Dreamix廚 (已結業)

今日同朋友試左間充滿溫馨的私房菜.間野好近觀塘地鐵站，都算方便。佢位於工業中心入耐，可能用google map 會比較方便搵到。入到去唔似普通嘅私房菜，比較似cafe.擺咗好多唔同嘅擺設，可以要來做影樓都得。入邊啲位都算闊落，佢哋仲有羅漢果茶任飲，最啱大熱天時俾啲客人消暑解渴。嘢食方便，我哋揀咗menu一，一共有九個餸。啲嘢食都好新鮮，而且份量好足， 絕無將貨就價。臨走時老闆仲送咗張即影即有俾我哋，為溫馨的一餐畫上完美句號

今次家姐搵咗間食私房菜嘅餐廳食慶祝父親節。先講講個環境。有好多唔同style嘅裝飾。好繽紛。感覺都幾warm。地方唔太大得幾張枱。餐具都好有特色。幾有心思有即煲菊花茶。好清潤講返嘢食。佢係有唔同價錢嘅set人頭計。先嚟冷盤係黑松露花膠青瓜。花膠都爽口唔會太稔。有黑松露嘅香味令舊花膠易入口啲青瓜有醃過吓。鹹鹹哋。跟住係龜板姬松茸湯。甘甘哋好清熱嘅感覺。好似好滋潤。味道濃郁得嚟又唔會苦澀。不錯。跟住有豉油皇煎蝦。調味做得好好。煎得又香。好惹味。啲肉都爽口彈牙然後係炆豬肉。老闆話係邪惡四重奏。望個樣都感受倒。個醬汁層油極厚。每一啖都係肥膏肉肥膏肉同肥膏。唔食膏嘅我都食咗幾舊。感受到肥豬肉嘅真髓。好入味好有油香。餸飯一流邪惡完要清一清。蟲草花時蔬。啲菜嘅味好鮮甜。係蟲草花嘅作用?!係令我覺得啲菜好味。好難得南乳鴨。麻麻哋南乳味。不過其實佢唔算太濃南乳味。就算係胸肉都整得稔。不過個皮就有啲靭同厚。冬瓜。有火腿同啲好似木魚咁嘅嘢喺面。鹹鹹哋同冬瓜嘅清甜幾match。個瓜無整到好稔。有得咬吓。好juicy。炸脆鱔。聽講麻麻哋但望落炸粉唔厚大大舊肉。仲有個奶凍甜品都好好味又滑又香濃。奶味好重整體嚟講。

好美的Afternoon Tea，上面每款鹹甜點都是由甜品師兼主廚兼老闆蛋撻皇子自家製，連木板也是他弄的，太令人敬佩～而且食物賣相與味道也高質，絕對酒店級！Tea Set的食物是每天新鮮製，會不定期轉新款，每次都有新鮮感～是次Tea Set的9款美食各有特色，重點推介香檳熱情果芒果蛋糕，層次分明，酸果味夠開胃；抺茶紅茶泡芙拿更是重量級，不像一般空氣感的泡芙，厲害在皮夠薄脆，裡面的mousse夠濃滑；還想不到皇子做鹹點都有一手，最喜歡煙三文魚牛角包，連三文魚都是自家製，每一口都是心機！話說其實Dreamix主打是分子料理，而老闆也在廚魔做過，下午茶的最後一道菜，青瓜豆腐雪芭，充滿分子元素，一定要細嚼！上面的泡泡拍照拍好久都仍舊保持原狀，試一口原來是菊花味，好清香～而豆腐mousse味道竟出奇濃厚，除了質感不同之外，完全是真豆腐味；青瓜雪芭放在嘴裏溶化，沒有多餘調味，只有青瓜味充斥味蕾，整個感觀體驗一試難忘～以260一人、480二人免加一的價錢，絕對值得（但記得要預先訂位啊）！

同屋企人去觀塘食私房菜，叫左好多中式食品唷！醉香南非鮑魚是冷盤。醉鷄醉豬手就食過，醉鮑魚真係第一次食。以為鮑魚凍食可能會有鯹味啦，點知一入口，唔單止冇鯹味，花雕酒嘅酒香同鮑魚重出奇地夾。我重好唔捨得d酒，每食一啖點一下。實在太香啦～淮山杞子響螺雞湯落足湯料，雖然我唔係金舌頭，唔可以一試就試得出落左咩湯料，但係我試得出「住家湯」嘅味道～好清甜，雞味好出。佢個湯唔會好似出面茶餐廳啲味精湯咁飲完覺得好鹹好口渴，反而覺得好潤，好舒服。江南百花雞一上枱驟眼睇好似冇咩特別。係覺得賣相好靚，雞件切到方形，排得好整齊。西蘭花圍邊，雞的黃色皮同西蘭花嘅綠睇落寧舍醒神！一夾起，唔對路！點解啲雞肉咁奇怪嘅？真係估佢唔到，原來啲「雞肉」係蝦膠黎！好surprise！但係其實佢側邊都有「真 · 雞脾同真 · 雞翼」食嘅～哈哈！咁雞嘅其他部分去曬邊呢？店員話佢地攞左啲雞肉去做荷葉飯嘅餸。真係好有心思呀！紅燒元蹄用瓷器裝，下面重有點火保持溫度。嘩，隻元蹄好大舊呀！個瓷器有幾大佢就有幾大！職員好細心咁將元蹄切開。醬汁好入味，攞黎送荷葉飯啱曬！講番荷葉飯。佢用木盤裝住竹籠，好有古色古香feel。飯用荷葉墊低。啲料多到見

觀塘工廈原來都有好多好地方！ 發現原來時運工業大廈一直都開咗一間私房菜， 我就奇怪點解原來一直有咁多人排隊等𨋢！ 今日終於book到呢間私房菜啦。 一去到11樓，發現佢嘅門牌已經係用綠色來做主打感覺好清新。 入到去，環境明顯係有諗過設計過， 除咗有一個開放式嘅廚房仲有掛滿了鳥籠的牆身， 感覺好似返 左大自然環境舒服。 坐低之後發現枱上有枝黃色嘅水，原來係菊花水，仲要係任飲添。 員工Cindy亦好細心，介紹店內招牌菜，我哋就跟住佢嘅指示去點菜。 第一道菜：陶香南非飽魚，好少食到鮑魚係浸喺酒裏， 而且係大大隻，好少食到凍食鮑魚，咬口亦都非常之爽唔會黐住隻牙。 第二道菜同第三道菜：紅燒元蹄同荷葉飯。 兩道菜同一時間上菜目的係可以俾我哋一齊撈飯食， 職員會細心講解究竟每一道點樣煮成， 隻紅燒元蹄好大隻，係我手板 3倍。 職員Cindy話此元蹄用了5個鐘煮，火力要夠大， 唔係普通家庭煮得到㗎！ 夠腍又嘢味，汁配埋荷葉飯食，絕配！ 佢仲話當中既荷葉飯裏面啲雞已經起咗 皮， 當時我唔明白點解佢要起咗啲皮唔通佢係想冇咁肥膩？ 不過食到第四道菜我就明白啦！ 第四道菜： 就係呢隻江南百花雞

近年朋友都喜愛吃私房菜貪其環境寧靜，又可以因應各人味道調節菜式這次便來到觀塘的工廈內找尋被私藏的好味道店內裝修很有田園氣息令人感到很舒服自在，仿如回到家中一般店內還有出售小手作有大圓檯，最適合一眾好友相聚了一坐下，首先便送上自製的羅漢果水很甘甜下火碗碟都印上了美麗的花紋令人未食已感心花恕放冰鎮花膠以芝麻醬拌均為沒有味道的花膠增添了滋味冰鎮的花膠很爽口彈牙，吃進口感受到到滿滿的骨膠原底層鋪著清甜爽脆的青瓜作為前菜很是開胃還備有自家製辣醬伴著青瓜一起吃更是惹味完全零味精的淮山杞子響螺雞湯，味道非常清甜雖然是雞湯，但卻沒有半點油膩感附上的湯渣口感味道也很不錯建議配上家製辣醬，可以更添食物的層次Dreamix 雙喜：炸蟹盒、炸蠔炸蟹盒用上大量蟹肉，加上雞蛋做成絲絲的蟹肉很鮮甜外層炸得香脆但不油膩，口感層次很豐富炸蠔我本身沒有吃，不過朋友吃了外層以極簿的炸漿包裹，很是香口內裡的蠔仍保留半熟的口感喜愛生蠔原味的朋友不可錯過家。昌媽媽炆豬肉以銅鼎盛載，一看外型氣勢已非常磅礴中空的銅鼎放置燭台以保溫炆豬肉雖然是五花腩，但吃入口沒半點油膩感口感鬆腍軟綿，肥肉與瘦肉的比例配搭得剛好而且豬肉炆得極為入味，滿

之前朋友介紹過呢間私房菜好味又特別,趁媽媽生日,就打電話去預約,原來最少四人才可預訂,幸好我們剛好四人。後來我才知道,因為他們食物的份量好多,如沒有四人或以上,根本是吃不完的。入到去,第一感覺是地方好闊落,枱子不多,每枱之間都有段距離,好適合大班人談天聚餐,整個空間都感受到店主用心裝飾,不論是牆上掛圖,相片,天花特色吊燈,枱面的餐具等等,都好精美!枱面放了一樽菊花茶,是自家製作的,飲落好重菊花清香,甜度剛好,相比一般提供的清水,這個令人覺得十分舒暢,尤其一天工作後,有杯涼茶滋潤喉嚨,很好!我們的菜一道道送上,而不是一次上齊,職員解釋這就可以確保客人食到熱騰騰的菜色,很細心的安排。這個預設好的menu,叫春‧百花宴,先上的醉香南非鮑魚,四隻鮑魚飽滿又充滿光澤,用花雕酒浸泡而成,清涼之餘又不失鮑魚的鮮味及本身的彈性,這道冷盤好特別而且十分惹味!然後來到淮山杞子響螺雞湯,雞湯一般表面會有層雞油,令人感到肥膩,而這個湯表面十分清澈,相信廚師在雞皮處理上一定下了不少功夫,一啖入口,有雞的鮮甜,湯料還有淮山和響螺,兩者味道都很出,是滋補清潤湯水。再上的是飄香荷葉飯及紅燒元蹄,職員解釋因為圓蹄的汁很

聽朋友介紹一間私房菜好有特色，而且室內環境亦都比較適合一家人聚餐， 所以今日帶同屋企人一齊去品嚐。這間餐廳在一座工廈裡面，如果沒有朋友介紹真的難以發現裡面有食肆。一入到餐廳空間寬敞，牆上面都有一些即影即有相片，我地留意到好多客人食完都會影相留念。當我地坐低的時候，就見到餐桌上有個花瓶，插了一個牌，牌上寫了留位人士的名字，感覺很用心為我們安排。基本上我地一入去就開始等食了，因為餐廳菜牌已經一早已安排好，不用我們傷腦筋安排，共8個菜。等待上菜既時間，我留意到佢不同餐具都好有特色，包括佢嘅筷子座，碗同碟都係好立體，亦都好有藝術感，很有心思。先上了餐前湯─淮山杞子響螺雞湯，個湯入口好清，好少油，而鮮雞同埋響螺味好夾，飲落完全沒有味精的感覺，這款湯水好清潤，令人有回家食飯的感覺。下一道菜是醉香南非鮑魚，鮑魚好肥美，入口時候，我可以試到獨有的花雕味，酒味香濃。食完後，圓蹄出場了，大大的圓蹄放在一個類似鼎的容器上面，下面有個小小蠟燭在燃燒以保持熱度，用刀叉把圓蹄切開，一切就已經化開了，相信是用了很多時間精煮的成果吧，入口一點都不肥膩，反而有重重的膠質，深色的濃汁亦充滿了圓蹄的精華，很美味又滑嫩，再食

Not only because I live just about half an hour away from Kwun Tong, my family love to come to Kwun Tong for a meal because there are always free parking spaces on the street. We seldom get any parking fines, but only if you know where to park. Few days back, my friend told me there is a western restaurant called Dreamix and she had her best tea set ever at that place and I have found that they actually have another Chinese restaurant just one floor up! It's not quite common for my family to go

店內裝潢唔似一般中菜私房菜，好似cafe 咁。有朋友生日，要求左飯枱set 喺個靚位，店主Sindy話特登set 個靚位俾我地，知道我地要影靚相。店主Sindy態度非常好，周不時介紹每道菜式的煮法同背後嘅故事，真係好有heart，我地食得好開心，生日主角都十分滿意呀！我地食嘅menu 係壹。家菜，每位$350。冇加一，超抵。冰鎮花膠冷盤花膠撈左黑松露同芝麻醬，好香，花膠好爽。友人們更喜愛青瓜，一口青瓜一口花膠好清新。淮花杞子嚮縲鷄湯足料靚湯冇味精，連湯渣點豉油都俾我地清晒。Dreamix 雙喜酥炸蟹盒炸得好脆，見到蟹絲，冇乜蟹味，反而蛋香味好突出。酥炸蠔，細細隻，外脆內juicy。家昌媽媽炆豬肉配曼頭炆肥豬肉用個外型特別嘅窩盛載，下面用細火慶住令豬油唔會瓊晒。豬肉炆得好入味，店員介紹係廚師屋企嘅名菜，豬肉係經過嚴格挑選先煮得番媽媽嘅味道。我地都怕肥所以只係食五花腩瘦嘅部位，味道係好嘅，不過太肥太油令人很郤步。蟲草花上湯浸時菜好大盆菜我地食得好開心。好多蝦乾令上湯好香！食完肥豬肉食番d 菜冇咁滯。糯米鴨本身唔係太喜歡食鴨，但係哩個糯米鴨令我大為改觀。輕微羶味的鴨，煙韌糯米吸晒鴨油香，栗子

元宵佳節約左好友一起渡過，珍惜相聚的時光！今次亦系私房菜，觀塘工廈真系好多地方可以發掘！Dreamix 可以選擇中或西餐，陰差陽錯下嘗試了一頓巧手的懷舊菜！環境佈置較西式！亦有小部分家品手作可以選擇。訂位名牌也別心思！其實當初覺得menu 不是很吸引，但經過Dreamix 嘅Sindy多次的溝通及了解，再將menu 更改符合我地的口味，更不會硬sell 食貴的菜式，由$4XX 改為$3XX，最終大家都很滿意！這裏不收開瓶費，友人帶了紅白酒來暢飲！一輪舉杯後，元宵晚餐開始了！冰鎮花膠花膠爽口及帶有松露香，青瓜新鮮沒有苦澀味！妄想地如果將花膠及青瓜的位置對調就不得了！淮山杞子響螺雞湯清甜又清澈！Sindy 還建議湯渣不要太努力，要留肚，可以撰擇吃淮山及響螺！豉油皇煎蝦香噴噴又不過鹹，蝦固然彈牙！紅燒元蹄聽聞師傅燉了好幾個鐘，肥膏也逼出來了，形成一味邪惡的骨膠原。坦白説，肉質也真是好吃！飄香荷葉飯一開的荷葉香氣四溢，飯內有雞肉，紅棗等！蟲草花上湯浸時蔬正好中和元蹄的膩口及荷葉飯的飽肚！百花蜜脆鱔脆口帶有蜜香，很好吃！海皇豆腐一絲絲的蟹肉混和豆腐同吃，有點幸福的感覺哩！幸福不可停，還收到友人元

過年過節，雖然忙，都要同一家人一起吃個晚飯。我的朋友試過一家私房菜，地方溫馨東西好吃，非常不錯。我們一家人專門走去位於觀塘工業區的私房菜餐廳。一進去，柔和的燈光和木製的傢俬令我感到溫馨，就仿似來到自己家中一樣。餐廳的筷子托非常可愛，餐桌上的擺設也很可愛。第一道來的前菜是冰鎮花膠配黑松露芝麻醬，非常特別的一道菜，黑松露芝麻算非常香口，與花膠出奇的配合。接著，就是淮山杞子響螺雞湯。湯渣分開，顯得非常有誠意。品嚐之後，更是感到溫暖，廚師一定是很用心的煮製這煲湯。這是響螺湯的湯渣， 可以見到用料非常十足。品嚐過前菜與靚湯後，就到了炸蠔與炸蟹肉。炸蠔與炸蟹肉都能炸至外脆內嫩，看見金黃色外皮令人食指大動。炸蟹肉非常特別，他真的是用了鮮蟹肉而非蟹柳肉，十分有口感。正當我們吃完炸蠔與炸蟹肉在聊天的時候，店員就為我們上了一道家昌媽媽炆豬肉。店主很細心在豬肉的下面點了少許微火，令到豬肉的油脂不會因時間長了而凝結。一試之下，並沒有想像中那種油膩的感覺，而是入口即溶，想馬上試多一塊的感覺。怕我們如果真的感到油膩的話，可以夾著饅頭一起吃，中和油膩的感覺。吃完一道濃味的食物，店主就細心的上了一道清淡的蟲草花上湯浸

向來喜歡到工廈尋找隱世美食，以前工廈cafe佔多，慢慢發展成各種各樣的餐廳也轉到工廈開店，有西式、台式、日式、韓式等⋯不過當中最具特色的就無私房菜莫屬。瑟縮於工廈內一些不太顯眼的位置，除了私隱到十足外，還別具「私房」的感覺。 當然「私房」的感覺不能單靠位置上這點，店內裝修亦擔當著一個非常重要的角色。目前來說Dreamix廚的店內佈置是最得我喜愛的。店內以花系植物為主調，店內周圍也擺放/掛上跟植物有關的佈置，並設有一個乾淨清潔的開放式廚房 醉香南非鮑魚 ［分數：9/10］ 第一道是醉香南非鮑魚，大大只南非飽魚表面帶亮澤，還未放進口裡已聞到陣陣花雕酒香。除了花雕酒外，還加入了話梅提味。鮑魚入口口質爽彈，煮得軟腍入味，第一道前菜已有如此高質，實在令人驚喜！吃過鮑魚後，店員還為我們取來幾個小酒杯，建議我們可淡嚐一下餘下的花雕酒，然而花雕酒的味道不會過濃，尚算易於入口，非常不錯 淮山杞子嚮螺燉雞湯 ［分數：8/10］喝了小杯花雕暖身後，再來一個淮山杞子嚮螺燉雞湯溫暖一下胃部。雞湯清甜油份不多，最令我感興趣的是當中的湯渣。嚮螺及雞腳同樣煲煮得夠腍入味，整隻燉雞即使是內裡的骨頭，也煲得