Glasshouse (國際金融中心) (已結業)

星期六下午，難得有得抖下放鬆下訓到自然醒，想搵個地方可以同朋友吹水，去到ifc，食肆一係好多人排哂大隊，一係勁貴。見 glass house 有位就入去了。個風景係真係幾靚，落地玻璃，望維港景色。仲有室外同室內嘅位，啱哂鐘意吹自然風的朋友~今日食左炸雞件+雞翼。都算脆，個兩汁都夾的。略嫌炸粉太厚和肥膏多，但炸得酥脆有肉汁，讚！仲嗌左一個冬蔭公湯米，有大蝦同雲吞，兩者都好新鮮彈牙，湯也幾鮮味。總括而言，味道都不錯，只略嫌有點貴，但中環食野係咁啦吃租金的。

Glasshouse 位於IFC，環境都唔錯，非常開揚，如果下午嚟應該好光猛，真係成個溫室咁。不過我今次夜晚嚟，感覺就有啲似bar。-‼️如果你係想三五知己傾吓計，呢間餐廳一定唔啱你，因為音樂真係超大聲，食完餐飯聲都沙埋‼️🙅🏿‍♂️🙅🏿‍♂️-Black Truffles Fries($58)👉🏾薯條炸得唔錯，粗幼適中，keep住脆👉🏾黑松露醬就不過不失，唔算特別香Beef Rib($268)👉🏾呢個係fusion菜，加左中式饅頭，侍應叫我地要盡快食，如果唔係就會變到好硬👉🏾醬汁有啲似糖醋排骨醬，酸酸甜甜都OK👉🏾牛腩幾林，整體唔錯Ginger chicken ($238)👉🏾其實即係沙薑燒春雞👉🏾仲有大蔥同薯仔伴碟👉🏾呢味略嫌太似中菜，無咩fusion後：mid night gloria ($58)👉🏾茶底，味道好清新👉🏾建議攪下先飲，下面橙色部分偏甜-前：passion fruit smoothie ($58)👉🏾呢杯唔使多講，好好味！甜品係banana cream brulee👉🏾侍應會林啲嘢喺個cream brulee 上面，然後就會點火，而且個火都會hold一陣，有時間比人影下相👉

餐廳係採用玻璃屋既設計，所以日頭係出面折射入去既光線都充足，靠窗位置會望到摩天輪同少少海景，環境都還好啦👀全餐都播住英文歌，員工就一律都係講英文既🤔今次大部份都唔係我發板，再加上趕時間，係咁易影下啲野食，主食相對地會較為失色🤪▪️ Pomelo Salad with Soft Shell Crab（7.5/10）💲148叫左個泰式柚子沙律，有唔少清新既柚子肉、青瓜絲、蘿蔔條，但同時泰式既關係落左酸辣汁，唔太食到辣既我要飲水撲火🔥配既係酥炸珍寶軟殼蟹，都真係幾巨型，脆身厚肉唔錯🤓▪️ Lobster Bisque（7/10）💲88跟大隊點左龍蝦湯，質感適中，唔會話稀身，但又唔係好濃稠，有幾舊龍蝦肉仔，味道都夠既🦞原來係配埋三塊蒜蓉包，不過就稍微硬身▪️ Robata Grilled Cola Beef（7/10）💲58無記錯既話好似係叫左三串，所以餐牌上面既$58應該係一串既價錢🙈其實每一串幾大份既，兩個人左右分一串都夠😛最怕烤到乾曬，但係呢個保持到肉汁，入口軟腍，唯獨係我食嗰串其中一舊有筋位吞唔到👉🏻👈🏻▪️ US Prime Beef & Foie Gras Rice（5.5/10）💲168

IFC天台有幾間外國餐廳對住個維港景食 氣氛相當舒服.豬肉蝴蝶包🐷配北京填鴨醬呢個fusion 真係唔錯 加埋大葱青瓜豬肉半肥瘦 蝴蝶肉夠鬆軟 做前菜一流.炸薯條🍟配黑松露蛋黃醬嘩 個薯條超好味 額外加左層粉漿好薄 好脆 好似食緊炸魷魚鬚.芝士雜菌意粉🍝燒溶左啲芝士撈埋白汁 好creamy 微微gas味意粉較為粗身 幾有咬口 (啲碟好靚啊)

如果平時得閒經過IFC ,可以上去四樓平台chill 一chill , 嗰度有幾間餐廳環境都唔錯，其中一間glasshouse. 餐廳以落地大玻璃設計，坐喺最入嘅位置仲可以睇到無敵大海景。如果想吹下天然風，可以選擇坐outdoor 的位置，一樣可以睇到海景。感覺幾舒服。本來我都係諗住坐低飲杯野，hea 下咁。點知望望吓個Menu又見個tea set 又好似好抵。仲越望越肚餓添，結果點咗個tea set 再加多個包。😅

嘢食其實OK啦 冇乜特別ribs 都算淋易咬🍖花茶都幾香🌸🌼🌺軟殼蟹沙律🥗好大嚿軟殼蟹 不過好油諗住同朋友慶祝黎生日 因為呢度有好大幅落地玻璃望夜景 點知搞到好唔開心1. 生日自然會叫蛋糕或者甜品啲店員竟然為左銷左d賣唔出既蛋糕 會叫你三個人食個5磅蛋糕 我哋話食唔晒 佢就叫你食唔晒可以打包🤯 都唔make sense...2. 我哋最尾叫咗個apple crumble之前打咗電話黎問 呢度甜品淨係可以插個生日牌 冇得寫名 所以我自己自製左個有名嘅3. 我哋禮貌地請侍姐姐幫我地影相但佢影完第一張濛晒 唔知係佢手震定係個鏡頭污糟左啦 所以我哋叫佢幫我地再影過 但佢勁唔友善 亂咁禁左雨下電話影左兩張就話「得喇」推番部電話俾我哋有邊個生日唔想影張靚相？除非呢間餐廳唔想人哋慶祝生日😒

【雞翼配青檸檬香茅秘製森巴醬🐔 $78】好邪惡但係啖啖肉真係幾好食🥺炸到外層脆卜卜內裡肉質嫩滑，點埋佢個青檸醬真係不得了，好開胃👍🏻【炙烤蘑菇配韓式泡菜芝士醬🍄 $38】食唔到泡菜味😂不過芝士味都幾濃，而且蘑菇好大舊，烤到好軟熟，不過唔算特別出色可以skip！【牛肝菌芝士意大利粉配馬徳拉酒🧀 $138】侍應推薦的，好creamy呀連埋上面塊熱熔芝士😍意粉仲要係al dente煙煙韌韌咁合哂我荷車，掛汁能力都幾強，食到尾都仲成口忌廉又唔膩，而且仲有好多牛肝菌😋不過略嫌佢太細碟，唔嗌番兩個小食既話一定唔夠飽。【番茄羅勒芝士焗意粉🍝 $118】呢個味道就比較淡😟唔太啱我呢啲重口味人士，下次可能嗌肉醬意會好啲？

本身諗住去Dear Lily食見佢唔accept booking 咁串🤔🤔好想睇入面華麗嘅裝潢同埋一試佢啲嘢食又幾好味點知下午12點9去到嘅時候，已經要等20分鐘仲要無得留名😩因為實在等唔到的關係，就去左隔離Glasshouse 碰碰運氣咁啱吧枱有兩個位 頭也不回咁衝入去😗😗雖然係吧枱 但係都開心 唔迫 又可以見到維港靚景🥰🥰😍 兩個人坐吧枱食野傾計都好舒服 叫咗一個French toast同埋一個Singaporean noodleFrench toast 真係好好好好好好味😋佢炸得岩岩好 好鬆軟 好香蛋味有落少少caramel 但唔會太甜唔搶味配埋牛油食好香好正😭一開始放左少少berries 同avocado 做toppings 一齊食之後發覺就咁食個toast仲香 😍😍😍😍😍下次一定要encore 😭相反 個Singaporean noodle就一般啦佢百幾蚊有鵝肝好足料D鵝肝粒都煎得好香😋個粉都炒得恰到好處 唔會太濕又唔會太乾又唔硬👍🏼但就係太重口味😣 太鹹😞Overall 都唔錯嘅！下次食佢其他signature dish! 中環lunch top choice 🥰

放假想食返個靚brunch,朋友話想對住個靚view慢活一下，傾下計，我記起之前行ifc經過呢間玻璃屋餐廳，一直都想試，於是提議一下。果然不失所望，用相宜嘅價錢嘆咗個好chill嘅brunch，開展美好嘅一日！軟殼蟹流心蛋沙律兩樣我嘅favorite，清新配搭，個流心蛋外皮仲要微炸過，好特別，好creamy!沙律醬份量啱啱好，檸檬汁畫龍點睛，誠意推介！All day breakfast好好味，百幾蚊完全係抵，每樣配菜嘅調味用心，好惹味！魚柳鮮炸，個醬好match,兩個人都夠share，必食！ 海鹽焦糖cappuccino好好飲！鹹甜in good proportion,咖啡豆靚，good coffee really can make a day,個杯同隻碟仔好靚，拎住佢慢慢dep,再加上面前好風光，好relax!

約咗閨蜜食中午慶祝生日，揀咗中環呢間餐廳，因為環境真係好靚，好啱同姊妹傾計談心。由於我哋係中午食飯，佢呢個玻璃屋既設計今到成個採光做得好好，午間時分有啲陽光透過玻璃折射入黎，感覺好舒服。食物方面，叫咗好多推介嘅黑松露薯條、炸雞翼、生蠔、意粉，仲有個米子卷嘅物體，整體來講食物質素高，佢每一杯飲品都好靚，好啱影相打卡，不過可惜我唔記得影飲品🤦🏻‍♀️絕對推介呢一間餐廳，有機會搵日夜晚再去食飯，我相信成個感覺都會好唔同，會更浪漫更有氣氛。

IFC午飯時間真係好多人！依間glasshouse都一樣full house，好彩有訂枱先有位坐。我同一位素食朋友去食lunch，都有好多選擇。佢叫左一個牛肝菌芝士意粉配馬德拉酒，我就叫左一個龍蝦喇沙湯烏冬。兩個都好好味！特別想講講個龍蝦喇沙，半邊龍蝦好足料之外，湯底香得黎又唔會好辣，好多奶香中和返，係我食過最欣賞嘅喇沙之一，配烏冬口感一流。望住依個咁靚嘅維港，真係唔捨得太快走。最口叫多左個朱古力蛋糕，幫依個品味午餐劃上完美句號。

今天同朋友約去食下午茶，去到大概2：50左右吧！ 服務員話三點才有Tea Set提供，我們唔想知道你們系統的關係未到三點唔可以叫Tea Set 。 還有五分鐘就到3點，先幫我地落左order先啦，你們3點先去按電腦。 3：01就送上野飲啦。真係坐落地玻璃果邊，view比較美喔！雞翼好食，Scones司康餅不愛，甜點抹茶紅豆慕絲好食，抹茶味好濃郁，馬卡龍太甜。一邊吹水一邊慢慢享受美食，到差唔多佢地職員準備晚市，放蠟燭係枱面我哋先走人。

出開來嚟AIA嘉年華玩，差唔多九點鐘，唯有近近地IFC醫肚先，見呢間Glass house環境優美而有位，即入！先點左一個黑松露薯條🍟小朋友不停食，黑松露醬幾特別，夠香又唔會太甜，薯條好香脆！Yummy!吞拿魚沙律裏面嘅沙律汁酸酸甜甜好開胃呀，略嫌個吞拿魚熟咗少少!茄汁羅勒芝士焗意粉茄汁酸酸甜甜好開胃，而且羅勒味道都非常出眾，加上有大量嘅芝士鋪面，大家都好快食清光！牛肝菌忌廉芝士意粉好Creamy,芝士味都好香濃，加上爽口香甜既牛肝菌！正！

約咗2朋友去IFC，一間玻璃屋餐廳食午餐，順道提前同其中一個朋友慶祝生日，玻璃屋環境非常之舒服，又有可以觀看維港風景，最有特色；泰式炒墨魚麵，之後叫咗一件簡單又有心意cake給朋友一個驚喜生日蛋糕。

IFC頂層幾間嘅玻璃屋餐廳一直都係我心水之選幾間餐廳都各有特色今次就嚟到Glass House*餐廳主打fusion菜菜式融合咗西式同東南亞菜式真係各色其色梗有一款啱你心水*今次點選咗：🦞龍蝦喇沙湯烏冬龍蝦唔算特別大隻湯底亦唔算特別濃郁但龍蝦肉質鮮嫩仲配烏冬上算係比較特別🦐冬陰公虎蝦湯米粉好足料嘅一碗麵未試過冬陰公入面會有水餃湯底夠辣蝦同水餃索晒湯汁酸酸辣辣咁認真唔錯