Double Chefs Market (已結業)

好耐都無得晚市食韓燒，所以找尋一下可買回家的外賣燒肉。這店之前套餐有Bruno送，今次我訂4人套餐就沒有。好似情人節就會做promotion連Bruno爐。我們叫了四人套餐，包牛肉拼盤，味噌湯，野菜拼盤，北海道七星米，DCM燒肉汁，煮酒，鹽及黑椒碎。套餐好齊全，有湯，菜及肉及米，十分滿足。他們送貨安排好周到，有大大件冰放上面。肉質方面，好滑，最喜歡黑毛和牛小排，夠肥美。五花腩都不錯。薄切牛舌好薄，所以煮時要快煮就唔怕會太熟而覺得韌。蔬菜拼盤有兩盒，還有一樽煮就給你一起煮。湯方面，略鹹了一些。日本珍珠米配肥牛十分夾。

疫情關係令外賣生意急促發展，以前想不到的火鍋、燒肉也可以外賣，算是苦中一點安慰。外賣員送貨很準時，包裝也很妥當。我點了⭐️特上燒肉（2人前）$468有特上牛肉燒肉拼盤 、野菜拼盤、北海道七星米、DCM自家製燒肉汁、煮酒和鹽及黑椒碎 (連研磨器）。燒肉拼盤和野菜拼盤盒以保鮮紙包裹，米、味噌湯以真空獨立包裝，方便衛生。餐廳的網站有介紹每款肉要燒多長時間，只要一部BRUNO 多功能電熱鍋 就可以輕鬆烤肉。⭐️鹿兒島A4黑毛和牛牛胸腹顏色呈粉嫩的粉紅色，油花細細綿密，厚度適中，各加熱數十秒，入口油脂充沛，滿嘴油香。⭐️澳洲M5和牛西冷和美國安格斯牛三角味道差別不大，油花較少，咀嚼起來肉味突出。⭐️厚切牛脷芯牛脷入口爽脆清爽，有一點厚度吃起來很美味！⭐️DCM秘製汁燒牛肋條我最喜歡吃牛肋條，經過醬油醃過的牛肋條小小一塊，連著筋肉咀嚼起來愈吃愈香，肉味濃郁，很好吃！⭐️野菜拼盤先燒翠玉瓜、茄子、冬菇和四季豆，再燒菇、銀杏、大蔥和粟米芯。但由於我沒耐性，把蔬菜和牛肉混著燒，蔬菜和牛肉烤的時間又不同，有點手忙腳亂，但燒完後蔬菜很鮮甜，配上牛肉吃很棒！⭐️DCM自家製手工泡菜$68泡菜也十分出色，以切絲白蘿蔔為主，入

成日心掛掛嘅壽喜燒，依家喺屋企都可以食到同出面一樣咁Jeng嘅，Double Chefs 嘅將壽喜燒食材速遞送上門，由兩位前高級日式料理主廚創辦嘅網上食材專門店，食材質素好有保證，我推薦大家購入極尚和牛壽喜燒套餐(2人前) ，佢嘅秘製日式料理湯底、各款和牛，都令我大感滿意。DCM自家製壽喜湯，壽喜燒湯底味道香甜、醬油味道濃郁。特上牛肉火鍋拼盤，包括左：鹿兒島A4黑毛和牛牛小排、澳洲M5和牛西冷、鹿兒島A4黑毛和牛牛胸腹、鹿兒島A4黑毛和牛牛三角，官方推薦由淡到濃口味食用，整體好高水準，肉質嫩滑、肥美，份量足夠，牛味濃厚，油花分布平均，色澤嫩紅，入口即化。稻庭手打烏冬，口感彈牙又入味。野菜拼盤，包括有：娃娃菜、冬菇、紅蘿蔔、洋蔥、金菇、南瓜、鴻喜菇等等，8款食材盡吸湯底精華、好入味、口感好軟腍。

想食涮涮鍋😍又懶出街🥱唯有上網叫速遞送上門🛎Double Chefs 特上牛肉涮涮鍋(2人前) 有齊DCM自家製昆布鰹魚湯🐟特上牛肉火鍋拼盤🐂拼盤入面有鹿兒島 A4 黑毛和牛牛小排/牛三角🇯🇵澳洲 M5 和牛西冷🇦🇺美國安格斯牛小排🇺🇸美國安格斯牛三角🐮稻庭手打烏冬、日式芝麻醬、野菜拼盤🥬🧅用昆布鰹魚湯做湯底，味道非常清甜😋每一款肉都好優質💯肉質肥美嫩滑，油花分佈平均，肉味濃郁🤤烏冬彈牙又入味😙喺屋企只要開爐就食到高質涮涮鍋😉真係快靚正

每年情人節都會出街食飯 但今年有肺炎 真係唔夠膽出街食飯 每日都要戴口罩番工 希望香港可以快啲度過呢個時間就係因為唔可以出街食飯 於是我地就打算上網睇下有咩外賣 比我見到U life有一個廣告好吸引 就係日式燒肉同Bruno燒烤爐日式燒肉加Bruno燒烤爐 $998 這個價錢非常吸引 😍 平時一個Bruno燒烤爐都已經$9xx 而家成個package 仲要係二人分量都係$998 這個價錢仲要包送貨有五款不同的肉 好濃郁的肉味 我地私底下煮左一個白飯 一口肉一啖飯 好好味 😋還記得食到最後兩款肉 油脂比較多 入口即溶 😍😍😍下次我一定要再試下Shubu Shubu 🤩

我住係黃竹坑，呢度簡直咩都無， 好食既餐廳更加唔洗講，小店附近有d,但質素都好普通， 而且選擇好少， 又唔想食d 港式味道， 或者港式fusion 味道。 前幾日終於搵到間合心水既小店， 佢地竟然有魚生丼食， 以前係市區成日買黎食， 黄竹坑終於有得食好味刺身， 比市區仲平仲好味。我見地鐵站附近有傳單就上去睇，發現原來佢地剛入左原條吞拿魚， 日本直送。 我試左佢地期間限定既牛油果吞拿魚他他丼。 嘩好食過出面既多多聲， 因為實在太新鮮， 好味到震， 而且平出面好多。 咁好味，我下次決定要食佢既拖羅丼。 好感動， 黄竹坑終於有好野食， 而且岩我食。

黃竹坑係美食沙漠， 返左工咁耐真係無啖好食， 呢幾日發現左新野， 專食牛同刺身， 佢話係經驗豐富既日式料理主廚主理。食左個溫泉蛋汁燒牛肉丼， 勁有水準， 汁調得好好，配埋個溫泉蛋， 好快成碗飯食哂。 朋友叫左個澳洲m5和牛西冷鵝肝丼， 超正， 個牛好juicy, 超重牛味， 好耐無試過出街食咁好味既牛， 而且價錢又唔貴， 不過只係做外賣， 同埋大約12點9去到都好多人， 要等陣， 因為好似得一個師傅負責廚房。 呢度服務好好，全間野既同事都笑面迎人， 好有小店feel, 好鐘意😍

聽d同事介紹話呢間牛肉專門店個安格斯牛三角丼好味， 其實我都唔知咩叫牛三角， 但食落真係又juicy, 又冧， 又有牛味， 一食己經知係靚牛， 配埋個蒜香汁， 真係會食上癮， 賣64蚊連埋罐裝汔水， 真係扺到震。同事食左佢個澳洲m5和牛西冷鵝肝丼， 嘩食得出個牛真係用靚貨和牛，外脆內嫰配埋鵝肝真係一流。 同區真係少見有咁既質素， 去到旺區更加唔洗講， 平時食襯啲食材都無味， 只係用好濃既汁去蓋過食材味。 佢地1230前同1330後仲可以減5蚊。 真係好扺食， 要繼續支持小店 ,所以寫人生第一個食評

一年都唔入一次黃竹坑嘅我，今年第一次入去就俾朋友拉去試呢間小店。估唔到幾好食喎，好有驚喜！而家變咗係朋友嘅開工飯堂之選～可惜只有外賣自取，希望遲啲可以堂食啦！我嗌左：豬軟骨大根丼飯豬軟骨非常入味但唔會過咸，骨嘅部位係淋得黎有微微咬口，唔會食到漿住個口，食完唔會好濟，好味！朋友1嗌左：三角牛飯呢個不得了！好有牛味好軟淋好juicy!! 下次好想自己嗌番個，為左呢個絕對可以入多次黃竹坑搵朋友食飯朋友2就嗌左：咖喱吉列豬扒飯 （冇影相）呢個又係超好味，豬扒炸完仲好juicy，又唔乾柴，炸粉又唔會過厚，個人覺得仲好食過世貿間x吉感覺呢間野好似幾有心思，整完個飯會灑上蔥花同芝麻，賣相不錯...呀！另外我地仲加左$5日式炒菜（又係冇影相），呢個要讚一讚，5蚊雞嘅菜一啲都唔兒戲囉！又椰菜又冬菇又粟米仔咁，仲要有鑊氣！估唔到咁足料朋友加左隻$5溫泉蛋，就是溫泉蛋一隻，呢個我就唔識評論啦而家有心思嘅小店唔多了，遇到就要上黎讚吓支持吓，唔想食黎食去都係連鎖集團呀

三角牛丼令人驚艷！60幾蚊有咁樣的質素，值得一試！滑蛋豬扒，好juicy，一d都唔柴。店員仲俾左少少自家製的咖哩試，好好味！下次一定要試下距地的咖哩出品。整體水平都係高水準之選！

黃竹坑不嬲lunch 都無乜選擇， 發現左間新開張既外賣丼飯， 仲係即叫即做（黃竹坑少有）係做左廿年日式料理既廚師開， 叫左個美國安格斯牛扒丼， 牛扒大份又有肉味。 師傅話slowcook 過， 然後再煎香， 飯個汁都好好味。 佢話遲d 會賣埋牛扒， 好期待😋