HANA Korean Restaurant

營業中

休息中

餐廳以粉紅色為主調, 地方不大只有十幾個座位, 走廊比較窄, 繁忙時間一定要book 位。𓊈泡菜章魚粥 $𝟷𝟸𝟾𓊉用釜山米熬製成粥底, 加入泡菜, 章魚同麻油, 面層仲有香蔥同黑芝麻, 望落已經好吸引, 米未完全煮爛, 所以有一粒粒嘅口感, 味道非常香濃, 側邊仲有鮮泡菜魷魚同醃蘿蔔可以放入粥度一齊食, 口感同味道都好豐富, 好好食!𓊈釜山魚糕烏冬 $𝟷𝟶𝟾𓊉一小撮烏冬用筷子串起, 好適合打卡, 烏冬軟硬適中, 食落滑捋捋, 湯底清甜, 裡面有香蔥, 香葉, 油揚同海帶, 魚糕有幾款不同, 五顏六色, 口感幾煙韌。𓊈濟洲黑豚肉餃子 $𝟾𝟸𓊉黑豚肉餃子煎得金黃色, 皮脆肉嫩。𓇊 釜山粥好特別, 雖然唔係坐得舒適但都值得二訪!

🍢🍲Hana Korean Restaurant🥢🇰🇷好耐無食韓餐，勁掛住韓國凍冰冰天氣配個熱辣辣魚糕湯同韓式粥☺️今日就約朋友回味下！🔸 釜山鮮鮑魚粥 $118好回味韓國大牌子粥，好正！好香最中意果種濃稠🍲用麻油在面上繞一圈，香味濃郁，味道方面鮮甜得嚟，鮑片都幾充料，仲有紫菜，有口感！🔸釜山魚糕烏冬 $78將烏冬捲係筷子再配埋色彩繢紛嘅魚糕串，真係幾靚，賣相幾好！扁身嘅烏冬食落煙韌，湯底香濃，咁多款魚糕口感都唔同，香港好少食到。整體都幾好食🔸濟州黑豚肉餃子（煎）＄72餃子都係大大隻，餡料充足，口感都幾豐富，餃子表面都煎得香脆🥟加餃子汁食會提鮮👍🏻☕️勁回味！令我即想飛轉韓國☺️中意韓式菜既朋友唔好錯過！😆

.🔺 HANA Korean Restaurant最近睇左幾套韓劇好想食韓國菜😍嚟到新開嘅HANA!由正宗韓國人主理，所以都好貼近韓國口味～你都一定要食釜山粥品😇😇.釜山鮮鮑魚粥🍚韓國粥煮得比較濃稠👍🏻味道不錯 好香麻油味！亦都食到一絲絲鮑魚🦪.泡菜五花腩烏冬🐖烏冬搭配豆腐乾香菜脆粒🤞🏻賣相幾好！泡菜五花腩分開上幾惹味🤩.煎韓牛餃子🥟韓牛餃子肉汁飽滿～👌🏻👌🏻外皮煎得頗脆😃

好耐冇食韓國菜，決定要到韓國街覓食🤤結果又有驚喜推薦‼️ 1️⃣味道✨釜山魚糕烏冬呢個烏冬真係影相一流✨ 黎嘅時候筷子夾起少少烏冬好啱打卡🫶🏻 魚糕一串串咁好靚 食落烏冬好彈牙 鏗魚湯好入味🤤 而且魚糕都好有韓國嘅味道🫶🏻 真係好似飛左轉韓國咁✨泡菜章魚粥真係好有韓國粥嘅味道👅 啲粥比較綿，成碗粥都係紅色，食落好重蔬菜同泡菜味，相比韓國食嘅章魚就會細粒啲，同埋感覺比較濃味，食完好口渴 同埋食下食下真係會有飽腹感😂2️⃣服務餐廳只係得一位侍應，坐低左一段時間先見到侍應出黎招待我地，野食黎得略嫌慢🤣 可能係慢工出細貨🤫3️⃣環境強烈建議一定要book枱‼️因為間餐廳真係好細間，得大概5-6張枱，我見有人walk in都冇得食，我地今次book左二人枱都係得翻門口位！餐廳入面裝修主要以粉紅色為主💓少女心爆發☺️ 有韓國小店嘅feel 推薦指數：味道：⭐️⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️⭐️衛生：⭐️⭐️⭐️⭐️⭐️抵食：⭐️⭐️⭐️⭐️

今日同朋友行開尖沙咀，5點幾想食個early dinner又想食韓國野，就去金巴利道搵下有咩食。平時見大家都話要book定或者早d去排，咁難得唔洗排隊，就即刻入去試下。佢個釜山粥真係同係釜山食既有80-90%相似，一拎埋黎就聞到勁香嘅麻油味，然後都好足料，蝦肉亦都係新鮮既唔係啤水個種，稠杰度亦都好適中，加埋辣魷魚蘿蔔絲小菜，真係開胃又好食。雖然$128，但其實兩個女仔食都夠食，唔算貴。個餃子即叫即煎，夠熱夠香脆。咁餡當然有傳統韓國餃子一定有嘅粉絲啦。香港有時不論去餐廳定係超市買嘅韓式餃子都會出現胡椒粉味好重，食唔到食材嘅味，不過呢間完全冇呢個情況。而且佢嘅醬汁，鹹度啱啱好，唔會死鹹，但又夠香，好好食。下次會再嚟食，想試下烏冬。

位於韓國街附近嘅Hana korean restaurant有烏冬，又有粥，又有唔同嘅餃子，店舖唔算好大，但就被好少見到嘅釜山粥同好適合打卡嘅烏冬入咗餐廳一試🙈▪️泡菜五花腩烏冬 $98五花肉同烏冬分開擺放，腩肉份量唔算好多，切得比較細塊，烏冬口感中規中矩，湯底比較清淡，要配上泡菜同五花腩先比惹味▪️釜山特色泡菜粥 $98泡菜粥味道清淡，唔係好食到泡菜嘅味道，飯粒粒粒分明，比較竭身▪️(蒸)韓牛餃子 $72/5餃子皮厚薄適中，但唔算好特別，不過不失，但係$72 5隻就唔算好值得試

HANA Korea restaurant同朋友唔太肚餓，但又想食韓國野，就走左去金巴利道度覓食，見到哩間食偏清淡既韓國野就衝左入去。因為出邊超級熱，所以同冇叫到粥食，怕食完會仲熱😂😂釜山魚糕烏冬 $78鮮蜆烏冬 $88個烏冬做型好打卡able 😍而且湯底味道啱啱好，佢有少少似北兵衛腐皮烏冬個湯底咁，而烏冬食落好彈牙同滑身😋 個湯仲有腐皮、海帶、天婦羅碎等等既配料，個人覺得腐皮好好食，浸淋左吸哂湯仲好食😋魚糕串食落都好彈牙，唔似出邊偏淋身既魚糕，而且每一舊口感都有啲唔同😂 圓身既就偏淋身同粉啲，而扁身既就比較彈牙啲。而蜆肉份量唔可以話好多，食落就係普普通通蜆肉，但佢係冇沙嘅，大家可以放心😂Overall: 正常價錢既韓國野，想食清淡啲不妨可以去哩間食下😆但個人推薦如果想食烏冬可以叫返釜山魚糕烏冬，又打卡able 又飽肚😋味道:🌕🌕🌕🌑🌑環境:🌕🌕🌕🌗🌑分量:🌕🌕🌕🌑🌑服務:🌕🌕🌕🌗🌑CP值:🌕🌕🌕🌑🌑Overall: shit💩加一服務費：✅HANA Korean Restaurant 尖沙咀金巴利街1E號地舖#dog尖沙咀

韓國嘅燒肉炸雞就食得多，好少何可以食到平時韓國必食嘅傳統粥店同埋佢嘅魚糕烏冬！試吓同平時港式嘅粥店有咩唔同先😍豬肉蔬菜粥 ($128)粥嘅種類都幾多選擇，我就揀個健康啲嘅蔬菜粥，一入口好香麻油味，同埋最鍾意係佢落咗啲薯仔粒，喺綿滑嘅粥之中增加咗啲口感💕釜山魚糕烏冬 Fish Cake Udon ($108)一睇就知好打卡～ 烏冬掛住晒喺筷子度，影完相就要快啲放返落嚟如果唔係凍晒啦🤣魚糕魚蛋等嘅食材可能炸咗一陣所以相對會鞋啲冇咁軟身💁🏻‍♀️烏冬本體非常彈牙，湯底亦都好夠味。(蒸）韓牛餃子S Hanwoo Dumpling ($82)大大嚿韓式餃子係必點啦🥟餃子皮厚度適中，咬落總會有啲肉汁流出嚟添🤪5件都已經好飽！

✨釜山鮮鮑魚粥呢個鮑魚粥真係道地韓國風味，鮑魚鮮甜彈牙，同埋粥底滑溜入味。個粥上面加左麻油同紫菜，食落去好濃郁香口，令人回味無窮。鮑魚粥仲有啲蔬菜，增加咗層次同口感。食落去，個粥有啲稠稠哋，非常滿足感，特別適合喺寒冷嘅天氣個時食。真係一個暖胃又美味嘅選擇！✨魚糕烏冬呢個魚糕烏冬既魚糕係以魚漿製成嘅，，幾個唔同既款式，質地彈牙有嚼勁。佢係用魚糕煮成一個湯底，湯底鮮味濃郁，令烏冬更加美味。個麵仲加左D豆卜、炸漿，索哂啲湯，增加咗層次同豐富味道。烏冬麵幼細滑口，而且份量都幾多，都幾抵食架。✨黑豚肉蒸餃豚肉係韓國嘅特色食材，肉質鮮嫩多汁，入口即化。而呢啲蒸餃則係用薄薄嘅餃皮包裹住黑豚肉，蒸至剛剛好，保留咗肉汁同鮮味。食落去，肉汁噴出嚟，真係令人嘴齒留香。而且蒸餃本身唔會太油膩，食落去好清爽，而且佢既皮好煙韌有彈性，口感非常唔錯！✨韓牛煎餃相信韓牛係好多人嘅最愛，佢嘅肉質嫩滑，有獨特嘅濃郁味道。而呢個煎餃就用韓牛肉同埋蔬菜入餡，再煎至金黃酥脆。一咬落去，外皮酥脆，內裡嘅肉汁噴出，真係令人嘴齒留香。韓牛肉嘅濃郁味道同餃子嘅結合，簡直係絕配！

ᴴᴬᴺᴬ ᴷᵒʳᵉᵃⁿ ᴿᵉˢᵗᵃᵘʳᵃⁿᵗ 收藏了❗️❗️❗️這家韓國餐廳一段時間終於可以一試聽說餐廳是韓國人主理主打正宗釜山粥，釜山湯烏冬和餃子所以今次全都點了 (♡‿♡)剛巧前一天喝了酒 吃粥真的最適合不過▶釜山鮮鮑魚粥 HKD118粥底很棉，每日用4-5小時熬成的粥底還保留了一粒粒米飯的口感鮑魚配料也很足 每一啖吃到飽魚▶韓式牛肉烏冬 HKD 98未開吃已經被外貌吸引烏冬和牛肉是分開上牛肉和椰菜一起炒香 烏冬屬於幼滑質感Q彈掛湯 ▶煎韓牛餃子 HKD72/ 5隻上碟就能看見樣子非常飽滿 煎得香口 外脆內軟配合了獨家醬汁 是開胃的前菜喔個人覺得就算不點醬汁也很夠味道▶蒸豚肉餃子 HKD72/ 5隻蒸得餃子皮包薄得來很有咬口 內裡除了豚肉還有粉絲和香蔥可能口感同牛肉餃子太似 下次會點泡菜味

HANA風格和最近的大熱BARBIE 很相似呀~都係滿滿的粉紅色~呢度嘅前菜都好特別，是用釜山製法, 加入了生蠔及魚露~雖然裝修新穎，但主打的卻是另類傳統韓食釜山粥釜山人因臨海的關系，鮑魚粥是釜山名物黎架~而我就點了好名貴的人蔘雞粥米是用釜山米熬成的粥底很綿，米都開花了。應該都熬左好耐佢唔似廣東粥咁稀，比較稠。滿滿的都是米飯，所以非常飽肚人蔘仲係原條上，好名貴呀~ 粥的味道不會很咸，有香香的麻油味除左人蔘雞，仲加入多種雜菜一齊煮~ 食完暖胃又飽肚夏天無乜胃口，食呢個粥一流泡菜五花腩烏冬掛烏冬造型非常特別，成件事即刻型咗~ 烏冬非常滑，似日本稻庭烏冬嘅感覺泡菜豬肉不會太辣，反而有點泡菜的甜甜味豬肉是五花腩，但入口不會覺得油膩。很爽脆的。韓國鮑魚煎餃外皮煎得很脆口，餡料是傳統的韓子餃子有粉絲那種鮑魚是很小的一粒粒，其實不太感覺到，就當食傳統韓國餃子吧~

Lunch time和同事來吃，完全是因為我們兩個都在箍牙想吃粥之類軟的東西😂當日店裏只有我們在內的三台客😳韓式牛肉烏冬$98個賣相幾好看，原來有大量蔬菜伴牛肉，牛肉是甜甜地的，烏冬的湯底幾好飲，有海帶做湯底清清地。韓牛蔬菜粥$118韓國的釜山粥是比較挺身，米飯粒粒分明，有少少似很少茶的茶漬飯，完全不像廣東粥。加了麻油半來吃，初初覺得很香濃，但食食吓就覺得有點鹹，而且因為粥比較挺身，同事吃剩三份一🤣結果打包拎走晚上再吃🤣蒸餃子$68/5隻蒸餃子真的有點普通，而且有點細隻，$68才五隻蛋，但味道沒有驚為天人😂不太建議呢～話說店員很友善呢，因為我們問長問短，又想知道menu裏面有那款是比較淋身的之類，又要求烏冬給我軟點🙏🏻超有耐性，值得一讚！

今日去左尖沙咀買野，又諗起韓國美食，搵到間位於金巴利街既韓國餐廳叫Hana，個名好似女仔名咁，同餐廳裝修好吻合，主要用左粉紅色既牆身，同閨密黎食一定唔會有錯。餐廳主打軟綿綿韓國粥、韓國釜山湯烏冬同餃子，於是我哋每樣都叫左一款。釜山鮮鮑魚粥十分推薦，啲粥除左軟綿綿，味道好鮮，有唔少切碎左既鮑魚，新鮮爽口，加埋紫菜係錦上添花。釜山魚糕烏冬造型賣相都好cute，啲烏冬好彈牙，反而啲魚糕就比較唔似我平時食到既口感，但個湯好濃好味。韓牛餃子完全符合晒皮薄餡靚，而且啲牛肉香味好重，一定要食。

喺韓國街嘅一間超級小店入面真係好細 得幾張枱釜山鮮鮑魚粥 ($118)麻油味好香 啲米煲得唔會太爛口感唔錯 有d似食糊仔咁入面有啲切粒蔬菜 不過鮑魚就唔係幾食到😅整體味道偏鹹 但係都幾好食嘅釜山魚糕烏冬 ($78)特登用對筷子晾住d烏冬烏冬比較冧 串魚糕係幾吸引不過有啲硬 難咬 同埋有啲鯹冇想像中咁好食 但又唔算好貴都可以接受嘅～煎韓牛餃子 ($72)有五隻 煎得都幾香脆 不過多油入面啲餡都幾飽滿 韓牛味就唔係好出普通煎餃子🥟可試可唔試整體係個釜山粥比較特別因為都唔多韓國餐廳有韓國粥食去到試個粥會比較推介👍🏼

餐廳由韓國人主理，無論廚房還是樓面都是再講的韓國人，餐廳面積不大，以少女粉紅色作裝修，加上牆上的霓虹光管，充滿甜蜜少女風格，簡單企理又舒適 🔮釜山鮮鮑魚粥廚師採用韓國米，足底軟綿綿，米粒吸收咗上湯的味道，入口亦有鮮甜的蔬菜味和鮑魚香! 食韓國餐一定會有很多不同的前菜，而呢個粥配嘅前菜十分特別，前菜有兩款，有是鮮魷魚泡菜，其實是鮮魷魚刺身和泡菜混合成的一道前菜，入口甜辣帶鮮，第二種是醬油醃酸蘿蔔，酸香醒胃，兩者都很好下粥呀！ 🔮釜山魚糕烏冬 賣相相當及睛，大大吋雜錦魚糕，放在碗上，與平時在韓國街頭常識的十分相似，烏冬是偏幼和扁身的，質地應韌有口感，自家湯底清甜帶鮮，加入少少泡菜連湯飲更加美味!🔮韓式傳統煎餃子 這個餃子絕對是必試推介，餐廳的餃子全部都是廚師親自包的，隻隻餡料都十分飽滿，每隻餃子外皮都煎到金黃色，睇個樣都覺得好好食，一啖咬落去，外脆之餘，亦有爆汁之感，皮脆肉餡香，十分惹味 🔮蒸韓牛餃子 大大粒皮薄餡靚，晶瑩剔透，食落韓牛味濃，唔使蘸醬料都已經味道十足 餐廳雖然只有粥品，烏冬和餃子等地道韓國菜式，相對其他比較大的韓國料理餐廳來說，款式並不是太多，不過餐廳小本經營，每款菜式的材