意。我哋点左咸蛋黄炸鸡，好好味，还点左薯条，又大份，适合多人聚餐，可以点多样菜式，下次还会带朋友一起去，推荐。

之前食過外賣🥡幾好食 今次約埋朋友一齊堂食 順便止下韓國🇰🇷癮🏅芝士雞蛋卷係必叫之選 雞蛋包住海量芝士🧀🧀🧀上面鋪滿蟹子同沙律醬甜醬🤤 嫩滑既雞蛋配搭粒粒蟹子 中間包滿芝士 口感非常豐富😋✨海鮮蔥餅都係咁好食咁足料 裡面好多海鮮 🦐🦑仲有青口 加埋大量既蔥 仲要煎到金黃色 勁香口 最鍾意邊位 最香脆最焦香🤭🤭🤭✨牛肉炒粗粉絲比起一般韓式粉絲煙韌 仲要勁多軟林林既牛肉🫶🏻🫶🏻🫶🏻另外仲叫左炸魷魚鬚🦑薯角🥔 魷魚一咬就斷 唔會食得狼狽 魷魚鬚炸皮仲要脆卜卜 好似薯片咁👍🏻 成餐食得好🈵足💃💃💃

8/3 當晚為婆婆及女兒慶生兩大兩老兩童食物質素還ok，但服務態度超令我掉眼鏡。我自己都曾做過飲食業，自問正常唔會咁服務客人，請你地公司真係要正視問題及好好培訓員工。第1:除左常站門口既男主任/男經理態度溫和，其他樓面員工，無論男女人都無戴靈魂返工咁，戴住口罩都feel到係生無可戀咁既感覺，唔知以為發生咩事。第2: 食曬野，我叫樓面員工幫手執減d碟，因為想切cake影相無咁亂，男員工將成個灰色長方形下欄盆，裝污糟碟果個，放上我地張枱慢慢執..左右兩邊枱邊都放左一次第3:男員工清清下枱面d碟，整瀉杯野凍水， 好彩唔係熱水果杯，搞到老人家褲衫都濕埋，無員工過黎關心/拖地，果位男員工繼續執枱…第4:地下都濕曬，我驚老人家滑倒，即刻用枱面紙巾吸水，男主任/男經理見我用紙巾吸水，都無話黎拖地，仲問返我：仲使唔使要紙巾😅第5:男員工繼續清枱面碟，灰色長方形既下欄盆，裝污糟碟果個，內面有污水，因為男員工是繼續執枱面碟掉落去下欄盆，引致下欄盆污水彈落老人家度，你話啦，幾咁唔衛生可能大家會問，點解我當刻唔反應意見？我地開開心心黎慶生架 老人家仲要第1次食韓國嘢我唔想發曬癲 大吵大鬧 我好努力控制自己 我

跟很久沒見的朋友吃LUNCH, 她特登都觀塘找我說要吃香口的東西，於是我便想起了DODAM CHICKEN，就帶她去了。都有一段時間沒有去, 餐廳依舊多人，餐牌有各式的韓式美食，我們就點了芝士蛋熔岩泡菜炒飯($82)及香蒜鼓油烤雞($80)。在等待之制可以到外面自肋區拿任食泡菜及粉絲，而粉絲是非常惹味的。芝士蛋熔岩泡菜炒飯因為有泡菜所以是微微辛辣的，飯是紅色置於中間，上面放了紫菜碎，外面圍著一大圈芝士蛋，非常吸引。吃一口泡菜炒飯混合拉絲芝士蛋，是非常好的享受，令我十分想念韓國!來這間餐廳又怎能不吃炸雞！之前試過原味、蜂蜜牛油香蒜脆雞，今次朋友想試香蒜豉油焗烤雞 $(80)，怕熱氣無叫炸雞，但焗烤雞其實一樣香脆肉質juicy，而且用上豉油令外皮色澤好靚好吸引，豉油微鹹加上蒜香超惹味，本身怕兩個女仔食不完，最後食到停不了口！朋友大讚lunch可以食雞只是80多元超抵食，不過不知道可以改無骨雞，下次想再吃menu其他味炸雞，好啦我們再約！