Forkers (已搬遷) 新店位置

有次偶然喺網上見到一個德高望重嘅食評家對《Forkers》嘅讚賞，身為土瓜灣之友，梗係要身體力行支持下小店。Forkers位於兩間《楚撚記》中間，西式嘅風格同走大排檔路線嘅楚撚記截然不同。餐廳樓面唔算大，大概20-30個座位到，不過枱與枱之間 其實都幾近，至少一定聽到隔離枱講緊咩。晚餐base係$298，包指定前菜、指定餐湯、指定主菜、任食配菜、甜品及餐飲。想配其他菜式呢，就要另外加錢。- #1 前菜 -西班牙黑毛豬拼盤不錯吃，配上四片多士份量唔算大嘅前菜另外可以 加$38改配橡果飼養前腿 (36-month dry-aged)／加$68改配橡果飼養後腿 (48-month dry-aged)- #2 餐湯 -是日餐湯唔駛加錢嘅是日餐湯 － 忌廉南瓜湯，飲到南瓜蓉，唔錯另外可以 加$68改配虎蝦濃湯蝦味好濃，隻虎蝦好大隻🍤 - #3 主菜 -主菜嘅份量都足夠，不過盛載嘅碟比較細隻，所以賣相so-so唔駛加錢嘅主菜只有「美國牛肩」一款，我哋兩個都加咗錢改配其他item西班牙棕毛豬肩胛 (+$98)西班牙棕毛豬以天然橡木果為主要食糧，唔使煮到全熟都食得。不過呢到就整得有啲太生，完全咬唔開。

家姐上次食完呢間餐廳強烈推介，無論食物環境質素都好好，所以今日就同朋友嚟試吓！呢度晚餐係套餐選擇為主，包括前菜餐湯主菜甜品，仲有薯條沙律任食添，每位盛惠$299加一！再根據你揀咩前菜餐湯同主菜，然後再加返相應既收費。前菜係黑毛豬拼盤配多士，好有鹹香配埋多士食好夾，是日餐湯係洋蔥湯，不嬲都好怕洋蔥嘅澀味，但係呢個湯一啲都無，只係有洋蔥嘅甜味所以好好飲！沙律同薯條都好新鮮，薯條落左BBQ粉唔點茄汁都好夠味，主菜揀左牛肩同西班牙粽毛豬肩胛，廚師上碟前已經切晒一片片，仲有樣野好細心係個碟有預先預熱，完全有效保持返食物既溫度！牛肩好有咬口，幾有牛味，最驚喜反而係豬肩胛，靚既豬係帶點少粉紅色，佢酸甜既醬汁配埋少少粗鹽，食落味道好夾好有層次！豬肩胛既肉質亦都好嫩，真心推介大家可以試下！另外要加左是日精選海鮮，西班牙辣肉腸蒜片炒虎蝦，辣肉腸加埋蒜片真係超級惹味，虎蝦份量好多超過12隻！最後上埋紐紐芝士餅做甜品，細細件唔太甜味道啱啱好！雖然話沙律薯條係任食，但份量多到真係唔Refill都已經食唔哂，位置係偏左少少，但係真心推介！

/Forkers 💰人均200-400 8⃣️分‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧西班牙黑毛豬鞍 8⃣️分沒有過多的脂肪，而且肉質鬆化、細嫩，肉味香濃。食落又鬆軟又多汁，味道濃郁到似係完完全全訓左係豬既後腿肉上。/西班牙棕毛豬肩胛 8⃣️分豬肉味濃郁， 而且肩胛屬於豬運動量較大既部位，所以肉味否十分豐富、而為有淡淡迷人肉香，加上帶筋又有油脂，食落去口感豐富無比。/西班牙黑毛豬拼盤 7⃣️分西班牙黑毛豬，帶有豐富的橡果味。配以多士來吃，可以平衡鹹味。如果識飲紅酒，配搭埋食真係好好氣氛！/任食沙律及黃金薯條 7⃣️分薯條同埋雜菜沙律任食！薯條新鮮炸熱辣辣，雜菜沙律好新鮮，配上油醋汁味道醒胃又清新。/伯爵茶配芝士蛋糕 8⃣️分茶同蛋糕本身已經係分唔開既朋友，依個組合真係無懈可擊。另外佢蛋糕份量雖然唔係話好大舊，但係尺寸啱啱好，食完唔會覺得好漏，罪惡感都冇咁重。‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧📍地址：土瓜灣鴻光街5號

難得朋友入到嚟梗系要搵間好嘢同佢談下心 👭我最中意試新餐廳見到呢到食Set最好夠曬方便🍴一坐底同事見到我地有bb👶🏻已經準備好bb櫈 又介紹 menu chef recommend同daily special 最終我地揀左西班牙黑毛豬拼盤🐷是日餐湯洋葱湯 🥘Main就要左美國頂級肉眼扒+$98🥩同埋西班牙棕毛豬肩胛+$98 🐷沙津🍲同薯條🍟系無限refill 餐茶☕️☕️可以選擇coffee/ earl-grey 甜品就系cheesecake 🍰 個牛建議medium rare啱曬我 個牛同豬都好好味呀 果然冇介紹錯 本來見到個main嚟到唔系好大份仲諗緊會唔會唔夠食原來我太無知了！最終我系飽到抱住個肚走 重點我想講同事真系好細心見到囡囡又同佢玩 又安排一份無調味嘅薯條俾佢 又比成盒紙巾方便我哋 連水樽水都安排好👍🏻👍🏻👍🏻👍🏻👍🏻啲嘢食好味到湯 包 薯條🍟芝士蛋糕朱豬都同我爭食 好在牛扒medium rare唔洗同佢分享😝😝😝 呢到好啱中意摸酒杯底嘅人嚟呀 好悠閒好慢活 埋單870 留意返呢到只系收現金或者payme/轉數快 未有credit card🥰🥰

要清靜環境, 呢度有! 要質素食物, 呢度有! 要聽住歌曲放輕鬆食飯, 呢度都有! 來到Forkers, 同朋友點了個二人餐, 由前菜到甜品都好滿意。迷你脆包配西班牙黑毛豬拼盤, 麵包乾身脆口, 連同濃味豬肉一塊吃, 美味! 湯是洋蔥湯, 味濃而不油, 鮮甜洋蔥味充滿整碗湯。餐的特色之一是沙律跟薯條任吃, 醋沙律開胃, 薯條香脆啖啖薯而不滲油得我歡心! 主菜我地揀左牛, 有牛肩同肉眼扒, 香而軟, 吃落鬆化, 好好味!! 甜品是紐約芝士蛋糕, 由蛋糕身到餅底都是高質, size 剛好。 再點杯伯爵茶和咖啡, 完美句號! 點都要試一次既餐廳!

位於土瓜灣嘅Forkers唔係第一次食，不過每次食都依然係留下深刻印象，非常高汁！餐廳展示上餐廳有作大大改善，望落更清晰😛.Dinner Set $298 per person(+10% Service Charge)，有部分菜式需另加💵.Main 美國牛肩淨係睇賣相就知好味👍🏻肉質非常嫩易入口，非常juicy，牛味唔重唔淡剛剛好，絕對一啲都唔油膩🤞🏻.Main 時令海鮮 白酒牛油煮法國藍青口 +$128呢個法國藍青口非常amazing，絕對係生平第一次食過咁好味嘅青口！以往米米係唔太鐘意青口，因為覺得無乜味但又韌😶但法國當造嘅藍青口非常新鮮，咸香味比蜆強，口感軟綿似生蠔🤤加上淡淡嘅白酒香氣比青口索咗，青口又添點淡酒甜味😋仲有，份量非常多，好似食極都食唔完咁😏.西班牙黑毛豬拼盤有兩款黑毛豬，一款薄薄咸香味重，配面包就剛好🍞另一款較厚身嘅油香感好突出而唔太咸.蘑菇忌廉湯爆濃蘑菇香味，質地較稠結，啖啖蘑菇粒非常有口感😛唔需要用湯匙，好似飲水咁飲就得～非常方便！.黑醋沙律 及 香料薯條呢兩款都係任食嘅配菜，但根據米米嘅經驗，係絕對食唔到第二輪！因為成個Set本來就非常豐富好飽🤣.格雷伯爵茶

Forkers對西餐有要求既我總在尋找美味的西餐廳，今次搵到幾值得讚賞既晚市套餐。西班牙黑毛豬火腿及肉腸味道濃郁既黑毛豬火腿及肉腸夾煙煙unun既面包 ，夾住面包食另有一番風味。蘑菇湯蘑菇分子極幼細，橄欖油令到個湯口感更幼滑，入口是味道香濃鮮甜的蘑菇湯特選香料薯條薯條熱辣辣炸起，外脆內軟，香料味道獨特，讓人吃到停不了口☺️☺️新鮮沙律火箭菜沙律菜口感爽口，配黑醋份外開胃。加拿大豬胺扒厚厚既豬肉， 口感爽脆柔嫩，豬肉都烹調得讓人輕易吃出豬肉的啖啖鮮甜。一般對豬肉沒有太大興趣，這次卻讓人挺驚喜的👍🏻美國頂級肉眼牛扒肉眼扒有點炭燒的香烤味，三成熟的牛扒、外表煎得香脆，中間肉質 保留住juicy 既肉汁。🤤芝士蛋糕（朱古力味）中間好濃厚既朱古力 慢慢在口中溶化 甜而不膩，帶點黑朱古力的苦澀味🤗

Forkers 地址: 土瓜灣鴻光街5號 電話: 92351875 高質素餐廳，會帶其他朋友來試。大半年前來一試難忘，高質的西餐，薯條salad 任食，而主菜更是五星級水準，而人均晚上消費只是400元左右Cold cut Parma ham and sausage ,西班牙黑毛豬，油甘一層薄薄封面，在口中有after taste ，配紅酒一流北海道刺生帶子牛油果他他$88 牛油果萬歲，撈了檸檬汁湯品是洋蔥湯，清甜！，飽肚呀！洋蔥很腍炒到蕉糖化甜味也由此而滲到湯中任食的沙律及薯條。建議淺嚐，因好戲在後頭，主菜堅好食唔好一早浪費quota 主菜方面西班牙黑毛豬同豬鞍，豬鞍好味在於豬味濃郁，骨位置更是最美味部位，脂肪甘而肉質細實！另外豬就肉腍脂肪多，但做麵得太生咬唔開甜點cheese cake too eggy and sweet

好耐之前已經食過一次，因為念念不忘（個任食薯條同沙律），所以又一次返黎。今次黎到發現個menu唔同左，好似易睇左啲。我地叫左個兩個set share。西班牙黑毛豬拼盤：呢個拼盤之前食過，已經好鍾意，最主要佢個肉唔會覺得咸，感覺得出係好新鮮整出黎既，配埋個蒜蓉包真係好match。虎蝦濃湯：呢個之前未試過，朋友揀既係是日餐湯，咁係羅宋湯，我就想試佢個虎蝦濃湯，要加錢。個蝦啲肉好結實，同埋真係好大粒，店員教我地飲之前要用個粒蝦搞一搞個湯先，個湯堅係好濃蝦味，好飲。任食薯條同沙律：呢個係要refill嫁，任食既都好食呀。加拿大豬鞍排：個豬排好大塊，肉質都幾嫩。呢個唔錯。Crab Cake：會覺得個豬排只係唔錯，係因為比個crab cake完全迷住左。佢地落足左蟹肉，係啖啖都係肉呀，如果好鍾意食蟹既人(例如本人)，會好鍾意呢個cake。芝士蛋糕：呢個芝士蛋糕又係好好食，佢係跟餐既，細細件，唔會覺得罪惡。overall最鍾意係個crab cake同埋個虎蝦湯。

Got a recommendation from a friend for this place cuz they dry age their own steak. Fell in love. Ambiance is so nice. Reallly good food and worth the value! Sooo full and satisfied , set dinner is 298hkd and will be filling for a Big grown man. Nice quiet and chill dinner! Perfect for small private parties in the future.

於土瓜灣舊區竟可遇上一間充滿誠意的隱世高質西餐廳！套餐由前菜、餐湯、主菜、配菜以至甜品及飲品非常豐富，而且全部超高水準，完全驚喜滿滿，一吃難忘！餐廳雖位於鬧市，但剛好處在小巷中，稍稍遠離繁囂，帶來難得一片的寧靜，給我一種世外桃源的感覺。餐廳裝潢簡約而富格調，落地大玻璃感覺開揚，還播放著柔和歌曲，格外有情調，很是寫意舒適。店內還放有熟成櫃自家製出不同種類的熟成肉，很講究。單是頭盤已高級過人，西班牙黑毛豬拼盤賣相精美，火腿和肉腸呈大理石紋，肥瘦相間，令瘦肉甘香而不硬，其咸香味配以香脆可口的麵包啖啖滋味。連是日餐湯都絕非普通貨色，蘑菇忌廉湯非常高質，內含大量打成茸的蘑菇粒，湯質濃度很高，每一口湯都是滿滿的真正蘑菇味，美味得一滴不漏喝清光。另一賣點是任食配菜，新鮮沙律、特選香料薯條都可無限添加！即炸薯條熱辣辣，夠粗身又不油，外脆內軟，薯味重而飽滿，加入蜜糖燒烤調味粉，味道十分香濃，很惹味，令人吃個不停。沙律菜亦非常新鮮爽脆，蕃茄清甜多汁，大開胃口。西班牙棕毛豬肩胛非常出色，肉質軟綿細緻，嫩滑無比，奶白色脂肪分佈平均，油香豐美，入口即融。45+日乾式熟成美國頂級肉眼牛扒亦絕不遜色，呈粉紅色的肉質

一直以來，我也很小去土瓜灣的餐廳，因為鐵路沿線不經土瓜灣，所以很多時候也是朋友說土瓜灣有好餐廳，我才會去嚐一嚐。這一次也不例外，朋友說這家不錯，所以我就相約好朋友一齊去嚐一嚐。這家的紙巾是一張錢幣的樣子，很有趣這個黑醋汁沙律是可以任食的薯條也是可以任食的很喜歡這個薯條，因為他是即炸的，可以吃到外層很脆，但內在卻軟軟的。而且最喜歡的是他的調味，辣得來很惹味又不會說很重口味羅宋湯，料很足夠西班牙黑毛豬拼盤最左手邊的火腿的味道，因為以橡果為飼料，所以火腿的油脂會有種香甜同堅果味道！最喜歡中間的肉腸，因為是帶一點點辣，加上肉腸本身的甜味，再把它放在麵包上吃，好吃！美國牛肩火侯剛剛好三成熟切落去有點硬，但很有咬口！而且有把肉汁鎖在牛肩入面，不錯加拿大豬胺扒一半肥膏，一半瘦肉單吃肥膏那邊，你會覺得很油膩單吃瘦肉那邊，你又會覺得有點干干的但如果一次過兩邊一齊吃，你就會感到很有口感因為那些油脂混在瘦肉中，口感變得更有層次之外，又中和了那種油膩和瘦肉的肉質芝士蛋糕很好吃！因為那個餅底是我喜歡的餅乾底。而且芝士味又剛剛好，沒有坊間那種很濃芝士味的感覺。如果你之前吃了那麼多偏重口味的食物，在結尾當然要吃一個

一向喜愛發掘隱世小店美食，可惜隨着鋪租連年增加，隱世小店只能在遠離地鐵站的地區找到。這次發掘隱世美食的目標地區在土瓜灣，從紅隧口乘巴士十多分鐘便到，交通尚算方便。這家西餐小店「Forkers」的座位不多，食物選擇亦有限。但是食物質素讓我無限驚喜，兩款主菜高質足以俘虜了我。晚市套餐由$298起，有前菜、餐湯、主菜、甜品和茶啡，而配菜薯條和沙律可以任食。除了晚市套餐外，還可選擇廚師發板。西班牙黑毛豬拼盤（前菜）西班牙黑毛豬，帶有豐富的橡果味。配以多士來吃，可以平衡鹹味。配菜香料薯條和雜菜沙律均可讓客人任食。薯條新鮮炸熱辣辣，雜菜沙律很新鮮，配上油醋汁味道醒胃。羅宋湯羅宋湯的味道清甜，可以看得到用上了新鮮的食材來煮。主菜主菜方面，有三款牛肉、兩款豬肉、法式油封鴨，和是日海鮮等約十款選擇。我倆分別選了兩款不同的主菜，分別是美國頂級肉眼扒和加拿大豬鞍扒。美國頂級肉眼扒肉眼扒外面煎得焦香，切開肉眼扒，那粉嫩的顏色看得讓人口水直流。肉眼扒肉質非常嫩滑，肉汁被緊緊所着。一口咬下去，鮮味的肉汁滲進齒間，濃香的牛脂香味隨之進入口腔，頂級的美味就是這樣了！加拿大豬鞍扒豬鞍扒厚厚的，比平日吃到的豬扒厚達兩至三

今日嚟到土瓜灣探朋友晚飯時間朋友就介紹呢間西餐廳小店撐枱腳餐廳有$298 基本set dinner薯條同沙律仲可以任食另外仲可以加錢upgrade 款式前菜有西班牙黑毛豬拼盤鹹香嘅黑毛豬配上香脆嘅多士令人非常開胃湯方面我就俾多少少試下虎蝦濃湯，濃湯上既蝦被煎香過，而且濃湯又用蝦身煮過。朋友就要左是日蘑菇湯，蘑菇打成蓉後做湯，真材實料。薯條炸得美味鬆脆可口，店長仲話俾我地知，原來佢地係用雞油炸過薯條。唔怪知得有特別香口。沙拉用過黑醋，檸檬汁同橄欖油混合食落去好新鮮又唔會苦。呢兩樣都係無限仼食追加，真係食多幾次都底翻曬。主食加左$98塊轉做肉眼扒，肉嫩可口又無根，切後有肉汁流出。另一主食都加左錢食店長推薦既銀雪魚入口潄滑魚皮煎得外脆內軟，而且肉質非常鮮味，上面既蛋黃醬係店家親自手打製作最後甜品仲有芝士蛋糕飲埋杯Earl grey大滿足

近來心情鬱悶，很需要和朋友傾吓計，舒舒悶氣，朋友建議找一間幽静餐廳，吃一頓高質西餐，談天解悶，令自己開心一下。相約土瓜灣，朋友帶我到一條小巷，正覺得納悶，進入餐廳但覺豁達然開朗。餐廳面積不大，歐陸式裝修，最特別的是有一個熟成柜，可自家製熟成肉類。餐廳晚市主要提供套餐，我俩也不想費神，就吃套餐好了。西班牙黑毛猪拼盤用36個月熟成黑毛猪火腿和salami 拼成，配烘得香脆的多士同吃，鹹鹹香香，很和味。北海道刺生帶子牛油果他他牛油果口感順滑，加上新鲜帶子粒、蕃茄粒和黑椒調味，清新又健康。粟米薯仔湯薯仔煮成茸，加上粟米粒，香甜又不膩。黑松露薯條/菜沙律任叫任食，可無限量添加。薯條切粗條，加上黑松露，香脆又名貴。蔬菜很新鲜，配香醋汁，很開胃。美國頂級肉眼牛扒五成熟，燒得剛剛好，皮脆、肉嫩、充滿肉汁，帶微微菇味和芝士味，好特別。-美國牛肩牛肩肉呈粉紅色，牛味比較濃，雖然無乜脂肪，但都非常鮮嫩，點海鹽同吃，可吃出原牛味。芝士蛋糕比一般芝士蛋糕厚實，芝味濃，不太甜。這餐廳最令我難忘的是恬靜環境和細心的服務，可使我倆在不被打擾的環境下好好談心。最後來一杯即磨咖啡和earl grey紅茶，結束這一頓美味晚