Hungry Korean (亞士厘道)

營業中

休息中

剛去完韓國旅行回來，非常想念韓國街頭的風味美食炒年糕，便搜索一下附近的韓國餐廳，想不到在香港要找一間韓國餐廳是那麼難，唯一能找到的是連鎖快餐店Hungry Korean。坐下後，我立刻點了炒年糕一份。食物5分鐘後便到了，非常快手。看着它熱呼呼的樣子，令我對它的味道滿心期待！但是一咬下去年糕的那一刻，口感不但沒有年糕應有的軟熟感覺，裏面的粉團還未熟透，辣醬的味道也未能滲透整條年糕。我在沾多點醬，吃下一片魚糕，味道比年糕好吃，可是，辣醬的味道始終沒有好好調製，不但太辣，而且太淡，沒有炒年糕應有的甜辣味，令我有點失望。不過好在它有一隻蛋來點綴，賣相好些吧。整體而言，味道更在超級市場買的急凍年糕差不多，始終沒有在韓國街頭，或者在正宗的韓國餐廳中的炒年糕好吃，只求快速方便，價錢合宜，不太要求味道如何的人，可以選擇來這邊一試。

平價韓國菜泡菜國啲野食一般都要幾百蚊先落到樓但hungry korean就以價錢取勝 份量都ok.辣炒年糕泡麵🍜有魚糕 蛋 炸紫菜卷媽~好辣啊 食到一半已經有少少頂唔順不過炸紫菜卷幾好食 對得住個價錢.紫菜包飯🐔雞肉唔好睇佢細細條 都有成十舊 好飽肚雞肉好滑 配埋啲蔬菜 減少油膩感.辣炒魷魚🦑配白飯呢個就有少少失望 因為菜得多魷魚份量偏少 味道都ok 整體普通

hungry korean 愈開愈多分店。心血來潮去左食,叫左個雞kimbap.一碟10件到。食完都飽又足料.朋友叫左可頭飯.黎到十分熱.又香.又大碗.d 牛比較甜.但都岩大家口味.仲可以整到大量飯蕉.十分香口.兩個人加埋都係88蚊埋到單。底食

約左fd子食lunch再shopping，點知有人遲到🥺🥺 ，都唔知要等幾耐😢😢 好肚餓，但又驚食太飽一陣fd子泥度食唔落，身在亞士厘道又點會搵唔到食🤭🤭，突然醒起Hungry Korean既gim bap好想食🤤🤤 細細份食幾件作為小食都唔錯。雖然正值lunch hour 好多人，但一個人入去搵位都唔難。話就話已經決定食壽司卷，但有甘多款揀，揀邊款好呢👉🏻👈🏻牛肉、雞肉、豬肉、魷魚四款都想食，本來揀好豬肉，最後都彈弓手轉左魷魚😆😆等左十分鐘左右，期待已久既魷魚壽司卷同人蔘茶就送到上面前🥰🥰好幸福喔~~魷魚壽司卷$39熱人蔘茶$11味道依舊甘好味，一啖一件，三扒兩撥就食晒嚕😋😋呢度可以落單之後外賣自取，岩哂附近上班一族，唔使等，唔怕無位，隨時隨地想食都無問題啦🤓🤓

呢間野成日都見到，但今次真係第一次食。其實佢唔算好正宗個種韓國餐，正確d黎講應該算係快餐(所以唔好預係可以坐好耐個種)。個日同朋友一齊嗌左個石頭鍋飯、炒粉絲同埋韓式飯卷，味道都好正常，加上佢價錢唔貴，所以我覺得cp值都幾高不過如果想坐耐d既話，呢個未必係首選。

嚟到尖沙咀就梗係食韓國菜 但朋友同我都想食平d 所以就揀左呢間出名平價好味的hungry korean試下😚😚😚入去要先排隊買野食 之後話俾店員知坐邊 店員就幫忙上菜 吾洗自己去攞😙 店員態度都幾好！我地今次就叫左泡菜豬肉豆腐鐵板飯😋 泡菜吾係好辣 甜甜酸酸咁 撈埋韓式辣醬好惹味 豬肉都好軟滑 加埋鐵板煎熱的豆腐 成個餐好吸引好好味 亦且價錢都好平👍🏼👍🏼整體食物同服務都吾錯 可以再試其他食物👅推薦:⭐️⭐️⭐️

下午茶又嚟到hungry Korean，40幾蚊下午茶實在太豐富了吧 ! 個餐真係大份夾抵食，除咗主餐好大份之外，仲有三個韓式前菜! 睇落都唔錯。我今次叫咗鐵板辣豬肉，少少辣ge汁好岩送飲! 仲配埋其他雜菜感覺好balance 😂味道方面，辣豬肉炒得夠香夠味，唔會太鹹， 好有人哋韓國住家炒豬肉嘅感覺。而前菜方面， 我最鍾意係泡菜，攞嚟送飯都得，唔會太鹹， 少少辣好醒胃。 唔錯唔錯。 而其他前菜可能我比較少食， 其實味道可以但係感覺怪怪的。😂總結：hungry korean可以再encore下午茶真係好抵食，吃飽飽。

呢排比較食韓國菜，今日心思思就嚟到尖沙咀這間肚餓的韓國人食一下啦。之前其實都食過但係就唔係呢一間，都唔錯嘅。咁我哋就點左三道菜同埋一杯嘢飲兩個人分享。首先，我地點左牛肉石鍋飯，魷魚壽司，同埋泡菜海鮮湯連白飯，二飲品就有凍檸檬茶，係要加10一蚊嘅但係都可以接受。😻😻泡菜海鮮湯飯我同埋朋友都覺得有啲spicy 可能因為我哋唔食得辣啦，如果海鮮可以更多就更好，因為入邊只有三隻蝦，兩件青口，三件扇貝，其餘好似都係蔬菜，有少少唔夠喉。跟住就係壽司同埋石鍋飯，都係不過不失，咁嘅價錢真係好抵，最後我哋每人大概$90就完成左呢一餐。另外值得一讚嘅佢哋又用環保straw 啱晒注重環保嘅人士👍🏻👍🏻👍🏻😻

呢間鋪頭開咗都差唔多10年，一直以來都係佢嘅擁躉而我覺得佢嘅尖沙咀舖係最好食嘅。以前會有條好長嘅人龍不過而家多咗分店排隊情況減少左，呢間鋪頭門面細細，位20個都唔夠。入去要先叫嘢食然後被安排位置坐。雖然佢係快餐模式但係所有嘢都係即叫即整，佢嘅泡菜湯熱辣辣，夠濃味但係唔會辣到失真。我鍾意佢嘅豬肉唔太大件同埋唔太肥。冬天飲呢個湯真係一絕。通常食呢個湯飯都需要飲杯凍野，佢嘅凍梅實茶有少少似酸梅湯我自己個人來講就覺得偏甜不過食辣野都OK.

平時係尖沙咀返工有時候一個人都唔知食乜好，最鍾意係亞士厘道呢間Hungry Korean點炒辣雞飯，超好味！！佢唔係真係好辣反而有種甜甜地的，加埋d椰菜落去炒，鐵板熱辣辣咁上，個汁可以食到幾碗飯🤩一人韓國菜必選，有時候唔太肚餓唔想食飯嘅話，我會叫一卷kimpop食，簡芝士味，都好好食！

Hungry Korean係我最鐘意嘅韓食餐廳之一，佢價錢大眾化之餘，食物都唔差嫁喎。我每次地都一定會嗌紫菜包飯，一定要加芝士，真係好灰好好味。另外嗰個唔辣嘅雞肉飯都好好食，甜甜地咁，送飯一流。仲有個韓式粉絲好入味，係條條都好夠味！我次次去親都係主要食呢幾樣，下次可以試下其他食物。

香港地真係乜國菜都有得食！仲唔貴！次次諗唔到食乜嘢都會去食紫菜包飯，因為韓國嘅紫菜包飯真係好正～仲要好抵～不過紫菜包飯始終食唔飽點樣都要嗌多份正餐。所以我地仲叫左辣雞肉飯同豆腐湯飯，真心唔錯，好好味～連我同事第一次過嚟食都覺得好好食好抵食！個雞肉嘅辣唔算好辣但辣得黎有好韓國，個豆腐湯你唔好睇佢咁紅，其實一啲都唔難辣，啲湯汁用黎撈飯食真心一流！唔知嘅真係以為黎左韓國！因為真係十分之正宗，已經無法用文字去表達～你哋都係快啲去試吓啦～

打工仔的午餐最希望快靚平！見好多人都推介Hungry Korean,甘我就過去試下，因為在香港都比較小 韓式快餐。老實說，餐廳環境並不吸引，好簡陋，而且坐得好迫。可能太近廚房，不時會出現好多油煙味，食完飯出來 ，成身衣服&頭髮都有陣味道首先，入店排隊點餐。然後找位置坐，再有員工送餐。今次點了辣雞肉鐵板燒。一送過來，鐵板還炸炸聲，食物好熱好香，充滿韓式辣醬的味道。雞肉的肉質好嫩滑，配上又甜又辣的辣醬好惹味開胃。而d椰菜都好入味，雖然已經好飽，但都會不期然再食辣度：屬中辣

香港人食野講求快靚正，咁岩黎到依頭見到有韓式快餐就入左去食。入到黎要先排隊比錢叫野食先，再同店員講大約坐邊個位，之後等煮好店員會拎個餐過黎，唔洗自己拎。依到啲店員唔係全部都講得流利廣東話，但都好有禮貌。平日黎得依到食人客唔算多，容易搵位，環境又唔會太嘈，冇乜遊客過黎食。等5分鐘左右就有得食，食韓國野當然唔少得食泡菜，所以叫左份泡菜豬肉豆腐餐，依到啲泡菜有小小辣，唔會太酸，配白飯食好夾味。因爲係鐵板上，所以要小心比汁彈到同掂到個鐵板。

嚟到hungry korean一定要食下呢度嘅甜雞肉飯， 佢一個鐵板燒配上飯嘅形式， 雞肉同蔬菜配上佢獨有嘅醬汁令到你兩碗三碗飯都會再食， 不過如果大家唔識得辣嘅話就千祈唔好揀辣雞肉啦， 佢嘅辣度未必每個人都接受到