Drink氣鍋

營業中

休息中

朋友喺石門返工，約食飯話要就住佢，因為佢比較夜放工，識咗十幾年，最多都係心入面鬧你2句架啫。以為佢會話石門有好介紹啦，原來係去火炭食。火炭都有好嘢食？心入面又講句「唔係下嘛」，但係去到門口又見到餐廳個環境幾優美，裝飾係有過花心思。座位唔多，小店格局有小小warm嘅感覺。蒸氣鍋以健康為主調， 所有海鮮肉類都會加埋大量蔬菜一齊蒸煮。食材食得出係好新鮮，就算係蔬菜，都唔會又老又黃，唔係純粹伴碟咁簡單。調味方面感覺係類似fusion，會配合不同蔬菜與海鮮一齊蒸，亦會用xo醬、豆豉等，連熱情果都用上了，好多新穎嘅組合。店員先把十六糓米放在鍋底，跟住就可以開始喺上面蒸啦。龍躉肉質結實，好彈牙。扇貝大大隻，連埋豆豉一齊蒸嘅味道又唔會奇怪。之後嘅蜆及蚌蒸時間控制得好好，有鮮味之餘又唔會好韌。蒸本地雞最好食唔係D雞喎，我覺得D紫洋蔥熟咗甜味十足，我搶晒嚟食。蒸龍蝦就唔使講都知道好味啦，淨係食材新鮮已經值回票價。記住食晒D蔬菜呀，配搭好有心機，係有heart嘅組合，可以食盡幾種唔同顏色嘅菜，紅色、紫色、黃色，有齊多種維他命及礦物質，食得飽唔代表唔健康嘅。

早幾日係七夕，即係中國嘅情人節，同女朋友仔當然要慶祝一下啦，所以就諗住食好啲，結果我哋就預先預約咗一間喺火炭嘅海鮮蒸汽火鍋店。呢間餐廳鋪仔細細，講緊只係得三張枱，做嘅客唔多，好有私房菜嘅感覺，亦都係以質素見稱。一坐低就去揀飲品，雖然汽水嘅選擇唔多，但呢度卻係有好多唔同嘅手工啤酒，同埋紅白酒等等。我梗係馬上叫返兩支手工啤酒歎下先啦。經過職員介紹，我叫咗呢隻澳洲嘅手工啤酒，感覺偏袒同有少少花香味，質素唔錯。同時我都叫咗呢隻蘋果酒，酸酸甜甜噉嘅質素唔錯。入正題喇，海鮮蒸汽鍋終於上場。有機花生芽蒸海老虎班件老虎班蒸得好滑，不過個重點應該係個花生芽，之前未食過同類型嘅嘢，所以覺得好特別。蒸XO瑞柱北海道扇貝扇貝上有清湯，侍應亦都叫我哋先飲湯，湯非常鮮甜，亦都有好濃嘅扇貝香味。蒸紐西蘭托托貝拼番薯貝老闆好好人，幫我哋升級咗做鮑魚，鮑魚十分之彈牙，同時蜆肉亦都好鮮甜。鲜拆蟹肉海膽粉卷樱花蝦手工攻瑰花生豆腐堂灼安格斯牛肩胛拼露筍蟹肉海膽粉卷都幾香濃，入口細滑。安格斯牛肉就冇乜肥肉，清清地都唔錯。紫惠果子蒸本地新鮮雞呢個清雞我覺得幾好食，唔知係咪新鮮雞嘅關係，食落非常之滑，而且肉質都好鮮嫩，真係有種唔夠

雖然位於工廈，但內裡環境氣氛係唔錯，佈置幾有心情調，加埋廣東popsong，好有feel。呢度主打海鮮粥底火鍋。用料講究，用左日本十六穀及麥米，比起平時食水汪汪既白粥真係無得比。粥或當然留返最後食！依家講下Ｄ海鮮先，我地叫的套餐，每人唔洗$400蚊食海鮮蒸鍋，帶子﹑黑豚肉﹑本地鮮雞﹑貴妃蚌﹑連龍蝦都有得食！蒸青花龍蝦半隻邊開龍蝦，食落啖啖肉，鮮甜爽口，完全唔洗其他調味，食出最鮮味道！有機濕豆豉北海道扇貝扇貝鮮甜，豆豉咸味更能帶出海鮮鮮味。蒸黑豚露筍卷新鮮黑豚肉卷住露筍同秋葵，同埋蓮藕白菜一齊蒸。呢個配搭好新鮮，蔬菜減輕左豚肉既油膩感。食埋個粥底，飽飽又完滿。呢度食物精緻，份量剛好。店員服務唔錯，我地坐左成晚都無趕我地走。每道海鮮都有蒸既時間表俾你跟住，咁就唔驚煮唔熟。另外要讚既係餐廳感覺上幾乾淨衛生，可以放心食。

今日我地包場開Party啦！有別以往，我地揀咗呢間蒸汽鍋作為我地嘅主場，而非Partyroom或K房！特別之處係佢地除咗可以唱K仲可以食蒸鍋。環境都好靚，墻身，枱凳都係木製的，整間小木屋咁。蒸鍋真係食得多，但呢度嘅蒸鍋係特別啲嘅。好多款食材我都無食過，例如花生豆芽，紅莧菜等。蔬菜都係有機的，食落安心啲。每樣食材食到本身嘅鮮味,蔬菜有佢嘅鮮香，肉類有佢嘅鮮嫩，海鮮有佢嘅鮮甜。每樣的食材都配搭得好好，一啲菜一啲肉。同埋服務都好貼心，會有人幫手蒸，睇住時間啊。費事我地掛住傾計唔記得咗時間。有機豆豉蒜芯扇貝紫蔥栗子蒸本地新鮮雞日本十六穀米粥底：食緊粥果時，朋友係到講笑話，笑到我倒瀉咗三分一碗粥，哎，真係浪費曬啲精華。碗粥真係好清甜啊！包場玩真係好正，可以大聲講嘢大聲笑，好似擁有了世界的感覺！哈哈。我見佢地會不時Upload餐牌啲嘢食，食材配搭都幾新穎有創意架，真係值得一試！

蒸出健康Drink 氣鍋收工又去同朋友食飯，見網上推介，健康私房菜，靜靜地又有氣氛，泊車方便。所以今次book 這間。進入餐廳有點浪漫，我的最愛，超級有feel，感覺很高級，看來餐廳在裝修上面花咗心思。當中我發現唔少打卡位👍🏻👍🏻👍🏻雖然只得三張枱，但空間感也算足夠，還有kTv可以點歌仔唱。杞子酒糟乳鴿天氣熱,先來個冷盤真係好，這個酒糟乳鴿，清香酒味淡淡飄，乳鴿肉爽口，非常開胃。自家製皮蛋精緻伴碟，皮蛋滑身新鮮我覺得最好味係海鮮，非常鮮甜又新鮮，海鮮好正、有象拔蚌，鮑魚，仲有番薯蜆，夠大隻。菜式新穎顏色配搭鮮艷，尤其是三種顏色的西蘭花🥦，第一次食真係好特別，仲有溫室花生🥜芽，每一道餸都花心思加了不同的蔬菜🥬好細心 ，有豆苗、西蘭花、番薯葉、蒜芯、菜心。真係夠健康又好吃😋

今日見完客就同客人去咗佢公司附近嘅一間好特別嘅蒸氣鍋店，這間店好有酒吧氣息，入到店裏面嘅感覺好舒服，仲有一個live Band嘅地方，我估如果包場嘅話應該可以一邊唱K一邊食蒸氣喎。入到店裏面嘅感覺好舒服，仲有一個live Band嘅地方，我估如果包場嘅話應該可以一邊唱K一邊食蒸氣鍋。食物方面，樣樣野都好新鮮好好食，海鮮方面我自己就覺得唔需要加任何調味料已經好好味，因為其實蒸海鮮主要係食鮮味，如果加咗其他調味料都得但係就鮮味就會被蓋過，咁當然啦佢嘅所有海鮮都好新鮮，所以我都冇點任何嘅醬料，而最特別嘅係佢有兩個食物第一款係花生豆腐，這個花生豆腐係佢哋自創嘅好特別，另外一個就係海膽蟹肉卷都係喺其他蒸氣鍋店食唔到嘅而最值得讚賞嘅地方就係服務，佢哋每蒸一樣食物都會換過個蒸格，唔會影響每一道菜嘅味道，雖然佢牆上有每一樣食物嘅蒸嘅時間，但其實服務員都會幫我地安排好只要坐喺度食殘廢餐就可以啦，真係值得讚賞

今天下着大雨，放工後都不知吃什麼，見朋友說火炭附近開了一間海鮮蒸氣鍋，便入去試一試，只看門面已經覺得好特色，進去有三張枱，原來抬頭一望有個大螢幕可以唱卡拉OK，店裏只有兩人一個就是廚房準備食材零一個在門面幫手蒸食材，每一個步驟都很細心，食譜上有幾個套餐可選我們就是選了Set B，一開始就放了一些健康的米在鍋中，除了放海鮮上蒸籠正之外還有很靚的配菜砌花款，可見店鋪細心之處，到最後可以享受粥之精華，太美味了。

想品嘗香港最地道的海鲜料理，有蒸汽海鲜石煱專門店無疑是最好的選擇。這間餐廳位於火炭站附近，步行15分鐘到達，深受大眾喜愛。菜式以健康，創新的蒸氣石鍋菜式為主，食材依靠110℃的水蒸汽蒸熟，保留了海鲜最原始的鮮美滋味，慢慢品嘗，海鮮肉質新鮮彈牙，柔軟入口即化，讓味蕾品嘗到極致的美味。店内還有不同套餐的豐富菜品可選，絕對满足不同食客的要求。有蒸汽海鲜石煱專門店的美味料理，將給你帶來美味既味覺體驗，不容錯過的美食，一試難忘。

工業區內嘅餐廳一向都會好早收工，甚少做晚市生意嘅係火炭呢頭返工嘅朋友同我講佢最近發現到一間好食又特別嘅蒸氣鍋餐廳 - Drink氣鍋餐廳裝修設計有別於一般蒸氣鍋食肆，佢嘅門面至到內部裝修都似一間cafe或者食西餐，邊個會估到佢係玩蒸氣鍋原來唔止裝修特別，就連食物配搭都好不一樣喎佢哋每一款食物都會配上唔同嘅蔬菜，但唔係一般嘅菜心、生菜之類，而係蒜芯、花生芽、翡翠苗、紫椰菜花等等青花龍蝦新鮮彈牙之餘仲有少少膏，龍蝦肉非常飽滿，鮮味十足！北海道扇貝真係啖啖精華，肉質幼嫩爽口，扇貝嘅汁仲好濃郁鮮甜。鮮拆蟹肉手工玫瑰花生豆腐就最搶眼同特別，外型真係整到玫瑰花型狀之餘個顏色係呈淺淺地嘅灰藍色。原來餐廳係加入左蝶荳花，豆腐質感同一般認知嘅豆腐質感完全係兩回事。呢款豆腐咬落質感軟綿，唔會一咬就散開，同埋真係有種花生味！配合豆腐裡面嘅蟹肉，又幾夾喎！呢個豆腐真係睇得又食得貴妃蚌拼蕃薯貝處理吐沙方面做得好好，一粒沙都無食到！比起平時食開嘅沙白蜆更加大隻，同埋鮮味係更加濃，最驚喜係爆汁！紫葱栗子蒸雞鋪滿我好鐘意食嘅紫洋葱，佢比起一般嘅黃 / 白洋葱多一股甜味，亦會帶有好重嘅香味，最重要係比黃 / 白洋葱營養

呢間蒸鍋環境同其他蒸鍋店好唔同，好有自己特色，加上燈光，令到呢間小小鋪頭帶有一種奇幻色彩，食食下好想擺個神燈係蒸鍋到蒸，唔知會唔會蒸出一個阿拉丁出嚟呢？朋友就話：神燈入面果個係燈神，唔係阿拉丁啊！有無睇過部電影架？大佬！（大家哄堂而笑）我尷尬地笑笑轉移話題：這個蒸鍋蓋咁得意嘅！（木質好似一個帽嘅形狀）這餐蒸鍋最令我印象深刻的是玫瑰豆腐，賣相真係好靚啊，好適合打卡用，好好奇究竟係點樣整出黎嘅。有啲櫻花蝦鋪灑在豆腐上，味道好Match！豆腐嘅滑嫩加上櫻花蝦嘅鮮香，真係又靚又好食。平時我個人就好中意食豆腐，並且樂於嘗試各種豆腐料理。這個豆腐料理可以排在我心目中的前三位。食完蒸嘅精美菜式之後就要食蒸氣鍋嘅精華——粥底。聽說係用日本十六穀整嘅，我好期待。食落感覺好健康，有穀物嘅清香加上海鮮的鮮甜，唔錯！最後以心太軟做結，叮嘅心太軟就食過，蒸嘅真係未食過，一開始真的很抗拒蒸心太軟，覺得會有伏。不過食落又正常喔，唔會淋曬。款款菜式賣相排盤都好有心思，在食材的配搭好有特色，蔬菜也採用唔同嘅有機菜，這是市面上好多餐廳都做不到的。睇得出，也食得出這間小店的用心經營。這一次蒸鍋體驗感覺唔錯！食得幾舒服。

本身自己就係住九龍區，今次約嘅朋友係住沙田。本身約食飯就約係九龍塘又一城食，因為大家都無咩Idea，但佢話覺得有啲唔舒服，所以想食清淡啲嘅嘢食。其實出街食，真係好難搵到清淡嘅嘢食。不過佢話朋友介紹有間係火炭嘅蒸鍋幾好食，又係蒸嘅，無咁熱氣同重口味。於是大家就佢，我就要離開我熟悉的九龍區，長驅直入火炭。但係間嘢其實都有少少難搵嘅（對於我呢啲路癡嚟講）不過有Google map 帶路都成功係半小時內搵到。由於我地都係比較遲先去預約，好多時間都full booking，幾經波折才預約到。嚟到門口，覺得真係唔似蒸鍋，似係café多啲，好文青，好雅緻。入到去睇到位置都唔係好多，怪唔之得咁難BOOK啦。老實講，睇到MENU嘅價錢又係嚇一驚嘅，我好耐都無食過三舊水以上嘅飯啦。又到月尾啦，反正都就快出糧，於是決定將銀行剩低嘅錢攞曬出嚟食餐好嘅。（不知不覺暴露了我銀行的餘額）於是我地都決定叫最貴嘅套餐！慶祝下就嚟出糧！前菜係皮蛋加番茄，加咗啲類似豆芽咁嘅嘢，食落無咩味，酸酸地，我都係中意食譚仔嘅尖椒皮蛋多啲。其後佢每份嘢食上到嚟我地都大大聲：哇~由於擺落去就蓋住咗，所以我地都唔記得咗要比相機食先。後尾先

Drink 氣鍋📍火炭坳背灣街38-40號華衛工業中心地下4號G舖Kay Gor 收工當然係同朋友聚啦咁啱見到網上推介有間似Partyroom又似餐廳嘅私房餐廳而且泊車好方便啱晒揸車嘅朋友👍🏻👍🏻👍🏻入到去環境果然舒服，懷舊帶點情調超有氣氛小店入邊有三張枱絕對有自己嘅私人空間餐廳仲有提供KTV服務最啱一大班朋友邊打邊爐邊唱K😅而且餐點都非常特別可以根據客人嘅需要調配10分適合需要度身訂造嘅朋友🐥🐥杞子酒糟雞👍🏻👍🏻👍🏻👍🏻首先上菜嘅係冰鎮嘅雞用咗新鮮嘅雞浸左杞子酒，雞件入味得來又爽身，10分開胃🐣自家制皮蛋👍🏻👍🏻👍🏻👍🏻香港本地農場取料新鮮又滑口有機豆豉蒜芯扇貝👍🏻👍🏻👍🏻👍🏻👍🏻頭先來嘅主菜就係我最鍾意嘅扇貝用正嘅方法係最可以食到海鮮嘅鮮味服務員提醒首先飲咗扇貝上嘅清湯先清湯帶有海鮮扇貝鮮味，扇貝的鮮美豆蒜同蒜心令味道更加明顯熱情果蒸鮑魚👍🏻👍🏻👍🏻👍🏻👍🏻10分特別嘅配搭原隻鮑魚放喺熱情果上面清蒸熱情果令原本嘅鮑魚更突出清淡味食完鮑魚記得要食埋熱情果嘅果肉貴妃蚌，象拔蚌，蕃薯蜆👍🏻👍🏻👍🏻👍🏻👍🏻接着嚟嘅係另外既海鮮拼盤貴妃旁超級大隻，而且冇腥味另外象拔蚌都非常有硬口三色西蘭花，

-杞子酒糟雞酒味不太濃，雞肉味同酒mix了一起-自家制皮蛋好新鮮，非常滑口-有機豆豉蒜芯扇貝熟稔度剛剛好，一啲都唔un意外地一口食落去豆豉無蓋過扇貝味道-熱情果蒸鮑魚本人唔太鍾意太重海鮮味，鮑魚被熱情果中和左浸海鮮味所以我覺得唔錯，而且完全唔似酒樓香口膠-貴妃蚌，象拔蚌，蕃薯蜆象拔蚌好爽口，幾乾淨無沙蕃薯蜆充斥住海鹽，唔咸。-三色西蘭花，溫室花生芽，蒸斑塊紫蘭花幾特別，黃蘭花似椰菜味道斑塊好重鮮魚味，無雪味-花生造豆腐，蟹肉蟹粉Mix埋一齊既顯蟹肉蟹粉鮮味花生造豆腐，單吃較清淡-拗背灣雞雞油香味好重，肉質好滑-糖灼牛-蒸心太軟非常特別做法，外皮好軟熟服務態度好，老闆同樓面好nice

火炭Drink蒸氣鍋座位有限，而且須要預訂，附近環境是工業邨，夜色漸近，跡罕至，周遭環境給我的感覺是一個適合偷情的好地方，店員全程在身邊細心服侍，我只須專心品嚐每一道菜式，當吃完一道菜，店員自動自覺換上蒸第二道，如此類推。蒜芯蒸扇貝，扇貝大大粒, 啖啖肉, 上面放左有機豆豉, 蒸完出黎個殼上超多汁,留左原始風味，飲落去鮮甜可口，真是好過癮。再叫個龍躉，有大量蔬菜如西蘭花和翠玉瓜作配菜。 但最為特別的是那些一條條粗粗的、像芽菜的花生芽，是在香港溫室種植，甚至可以在這裡買！下次繼續來。

男友對「食」的要求高，今晚到我帶佢食好野。知佢最鍾意打邊爐，不過今晚轉一轉款，黎過蒸氣海鮮鍋。蒸氣鍋可以保留到食物的原汁原味，一直得到本小姐的青睞。愛嚐鮮的我們今晚到火炭工廈地鋪這間隱世「Drink氣鍋」大吃大喝。-平時食蒸氣鍋多數在酒樓，今次選址工廈，餐廳裝橫及其木系和諧色調感覺像文青cafe，座位不多，建議預先訂台的私房蒸氣海鮮餐。-職員首先在鍋底加入日本十六穀、龍蝦及南瓜去煮粥底。然後在上面的有孔蒸架烹調海鮮。在不加任何水份的情況下進行蒸煮，鍋底食材完完全全吸收所有海鮮精華，非常鮮甜。-先來「手工皮蛋」作為前菜。皮蛋的甘香、酸甜的有機蕃茄與清新的苜蓿芽味道很配合，十分開胃的冷盤前菜。-首先出場的海鮮是「象拔蚌及蕃薯蜆」兩者肉質鮮嫩富彈力，不需薰點醬汁已能品嚐其鮮。加上紅莧菜及黃椒，作為裝飾之餘，亦是健康新鮮的配搭。-接著是「蒜心蒸扇貝」，同樣蒸煮時間恰到好處。最吸引的是那澎湃的湯汁！ 先嚐其鮮甜無比的湯。扇貝是珍寶級，口感爽彈！巧妙地加上XO醬及辣椒片，進一步提昇口味。嫩芽爽脆的蒜心及芥蘭菜，令賣相口味不單調。-嘩！「蒸斑魚」呀！斑魚用翠肉瓜承托著，最特別的是用上三色西蘭花🥦及花