Home Cooking (GOD) (已結業)

四個人去睇戲，兩個先來取經，試過OK，之後才輪到另外兩個。因為GOD四月裝修，這裡存貨不多，很多菜牌上的選擇沒有，結果點了個泰式牛肉沙律，雞胸+薄餅，提子汁＋薑，Mocha咖啡。泰式牛肉沙律不錯，雞胸略嫌普通，提子汁＋薑好香又好味，Mocha咖啡另有Style，埋單匯豐信用卡85折，恒生6折餐賣哂。環境算是清幽別有風味，招呼不過不失，可以一試。

平日去只會tea,今晚去dinner仲正! 白汁煮蜆超超超好味! 豆豉汁沙律個汁好好味,波菜薄餅夠薄夠脆,芒果拿破崙一灌的好味.總之估唔到的好!!

3.4 sunday tea有個set係$65可以揀4樣selected food。諗住4樣野兩個人share另外加杯野飲都ok…叫左青檸雞翼、沙嗲雞串、mini cheese cake、mini chocolate mousse除左送o個杯drink，另外叫左blueberry vanilla milkshake - 冇咩vanilla味…一般啦，入倒口o既黎到先知個size係…我地眼都凸不過，佢個mini cheese cake(散叫都只係$15)真係好得！未食過入口即溶o既cheese cake，有芝士味之餘texture又特別！下次一定會再黎……主攻甜品！見佢ｄ蛋糕賣相都唔錯。環境非常relaxing，希望下次可以坐ＧＯＤ梳化…

　　星期日消夜時段和朋友來hae一下，環境舒適，而且有梳化位，可以橫躺在梳化上，正！　　除了一般的cake以外，還有一些特式點甜。較為少見的款式有Pear Tart with開心果雪糕，味道ＯＫ。另外還有紅酒浸梨，在香港較少吃得到，但最終沒有叫。　　我點了薑味布甸＋薑味及玉桂味雪糕。薑味布甸非常新鮮熱辣－－真的頗辣，有很重的薑味，也很熱。雪糕而言，玉桂味比薑味重，整體味道非常強烈！一冷一熱伴著吃，實在一試難忘。

昨晚去了舊同事聚會, 食物都幾差兼價錢偏貴,老實講咁既質素,完全唔值呢個價錢. D意粉,小食都好一般, 意粉唔夠熱, 所謂越式紙米手卷完全唔掂!! 甜品叫了combine set, 包括banana cheesecake, greentea with red bean cake, blueberry cheese cake, milk tea ice-cream, cr鋗e pernee, 除了blueberry 外, 其他甜品全部below average, 個紅豆綠茶蛋糕似美心質素, 但比美心貴幾倍. 唯一可取口既, 只係裝修同氣氛, 靜靜地可以傾下喫, 但以咁既價錢同食物質素, 我寧願去同區既Go Go CafLah!!!

今次係第二次食, 都係吃甜品, 感覺比上次好一點, 可能點中了好味的那種吧!上次點的係香蕉芝士蛋糕, ok. 今次點的係士多啤梨撻, 好好味! d吉士味道啱啱好, 不太甜, 好香, 好滑. 士多啤梨係靚的那種, 大大粒, 唔酸. 好味!仲有一球好普通的雲呢拿雪糕同上呢!

尋晚同小學同學的聚會，黎左呢度，野食有飯，意粉、扒等，全部都ok幾好味，特別鍾意D甜品，個sofflue同埋朱古力布甸都好不俗呢HSBC cards offer 15% off discount, pretty cheap!

(30/7)只認為是環境更勝味道，寧靜、整潔，兩人點了那Sunday brunch，蜻蜓點水的salad及果汁，實在是開了胃口。English breakfast set, standard mode, match up with the “Sunday Sunday”feeling, leisure one.而我那白汁三文魚闊條麵，味道是清淡，醬汁是薄薄的，配合闊條麵，不是太差，奶茶是完結。絕對適宜閒談的地方，讓大家消磨了整個早午，為了那晚會作準備。附：其後的顧客是雙數入座，除了我們與另外的日藉女士，其餘的是兩位兩位的外藉或本地的同性人士，除了我們實在有很多懷疑個案。

以前經常都同朋友去Home Cooking食嘢，一個月都總有一兩次。但自從上年轉工就有好一段時間無去過。剛剛星期曰又想想哋舊地從遊！星期曰的Brunch Menu，加了Salad and Cereal Bar，但只可以拿一次，salad只得三四款，相比起倫近利舞臺嘅Ease of Mind Cafe & Dessert，同Times Square嘅Ocenia就差好遠啦！至少Ease of Mind同Ocenia個Salad bar可以任食，而且有多幾款salad，大方得多！主食我哋叫咗Big Breakfast、mushroom risotto。嗰big breakfast都幾豐富，但個risotto就差Ｄ啦。好似中式炒飯一樣，完全唔似意大利飯，真係麻麻地！價錢都貴咗，brunch同lunch都要每人$100以上，還未吃甜品呢！

昨晚我自己去搵食我想起去gdo店我終於試吃榴槤慕絲蛋糕$28-吃得麻麻,因為我feel榴槤肉奶太多重=,=",吃得一半扔下垃圾sp:下次我試吃香蕉芝士蛋糕

行開GOD,心血來潮想食cheese cake,就試了甜品拼盤.有兩件cheese cake杏仁餅,雪糕,mousse,……..總之就好多件啦!我就飲杯Irish coffee,朋友就飲杯black coffee.總體之除兩件cheese cake 比較好食之外,其他的都不太滿意,不過杯Irish coffee 就幾重手.加番少少分啦!

Home Cooking D 糕款出名多，但「現實」得很。要了個Green Tea Mini Cheesecake 外帶。鍾意佢面頭既綠茶粉，但唔鍾意佢個chocolate chips 肉：雖然就texture 而言係好夾，但朱古力味同朱古力甜味搶哂本身淡淡既綠茶味。好彩無叫佢個原裝版。加多句，外帶o者，都唔使...。

終於等到埋年，好多地方都真係減價，當然同太座出去搜羅一番。分頭行事，她試鞋時我又度緊西裝，很容易就錯過了食飯時間。只想找處地方，好好的休息一下，見這裡沒有什麼人，格局不錯，就同佢上來拿下午茶當飯吃。見有個Afternoon Tea Set，只收148蚊兩位，都幾抵，就要了這個。Tea Set用一個白色長盤上檯，第一眼看賣相不俗，有芒果卷蛋、釀雞翼、炸雞塊、春卷、燒牛肉三文治、煙三文魚多士、田螺釀蘑菇各兩件，及鬆餅一個。味道還算過得去，不算十分好，整體上來說是好睇多過好食。最好的要算是環境，我們跟買來的大包小包，坐在角落的圓檯，玻璃窗透進天然光，喝著咖啡看著雜誌，真的是幾悠閒的。充足電，又去時代廣場再行過。埋單一百六十幾蚊，要吃好的tea set這裡不算合適，不過要找處地方攤抖一下的話，也算不錯。

同班舊同事聚會，揀咗呢度。食物一般。不過個用魚做餡嘅批整得幾好食。另外甜品都唔錯。

bf外賣一個raisin scone 給我試食, 很淡, 無牛油香, 或者配果jam or clotted cream 效果會好D, 淨食既話McDonald 果提子鬆餅好D lu