Forkers (已搬遷) 新店位置

今日深入土瓜灣去食美食。尼間鋪中等價但食到高級西餐廳水平既食物。即使專登去食都抵ar! 佢既dinner set 包左前菜、沙律、主食、餐湯同甜品。西班牙黑毛豬拼盤有2種唔同烹調方法既黑毛豬，一種係parma ham ，係風乾既火腿，雖然用鹽醃製，但唔太鹹食落入口即融。 另一種係西式既臘腸，食落有鹹香，咬落食到黑毛豬既肉比較結實，味道同其他的肉差不多。西班牙棕毛豬肩胛原來肩胛係我地平時燒叉燒既部分，但用西式既方法再加埋上等既棕豬，就烹調出不一樣既美食。佢既肥肉同瘦肉既分佈均勻，食落好結實，因為棕豬比紅豬仔做得多運動：p而佢煎得岩岩好，所以落好多肉汁，再加埋少少既黑醋，就已經好夠味。食到我停唔到口。燒濕熟成美國頂級肉眼牛排佢既肉眼排燒到岩岩好5成熟，食落d肉汁真係爆出黎。另外，因為佢選取靚食材，再加上用的方法，令到成塊扒好多肉汁，唔似平時食既乾爭爭。芝士蛋糕配伯爵茶佢既芝士蛋糕係new York cheesecake，我好鍾意佢既口感，食落比較結實，再配埋花茶可以沖淡蛋糕既油膩。

位於土瓜灣嘅Forkers位置唔係大街大巷，所以平時經過都未必見到，好彩有朋友介紹先知有間咁隱世嘅高級西餐廳❤️Dinner Set由$298起，基本配置有西班牙黑毛豬火腿及肉腸、任食黑松露薯條及任食沙律、餐湯、餐包、主菜、甜品及飲品一份，非常豐富兼抵食👍🏻蘑菇餐湯好足料，超級多嘅蘑菇碎，味道好濃郁🤤用左杯黎盛載幾得意🙈蒜蓉餐包即焗非常脆，勁香嘅蒜蓉味，仲帶點wasabi嘅辣辣地嘅感覺，好刺激味覺，越食越開胃西班牙黑毛豬拼盤拼盤出乎預料係溫熱嘅，暖暖地同薄薄地，唔會好膩，反而好開胃😋燒濕熟成美國頂級肉眼牛排好耐都無食過咁好味嘅牛排，雖然無得揀幾多成熟，但我估計大概係3成熟，肉汁爆滿，外層燒得有點脆口，但肉質軟腍，非常易入口。西班牙棕毛豬肩胛豬肉通常比人感覺會係較韌一點或乾一點，但豬肩胛肉質非常軟腍，因為肥瘦分佈均勻，唔乾唔太油，剛剛好。味道較清，配上酸汁就挺開胃。任飲黑松露薯條及沙律薯條沙律係任食，但我地真係食得太飽就無再order多份。黑松露聞落去食香，食落去就甜甜地，食曬成碟肉再食都唔會腍，仲暖暖地好脆😋好神奇，食曬薯條之後仲聞到好濃嘅黑松露味😂😂芝士蛋糕配格雷伯爵茶難得芝士蛋糕食完

見呢間開左無耐嘅西餐廳評價幾好，今晚就同朋友一齊來左食。餐巾係美金圖案，好得意西班牙黑毛豬火腿 48個月老闆介紹，黑毛豬係來自佢地自己係西班牙投資嘅農場。呢種iberian ham聞落好香，味道甘香，亦都不太鹹，就算平時唔慣食風乾火腿嘅人都會覺得好易入口。西班牙棕毛豬肩胛、燒濕熟成美國頂級肉眼扒豬肩胛同肉眼扒都煮得剛剛好，入口軟綿，肉質十分嫩滑，微燒過嘅外皮將內裡肉汁鎖住，每一啖都好juicy，水準十分高！茴香火腿湯呢間餐廳serve嘅唔係普通西餐廳嘅紅湯白湯，而係好特別嘅茴香湯，裡面有火腿、薯仔粒，好好飲！黑松露薯條薯條熱辣辣，黑松露味亦都好香。沙律菜幾新鮮，而且可以任添！基本上食完已經好飽，甜品係芝士蛋糕，好彩係比較細件，所以食完都唔會好膩最後配埋杯Earl Grey Tea ，飲下茶消滯，成個用餐體驗都好好！

因為友人的極力推介forkers.早在上星期，已打電話預約今星期二來品嚐forkers美食。forkers位於土瓜灣鴻光街，轉角小巷內，但因為有大大個招牌，所以都容易搵到。大大個招牌，好難搵唔到Fine dinner 級數既環境，有流行既英文歌，柔和既燈光配合先黎講下收費，每位298起有多種配搭，前菜分別有ham 併盤或海鮮類如珍寶北海道帶子主菜有牛或豬或三文魚加任食沙律和黑松露薯條再加甜品和餐飲足夠滿足你胃口老實講，如果有食開ham都知道西班牙火腿分好多等級，而黑毛豬火腿Iberico Ham 係頂級之一，一包36月熟既前腿，一般都要200幾300一包100克。所以，機不可失下，前菜我們選擇了西班牙黑毛豬併盤火腿36月熟成，西班牙黑毛豬火腿橡果飼養前腿加48月熟成既後腿。基本上，都值回票價。前腿味道清淡d,而後腿味道濃郁，一淡一濃，仲有甘香，油香，前後對比極大。前菜極為出色。至於是日餐湯，老闆很細心的介紹今天的湯是新湯。用了羽衣甘藍加豬骨湯底去煲的。極為新鮮清甜。食完了濃郁的火腿後，配合清甜的餐湯。準備之後的主菜。係主菜未黎之前，仲有西式沙律和黑松露薯條。留意！！係可以任食架！！值得

一直好想試下fine dinning，但多數都係集中係港島，對我黎講遠左少少。最近發現土瓜灣附近竟然有，而且價錢唔算好貴，於是就約埋frd 放工一齊去試下。呢間餐廳位置有少少偏，係條巷仔入邊，非常隱世。行入少少就見到出面有forkers 既招牌，用粉紅既logo好sharp。入面細細間，得幾張枱，但完全唔會覺得逼，可以靜靜地有私人空間，同frd傾計，而且播既音樂係輕音樂同jazz ，感覺好放鬆。而且環境暗暗地，好有情調，如果情侶就會感覺更加浪漫。我地好彩之前book左枱，如果唔係都可能無位。我地頭盤係食黑毛豬火腿肉腸配蒜蓉包。佢既黑毛豬火腿咸香味好出，配埋蒜蓉包感覺岩岩好，愈咬愈回甘，一開頭已經令我有期待。餐湯店長介紹係羽衣甘藍雜菜湯，羽衣甘藍通常飲涼茶或者沙律間中會食，估唔到用黎煮雜菜湯都幾好飲，唔會好似羅宋湯咁酸同濃稠，幾健康同好飲。主菜我地叫左安格斯肉眼扒同蛋黃醬鱈魚扒。去食扒我都成日驚會整得太靭或者調味不當，但今次又唔會，岩岩好而且肥瘦得宜，入口好香肉味，有咬口加少少鹽調味，值得一讚。另外，今晚special晚鱈魚扒都把握火候好好，表皮脆口，而且好細心挑曬骨，我呢種唔係好識食魚

Forker平時都好少會去土瓜灣，都係多得我一個朋友介紹，話我知呢度有一間CP值極高嘅西餐廳，食完之後，我相信以後黎土瓜灣既機率會多左好多。餐廳既位置係喺土瓜灣嘅後巷小店，但因為個招牌都大大個，所以都好容易搵。餐廳唔算大間，座位一眼睇哂，因為book咗枱嘅關係，所以老闆都預先Set好咗張枱。一坐低，就已經見到一張500歐羅——餐紙。HaHa都幾有意思。餐牌得一張，價錢係由$298蚊起，再睇下叫咩主菜，在額外加錢。晚市套餐有前菜、餐湯、主菜、小食、甜品同餐飲。另外，值得一提嘅係黑松露薯條同沙律都係任食。無錯！係任食！！！而且refill速度快。店員會好細心介紹每一樣食物，所以我哋都諗咗一陣叫咩好。先講下前菜。西班牙黑毛豬拼盤左邊係莎落美腸，而中間既黑毛豬係豬柳部位，味道帶有咸香，而且相對地有咬口，配埋查左生蒜既多士，簡直係絕配。而且聽老闆講，佢地既 ham 係自己有份投資，所以唔怪得就算要升級其他款，價錢一d都唔貴。羽衣甘藍餐湯無錯，係羽衣甘藍！！羽衣甘藍平時拎黎打汁飲多，煲湯都係第一次見。望落去有d似中湯，而且係似菜乾湯。不過，佢係一個不折不扣既西湯。湯清清甜甜，而且充滿左羽衣甘藍，仲

朋友係澳洲番來就近近到係佢屋企附近揀左一間西餐廳來食來襯依位浸過咸水既朋友仔而自己又從未試過Fine Dinning就決定走出舒適圈圈來品嚐下Forker 既基本收費係 $298 而客人挑選唔同既菜式就額外加錢西班牙黑毛豬拼盤 (橡果飼蒆後腿 – 48個月熟成)餐廳將黑毛豬火腿微微旱至乾身令少量既油膩迫出再連埋塗左生蒜既多士一齊食係一道十分令人驚豔而簡單既美味小品是日餐湯(羅宋湯) ＋　餐前沙律Forker既羅宋湯唔似市面上飲到既羅宋湯茄膏既味道不會過重 反而多左一種小清新既感覺而依種小清新既感覺係源自大量既蔬菜既鮮甜相當唔錯～黑松露薯條薯條係每個人都會鐘意既小食再加上餐廳放左黑松露係上面　令每條薯條都沾滿左黑松露既香氣忍唔住令人一啖接住一啖甘食加拿大豬鞍 +$68依道菜我相當鐘意簡單但不平凡既豬～小女子成日睇杜汶澤Late show佢曾經話：豬其實好食過牛 係你唔識煮姐！事實證明左，識煮真係好鬼好食～廚師煮完之後大量大量既肉汁鎖左係豬鞍入面而肉質仲係十分鮮嫩！油封鴨腿配花椰菜蓉而依道係餐廳推介既新菜式餐廳誠意推介下我地就叫左來食鴨腿係需要提前加工將油、鹽、香料鎖入鴨腿入面令鴨腿帶點

朋友話屋企附近新開左間西餐廳，好有私房菜感覺，位置亦都唔多，要提早訂位裝備方面都好有格調，亦很RELAX前菜先有橡果飼養前腿36月熟成，配上多士火腿味道好濃郁，呢個時候真係想配返蜜瓜但多士都幾特別，烘得香脆之餘，帶有陣陣醋味，配對返火腿既濃郁味道餐湯轉做大蝦濃湯，大蝦烘燒過，亦很彈牙、啖啖肉而且湯好濃鮮味主角有加拿大豬鞍排肉味很香很出，質感都好嫩滑意想不到既口感同味道很推其實銀鱈魚也很推魚皮香脆，魚肉又滑又嫩又濕潤只需淡淡調味就能食出食材本身的鮮味呢到既配菜有沙律＆黑松露薯條，仲係無限任fill黑松露薯條真係有松露醬，帶有香味而且粗身得黎咸度岩岩好最後一份甜品配Earl Grey Tea再閒談一下，氣氛好CHILL

有朋友仔推介土瓜灣有簡隱世西餐，今日就係佢帶領下入左條巷仔。雖然係巷仔，但乾淨企理，餐廳裝修不輸唔少樓上舖，現場更不少品酒之人係度交流酒經，顯得十分高級。前菜先有幾片蒜蓉包配黑毛豬火腿。首先，呢兩樣食物分開食已經好不得了：蒜蓉包香脆野味，火腿香口唔膩，遠超唔少扮高級餐廳。如果將火腿放上蒜蓉包食，唔會太乾，又唔會太咸，超正。我哋叫左兩個餐，餐前有湯，叫左一客是日餐湯，另一個加左大蝦濃湯。呢個大蝦濃湯好濃郁，口感好creamy, 隻蝦應該係先煎過黎，所以非常香口彈牙。是日例湯都唔洗失望，因為今日係蘑菇湯。呢度既既絕對唔係罐頭湯，好足料，菇味十足，亦非常creamy。如果你唔鐘意比較濃味嘅蝦湯，呢個菇湯都絕不失禮。之後，上左沙律同薯條。沙律就唔多講啦，都係個啲。但薯條就真係唔講唔得，真係熱啦啦，新鮮出爐；真係有薯味，唔係得咸味,仲要可以免費添食，超抵食。終於黎到主食，但已經食到半飽，因為萬惡嘅薯條。先講牛肩扒配醋青醬，就眼睇牛肉遍入，但入口唔會覺得生，返而外面香脆，內裏仲有重汁，不過口感實左少少。牛味都十足，亦可配醬食，會覺得清新啲。再黎西班牙棕毛豬肩胛，豬肉鬆軟，仲有啲肉香，好少可食豬都咁

說到變天的舊區，土瓜灣定必榜上有名，近年越來越多餐廳進駐，是晚去了年頭新開的 Forkers。餐牌款式不算多，簡潔易明。36個月西班牙黑毛豬火腿 - 用上以橡果餵飼的黑毛豬前腿，油脂較多，但入口卻不覺膩，反而使火腿像果香更突出，甘香平衡。香煎北海道帶子 - 煎至約半熟的帶子，內裡鮮嫩，配茴香和甜紅椒，十分清新。椰菜花忌廉湯 - 椰菜花新鮮，忌廉份量不算多，減低飽滯感。黑松露薯條及沙律(任食) - 薯條又熱又香脆，沙律新鮮，雖說是任食，但都不能太放肆，要留肚食主菜!主菜 - 西班牙棕毛豬肩胛 - 切開裡面呈點嫩紅，有別平日食煮至全熟的豬，這個豬肩胛入口嫩滑，令人難忘。另一主菜是美國肉眼牛扒，約五成熟，肉味濃郁又 juicy，簡單的撒少許粗鹽，最能突顯牛的美味。最後還有抹茶芝士蛋糕，猶如抹茶拿鐵般香滑。欣賞餐廳把食材發揮得淋漓盡致，做到貴精不貴多。

每逢六月也份外感恩！今年未到生日月已收到 Buddy 秘密送上自家浸梅酒和桑子酒，接著是「幾條冷」在六月初安排於「Forkers」的生日飯聚，多謝您們抽空為我花費心思！早已認識 「Forkers」的大廚，不過這趟還是第一次來「撐」場，五百歐羅的餐紙巾，叫瞳孔在昏黃的燈光裡立即放大！「幾條冷」一共六位成員，可每次飯聚的自攜酒品數量必定會超出成員的一半，而且大多是「硬嘢」，好好透視「幾條冷」的爛飲精神！「Forkers」設有晚餐配對，內容包括前菜、餐湯、主菜、甜品和餐飲，每位基本收費不用 HK$300，非常實惠，若欲試某些升級菜式，簡單補付差價便可！而我們「幾條冷」的菜單則交由大廚發辦，每位 HK$550 享用包括前菜、餐湯、無限添加沙律、炸薯條和三款主菜，這安排給大廚發揮空間，同樣也給自己多乾幾杯的空間，Cheers！首先送來是自家製蒜蓉包和 48個月熟成的西班牙橡果飼養黑毛豬後腿，這兩款前菜對於愛飲的「幾條冷」絕對是大愛！我喜愛用手進食，手指一觸蒜蓉包並不油膩，軟脆兼備的麵包散發著原始蒜香，細香而不辛辣，這是我吃過最清新自然的蒜蓉包。而面上少許的蒜粒，又為這溫文的蒜蓉包平添一點個性！近

今天是好好好友清麗村姑的正日生日，在此祝她生日快樂、青春永駐、身體健康、生活愉快、心願早日達成！！早在月頭我已跟幾條冷成員到Forkers跟她預祝生辰，而且當晚的食物非常精彩絕對為這頓生日飯錦上添花！ 位於土瓜灣的forkers地點對於我來說不算方便！但吃過之後用心的出品真的令我驚喜萬分，真係好吸引回頭率甚高。 有幾條冷成員靚酒必到是常識吧！帶了小半枝人頭馬舊酒和表弟從法國訂回來送贈的紅酒到賀，還有其它成員的美味威士忌和消暑白酒，戒酒中的我當然影咗當飲咗便算了！ 見微之著店肉的餐具、餐巾也有下點心思，簡單得來令人感覺很舒服。 餐牌非常簡單晚市套餐＄298/位起，有頭盤、餐湯、主菜甜品及飲品，最吸引想必然是有新鮮沙律和黑松露薯條配菜任食，另更備有多款菜式供要求高的客人升級晚餐。 我們亦將重任交由Chef Joe來個廚師發版，頭盤是老闆代理的Iberico Ham橡果飼養48個月的風乾後腿，吃下味道香甘鹹濃郁口感油潤質素十分不錯！ 接下來是鮮帶子茴香沙律，帶子煎至外層金黃香口，內裡還是半熟狀態吃下啖啖鮮香既柔軟又鮮甜。 另一款是香蒜西班牙橡果飼養黑毛豬臘肉腸

又係約人食飯既日子，今次就係呢間西餐。擺枱都幾得意，紙巾係錢既樣。入面其實位置唔多，但大多數都係一大班人黎聚會既，所以比較熱鬧。餐牌雖然只有一頁，但基本上唔會搵唔到自已想食既野～頭盤：橡果飼養前腿兩種分別係48個月同36個月熟成既，個人覺得左手邊呢種比較好食，有少少油脂食落夠香，又唔會太咸，配上面包食幾過癮。湯：大蝦濃湯個人覺得好重蝦殼嘅味道，可以食得出係蝦殼炮製而成，對於某啲人嚟講可能會覺得淡左啲，但我就覺得咁樣先至突出到蝦嘅味道。另一款是日餐湯。黑松露薯條。加拿大豬鞍個人覺得豬鞍充滿油脂，口感嫩滑，油潤軟熟。加上些少醬汁，就令佢個味道更加特別。而且份量實在好多，其實夠兩個人一齊食。新制嘅菜式油鴨髀。其實我之前係我個都有食過一次油鴨髀，可以話其實佢嘅味道就好似臘鴨咁，鍾意食臘鴨嘅朋友應該會鍾意食。上菜嘅時候職員有講到，話同側邊嘅嗰啲橙一齊食，會比較清啲口感好一啲。最後就係甜品芝士蛋糕，個人覺得檸檬味好重，食落都幾軟滑。另外就仲有一杯伯爵茶可以慢慢嘆下。

今日約左同學一齊去土瓜灣附近食野，見到呢到有優惠， 賣相又好似幾吸引就試下。入面都裝修得幾有氣氛。前菜係西班牙黑毛豬併盤，有蒜蓉包同兩種黑毛豬火腿，蒜蓉包配火腿配搭幾好，火腿唔會過鹹。跟住就係餐湯，應該係薯仔忌廉湯。朋友就叫左大蝦濃湯。大蝦濃湯要先用大蝦拌勻，食落似蝦殼味，但味道幾濃郁。薯仔湯味道唔錯，有薯仔粒，食完已經飽飽地。跟住就係沙律同黑松露薯條。薯條嘅黑松露味唔太出，如果再多啲醬會更好。之後就係主菜豬鞍，豬肉肉質都幾實同滑，外面煎得幾脆，鹹鹹地幾好食，醬汁係酸酸酸地咁，令人食落唔會好濟。另外亦叫左油封鴨腿，可能係菜式既緣故，雖然肉質幾實同滑，仍然覺得有啲鹹，連埋隔離既橙食可以中和少少。最後就係甜品，芝士蛋糕同earl gray，雖然已經好飽但都食得到成個蛋糕，蛋糕係檸檬味，都唔會膩。

黎土瓜灣探朋友,佢帶左我黎呢間食西餐。從食品感覺到呢間小店好用心。第1道我地叫左PARMA HAM加法包,PARMA HAM既油脂令我食指大動,法包上有D OLIVE OIL,好好味。跟住就有是日餐湯同大蝦濃湯,可以用大蝦係個湯到攪拌下先,等大蝦吸收左湯既精華先再飲湯,係極致既享受。跟住就有黑松露薯條,好香既黑松露加埋即炸既FRENCH FRIES,超正!沙律都好FRESH,仲加埋SAUCE上比我地,仲可以任加。之後就有個主菜,係牛肩加SALSA SAUCE,牛肩好有肉味,唔需要CUT得太細,大啖D食真係食到肉味,個SALSA SAUCE帶酸,可先吃肉再點SAUCE,咁就試到兩隻味。個銀雪魚個皮煎到好脆,係精華。魚肉好幼嫩,唔多調味,食到最自然既味,有蛋黃汁,有創意!甜品朋友叫左個CHEESE BOARD,有3款唔同口味既CHEESE,加配EARL GREY TEA,好特別。我就叫左個CHEESE CAKE,真係大滿足。