Food Combo (已結業)

唉！今日又同兩位老細開會，頭痛到裂開咁濟~收工後想對自己好啲，梗係要食好少少啦!!!!本應諗住尋日黎食既，但最後唔舒服，全日除左出去睇醫生之外就係床度休息~~其實真係好難選擇，Combe A, D, F, G都好吸引，不過我預左男友會揀Combe D，牛嘛佢實被迷住，我就應該2揀1係卡邦尼同西班牙海鮮飯中間選擇!!!!!Combe A : 卡邦尼大通粉配溫泉蛋(華都夫沙律，是日餐湯，蒜蓉牛油大蝦，卡邦尼大通粉配溫泉蛋，精選生果)Combe B : 葡萄雞飯配泰式辣魚餅(泰式青木瓜沙律，是日餐湯，泰式魚餅，葡國雞飯，精選生果)Combe C : 有骨豬鞍野菌汁配白酒煮青口(香橙紅菜頭沙律，是日餐湯，白酒煮青口，有骨豬鞍野菌汁，精選生果)Combe D : 美國安格斯西冷(9安士)荷蘭汁配南瓜薯餅(華都夫沙律，是日餐湯，香炸南瓜薯餅，美國安格斯西冷扒，精選生果)Combe E : Food Combe什扒配薯菜(華都夫沙律，是日餐湯，香炸南瓜薯餅，什扒配薯菜，精選生果)Combe F : 香煎挪威三文魚檸檬牛油汁配特式炸雞粒(香橙紅菜頭沙律，是日餐湯，特式炸雞粒，香煎挪威三文魚，精選生果)

依家小店喺vcity 對面，之前睇雜誌介紹見到d餐都幾靚，就嚟睇下好唔好食佢店舖比較細，入面坐位唔多，不過裝修風格幾靚清清地，依度夜晚係食set dinner 既7樣嘢揀，賣相唔錯，我地今次就揀牛扒同西班牙海鮮飯外面有3種嘢飲，任你歁，又好細心咁有熱既桂圓生薑俾女士們。等左一陣，好快就有得食竟然同menu 個樣一樣南瓜薯餅整得剛剛好，同日本食既味道差不多，個南瓜湯都好飲，唔會太希，沙律係清新蘋果沙律。喺香港食太多中伏牛扒，依間係完全無中伏，煮得剛好，有肉汁師父功力唔錯丫下面既牛油粟米好食，係平時細個喺小店食既牛油粟米，埋個potato mash 好滑，好食！估唔到200幾元都食到依個質素。配既西瓜火龍果提子好甜，好食另一個叫左西班牙海鮮飯，賣相同好食程度一樣，每樣海鮮都有2舊，帶子煮得剛好，蝦新鮮既，彈牙，魷魚青口全部都唔錯，加埋個酸甜雞翼同青木瓜沙律，小店嘢食，服務都幾好，不過小店環境較細，好應聲，要傾心事，全間店都會聽到😂😂要小心哦😂

朋友仔揀中呢間V-city對面算係新開既餐廳，實情我都唔知開左幾耐，但我就第一次食😅餐廳其實唔算大，但光線充足，簡潔乾淨抬頭一望就會見到呢個招牌燈，特別得黎又幾可愛😙我最鍾意既就係呢個自助飲品吧😍免費refill👍我去當日有3款，分別係紅棗圓肉杞子、薄荷鮮橙、檸檬茶，我就飲左紅棗圓肉杞子，讚👍唔會太甜又夠味😋如果可以跌兩粒圓肉落黎食下就不得了😂😂我叫左豬仔脾，黎到見到個賣相已經覺得唔錯，食落都好掂，薯蓉滑，豬仔脾一啲都唔鞋配埋個菇菇汁💪最好就係有生果又有菜朋友呢款係葡汁雞，佢個沙律菜同我嗰個唔同款架，我有食佢幾啖雞，都好滑表皮係脆既整體黎講性價比係高既，值得一試💕

早幾日有朋友問我影相靚嘅呢間餐廳喺邊💕我叫佢等我食評😂今日終於俾你地等到喇💓😆大家唔好以為屯門真係得牛牛 🐮仲有好野食架💕喺門口望入去已經覺得好靚😍要入去食同影相同男朋友一齊，可以叫多啲野食🤤因為食唔曬有佢包底👅打開lunch menu，好多款式揀仲有得加錢加配小食、沙律、水果杯等😳仲要擺得勁靚💕嚴重選擇困難左嘅我心大心細主菜都未揀好就煩惱埋加咩小食、沙律🤯好彩💓仲有個Daily set menu😍全部主菜配好曬沙律、小食、水果成張相睇到曬擺埋一齊個效果唔洗腦補💓覺得邊款影相靚就叫🤤.我地叫左以下兩set❤️勁豐富、好開心1️⃣Combo C：有骨豬鞍野菌汁配白酒煮青口（$168）呢個set係男朋友主力食嘅💓好豐富，有沙律🥗、湯、小食、主菜加水果🤤仲可以去自助水吧自由斟💕首先試佢沙律，係紅菜頭沙律😆有火箭菜、橙肉同紅菜頭，一路唔太食火箭菜同紅菜頭嘅我😂男朋友竟然堅持叫我一定要試下‼️究竟係咩驅使佢冒住我食完會黑面嘅危險都要我試？原來因爲用左橙味 vinaigrette😳好多時出面食都會用黑醋就算，但呢度竟然自己整😍好驚喜💕同個沙律好融合；跟住我仲試埋個青口，平時對出面嘅青口唔抱太大期望，睇個汁

約左住屯門既朋友食餐便飯，朋友推介話v city對面有棟新樓落成，地下新開左間幾靚既food combo，就試一試啦！🎈餐廳環境餐廳座主打小巧溫馨路線，餐廳裝修以淺色木材為主，感覺幾warm，座位之間既闊度都足夠，幾岩一家大細過黎食。入座既時候，店員介紹自助水吧今日有鮮薑紅棗杞子水、薄荷鮮橙水及玄米綠茶，我地可以按自己喜好去自助水吧斟。🎈Menu晚市提供8款set dinner選擇，價錢由$138到$218，菜式方面都幾多元化，有西班牙海鮮飯，又有葡國雞飯，而傳統既美國安格斯牛扒都唔小得。———🎈Combo C 有機豬鞍野菌汁配白酒煮青口 ($168)除左主食之外，仲有香橙紅菜頭沙律、餐湯、白酒煮青口、有骨豬鞍配野菌汁、生果，係超完整既set dinner。✨有機豬鞍扒野菌汁豬鞍扒十分厚切，切開都幾juicy，仲有微微既粉紅色，咬落去，都幾乎唔洗力，肉質鮮嫩多汁。✨白酒煮青口跟餐既青口都唔會hea，粒粒都好飽滿，廚師火候控制得非常岩，唔會煮到老曬。味道帶有微微海水咸，牛油香都特出，重點系個汁無酸味，白酒份量適中。————🎈Combo G 西班牙海鮮飯配焦糖青檸雞翼 ($178)而呢一個

同男朋友去完會所做Gym，做完運動GE我地餓到不肯，於是去左V City附近四圍行搵好西食！行過見到有幢新住宅The Varkville剛入伙，樓下有間新餐廳，大大GE落地玻璃，望入去裝潢簡約得黎，又幾格調，都似幾舒服。入面位置都幾闊落，仲有幾檯係有BB車GE食客，XD我捉左男朋友入去要睇人地GE可愛寶寶。我都幾鐘意呢度GE裝飾，整齊GE白木板做裝潢、深木色GE木椅、仿雲石的膠檯，有道牆上有少少可愛GE裝飾，陽光懶洋洋咁灑落係店入面，未食野已經對呢間餐廳印象唔錯。呢度有個免費自助水吧，供應3款唔同GE飲料，款式唔算多，但都係非常健康有特色GE特飲，今次就有鮮薑紅棗桂圓杞子水、薄荷鮮橙水 ，玄米綠茶，誠意同心思十足。我地叫Combo A 卡邦尼大通粉配溫泉蛋($138)，男朋友就叫左Combo D 美國安格斯西冷(9安士)荷蘭汁配南瓜薯餅。呢度上菜速度都幾快，等左一陣套餐就已經上場。套餐非常吸晴，塊安格斯牛扒有我一隻半手掌咁大，牛扒係靚料，食落好香牛味，而肉質好鮮嫩，配埋個自製醬汁，又係另一種好味道。薯蓉同栗米粒非常加分，栗米粒有用牛油去炒過，入口咸咸甜甜；而薯蓉入口軟綿順滑好似入口即融

Food Combo (屯門)屯門鄉事會路88號The Parkville地下6號鋪午餐時間諗住行去V city搵食嘅沿途上見到側邊有間環境好簡潔嘅餐廳就睇到佢哋嘅餐好特別 Combine咗唔同國家嘅菜式落一個combo今次就試咗兩個combo Combo G 西班牙海鮮飯配焦糖檸檬雞翼成個餐都好開胃 嗰前菜係泰式沙律酸酸尾尾 啲洋蔥食到個人好醒神嗰日嘅是日餐湯係南瓜湯飲完個南瓜湯再食海鮮飯 非常配搭海鮮飯當中嘅每一款海鮮 都食得出係用心製作無論係青口 魷魚 海蝦仲有帶子都好新鮮 留得住海鮮嘅水份個雞翼用焦糖配搭檸檬 好特別 值得一試Combo D 美國安格斯西冷 荷蘭汁配南瓜薯餅以為個西冷牛扒 會好乾身但一切開就見到肉汁流出嚟配埋薯蓉大啖大啖咁放入口 好滿足薯蓉側邊仲有好多粟米粒 正！每個Combo都會有水果杯嗰一日有西瓜 火龍果 仲有一粒黑提可見餐廳嘅用心而飲品方面 就會有個飲品吧當中嘢飲以健康為前題有熱嘅紅棗杞子水又有檸檬水 仲有凍綠茶清清地 解到渴 唔夠可以添飲成餐飯值哩個價錢 經過可以一試 應該唔會中伏

Vcity對出開左新餐廳，外面望落好高級，長期都見到好多人等位，今日早左食晚餐，見仲未洗等位，即刻攞左位先～餐廳係食西式既食物，晚餐全部都係一個Set，有齊曬湯，沙律，主菜，小食同水果，勁豐盛！每個套餐都可以享用自助水吧，有三款唔同既飲料，今日有鮮薑紅棗桂圓杞子水（熱）、薄荷鮮橙水（凍）&玄米綠茶（凍）鮮薑紅棗桂圓杞子水（熱）紅棗桂圓既味道比較出，甜甜地帶少少薑既辣，飲完個人好暖。薄荷鮮橙水（凍）薄荷味好香，整體既味道比較清淡玄米綠茶（凍）玄米味香，凍飲解熱一流頭頂仲有個燈牌：Food Combo好新潮既内部裝潢，比人一種乾淨既感覺。FoodCombo什扒配薯菜 $188華都夫沙律、是日餐湯：雜菜湯、香炸南瓜薯餅、什扒配薯菜、精選生果-華都夫沙律🥗好多蘋果，同沙律醬，如果蘋果可以再爽口的就更好～-是日餐湯：雜菜湯非常足料，用好多蔬菜煲，濃味香炸南瓜薯餅口感綿滑，外層炸得好香脆，南瓜蓉甜甜地，食落唔會好油，沾埋沙律醬更好味！什扒配薯菜〔豬扒、煙肉、腸仔、雞翼、薯泥&牛油粟米〕材料真係非常多，食到個牙齦都軟，個咀不停食食食，好似食唔完咁款，勁誇張！-豬扒唔算好韌，沾埋啲汁食都不錯。-煙肉同

Food Combo新樓盤已經開始入住啦， 而樓盤底部嘅餐廳亦都開始營業，Food combo就係其中之一位置唔多，食飯時間7點零鐘已經要排隊等位環境舒服，裝潢有格調晚餐主食有呢幾款🌌 美國安格斯西冷(9安士)荷蘭汁配南瓜薯餅 $218 🌌雖然肉質並唔係非常之嫩， 但都有肉汁， 五成熟嘅牛扒加上經已調味嘅蒜片，味道不錯😋薯蓉香滑， 粟米清甜南瓜薯餅味道香甜， 脆口，不錯🌠 香煎挪威三文魚檸檬牛油汁配特式炸雞粒 $178🌠三文魚冇腥味， 魚油香味滲透肉層， 少許鹽帶出魚的味道特式炸雞的味道獨特， 有少少似韓式炸雞， 味道甜甜酸酸非常過癮套餐仲有餐湯、沙律同飯後水果，非常豐盛， 而且惠顧套餐仲可以任飲3款店內自家飲品，可算一個價錢滿足幾個願望，總括黎講實在不錯👏

屯門開咗呢間food combo幾個月啦，每次行過都有啲想食，今日終於試到啦裝修都幾精緻，好光猛，但係空間就比較細，枱就唔算多，都比較逼夾，今晚呢都等左15分鐘先有位呀。不過長枱欠奉，2-4個人黎食就啱啱好。定食款食唔算多，得7個，但係每個都好似好吸引咁，同埋淨係沙律嘅款式都有3款，都唔會話太過似。等野食前可以去自助水吧拎野飲，啲飲品都幾健康養生，有香橙薄荷水、玄米綠茶同埋鮮薑紅棗桂圓杞子茶。見到呢啲嘢飲已經加晒分先講Combo C啦首先食咗個生果，真係幾高質，西瓜、火龍果同埋提子都好新鮮好甜！仲要切好一舊舊，食完覺得自己好健康！其實我feel到紅菜頭個沙律都係高質嘅，但係因為我麻麻隻味都冇食哂。而個餐湯係最有驚喜嘅一道菜勁真材實料，蔬菜都唔係隨隨便便，仲有好多齊牛肉碎！青口都幾入味，完全有做主菜嘅潛質！最後就係豬鞍，勁大塊，厚身到不得了，唔算肥美，但食落口都係juicy，同野菌汁好夾，唔錯！仲有講埋combo D華都夫沙律姐係蘋果沙律，比較啱我口味，俾我搶黎食哂。南瓜薯餅係巧手製作，有自家製嘅味道而西冷感覺不過不失，呢個價錢黎講算係好高質要講嘅係份量係意外地多！雖然碟碟都好似好細碟咁

位於屯門站對面的新樓盤parkville，樓下有幾家新餐廳，為屯門新墟呢頭的老舖帶來生氣。其中呢間food combo小店主打西式定食，每個餐有主菜、餐湯、沙律、小食、生果，打卡幾靚～環境小清新，光猛舒服。-明正言順的fusion特色，我既西班牙海鮮飯偏濕軟，唔算好正宗，不過口味大眾化，兼配料豐富，配菜泰式青木瓜沙律及焦糖青檸雞翼惹味不錯，比西餐出色。朋友的卡邦尼大通粉配溫泉蛋賣相漂亮，忌廉汁偏薄身，配蒜蓉牛油大蝦及華都夫沙律，相片的開邊大蝦同實物有點出入，大蝦變了兩隻蝦仁，都唔算細隻既，但開頭我還以為是轉了帶子😂-最欣賞這個水吧的設計，三款飲品都各具特色，頗有誠意，個人認為如果用西餐常用的高身水杯，影相會更靚🤣-總結定食食材豐富，仲有生果，可以一次過攝取唔同營養，雖然價錢唔算平，但是還好不用加一，兼坐得舒服。

#foodcombo --一個combo 有埋主茶、小食、湯、沙律同生果都幾豐富😋女仔黎講，個份量岩岩好西冷好大份，五成熟岩岩好，咬落去有肉汁但食到最尾有小小攤涼左粟米有好香濃既牛油味薯蓉味道相對較淡三文魚既檸檬味唔突出但勝在煎得夠香口😋環境舒適，野飲任斟，同成班fd 過黎gathering 都唔錯‼️ --評分： 7.6 / 10地址： 屯門鄉事會路88號The Parkville 地下6號鋪

成日去新墟買餸同去vcity都會經過依一間餐廳, 都講左幾次話要試, 今日又難得申請到唔煮飯就一決去馬啦！估唔到未到七點餐廳都滿左八九成, menu選擇唔多但菜色豐富, 我就叫左F餐香煎三文魚配炸雞粒, 至於老公就叫左安格期西冷, 一上枱樣樣都整得好精美, 擺碟好靚, 顏色繽紛, 未動餐都口水流緊, 先講講條三文魚, 估唔到咁大條, 外表煎到好香口, 肉質仲好juicy , 配埋檸檬汁酸酸地非常開胃！至於老公塊扒都唔野少, 岩岩好七成熟, 肉質唔會太實, 牛肉本身都非常高質, 仲要一提餐廳有自助飲料bar, 有熱有凍, 非常貼心！

母親節就同媽媽近近地食個lunch，見新開左餐廳，緊係試左先講。美國安格斯西冷(9安士)荷冷汁配南瓜薯餅 $218牛扒5成熟，切開冇血水粉紅色分佈得平均。整體唔算多肥膏而有肉汁。呢個南瓜餅同中式口感煙韌既南瓜餅好唔同，好鬆脆，充滿南瓜蓉同忌廉香，比較日式。香煎挪威三文魚檸檬牛油汁配特色炸雞粒 $178三文魚魚皮得煎香脆，不過太多調味。魚身厚肉，煮得剛好，有返啲水分唔太乾。雞粒嫩滑，不過有一塊雞炸粉好集中一個位。所有set都配有自助吧任飲，其中我最鍾意新薑紅棗桂圓杞子茶-熱飲。飲落冇加額外糖，紅棗龍眼味好出！而其他兩款都係凍飲。出面食飯想要杯茶都難，今次仲有養生系列，有驚喜呀！

今天經過V city對面，見到開咗幾間新餐廳，今日終於都有機會可以試一試啦！今次試嘅呢間叫food combo，環境好靚，主打日式西餐，除咗主菜之外仲有湯前菜小食同生果，份量爆棚！餐牌上總共有7個Set，每款都仲配唔同配菜，感覺好用心搭配食材我哋今次就分別叫咗2個set，包括Combo E扒配薯菜$188個set份量好大，牛排長過手掌，肉頗厚身，有咬口！薯餅類似可樂餅口感，好正！配菜仲有蝦，雞翼，煙肉，薯蓉等等，就算無跟飯都一樣好飽肚！另一個Combo G西班牙海鮮炒飯配焦糖青檸雞翼$178同樣吸引，海鮮分量超多，飯底超好味，雞翼同泰式沙律酸酸甜甜，好開胃！呢度嘅水班係可以免費添飲，有綠茶、紅棗水，同埋薄荷水，不過如果想飲可口可樂嘅話，就要比$15啦全部食物都好有水準，不過以女仔午餐食量，份量似乎太多，問咗店員原來因為假日所以無午市套餐，平日星期一至五可以散叫意粉同配菜，價錢由$54起，自由度同性價比更高！