Hungry Korean (亞士厘道)

營業中

休息中

取消左去長洲既念頭，就去尖沙咀行下，由佐敦諗食唔食澳×定榮×雞扒，見澳牛比平時仲多人，老婆想食韓國野，所以決定去尖沙咀食韓國野，唔係去韓國街，因為食過一次都幾出名既令到我好失望，所以食呢間，食過幾次，九龍灣既鐵板就凍既，所以多數食尖沙咀呢一間，叫左個魷魚飯，豬肉飯同凍檸茶，第一次係呢間食魷魚，有魷魚味係咬落有絲個種，調味岩岩好，幾好，鐵板豬肉都係配甜辣醬既味道，同之前食一樣，呢度個檸檬茶堅西利，係雀檸加檸檬，咁都比佢諗到，真係有茶味得黎又有新鮮檸檬，除時好過好多茶餐廳，呢間真係幾好食因為本人對韓國食物一般般，除左港式韓國燒烤之外，好少覺得好食，呢間野食得過，我比7.5分

職員非常有禮，環境一般。令人驚喜的是店內職員雖不是韓國人，但水準卻不錯，特別是韓式年糕， 煙韌入味。配上豆腐泡菜湯飯，簡直一流👍🏻👍🏻唯一美中不足就是炸雞不夠脆，有些少重口味🌝🌝

2020/08/01出尖沙咀搵老友取件，順便買外賣回家晚餐，去Hungry Korean買韓食返去，食住睇韓劇。經網上外賣平台 訂購仲有七折添點可以唔幫襯呀！韓式三小碟$11.20 ：有泡菜、薯蓉及魚餅，全部都好味道！韓式豆腐湯$35 ：有大件滑豆腐、一隻雞蛋、一粒青口、一隻蝦、翠玉瓜及洋蔥，辣辣地好味道！魷魚石鍋飯$35 ：我選咗多麻油及多芝麻，佢另外有比一小盒韓式辣醬，方便唔夠再加，打開個盒先知道原來已經攪拌，已變成魷魚拌飯，佢拌嘅手勢都唔錯，每啖都食到魷魚、蔬菜及醬汁，我沒有另外再加醬汁調味，因為已經很足夠。

係尖沙咀想食韓國菜第一時間就諗到去韓國街，不過想快食嘅話都可以考慮下依一間，相信好多人都有食過Hungry Korean，未食過經過應該都認得咁iconic嘅青色舖頭😂**********<魷魚石鍋飯> $46個石鍋飯通常都係配牛肉，依個魷魚石鍋飯就比較少見，本身魷魚已撈左平時撈飯個啲辣醬，所以都好夠味，而且份量都唔少嫁！**********<韓式肥牛鐵板燒> $53另外叫左個肥牛鐵板燒配飯，依個相對上就無咁吸引，肥牛有啲碎濕濕，同埋煮得比較乾身，味道好普通🤐

每次一諗唔到食咩 只要經過呢間野就會入去每次一定食嘅韓式炒粉絲同kimbap雖然呢兩樣野好似好簡單 係屋企都煮到 但硬係覺得係出邊食嘅好食啲 可能佢啲調味唔同啲今次試咗個韓式炒牛肉 但覺得有少少鹹食一啖要扒幾啖飯但之前食嘅石鍋拌飯係幾好食嘅

LUNCH TIME既時候, 同事極度推薦呢間韓國野 “Hungry Korea”. 話說呢間者餐廳由韓國老闆親自主理, 開始時滿懷希望食到地道韓國菜。餐廳空間並不太大, 大概可容納十多名客人。另外餐廳採用自助落單既方式點菜, 會有職員負責送餐。同事落力推薦鐵板燒而且價錢非常親民, 只係大約50蚊左右, 去茶記食個快餐都唔止呢個價錢吧!我地最後揀左 辣雞肉及辣魷魚, 上餐時間亦非常快, 大概10分鍾內吧!鐵板剛上時滋滋作聲, 香氣四溢, 令人垂涎三尺。雞排用上韓國辣椒醬同大量椰菜, 洋蔥及甘筍快炒。色同香都挺吸引, 至於味道方面, 可能遷就香港人口味吧? 韓國辣醬幾乎沒有辣味, 只有很甜的甜味, 並不是地道的韓國味道。一心想試地道韓國菜的會失望了…同事點的辣魷魚份量也十足, 配料也是一樣, 好在魷魚吃不到雪藏不新鮮的味道。位於尖沙咀地段, 可以50蚊左右食到鐵板雞, 可說是性價比極高!! 無論在份量, 香味, 味道方面都比得上好多高級韓國餐廳。絕對值得一試!

中午有事要去尖沙咀一轉，做完有d肚餓，所以就揾左間平靚正嘅韓國快餐店解決午餐餐廳選擇主要係飯/麵食，由於想食得多菜d，我今次就點左個韓式牛肉石頭鍋飯餐廳點菜係自助落單，去收銀處點好餐後揾個位坐低就得，之後會有店員送餐飯黎到嘅時候，個石頭鍋仲好熱，飯嘅上面鋪滿左各種蔬菜同埋韓式牛肉，餸菜份量都幾多由於我唔中意食飯焦，所以一黎到就快快手加咗韓式拌飯醬，然後即係撈左個飯先個飯嘅份量適中，唔會太多或太少不過個人略嫌d飯濕左d，除此以外都very good足料韓式牛肉石鍋飯P.S. 個飯唔包飲品，但可以另外單點

每次去尖沙咀好肚餓都會諗起呢度因為呢度無論係分量，價格和味道也相當合理。壽司飯卷每次必點，平時最鐘意食芝士味，今次點錯左雞肉。石鍋飯熱辣辣，加埋d醬撈好好味，好有係韓國食飯既感覺鐵板豆腐辣豬肉飯都唔錯，其實唔會好辣，好好送飯~

好耐冇食過韓國野啦，呢到選擇話多唔多話少唔少啦， 座位似快餐店感覺。6點幾黎到都唔係好多人，叫左個炒豬肉配飯，本身怕好辣，因為出到黎好紅，不過都OK，係韓國個種甜辣。份量岩岩好，之後加配左杯抹茶牛奶，抹茶味就唔係好濃，一般般啦，不過呢到用環保飲管，值得一讚 !

#支持良心餐廳呢間之前寶琳店有派過水 唔知係咪間間都黃 但食呢間係map上標示左都係黃嘅雞肉Gimbap $39一上碟覺得個樣都幾靚仔🤣上面會淋左啲韓式甜醬不過呢度嘅唔好之處就係啲飯卷普遍比較細舊同埋比較林身 包得唔實 好易一夾就散麻油味唔算重 覺得食佢嘅飯會比較滿足

如果下午茶嘅 建議係3:30先黎到 平$10幾蚊係公司附近行過黎都係好快 💨係櫃台order咗個魷魚石鍋飯（$37）、一碟魚糕仔 （+$7）、飲凍OT(+$8)一個人就揀咗個窗口位 （好過對住鏡位食）姐姐一送到黎 就「滋～滋～滋⋯」 但唔使驚！唔會彈到身⋯ 咁呢個時候就快速唧咗幾圈辣醬 再快速攪均！OK 食得～魚糕：甜甜地（正常、但有小小硬）魷魚石鍋飯：魷魚就係類似水魷魚個d fd⋯⋯味道岩岩好、仲有飯焦！飯既份量好多 但慢慢食竟然食曬（平時唔鐘意食飯）其實味道正常 唔會難食 亦唔會話好好食！快餐嘛！叫餐到食完都係20mins呢間野好多客人都係一個人嚟食 所以一個人都唔會怕尷尬 覺得奇怪

這裏是我一個人，但又想食韓國野的時候，第一時間會想到的韓國餐廳。在下午茶時間來到，點了魷魚的石頭鍋飯，才30幾蚊，初時以為店員聽錯，原來下午茶甘抵食。石頭鍋飯一上枱還會有吱吱聲，配料都有很多，不過不要期望魷魚是新鮮的，以30幾蚊來說性價比很高。

自從韓風成功殺入香港，韓式食店都真係區區都有一兩間，但唔知點解無幾多間做得長，又無幾多間個味道叫好味。唔知點解d小店唔可以俾多d心機再做好味d。呢間Hungry Korea連鎖食店都算keep到，價錢都唔會好似d小店款款都過百咁貴。佢既選擇唔太多，食得辣既朋友仔must try佢呢款泡藥豆腐湯，真係次次去襯都必食，要提提大家食呢款泡菜湯，記得要order埋飲品，因為最初唔會覺得好辣，但會食食下累積左就會變做越食越辣，到時就要飲下野沖淡下。仲可以試埋佢地既熱辣辣紫菜飯團，熱食好正😘

有個friend好夜先放工，冇計，唯有就吓佢，係佢公司附近搵吓野食啦，吓見到有間韓國野，好似幾好咁，又平又抵食，環境唔錯，大家就話咁不如入去試吓啦，可能好夜的關係，唔係太多人，可以即刻入坐，。我想食D暖胃既野食，就睇吓D鍋啦，見到個豆腐鍋好似幾好，咁就叫黎試吓，佢地D野食都好快送到黎，抵讚吓，D豆腐好滑，D湯好好飲，好正呀。仲有叫左韓式牛肉飯，D牛肉好好味，好入味。我另外一個friend就叫左個牛肉石頭鍋飯，D飯軟綿綿好好味。

💁🏻‍♀️Hungry Korean (尖沙咀)🍴-自助式韓國餐廳，上菜都幾快。紫菜包飯同雞肉石鍋飯都好好味🤤🤤石鍋飯偏細份，但都算高質。紫菜包飯加牛肉冇得輸，好味一食完一舊又一舊！❤️❤️❤️不過千其唔好叫豆腐鍋🤦🏻‍♀️🤦🏻‍♀️得個辣字完全冇泡菜味，豆腐冇豆味係百福豆腐唔該曬🥴-📍Hungry Korean (尖沙咀)#尖沙咀 亞士厘道24-38號天星大廈地下B號舖-