Doux (已結業)

今日小妹約左幾個好朋友食飯，想搵個地方傾下計，之前有朋友介紹係旺角鬧市中坐得舒服，食物又高質既西餐廳。位於旺角彌敦道726號，棟大廈全部都係餐廳，呢間餐廳就位置18樓。餐廳裝修簡約但擺設精緻，放滿不同既啤酒樽做擺設。首先叫個沙律醒下胃，見到有我最鐘意食既羽衣甘藍，仲要配上新鮮煎起既北海道帶子再配上幾款嘅果仁乾果，好適合一啲健康人士。北海道帶子甘藍沙律$128跟住就叫個小食拼盤，有芝士薯條，魚手指，炸蝦，炸雞件。全部都有濃濃既芝士鋪面。啲芝士配上熱辣辣既炸物，鐘意芝士既朋友一定要試下。小食拼盤$138跟住再叫左個黑松露雜菌貝殼粉，黑松露味好重配上忌廉汁簡直係絕配，佢個特點係用左貝殼粉，比起普通意粉長通粉特別。黑松露雜菌貝殼粉$108黎到呢間餐廳既重頭戲就係甜品同飲品，甜品佢有好多唔同既款式，賣相仲要非常特別。今次我地叫左個 Ruby Peach，佢外表係一個桃既形狀，外邊係一層軟林林嘅蛋糕，入面包住桃味既流心醬同啫喱，味道相當出色。甜品伴碟都唔馬虎，襯托得好好。Ruby Peach $98飲品方面，我地4位各叫左一杯，見到隔離枱叫左杯熱既水果茶，賣相好特別，甜度都好適中，但我更加推介我飲

樓上雅座係唔錯嘅，又有落地玻璃窗，可以見到美麗嘅香港夜景。openrice 訂位仲有折or Asia mile. 我地兩個人撐枱腳就只叫左兩個套餐，有湯，有沙律，加一個主菜。是日餐湯係甘筍湯，好甜，好有甘筍味。沙津哈蜜瓜非常甜配上提子乾，沙律菜，加黑醋，非常醒胃，做前菜一流。輕煎北海道帶子黑松露野菌意大利飯 - 帶子大而爽，香噴噴嘅黑松露配上creamy 嘅意大利飯，絕配溫泉蛋煙三文魚忌廉汁煙斗粉 - 每次打開溫泉蛋都好自瘉，望著啲蛋汁慢慢流出加上煙三文魚粒同黑椒粒，加埋煙斗粉，一匙匙咁食，一啖滿足不同口感。

老友退休喇，為她慶祝下人生下半場，學習過慢活的日子，網上搜尋這間Doux 環境幽靜，最啱姊妹們午間小聚，人生就係要去享受下呢種日子，不境辛勞了幾十年工作。。。環境很好啊！又光猛，坐落是令你有好舒服感，因為有大玻璃窗可以望向樓下煩囂嘅鬧市，可讓你有安息一刻，侍應生熱情招待和介紹今日的午餐食品。我哋開心share套餐，北海道蟹棒蜆肉意大利飯和bb豬肋排，有飯有肉🍛🍖。蟹棒鮮味不像雪藏哪種味道，再配埋黏黏的意大利飯肉汁味好creamy鎖住啲米食落不油膩，bb豬肋排一啲都唔bb，哈！有六條之多呢！午餐真係幾有份量啊！切開一條條，每人有三條，味道有點似燒烤味甜甜地，仲有沙律菜同薯條。侍應生很細心預備埋支茄汁❤飲品我選了 ice peach tea 外貌似凍奶茶，飲落味道有清淡的桃味，入口清清甜甜。老友就飲熱泰式奶茶☕ 覺得茶比較濃不似中國茶味。我哋食下講下已經坐咗兩個幾鐘啦也不覺呢！食物和環境確實是一個好去處。✌😁

今天終於有機會和友人吃一頓悠閒的美味午餐。位於彌敦道726號18樓的Doux餐廳，環境寧靜舒適，單邊的大玻璃窗外景緻非常開揚，估計晚上的氣氛一定更好。我們從午市套餐的餐牌上選了兩個午餐後，便邊談邊等。未幾，餐湯、沙律和茶便送上。今天的忌亷粟米蘑菇湯非常濃滑，鴨胸沙律菜爽脆，醋汁頗為醒胃。冰凍的白桃冰茶有著淡淡的桃香味，喝一口便即能將暑氣盡消，透心涼。～烤西班牙黑毛豬黑毛豬烤得恰到好處，邊位微焦脆，非常美味，肉質鮮美有𡁻口。隨餐的汁醬，不會過鹹，味道適中。伴碟的沙律菜正好豐富食物的多層次感覺。連皮的薯條外脆內軟，一定不能錯過，不用點茄醬亦美味無窮。～慢烤BB豬肋排份量不少，猪肋排醃得非常入味，微辣，肉質淋滑，好容易便能一條一條骨切開。伴碟沙律菜增添纖維，平衡了這菜的營養。新鮮炸起的薯條雖然較熱氣，但也不能抗拒，所以完全沒有吃剩。今天的午餐非常充實豐富，滋味無窮。估計這裡的午餐是即叫即製的，所以製作需時，但邊閒談邊等，等候時間不經不覺便過去了，換來的是一頓美味的午餐。

今日來到旺角食晚飯，選了以甜品出名的西餐廳Doux，樓高18層飽覽旺角大部份夜景，落地大玻璃前拍拖食飯感覺良好。餐牌有分飲品跟食品，還有甜品，而甜品種類繁多，現場亦有很多不同牌子的手工啤酒及賣相好靚的Cooktail。輕煎北海道帶子甘藍沙律 $128帶子略煎加上少少鹽和胡椒，肉質鮮嫩，口感一流。羽衣甘藍貴為super food 加上沙律醋另上，餐前醒胃。沙律𥚃面有大量生果粒、黑梅、合桃。特別一提，合桃略帶蜜糖味，上碟時仍然香脆，應該用蜜糖焗過，非常美味。法國活藍青口香檳忌廉汁意粉$138意粉分量足夠，最重要忌廉汁唔太膩，可能加上香檳去煮，而藍青口亦鮮味彈牙。經典漢堡$128飽皮用上市面既奶油豬包，比用傳統漢堡包更為配合到中間的漢堡扒。芝士、洋蔥加上一種應該是自家製的醬汁，應該是Doux的招牌菜。朱古力心太軟$98上碟已經很有藝術感的感覺，賣相好似一盤盆栽，熱辣辣的朱古力心太軟下面鋪着一些類似龍鬚糖扮成的軟泥，加上一球應該是鐵觀音味的雪糕，非常完整的一餐。

今個星期是我家的紀念日，一心就想帶家人去食一下西餐。不過今次就定下了一個目標給大家，就是要找一間既既好食，而Budget 在每人 $200至$250之內的西餐廳。於是就當然在網上找一些熱門的看看，很快我就拿下主意，去這間位於旺角的 ‘DOUX’ 。我們訂了晚上7點半，去到已經有不少人在內用膳，而且聽到他們都是慶祝生日或其他紀念日的，場內非常開心。而且餐廳內裡空間非常寬敞，令人坐得很舒適。播放著最新又流行的英文歌，我和家人就開始看看今晚食什麼。💓 1.      輕煎北海道帶子甘藍沙律母親就最喜歡食羽衣甘藍沙律，一來營養值超高，可以整腸通便、抗老美肌、增強免疫力等，二來味道獨特兼且平時在家煮飯比較少食，所以母親就特別喜愛。羽衣甘藍配北海道帶子認真不錯，帶子經過微微煎香，入口即溶，不用太多咀嚼。💓 2.      小食拼盤四個人，就叫一碟小食拼盤吧。當中有: 鮮炸薯條、香炸芝士雞肉、吉烈蝦餅、芝士。特別好食的就是香炸芝士雞肉，炸得來又不會太老，食落仍然非常鮮嫩，值得一讚。我有一個小提議，如果小食拼盤不是全部炸物，效果可能會更好。💓 3.      經典漢堡漢堡的材料不花巧，用上經典的配菜及

之前已經和好姊妹來了這家餐廳吃過了，最深印象是他們精緻的甜品，哈哈，今晚又要來試一試呢！經典漢堡這份漢堡包餐，真是真材實料，牛肉是新鮮打成的，配上特製的醬料，一口咬下漢堡包時，多層次的享受，有蕃茄蔬菜，還有濃濃的芝士醬，令人胃口大開！烤伊比利亞黑毛豬鞍配法式黑醋蜜糖汁友人切開時,豬肉的肉汁流出,鮮嫩無比,而且還隱約見到有薄薄的脂肪,正！還有番薯、蕃茄作伴菜，令我這位愛吃蔬菜的人感到滿足。水果茶侍應會在你面前將水果茶滾起後，才倒下來給我喝，新鮮製起的水果茶，果然是零舍不同，和街外的水果茶實在不能相提並論，濃郁的果香、配上各式各樣的鮮甜水果，加上特製水壺，是打卡必備！Ruby Peach 見到網上這個甜品的點擊率非常高,所以我也禁不住試一試呢!中間的果蓉配上軟綿綿的蛋糕，巧正呢！下次還想試試其他甜品，看起來10分精緻呢！

第一次嚟呢度食飯，撞正食飯時間，所以都要等一陣先搭到lift上去。坐定定就開始睇下食咩同飲咩啦！首先上嘅喺輕煎北海道帶子甘藍沙律，蔬菜好新鮮，平時沙律除咗菜之外都有其他配料，今次除咗蕃茄仔同果乾之外，仲有核桃，加埋黑醋，好開胃呀！而主食就揀咗經典漢堡同烤伊比利亞黑毛豬鞍配法式黑醋蜜糖汁。漢堡嘅牛肉質感夠滑仲有肉汁呢~而豬鞍肉質嫩滑，忍唔住一直食呢~ 最後又喺甜品時間，我哋叫咗Ruby Peach，因為平時都好鍾意食桃味嘅糖同飲品，見到有桃味甜品緊喺要試下。睇落同桃一樣，其實入面喺Mousse同Jelly嚟架，有少少酸嘅果醬味，但喺就有幾種唔同口感，好清新！

每月一聚的日子又到了，今天選擇了在旺角的樓上西餐廳。餐廳燈光設計相對昏黃，但無阻我們品嚐美食和談天說地的氣氛。帶子沙律除了有帶子，還有羽衣甘藍、核桃、蜜瓜、蕃茄仔等，配上酸甜沙律醬，很開胃，很清新。青口意粉用的是法國青口，細細仔，但啖啖肉，配上香檳忌廉汁。紐西蘭肉眼有16安士，上碟前已切片，7成熟，十分腍，而且香口，配有蕃薯、蕃茄仔、秋葵和粟米芯，飽肚且健康。Ruby Peach賣相吸引，外脆內軟，且有少許流心。

今日夜晚相約朋友到旺角食晚餐，路經彌敦道726號大廈，發現大廈內有林林總總的食肆，而我就被大廈門口的招牌吸引著，有西式、中式雞煲及火鍋、日式同韓式料理等等，最後朋友決定選擇位於18樓的西式餐廳DOUX。輕煎北海道帶子甘藍沙律，作為頭盤食物來說確實是出色，帶子咬落有點肉汁，而且帶點鹽味，我相信用來煎帶子的鐵板原先有煎過牛肉，因而帶子吸引了這些精華，令到帶子的香味昇華。羽衣甘藍，配合其他生菜，哈密瓜，葡萄乾及核桃，加上黑醋及橄欖油，酸酸甜甜，整碟沙律絕對是一道十分開胃的頭盤小食。經典漢堡House Burger，牛肉肉味濃郁，肉質不會過韌，配上自製洋蔥醬料，鹹中帶點甜，的確幾惹味。薯條方面採用了粗薯，略嫌薯條唔夠熱，整體上這個Burger 是值得一試的。烤伊比利亞黑毛豬鞍配法式黑醋蜜糖汁，這份豬鞍價錢為$268，我和朋友本著充當白老鼠的心態試吃，因為這個價錢通常其他人都會點選肉眼扒或西冷扒，而不會試豬。今次一試，足以證明我倆並沒有選擇錯誤！豬鞍肉汁豐富，而且一點也不韌，頗為驚喜，因為我認為烹調豬肉難度比較高，要豬肉全熟但又不可過韌，煮法與牛扒絕對不同。而黑醋蜜糖汁，甜甜酸酸，但又不會蓋過肉

朋友黎過呢間餐廳食過，覺得幾好食，於是就推介我黎食啦。帶子沙律，份量都幾多喎，碟旁邊有一個小小的碟，裝住黑醋，黑醋好開胃。沙律嘅中間放左2隻輕微燒過嘅帶子，幾好食。呢碟沙律幾特別嘅就係有哈密瓜，又幾消膩喎。青口香檳忌廉汁意粉，上碟幾靚，意粉放喺中間，旁邊就擺曬青口。忌廉汁好香好濃，意粉好彈牙，每一條意粉都有忌廉汁，好滿足。黑毛豬鞍，豬唔似牛咁可以揀幾成熟，豬要全熟嘅，但呢隻豬鞍就算全熟都唔會韌，唔係入口即溶，但都容易咬開，而且豬味都重，唔錯。最後嗌左個甜品Ruby Peach，外型係桃，但入面慕絲，好滑好清甜。

來到呢間餐廳食西餐，位置寬敞，座位舒適。雙層經典漢堡 上碟時見到2層肉已經覺得好大份，漢堡配料有芝士，蕃茄，生菜。2層肉肉汁鮮嫩，面包外脆內軟，必叫之選。薯條炸到卜卜脆青口香檳忌廉意粉 擺碟漂亮，一共有6-7隻青口，青口肥美鮮甜。意粉軟硬度適中，彈牙爽口，而忌廉汁濃郁而不膩。Ruby peach 網上見到呢間的甜品最出名，叫左桃味，其實仲有好多選擇， 例如香蕉，番茄。甜品擺碟精美，桃形的慕絲蛋糕，中間係流心桃味醬，下面係海綿蛋糕，唔會太甜。仲有一啲花花做伴碟（不過唔知食唔食得）呢間餐廳的食物，環境都超值，下次一定再來。

餐廳燈光暗暗地，氣氛都唔錯喎。而且枱同枱之間都隔得比較開，幾好。帶子沙律，一上枱就見到2隻大大隻帶子，好清楚見到係有燒過嘅，由於係燒過嘅關係，入口好香，而且粒帶子都幾厚，好彈牙，好食👍沙律菜方面就唔係食開嘅生菜，呢隻菜冇生菜咁爽口，但佢都夾雜左其他沙律菜嘅，仲有合桃，密瓜同車厘茄，配上黑醋汁真係好開胃呀。黑毛豬鞍，我平時唔太鐘意食豬類嘅食物，不過朋友想試，所以就嗌左啦。食落口好稔，唔會臊，比我想像中好食。配上少少蔬菜可以消膩。Ruby peach，最後就當然要食甜品啦，外型好靚呀，好似一個真嘅桃咁。切開係有啲醬同好滑嘅蛋糕，好滿足👍

七夕的晚餐究竟去哪兒吃呢？羡慕那些有男朋友一早定好餐廳的女生們記得要好好珍惜呀！！！雖然是中國的節日 但是不知道爲什麽還是會想吃西餐 哈哈哈最後選擇了這家在市中心旺角的這家西餐~首先說說環境吧！環境還不錯 就是很浪漫的那種 黑黑的音樂還不錯~食物吧~ 我們選了一個鵝肝飯跟一塊鮮紐西蘭肉眼牛排~那個鵝肝飯真的太好吃了！！！！外面脆脆的 什麽叫入口即溶的感覺終於感覺到了！！！意大利飯也很好吃！！！至於牛排吧~~個人覺得很一般~~擺盤還不錯 但性價比不高 不值！總括來説吧~覺得這餐廳的食物還是不錯的~下次想試試看其他西餐例如意粉或其他還有一點 服務服務是不錯的~服務員態度還好~可是不知道為什麽菜要等那麽久牛排五成要等半個多小時~希望是意外 哈哈哈哈哈哈下次快點就好！！！

呢餐係朋友嘅生日飯，佢就鍾意食Cafe同埋坐低傾吓計，就有朋友幫手訂左呢間。睇見佢嘅Menu，本身食物款式已經唔多，加上其中一個人皮膚敏感唔食得牛肉，最後可以點嘅菜寥寥可數。鵝肝法蔥意大利飯（$178）呢個飯應該係貴在有整塊鵝肝，但份量實在太少，每人分得兩啖，跟住過咗一陣先有第二碟嘢食。黑松露雜菌貝殼粉（$108）呢個出品正正常常，屬中等水平。紅酒醋燴辣肉腸配甜薯條（$98）辣肉腸食唔到好辣，因為醬汁嘅關係，係有少少甜嘅，其實係幾特別。有驚喜嘅係，薯條係甜番薯，並唔係一般薯仔，呢度菜式可以試下。烤伊比利亞黑毛豬鞍配法式黑醋蜜糖汁（$268）豬肉係OK嘅，醬汁都幾特別，屬於中上水平卡邦尼貝殼粉（$108）Ruby Peach （$98）其實成餐飯就係為咗佢，呢個甜品係幾靚嘅，表皮係少少脆脆既質感，裏面係慕絲，食落又唔會太甜膩，幾啱我口味嘅，賣相亦都非常靚。整體來講，我覺得呢間餐廳其實麻麻。因為佢嘅款式其實好少，性價比亦都唔高。另外因為當日餐廳好似冷氣系統出咗問題，擺咗部大風扇係門口通風，吹正我哋，簡直頭髮都吹甩。查詢店員之後，亦都無辦法改善呢個情況，實在係貼錢買難受。不過最後都係要多謝店