Fratelli Restaurant (已結業)

前幾日經過見到廣告被個炙燒芝士原條鰻魚漢堡吸引😍但是今天並沒有供應😂就改選了牛油果蛋黃醬軟殼蟹漢堡套餐，加桂花烏龍茶～用保溫袋略開口裝到家過了將近一個鐘，烏龍茶仍然很熱，餐湯溫熱，漢堡和薯條基本已涼😂比較欣慰的是漢堡的麵包雖然涼了但沒有變濕，不過軟殼蟹似乎沒有圖片上的大只🙈有加新鮮生菜和番茄，牛油果隱藏在包和蟹之間，整體味道都balance到，也不會有油膩感，總體不過不失～薯條是已經軟了😂我竟然還吃出了一點點紅薯味？我比較喜歡這種粗一點的，如果剛炸出來熱辣辣脆卜卜的肯定會好很多～餐湯是粟米湯，我，一個平時對粟米不大感冒的人，竟然覺得咦還蠻好喝？？既保留了粟米的食感又清爽解膩，我三口兩口就喝完了😂再多一點就好啦🙈桂花烏龍就是茶包味啦，為了解膩去油助消化的自我安慰😆😆牛油果蛋黃醬軟殼蟹漢堡 7.0/9桂花烏龍茶 7.0/9OVERALL 7.0/9就，漢堡薯條之類的果然不適合路途稍遠的外賣，堂食才是王道啊😂想知道鰻魚堡幾時有🥺🥺

本身想吃漢堡發現這間去試試點知吃了漢堡又老，薯條軟軟又琳 服務又錯 樓面掛住玩手機 男員工不理人動作又慢我阿嬤都快過佢。飲料選擇少去試咖啡難喝死媽的呢7仔水平湯像水一樣。下次去別

本来是想去骏业街熟食中心吃午饭，路过骏业里看到这张宣传海报，看上去东西的顔值得颇高，尤其是汉堡包的吸引力很大，没考虑太多就过去试试。餐厅属楼上店，门面的装修设计风格很年轻化。内部也比较简洁，干净卫生。但没有什么客人，有点空荡荡的感觉。餐单上占了一半是汉堡包，款式不少，就点了一个试试。点了一个流心蛋汉堡，卖相一流。上桌时蛋黃已经流了一点出来，名符其实。牛肉就不太好吃，没有肉味，应该是冷冻肉，口味跟麦当奴一样。以质量和价格衡量，是有点偏贵。

見到依間嗰陣仲諗lunch hour會好多人排隊 所以一早去揾定位 等埋朋友可能仲未係好多人知 所以啱啱好去到就有得入(齊人先入得!)✨經典牛肉burger hk$68依間主打食burger裏面嘅牛肉煎到啱啱熟 好有肉汁👍🏻成個set配埋薯條 啱啱炸起外脆內綿🍟✨黑松露雞肉risotto hk$68一開頭都驚 會係扮risotto燴飯嗰啲😂食落係真risotto!! 一粒粒煮得啱啱好又煙韌💕 落咗黑松露醬係香啲~依間性價比超高 仲唔會坐到好迫可以傾下計！

牛油果蟹肉意大利飯就咁睇個樣，以為白飯好清乜都無，其實忌廉和蟹肉已經混入，每啖都有好香既蟹香，唔夠仲可以配牛油果一齊食，感覺相當健康手打流心明太子蝦餅漢堡其實這裏主打是漢堡，中間夾的無論是牛肉漢堡或是蝦餅，都是拳頭般大大舊，視覺已經吸晴，何況味道一流，外皮脆脆內裡啖啖肉的蝦餅，中間仲有流心既明太子，一流楓糖雞翼其實跟餐加多少少就有小食，味道其實就無主菜咁特出，但加粉少錢就有，其實都抵食黑糖冬瓜茶凍咖啡

前手係一間泰國野, 而家轉咗手做咗間西餐, 平日多數去呢座工廈食台式嘢, 今日特登去呢間試食, 舖裡座位都唔算好多, 我地都等咗陣先可入座安格斯牛肉漢堡 - 賣相不錯, 薯條幾好食, 漢堡配料都好足, 牛肉新鮮有肉汁雙層芝士安格斯牛肉漢堡 - 賣相不錯, 芝士好香有溶化既質感, 牛肉肉質鮮仲要係雙層, 真係好飽肚一口和風芝士 - 幾好食, 熱食芝士係溶化咗泰式手撕雞漢堡 - 賣相都唔差, 泰式漢堡真係第一次試食, 感覺都好唔錯, 都好配合明太子鮮蝦牛油果意粉 - 賣相不錯, 明太子汁配意粉真係好配, 蝦都好新鮮爽口楓糖雞翼 - 味道唔錯, 幾好食, 雞肉嫩口南乳雞搥 - 南乳味都唔算太濃, 但雞肉都好嫩口是日餐湯 - 好浠玫瑰茉莉花茶 - 都幾香凍檸茶 - 茶味都唔算太濃, 不錯總結 : 不錯既選擇, 可以打電話訂位

位於觀塘工廠大廈，一間幾有誠意又高質既西餐—Fratelli Restaurant，環境光猛企理，唔會好逼，坐得幾舒服～ 餐廳主打款式多樣化而又足料既漢堡包，例如龍蝦、安格斯牛肉、法式鵝肝、牛油果蛋醬等等，配上薯條、餐湯，足料又好味😋 非常豐富既漢堡套餐🍴 另外點左原隻軟殼蟹黑松露忌廉意粉，雖然軟殼蟹部分未算特別，但黑松露忌廉既醬汁都算唔錯，而意大利粉亦算彈牙，不過不失～ 整體係一間幾值得去既良心餐廳👍🏻

餐廳位於觀塘工廈，環境幾舒服呢度主打漢堡包，最平$58就有交易仲包埋薯條&餐湯，超抵食呢😉除咗漢堡包之外...仲有多款意粉、扒類及小食選擇港女我已經bookmark定下次同朋友再嚟聚會喇🍔原隻波士頓龍蝦安格斯牛肉漢堡（$168）漢堡激厚身呢！最搶fo嘅當然係原隻龍蝦拆肉上😍咬落啖啖龍蝦肉，鮮甜爽彈呢😋再加埋牛堡、生菜、蕃茄，非常豐富牛堡面頭有半溶嘅芝士咬落肉汁豐富牛味香濃，而且帶有咸芝士香伴碟嘅薯條係港女我至愛嘅粗薯🍟絕對係無得頂呀👍🏻🍝原隻軟殼蟹黑松露忌廉意粉（$98）呢碟意粉份量都幾多入口黑松露味香濃，醬汁夠哂多推介松露迷必食呀💯主角軟殼蟹炸得鬆脆入面仲有蟹膏喔🤩🐽德國脆炸鹹豬手（$188）層豬皮咬落爽爽聲，炸得非常香脆💕豬手鹹香四溢，但肉質有小小乾沾上伴碟特製嘅醬汁...鹹甜交織，更添惹味喔😋

如果要食高質burger，我覺得喺觀塘工業區可以食吓呢間。佢係以burger、fusion 菜做主打，另外有意粉、飯、扒同小食、選擇都幾多，價錢親民，cp 值非常高！📍手打流心明太子蝦餅漢堡 $98 裡面塊蝦餅大大個又厚！同menu 圖片差唔多，唔會貨不對版先啦😜蝦餅炸得好香脆，油份控制得幾好，唔會炸到好乾，明太子醬嘅份量唔算多，不過都ok，再多就會食落好漏。另外自己鍾意漢堡有枝籤拮住，同人分一半嚟食都唔駛分到個漢堡包散哂。漢堡包轉餐會有埋薯條同餐湯，薯條都係脆㗎📍牛油果蟹肉意大利飯 $88唔好睇佢個賣相好似好普通、好清淡咁，其實食落啲蟹肉味幾重，好開胃，牛油果比較硬，煮得冧啲就好啦🧐📍楓糖雞翼 $18小食反而差少少，比較普通

果日夜晚係觀塘唔知食咩好，上網睇到有間樓上西式cafe好似好吸引，有漢堡，pasta，risotto，main course，好鬼多選擇，就決定試下啦！一入到裝修都好靚，好舒服，令人完全唔覺得自己身處係工廈入面，我哋2個人waiter都安排咗4人座位比我哋，十分貼心。餐牌嘅選擇非常多！我同朋友最後決定叫經典牛肉同軟殼蟹漢堡share食，試多幾個味先講牛肉漢堡，就係經典嘅味道，個包嘅鬆軟度唔錯又唔會好乾個d，牛肉juicy剪得幾香，唔錯軟殼蟹我覺得正d，隻蟹勁大突晒d腳出來，有牛油果減咗好多油膩感，加埋個sauce真係好唔錯

前天寶廚房喺駱駝漆搬咗過去駿業里，改咗名叫 Fratelli Restaurant，地方大咗，人就少咗😐，早前晚上咗去幫襯，成個場都係得三數枱客人。以前天寶最出名係 burger，嚟到新店，當然要試一試，叫咗個經典安格斯牛肉漢堡，隨餐附送餐湯同薯條，另外加十八蚊追加南乳雞槌三隻。餐湯係西蘭花湯，比較少見，唔算好 creamy，但食到西蘭花蓉，感覺新鮮，唔錯；主角漢堡包果然名不虛傳，漢堡扒肉味濃，雖然其他配料只有芝士，蕃茄同生菜，但已經感覺滋味非常😋；至於追加嘅南乳雞槌則有驚喜：南乳味比想像中強，鹹鹹香香，好食👍。另外又試咗松子青醬北海道帶子意粉，青醬調味唔錯，不過意粉略嫌唔夠 al dente；帶子外面煎得幾香口，裡面肉質仍能保持鮮甜，可惜只得兩粒，唔係好夠喉😂😂。

平時好多人排隊，咁啱今日一入去就有食，一於試下！burger有好多款， 我叫左龍蝦安格斯， 只係$138，就有配菜、湯、burger！ burger 味道好夾，肉汁超juicy!推薦！

平日嘅夜晚同朋友見到呢間啲burger個樣都幾吸引 決定去試吓餐廳位於一棟工廠大廈入面 不過好易就搵到入到去得幾枱客 可以慢慢食都唔洗驚雖然menu仲有其他嘢食 不過我哋本身係為咗個burger而嚟嘅 都係食返漢堡 其實佢就咁包已經好多款揀 個個睇落都好吸引最後叫咗個牛油果軟殼蟹漢堡 嚟到嘅時候個包比我想像中細 我習慣夜晚唔食太飽 所以都ok 個包都幾厚 一啖食唔晒要分開一層層咁食 個軟殼蟹炸得幾脆 配埋蕃茄同年油果一齊食啱啱好 唔會太膩朋友叫咗個最經典嘅安格斯牛肉漢堡 食咗一啖覺得普普通通 唔算話好juicy 可能叫一個安格斯配其他嘢嘅漢堡口感會豐富啲另外跟餐包埋啲沙律、薯條同湯 今晚個湯係西蘭花湯 全部都係正正常常咁跟餐+$5叫咗杯茉莉花茶

好足料嘅牛肉漢堡 配沙律同薯條睇相都見到佢個漢堡係有幾厚 好厚嘅漢堡扒 好重牛味 而且有肉汁 仲有溶咗嘅芝士 同少少菜 減少啲油膩感 沙律雖然係伴碟 但係都幾好食 有淡淡的醋味薯條炸得幾香脆

同事有日話駿業里開咗間新既burger店. lunch去試試原來除咗burger重有意大利粉/意大利飯可以選擇呢.枱上都有隔板&消毒搓手液好貼心. 同事們揀咗照燒流心蛋安格斯牛肉漢堡, 而我呢就試下佢地既黑松露雞肉什菌意大利飯.牛餐都有送餐湯, 漢堡會有埋薯條. 餐湯係忌廉蘑菇湯, 略嫌稀咗少少. 同事們既漢堡出場啦, 真係好吸引!! 流心蛋安格斯牛肉整得好好味. 薯條都炸得好好食 (我偷食咗好多條 😆)至於我既黑松露雞肉什菌意大利飯, 雞肉係手撕雞既肉... (可能因為有個泰式手撕雞漢堡所以啲雞肉就用埋...)個汁既黑松露&忌廉味係夠既, 不過係淡咗啲差啲鹹味. 問店員攞支鹽加返少少即刻正晒!! (個人口味覺得個飯如果再煮耐啲等佢再收一收汁會更好)餐飲我點咗個黑糖桂圓紅棗茶真係好濃好好飲, 感覺好養生有驚喜! 😋* * *隔咗幾日又去試咗手打流心明太子蝦餅漢堡就一次過寫埋啦!總評: 超級正呀!! 😱賣相已經一流, 蝦餅好厚身又實肉, 切開中間真係有流心明太子流出黎!! 唔好浪費即刻用個包沾埋啲汁!! 今次既餐湯係薯仔湯，好味！😋果然黎漢堡店係要食漢堡先係王道呀!! 😎