Eaaat.here

營業中

休息中

今次朋友聚會，朋友帶左我去大角咀「Eaaat. here」， 奧運站出口行大約十分鐘內就到， 環境很有氣氛，食物飲品有質素， 份量都算多，我哋食到好飽。牛油果蟹肉合桃石榴汁沙律香濃嘅牛油果配上鮮味嘅蟹肉，配搭很新鮮，再加上石榴汁，很開胃。西班牙乳豬 全份好大份，皮脆肉嫩，原汁原味，配上自家製醬汁，提鮮美味。墨西哥風味烤雞 半份皮薄脆口，雞肉多汁嫩滑，唔點醬都好好食，配埋醬汁更加惹味。多士拼盤(4件) 巴馬火腿多士、 蒜香蝦多士、 蟹肉沙律醬蟹肉多士及鵝肝醬多士我試其中兩款：巴馬火腿多士 - 番茄醬甜甜酸酸蔥花火腿好清新鵝肝醬多士 - 配上藍莓醬好特別鵝肝好creamy另外亦叫了炸魚柳、炸魷魚鬚及串燒雞中翼，做餐前小食一流。同埋叫了甜品，士多啤梨蘋果金寶伴雪糕，打卡一流，特色甜品， 一冷一熱很特別。最後每人叫咗一杯飲品 cocktail Hot. here， 好易入口， 薑味算濃， 微酸的檸檬汁，配上Gin酒，好清新。

大角咀真係一個幾特別嘅地方，其實好近旺角，但係餐廳嘅人流又唔算好多，想靜靜地食餐飯係一個非常唔錯嘅選擇。而且大角咀都有好多唔同嘅特色菜式可以選擇。今晚我哋就揀咗呢一間又有西班牙菜、又有日式串燒提供嘅Eaaat.here。🔸 西班牙乳豬 (half $280)西班牙乳豬賣相已經非常吸引，而且半份都已經足夠4個人share。乳豬肉質嫩口易，表皮香脆，Rosemary味道非常入味。呢個係必食推薦！🔸黑松露意粉 ($128)黑松露意粉原來仲有加上蟹肉同埋魚子醬，非常有驚喜。意粉醬汁濃厚，散發住黑松露獨特嘅香條，意粉質地彈牙。🔸西班牙香腸（$58)呢度提供嘅西班牙香腸係風乾嘅用場，經過熟成之後再煙燻，最後自然風乾再切片食用，口感堅實，味道略鹹，非常適合當作Tapas。🔸士多啤梨蘋果金寶伴雪糕（$108)雪糕其實係甜筒，倒插喺蘋果金寶之上，要嚟影相都幾靚。店員會幫手整碎甜筒，撈埋蘋果金寶一齊食，兩者冷熱交融，感覺幾得意。🔸Ka Shin Street ($88)入面有GIN、接骨木花糖漿、梳打水、檸檬汁同埋青瓜，味道清新。🔸Amanatsu Chu-hai($88)柚子酒加上燒酎同埋梳打，酒味雖然

放工即刻搭巴士約會一眾靚太chill返晚估唔到利奧坊都有甘多好野食我們見Eaaat here 裝潢好型格又有酒飲下，唔洗諗直入啦牛油果蟹肉合桃石榴汁沙律 好清新的沙律，牛油果好多好creamy,蟹肉鋪面好似雪花甘澎湃西班牙乳豬 全份四個人食一份都好夠Share ,皮薄，少少煙韌，肉質鮮嫩，肉汁豐富，個個都爭住影相。切開都大件，沾上秘製蕃茄醬，少少辣，去膩也不錯。炸魷魚鬚 送酒一流，魷魚鬚很粗身，炸至金黃，皮脆肉質香軟，唔會太硬。擠出檸汁，提升鮮味。多士拼盤 有巴馬火腿多士、 蒜香蝦多士、 蟹肉沙律醬蟹肉多士及鵝肝醬多士，蝦多士真係好大隻，配上極具風味的辣醬，正呀。幾個人分享都好得體，多士仲好香脆士多啤梨蘋果金寶伴雪糕可愛造型，蘋果入曬肉桂味，果肉香甜，見到草莓肉，雪糕筒相當夾，冷靜與熱情之間的相融，香草味永遠都最濃郁芳香。熱騰騰上碟，影相真係要快手。我飲左杯Hot here, 薑味後勁十足，檸檬汁很醒胃，gin 酒唔算很多，女士都好岩飲，好清新。

❌負評 ❌久違的中伏，呢間啲野食睇落幾靚，睇過食評普遍都唔錯。但竟然會豬有勁耐冇食到過既豬肉騷味，刺身蝦唔新鮮，肉質唔係彈牙既，一係就解凍得唔好，食完一隻都唔敢夾第二隻。蟹肉蟹膏意粉冇蟹味，牛舌韌到要自己切薄片， 八爪薯仔啲薯仔超鹹， 西班牙燴飯似西炒飯，酒冇酒味，apple crumble唔脆有麵粉味，得tacos最正常。另外，音樂開到鬼咁大聲，好難傾到計。推介呢間餐廳既Foodie真心覺得好食？ 定我唔識揀野食呢。。

同閨蜜喺奧海城行咗一日街，想食餐好啲嘅🥰經過利奧坊見到呢間食西班牙菜嘅餐廳環境好Chill，又有Cocktail飲，一於試吓先。餐廳環境舒適，座位隔得好開，好適合同朋友嚟傾下偈飲下嘢食下嘢。<里昂沙律>呢個沙律食材好豐富，有吞拿魚、帶子、沙律菜，個汁酸酸甜甜，好開胃，夏天食一流，超Refreshing！<多士拼盤>我哋揀咗巴馬火腿多士、鵝肝醬多士、蒜香蝦多士，多士脆卜卜好香口，推介鵝肝醬多士同埋巴馬火腿多士！<刺身帶子配菠蘿酸汁>好驚喜，冇諗過有咁多帶子！帶子非常厚肉，菠蘿酸汁同帶子味道好夾。我哋好快就食晒成碟啦！<西班牙乳豬(半份)>推介推介推介！乳豬皮非常香脆，食落仲要一啲都唔肥膩！薯仔都好香口！正呀！下次會食一份encore!<士多啤梨蘋果金寶配雪糕>不得了！打卡一流之餘，店員會幫你打碎個甜筒，再撈勻俾你食。呢款甜品充滿咗我最鍾意食嘅元素！士多啤梨同Apple crumble 好夾，玉桂味好香，鍾意玉桂嘅朋友一定要試喇！

今日約咗朋友係奥運站附近食晚餐，由於成日食黎食去都係奥海城，所以今次走出去發掘新野食。行到利奥坊呢個新商場，發現有唔少新餐廳可以幫襯，有東北菜、上海菜、西班牙菜同爐端燒等。最後揀咗呢間西班牙菜，係2020年先開張，都算幾新。 西班牙八爪魚 $78 7.5/10呢道小菜好啱送酒，因為調味好惹味，薯粒好香口，八爪魚粒仲帶有小小煙韌，兩款粒粒fit哂一口食，令人不由自主咁一粒接一粒食哂成碟。 免治雞肉棒串燒 $45 8/10大大舊雞肉放係碟上面，配住醬油同雞蛋，將佢變成親子串燒，入口順滑，外皮略帶酥香，入面仲有少少軟骨口感。 烤菇Taco $40 7/10由於切成細粒同撈埋醬，唔係好食得出菇菌味，但醬汁同餅皮係幾夾，加添濕潤感易入口。 宇治抹茶燒酌soda $88 8/10淡淡茶味，甘既茶同酒配搭後反而沖淡咗落味，飲落好清，但仲易上腦。

門面有簡約壁畫，睇落似波浪又似飛鳥既羽毛，以白色為底，但入到去又一轉風格，選用深黑既檯椅，風格鮮明偏穩重，每張檯上面都有一盞射燈，突顯檯上食物。 瀏覽下菜單後，發覺除咗唔少signature既西班牙菜外，仲有日式串燒同墨西哥taco，所以啱哂為食既我地，每款野都點黎試下。 粟米脆片配莎莎青醬&牛油果醬 $90 6.5/10首先上檯既係粟米脆片，份量都幾多，粟米味幾香，但脆片比較實唔算好脆，青醬同脆片唔太夾，牛油果醬唔錯，口感豐富得黎又有d清新。 西班牙乳豬Half $280 7.5/10主菜就當然要試下呢度既西班牙乳豬，話哂都係西班牙菜既代表之一，燒得金黃既乳豬放係橡木板上面，色澤誘人，旁邊配上燒洋蔥同薯仔，仲有最重要既微辣既蕃茄sauce。乳豬表皮燒得好鬆脆，入面既肉好肥美，食落油脂感滿溢，食多兩舊就覺得有d滯，呢個時候靠sauce去消滯開胃就啱啱好。 牛舌串燒 $42 6.5/10三舊厚切牛舌，表面燒得幾焦香，但可能因為厚切關係令裏面燒得唔算透，咬多一陣會有絲絲腥味滲出，唔太推介。 炸雞Taco $40 7.5/10Taco細細份，適合淺嚐試味，炸雞幾嫩，仲有少少肉汁，配合椰菜絲同

今日放工好攰，約咗朋友飲杯野，俾個清酒櫃吸引到眼球，望咗一下Menu就入去坐，但最後我哋都點左cocktails，清酒就留返下次試。我點左杯drink here材料有gin, lemon, cucumber juice, 好易入口好清新。吹水食串燒一流，最鍾意食燒牛舌，見親必點，一串都有兩片，厚薄剛好，有檸檬俾你解膩。另外點左個大蔥雞俾肉，不過不失，大葱好甜。越食越開胃，又點咗tacos，我點左個豬嘅，配番茄醬，幾清新，下次想試埋個大蝦配牛油果醬。全晚最出色係個炸墨西哥青椒，入邊塞咗芝士，有四件，如果多啲就好，配酒一流。總括嚟講，呢間餐廳最正嘅地方係所有食材配搭都好新鮮，出面難搵到一樣，同時又幾好味，坐得舒服靜靜地又有嘢飲，會放工再嚟。

Strawberry apple crumble with ice-cream 士多啤梨蘋果金寶伴雪糕 🍓🍨 $108個招牌蘋果金寶係必叫之選，新鮮嘅蘋果蓉配埋脆卜卜嘅燕麥片、士多啤梨碎同埋雪糕，酸酸甜甜，雪糕嘅甜味仲中和左水果嘅酸味，下次來一定要再叫🥰店員仲好貼心咁唱生日歌同講解甜品嘅食法，好窩心Chips with avocado crema 🥑 粟米脆片配酸忌廉牛油果醬 🍟 $60酸忌廉牛油果醬係自家製㗎，味道唔辣得來又特別，雖然有少少貴，但新鮮嘅牛油果醬配埋脆卜卜嘅粟米脆片又幾好食嘅Tiger prawn, seafood with lobster sauce spaghetti 龍蝦汁虎蝦海鮮意粉🦐🦞 $158呢個意粉都係誠意之選，龍蝦汁勁多，每一淡都食到濃郁嘅龍蝦味道，配埋新鮮大隻嘅虎蝦同彈牙嘅手工意粉，超級滿足Caviar, crab meat with crab paste sauce spaghetti 魚子醬蟹膏蟹肉意粉 🍝 $158矜貴嘅魚子醬配手工意粉真係好正😍魚子醬光澤潤滑，而蟹膏嘅份量十足，濃郁嘅味道慢慢滲入意粉入面，回味無窮

今日同朋友去利奧坊行街，在附近發現左一間好正，環境好好嘅餐廳😍😍又可以打下卡喎Eaaat.here ！係一間西班牙口味🥰落地大玻璃Chill 住飲野，靜靜地同朋友食餐飯傾吓計～更重要嘅係食物質素非常高 ！！1.前菜：刺身蝦配香辣紫蘇青檸汁 $108 評分：⭐️⭐️⭐️⭐️⭐️⭐️⭐️⭐️⭐️好推介嘅前菜！真係超特別，蝦刺身好新鮮，雪白通透，特別要讚一讚嘅係醬汁嘅配搭，用咗紫蘇檸檬汁好清新酸酸甜甜咁，咬落去嘅蝦肉係十分之爽口😋🥰呢個真係必試！第一次食呢個配搭，好驚喜，好好味😋2.墨西哥烤粟米🌽 $68 評分：⭐️⭐️⭐️⭐️⭐️⭐️⭐️⭐️⭐️呢個小食好好食！烤過嘅粟米再配合埋芝士同沙律醬汁，好惹味，好入味，粟米亦食到清甜嘅感覺，而且好香🥰3.免治雞肉棒👍🏻❤️$45 -極度推薦評分：⭐️⭐️⭐️⭐️⭐️⭐️⭐️⭐️⭐️⭐️我諗係起香港食過最好食嘅免治雞肉棒了😍😍超級好味～Yakitori 採用日本產無激素雞，問返店員係佢哋自家製，秘製醬汁同埋蛋黃🥰雞肉好新鮮好嫩滑😋 口感十分之豐富！撈埋成個汁去點雞肉棒食一流！外層燒得香脆，入口濃郁美味，彈牙多肉汁，呢個係食完會想encore再encore嘅雞肉棒😭❤️送埋杯酒簡直係好好好好嘅享受😍😍😍👍🏻4.

喺奧運站附近發現到一間好寫意嘅餐廳～Eaaat.here 💁🏻‍♀️食西班牙菜～環境好靚，可以舒服地同朋友食餐飯傾吓計～我哋叫咗幾款嘢食，全部都好滿意😋1.🤩全晚之最愛美食：免治雞肉棒超級好味～雞肉棒係店家自家製，雞肉好新鮮好嫩滑😋而且醬汁都係佢哋自家秘製，再加埋蛋黃，撈埋成個汁去點雞肉棒食一流！呢個雞肉棒會令人食完一條再一條！2. 刺身蝦配香辣紫蘇青檸汁刺身蝦好新鮮～紫蘇青檸汁令蝦嘅鮮味更加突出，酸酸甜甜好開胃。市面上好少見到呢個組合嘅刺身蝦，值得一試👍🏻3. 烤蝦墨西哥夾餅夾餅薄身，所以顯得餡料都好多😍蝦肉好大隻，好爽口。夾餅中間有啲蕃茄粒同埋椰菜絲～4.墨西哥烤粟米粟米同芝士嘅配合好正🤩粟米好清甜，配合埋啖啖芝士，好肥🤣但令人好滿足！5. 魚子醬蟹膏蟹肉意粉一放上枱已經聞到好香🤤勁多蟹肉喺上面～意粉上面亦有少量魚子醬。我好鍾意佢個意粉，爽口得來又唔會太乾。醬汁嘅比例好好，一定要點🙌🏻6. 墨西哥風味烤雞（半份）吼雞嘅皮好薄而且好脆。烤雞嘅雞皮係會令到我想食晒佢😂雞肉焗完都仲係好Juicy，一啲都唔乾。雞肉亦都好入味，肉質鮮嫩，點埋醬食都好正～完全冇油膩感覺🍗讚～7.士多啤梨蘋果金寶

大角咀貴為美食之都😆，啲餐廳真係多到食極都食唔晒，今次去試咗eaaat.here，佢哋有好多唔同種類嘅嘢食，有刺身🍣，日式串燒🍢，西班牙tapas🍤等等.全晚最正嘅，莫過於刺身蝦🦐配香辣紫蘇青檸汁，紫蘇味青檸汁超正😍，紫蘇愛好者必點.魚子醬蟹膏蟹肉意粉🍝亦相當出色，一上枱已經聞到好香嘅芝士味🧀，食落就有香濃嘅蟹膏味，意粉嘅軟硬度亦適中.多士拼盤🍞可以自由選擇四款不同嘅多士口味，我就揀咗Parma ham🥓、蕃茄🧄🍅、蟹肉沙律醬、鵝肝醬.另外仲有日式串燒，叫免治雞肉🍗串正喎，夾左雞軟骨，口感幾好.甜品係gimmick嘢，原個雪糕甜筒🍦喺apple crumble ，再將佢成個打碎撈落去，就邊左每啖都食到雪糕、趣筒、蘋果🍎、同埋士多啤梨🍓.飲品都要特別講一下，叫咗signature Cocktail 🍸Ka Shin street，係接木骨花嘅味道同埋清新嘅青瓜🥒，幾refreshing，仲有梅酒chu hai (自己pronounce lolll) what a drink name lol🤣，係韓國燒酎嘅飲品🍸

大角咀不嬲都多好野食，其中利奧坊更加有唔少有質素嘅餐廳🍴今日就去左❣️Eaaat.here❣️食西班牙菜～．如果你鐘意紫蘇味，一定要叫🦐刺身蝦配香辣紫蘇青檸汁🍋 特濃清新嘅紫蘇青檸汁同刺身蝦好夾，第一個冷盤已經覺得好有驚喜😎．認真依度菜式選擇同配搭都好多元化🙌🏻🟡粟米脆片有6種沾醬，想食唔同醬亦可以揀醬汁拼盤～仲叫左🍞多士拼盤、🧄香蒜蝦Tapas～多士拼盤五揀四➡️🥓Parma ham、🍅蕃茄、🦀蟹肉沙律醬蟹肉、鵝肝醬☺️香蒜蝦嘅蒜香幾出，蝦夠彈牙😬．黎到🍝Pasta 🦀魚子醬蟹膏蟹肉意粉，食第一啖已經令我印象深刻🤩意粉口感均勻保留少少彈牙，個sauce撈埋滿滿芝士碎🧀，無得頂💯💯💯．依度仲有日式串燒食架😜我地叫左🐔雞脾肉、🐔大蔥雞脾肉、🐔免治雞肉棒，醬汁香濃，我鐘意大蔥雞脾肉，真係好match🤤．女人，就係就算飽都要食埋甜品😘🍓士多啤梨 apple crumble 伴雪糕🍦，雪糕係成支甜筒，然後店員會用支🥄匙羹狠狠地扑碎佢，比普通apple crumble多左啲甜筒脆脆，幾特別😋．餐廳仲有好多得意嘅酒類飲品🍹我地叫左🥃梅酒Chu-hai 同🍸Signature Cocktail Ka Shi

You became one of my fav in Square Mile.繼續發掘利奧坊餐廳 遇上很美的你 環境很好的。Lyon Salad出奇咁好食 吞拿魚 薯仔 撈埋蛋黃 🤤帶子刺身新鮮啊 配菠蘿酸汁係驚喜真係樣樣都好好食啊點解嘅🥰最深刻的是甜品 而甜筒是重點又冷又熱又甜又酸 係開心囉仲有靚姐姐幫你毀滅個甜筒Ka Shin Street Cocktail 好飲穩陣之選要來點刺激的 叫杯Shochu好無啊Strawberry Apple Crumble with Ice cream $108Sashimi Scallops with Pineapple Sauce $108Lyon Salad $108Spain Suckling Pig half $208Toast Platter for 4 $108

今日同同事happy hour 去咗大角咀呢間裝修幾靚嘅西餐廳夜晚時間嚟到都冇乜人 坐得超級舒服牛油果蟹肉合桃石榴汁沙律 沙律汁用咗石榴汁去調配感覺清新 上面加上好多一絲絲嘅蟹肉牛油果同合桃碎 口感豐富 食完都勁開胃燒牛舌 厚薄適中 有香嘅牛味兼有咬口 食到牛舌嘅彈性 墨西哥風味烤雞 烤雞半隻份量都幾大 雞皮燒到金黃非常香脆入面嘅雞肉仲好嫩滑而且又用得令人欲罷不能 另外仲有個墨西哥汁可以一齊食酸酸辣辣 唔錯士多啤梨蘋果金寶配雪糕 將甜筒倒轉放非常有創意好似獨角獸咁可愛 士多啤梨金寶酸酸甜甜 唔會好漏蜜柑薑汁燒酎 酒味濃淡適中 蜜柑同薑汁配搭得宜