From Seed To Wish (已結業)

📍 From Seed To Wish 尋日去睇奇異博士🎥前去左呢間係淘大MCL戲院隔離既Cafe先食個晚飯🍽食完時間岩岩好過隔離入場睇戲😆Cafe灰白簡約風, 店內有好多盆栽植物🪴感覺清新🌿見到有啲盆栽插上了數字牌,應該係價錢可以買走🤣叫左兩個睇落都好Green既Dinner set☘️(主菜+飲品）係幾好食😋🔸 FSTW 招牌全日早餐牛油果中間加上藜麥, 又match又健康💪🏻肉碎生菜包🥬微辣,炒得好香, 仲有少少青檸香🍋斑蘭包烘得好香脆🍞 蕃茄🍅同菇🍄 都煎得好香好入味😋整體不錯🔸 香煎帶子配松子仁香草燴飯食落啖啖香草味🌿濃得黎食落又唔會太漏. 好多粒菇🍄👍🏻帶子煎得香,易咬好食🔸自家製檸檬梳打跟餐唔洗加錢,飲落好Fresh😋但睇圖二我地同一樣飲品,兩杯顏色唔同😅甜度有少少唔一樣📍 From Seed To Wish (九龍灣)九龍灣牛頭角道77號淘大花園3期戲院大樓地下

位於九龍灣淘大花園三期，戲院🎬 隔離嘅 cafe, 以簡約嘅純白色⚪️同簡約植物🪴🌿為主，俾人一種清新、放鬆同舒適嘅感覺。適逢戲院岩岩開返，晚市堂食亦去到晚上10點，睇完戲就直接去咗呢間餐廳食。入面有唔同嘅招牌食物，有唔同款式嘅純素、意粉、飯類，仲有唔少特色小食😋.🍳《FSTW招牌全日早餐》 $128份量幾多，同出面食到嘅 all day breakfast 有啲唔同，呢個係純素🌱系列！樣樣都有啲，幾豐富。有斑斕多士，滿滿嘅牛油🤤 帶出斑斕味嘅香甜。另外有炒滑蛋，牛油同蛋味都好出👍🏻。牛油果片🥑亦都好新鮮，配合埋藜麥，口感幾夾。仲有蘑菇片、新豬肉粒（應該用咗泰式嘅做法，少辣幾開胃。🍝《羅勒海鮮扁意粉》 $98蕃茄味重，意粉都幾彈牙，入面有八爪魚同青口。🍟《松露醬薯條》 +$20薯條好香脆，用咗新鮮嘅薯仔嚟整，松露醬多，個味夠重。《香辣單骨雞翼》 +$20用單骨雞翼呢個方法令雞翼更加入味，唔太辣，不過啲肉稍為硬咗啲。🍋《自家製檸檬梳打》 (跟餐)檸檬梳打好清新，唔會好酸，幾醒神！

淘大MCL戲院新開嘅cafe, 其實之前已經想去不過遇著第5波. 跟住戲院一齊關門左, 直到最近終於可以試下裝修以白灰為主, 放置好多綠色盆栽, 仲有書架擺放左種植嘅書架, 感覺好自然舒服order 左煎帶子松子仁燴飯, risotto 口感偏腍有pesto 味. 帶松子仁增添口感. 最欣賞係佢帶子煎得幾好, 好軟嫩晚餐可以加錢追加小食, 加左$25單骨雞翼不過不失, 中間唔太夠入味同乾左d另外選左杯班蘭冰咖啡, 帶椰香, 荳可能fruity d 所以微有酸味.甜品其實勁想試signature 嘅招牌黑芝麻麻糬蛋糕三文治, 但sold out.... 最後order 左自家制法式香蕉蛋糕吐司. 以banana bread 煎過, 再加caramelized banana & 一球vanilla icecream. banana bread 口感實在, 但煎完帶油膩味, 香蕉味唔太出, 不過好在甜度好低. vanilla icecream好香滑. 配上香蕉都幾夾嘅

小編嘅朋友是環保♻️人士，表示想食有菜，有沙律🥗，最好係低碳環保綠色食肆💁🏻‍♀️。所以我哋嚟到呢間From Seed To Wish。呢間餐廳嘅嘢食幾好味😋，所以介紹俾大家。餐廳內的佈置以白色牆身為主，白色嘅牆身令日頭嘅自然光漫射到室內，令環境更明亮，從而減少耗用於電燈💡嘅電量🔋。店內設計線條分明，唔同嘅位置擺放着清新的綠色植物盆栽 🪴，簡單俐落又不失質感，帶出現代風格🌿。店內用嘅紙巾係啡色嘅，應該係冇漂白過，十分環保👍🏼。🏷FSTW招牌全日早餐（$128）用咗班蘭蛋糕替代麵包多士，雖然烤到燶咗少少😆，但係都好好食，香口又帶點班蘭味😋；除此之外，仲有炒蛋、豬肉粒、香腸、牛油果🥑、藜麥、野菇同埋細粒串茄，非常豐富，款款都好美味😍。值得一提嘅係一般餐廳會用蕃茄或者一粒粒分開嘅車厘茄，而呢度就好特別甘用到串茄，真係別出心裁。🏷FSTW牛油果🥑煙三文魚班尼迪蛋（$108）牛油果熟度啱啱好，唔會太淋🤤；煙三文魚新鮮無腥味；可惜嘅係其中一隻班尼迪蛋煮得過熟同太多荷蘭汁🥺。除咗車厘茄、豆苗同埋藜麥，仲選用咗幼嫩嘅羽衣甘藍作為配菜，爽脆唔太硬，健康又好味😋；配上檸檬黑醋，十分開胃。🏷松露野菇扁意粉🍝（$

今日叫左全日早餐加杯咖啡Today I ordered All Day Breakfast with Latte整體都好味It was good但冇藜麥But there is no quinoa 可能俾漏左Maybe they missed it本身諗住午市有套餐I thought there is lunch set menu但原來週末係冇套餐But actually no set menu on weekends 如果餐牌寫清楚會好dIt would better if they state clearly on the menu

終於吾洗再飲麥當勞咖啡了！No more Mcdonald’s coffee!對於一個中意飲咖啡而屋企附近得麥cafe嘅人來講係喜事！It’s so happy for people who loves coffee while mc cafe was the only choice!所有野都好好！食物好味，服務好，環境好！ Everything is good. Food is good service is good interior is good too. 如果可以平少少就更好😂It would be better if price is lower😂

今日突然心血來潮想飲咖啡行過太子見到有間新開嘅咖啡店見到裝修都唔錯，入邊簡潔乾淨企理順便入去食埋個午餐menu上邊冇乜特別多選擇咖啡不過不失都幾大杯但係真心想講個意粉真係好鹹好鹹第一啖擺落口真係差啲想吐返出嚟但係啲意粉嘅硬度適中都係我鍾意嘅口感，所以好勉強咁食咗一半最尾都係頂唔順，啲蝦都幾大隻爽口不過都係偏鹹（其實我已經係食得好鹹嘅人但係個炸雞要讚雖然係普通嘅嘢，不過價錢唔貴做到外脆內嫩有肉汁係好好味嘅服務員態度都好好想寫食評先知道原來太子未有不過如果午餐可以做到套餐就好啦因為就咁一個小食一個意粉一杯飲品都成二百幾蚊以午餐嚟講其實都幾貴

位於淘大商場戲院旁邊的 ғsᴛᴡ在淘大的食街添上一股清流啊店裡都是簡約的暖白色跟清新的小盆裁作為精品咖啡店 營業時間至 𝟿ᴘᴍ 很佛心 是難得會晚上營業的咖啡店於是我也是很久之前的晚上到訪𓋪 𝘈𝘱𝘱𝘭𝘦 𝘋𝘢𝘯𝘪𝘴𝘩𓋪 𝘓𝘢𝘵𝘵𝘦 ( 𝘯𝘶𝘵𝘵𝘺 )不知道 sᴏᴜʀᴅᴏᴜɢʜ 是否都是早上供應呢晚上餐牌都是主食/小食類的光看名字蠻吸引的 但我獨個兒又吃不下 ~本來想點一個鹹蛋黃薯條 又好像太超過了看到 ᴄᴏᴜɴᴛᴇʀ 有 ᴘᴀsᴛʀʏ就嘗個蘋果酥好了 : )ᴘᴀsᴛʀʏ 的麵包會翻熱一下再上桌酥皮切開不會散到像碎片 蘋果餡不太甜蠻好吃的 不過略嫌有點少啊哈哈咖啡可以選 ғʀᴜɪᴛʏ / ɴᴜᴛᴛʏ 奶啡入口蠻順滑 拉花也蠻持久的呢口味很剛好 在晚上喝不會覺得太濃的風味感覺會吸引到九龍灣上班族跟街坊一嘗待疫情完了後 戲院再開的話在看電影前先喝個咖啡或是去 ᴅᴏɴᴋɪ 逛到累了在這邊小休也是個不錯的地方呢！

去左兩次，兩次都未開門第一次就9點幾去到，有職員係度，但未ready第二次就差吾多10點去到，閂都未開明明營業時間寫明9點…我係抱住期待嘅心情過去，但真係有點失望…不過我都會擇日再去幫襯支持下小店！各位網友可能預返岩個時間先去～

淘大新cafe alert！fstw開喺戲院隔離，走簡約白色系，加埋啲植物同雲石枱，我中意！松露忌廉汁惹菌寬意粉 $72好香松露味！港女開心！✨忌廉汁唔會過厚，加埋面頭芝士碎味道恰到好處～ 最中意佢個闊麵，煮得al dente有咬口菇嘅份量都慷慨，整體幾好味der！72蚊做到出面cafe百幾蚊嘅質素，有驚喜呢！！香煎帶子配松子仁香草燴飯 $78呢個都高質！個pesto唔錯，啖啖香草味，感覺喺草原奔跑緊咁！飯粒煙韌，帶子煎得啱啱好，仲好嫩滑～但真係好油🥴 青醬本身用油打成我知，但係飯邊全是油 (圖三)，小驚... 但其實食落係好香，所以唔怕肥嘅話我推薦😂自家製檸檬梳打 跟餐Lunch set飲lemonade唔使加錢喎，狗衝🐶 但笑死，飲落係平時餐廳枱上面擺嗰壺加咗檸檬片嘅水，比你自己斟嗰隻，umm，梳打呢，cry舖頭仲好新，運作得未算太smooth；餐具係自助嘅，但店員話暫時冇匙羹，我哋個飯嚟咗再等5分鐘先有羹用😂不過食物質素唔錯，感覺係有誠意嘅小店，會再訪！都推薦大家同人睇戲前後嚟chill下，坐bar枱挨下挨下咁，開心食嘢☺️

月初試吓响淘大MCL戲院新開的那間餐廳From Seed to Wish，今次嘅體驗不錯。雖然係半self-service形式營運，但仍感受到員工幾好的服務，無論係門口招呼嘅姐姐、收銀櫃檯、上菜的哥哥都好有笑容、友善、有禮，希望佢哋能保持這份令客人食得開心嘅態度。餐廳裝修以白色為主，設計簡約清新，放置不少盆栽，還有一個關種植嘅書架，帶出green嘅主題。食品都唔錯，幾好味。今日揀咗set lunch menu內嘅卡邦尼意粉&煎帶子松子仁燴飯，唔係正宗嗰種al dente，而係港式嘅嗰種口感，但以幾十蚊呢個價錢，都已經不錯了，唔太咸，唔油膩，帶子煎得剛剛好，兩款都清咗碟😋👍。餐飲選了茶&咖啡☕。是日精選茶係茉莉，茶包品質不錯，茶包內茶葉不碎，茶味幾香。我杯咖啡也不錯，order時可以揀fruity定nutty，在櫃枱點餐時，還有個小牌簡單介紹這兩款咖啡，唔太喜愛酸味嘅咖啡，所以揀咗nutty。原來餐當日才開始有午市&晚市set menu，只比茶餐廳貴少少，偶然一次都可以喔。見佢哋還有下午茶menu(下午3點開始)和早餐menu(0900-1130)，可以揾機會再試。

九龍灣淘大新開嘅高質𝖢𝖺𝖿𝖾 From Seed To Wish淘大好小可有D咁文青同靚裝修既餐廳. 簡簡單單又有好多植物包圍住, 好多打卡位同埋好CHILL. 🌿🍴FSTW ALL DAY BREAKFASH 份量都幾多下, 最驚喜係以新豬肉做泰式生菜包, 好有新意!🍴FSTW A.S.S AOCADO SMOKED SALMON EGG BENEDICT賣相吸引, 蛋黃一篤, 蛋汁流到成個都係, 而且麵包很脆口, 口感非常豐富.🍴CARBONARA好好食, 奶油味好重但唔會覺得漏. 🍴SHRIMP AGLIO E OLIO辣味剛剛好, 又惹味同埋唔會油, 平時食到底你會見到有d油浸住, 但呢個真心出色. 🍴SALTED EGG YOLK WINGS金黃色起沙, 單骨, 食起上黎好方便. 滋味🍴MEXICAN CHICKEN QUESADILLA 墨西哥餅絕對係低卡之選, 入面有雞肉, 芝士,蕃茄. 總結:值得再來既cafe, 下次有時間要試埋手沖咖啡, 聽聞仲有lunch set 幾抵下. 附近返工既朋友仔又多一個選擇.😋📍九龍灣淘大商場三期戲院大樓地下⏰12pm-9pm

聖誕節當日去左淘大搵朋友，中午行經見到有新cafe soft opening就果斷去左試！一入到去個環境都幾舒服，員工亦好好禮貌介紹。座位唔係特別多，不過都幾有空間感，同埋都有應有嘅打卡位🤣🤣餐廳入面仲有好多盆栽，果然relate到個店名😁見到綠悠悠嘅花草，都真係比較relax!我同朋友分別叫左個benedict egg煙三文魚多士同埋黑松露意粉～賣相已經好不錯，味道亦都好ok!多士：個benedict egg火喉剛剛好，切出黎嘅蛋黃係恰到好處，流心🥰。而碟上嘅沙律菜同車厘茄都係非常新鮮，好甜！（影相影得好似冇乜光澤，但真係好甜架！！）❤️意粉：黑松露醬一啲都唔孤寒，落足！每一啖都有黑松露嘅香味，同埋好多菇，唔洗怕冇肉落口會唔飽！強推比素食者😍啲芝士都比足，中和番本身creamy意粉嘅漏～我地同時叫左杯latte同flat white, 初時覺得有啲貴，因為成$46同$40一杯，比出面較貴，但上左之後原來咁大杯😂個size大過平時cafe少少。不過後尾再經過餐廳，menu作出左少少調整，食set lunch/dinner可以半價加購咖啡～每人為起一百多啲啲，都係cafe正常價，但食物品質