Ice Puff

營業中

休息中

阿華田脆脆雞蛋仔 $29 (麻糬 +$6）·10月有休市同埋店入邊有連儂牆嘅小黃店💛呢一間我之前見到其他人推介已經覺得勁正 佢俾我想像中好食超多😍😍一攞上手係超重阿華田味 而且佢個雞蛋仔口感好好 係真係熱辣辣 而且都幾脆🤤同埋佢中間個麻糬都幾好食 我自己覺得口感唔錯 不過佢啲麻糬分布得唔係咁平均 中間會比較多少少 但係我覺得都超值得一試🤤·📍Ice Puff(旺角彌敦道688號旺角中心一期1樓F51舖)·#rbyeat#rby小黃店#rby旺角#rby港式

Ice Puff 💛旺角💛-⭐️高質⭐️位於旺中極黃的一間雞蛋仔店😍 每次去到都會有好多人排隊，或者寫連儂牆💛 畀晒Memo紙你寫，亦都有postcard可以攞。-呢間店舖雞蛋仔有勁多種唔同嘅口味，其實每款都好吸引，但最鍾意食阿華田脆脆嘅我梗係諗都唔使諗： --🔍 阿華田脆脆雞蛋仔 $29.一咬落去超級驚喜🤤 真正嘅外脆內軟，外皮超級香脆可口，入面再有小小嘅阿華田脆脆，甜度適中又唔會太甜，食晒成個之後，仲想嗌多個🤤 極度推介！ --🔍 阿華田脆脆格仔餅 $39一攞到手就發現勁大份🤤 比起平時嘅格仔餅厚足一倍，雖然厚但亦都超脆，阿華田將超級足，入面每啖亦都食到脆脆😋 份量夠大，超級滿足👍🏻--由於全部雞蛋仔、格仔餅都係即叫即做，所以需要少少時間等待，有時間就可以寫下連儂牆💛--📍 Ice Puff (旺角)旺角彌敦道688號旺角中心一期1樓F51舖

車打芝士雞蛋仔 $26 （+$6 double cheese）中學放學嗰陣好鐘意拉埋啲朋友一齊食雞蛋仔🤩但上到大學之後就少食咗好多了😭嚟到旺中嚟遠都聞到好香雞蛋仔味即刻狗衝咗過去買🥳身為芝士控嘅我梗係唔夠喉要加double cheese啦❤等咗大約5分鐘就有得食咁啱到我嗰刻我擠緊酒精搓手液員工好好叫我慢慢搞掂埋先拎💕咬落去嗰下已經食到濃香芝士味啲邊邊先係重點呀！！咸咸香香又脆卜卜咁好好味😋食完一啖接一啖咁好邪惡😈雞蛋仔中心軟糯，雞蛋味都足唯一一樣係個蛋漿應該係所有味都用同一桶所以係甜的然後呢底雞蛋仔就咸咸甜甜咁🤣有少少少少唔夾不過都唔影響我覺得佢真係幾好食😍😍如果個蛋漿唔係甜嘅話就100分了💕美味度👅: 8/10性價比💕: 7/10環境🏠: 6.5/10服務🤵🏻: 7.5/10人均消費: 約$20-30

前日行過㕵角口痕想買啲小食 醒起之前朋友介紹過旺角中心嘅雞蛋仔店 決定去試下一去到已經比連儂牆吸引到 小店牆身痴滿咗memo紙 見到有唔少食客買完雞蛋仔都會喺牆上打卡雞蛋仔嘅口味種類好多 有鹹有甜 除咗雞蛋仔之外 亦都有格仔餅賣的 最吸引我除咗係口味種類多之外 就係可以額外加麻糬/流心蜂蜜做配料阿華田脆脆雞蛋仔(加麻糬)雞蛋仔等咗大約5分鐘就有 攞上手已經聞到好大陣嘅阿華田香味 食落去唔會太甜啱啱好 同埋加咗麻糬 所以會有煙韌嘅口感 有層次唔會好單調兩個人share當下午茶小食就啱啱好 下次會再幫襯試下其他口味

旺中一樓二樓都有美食區，入面仲有好多黃店，睇邊間多人流就知邊間係黃☺️ 而且仲有大大個連儂牆，你一定離遠就見到😂😂😂 呢間唔係喺美食區，而係近新之城連接旺中嗰邊～🥚 原味雞蛋仔 $19佢係好完整一份咁入袋，好靚😗 雞蛋仔好脆，但唔算重蛋味～ 佢似原始嘅雞蛋仔，入面唔會厚粉，唔會好飽肚，食完飯都食得落～～ 佢仲有唔同口味，特別d嘅有阿華田、伯爵茶，仲可以加麻糬🥰🥰🥰 最like呢d嘢下次試😗😘

旺中嘅黃店真係包羅萬有，小編睇住黃藍地圖想去一樓搵Ice Puff食超厚窩夫，點知搵咗陣都搵唔到個招牌，原來手足寫咗好多好多張memo紙，將個招牌都變埋連儂牆 🤣老闆好好人好細心，見我地兩個人食，就幫我地分埋兩份，以防交叉感染。超厚窩夫真係超厚！！小編個口都差啲唔夠大哈哈哈哈，淨係個窩夫就熱辣辣仲外脆內軟，啲醬就多到漏出嚟，花生醬加煉奶夾喺兩層厚窩夫真係好夾。除咗呢隻原味之外，佢地仲有黑松露、咸牛肉等等嘅味可以揀，真係千奇百趣 🤪

1. 阿華田脆脆雞蛋仔 （$29）呢間鋪有好多款唔同味既雞蛋仔，好多味都好想食，諗左好耐終於揀左呢隻！即叫即做，所以要等一陣先有架，唔想等既可以係附近行個圈，不過我想整好即食，所以冇行開了。外皮好脆好香好不得了，入面係有少少阿華田醬咁，唔多，不過我覺得比例幾好，因為如果再多個話會太甜，食成底就會好膩，所以依家剛剛好。食過好多其他店，岩岩整起就okay, 但食食下就變靱，又或者冇蛋味各樣，呢間真心好食，我食到最後一粒都仲係脆架！btw 係有少少貴既，不過好味又唔介意，劣食既$10兩底都唔要啦，怕貴又想懲罰可以揀原味，平d，我未食過，但雞蛋仔既質感我相信原味都一樣咁正。佢仲有其他甜品架！

打完邊爐個口好咸 突然好想食甜野但係又唔想食好大份既甜品所以就揀左黎呢到食甜點黎到門口有d驚訝 估唔到鋪頭細細可以有咁多文宣擺係到 仲係每一個角落都有Ice Puff係無好多位比顧客坐低慢慢食的不過黎既時候都好夜 所以咁岩有個位置坐下仲可以畫下連豬 寫下文宣講反我叫左既 原味雞蛋仔配雪糕($34)一直好鐘意冷熱交融既甜品雞蛋仔焗得好出色 外脆內軟蛋味夠濃而牛油香味仍然keep得到成個雞蛋仔唔會太過甜 甜味適中 值得推介店內仲有其他甜品可以試下次想試阿華田味

某日放工想食下格仔餅，去左呢間ICE PUFF，一去到就見到繽紛色彩既店面，仲有連豬同PEPE!!!💛 要懲罰下～雞蛋仔同格仔餅，我鍾意食格仔餅多d haha🧇 叫左榛子花生Nutella特厚窩夫格仔餅，即叫即製，新鮮熱辣。..窩夫格仔餅底超厚，好脆，榛子Nutella醬味濃又多，配埋花生碎好好口感🤤超滿足！食完都唔駛點食飯。我另外配左泰式奶茶，正啊，好好味，茶味香濃🍵之前試過銅鑼灣ChaTraMue既泰式奶茶，雖然都香濃但太甜，呢間反而甜度適中又ok喎。

==========📍大大份雞蛋仔！ -- Ice Puff💛去開旺中嘅朋友仔應該都知道一樓有一間黃到金嘅小店！小編想試好耐但每次經過都好多人😭前幾日晏就經過唔係太多人就快快手買黎試下😍----------⭐黃金鹹蛋黃雞蛋仔（$32）有睇開小編嘅應該都知道我好鍾意食鹹蛋黃😍 見到有鹹蛋黃雞蛋仔梗係即刻買嚟試啦💕雞蛋仔即叫即整，拎上手仲係熱辣辣好新鮮😆份量勁大底，最好同朋友一齊share食🙊雞蛋仔外脆內軟，蛋香濃郁😆鹹蛋黃餡鹹香十足，仲有沙沙地嘅口感👍而且好足料，每一粒都食到滿滿嘅餡，好滿足👍整體黎講性價比高，仲係黃到發金嘅小店，真心要支持下💛遲啲會再試下佢嘅格仔餅🙈----------賣相：7.8/10味道：8.3/10性價比：7.8/10回頭率：8.1/10----------店舖資料名稱：Ice Puff地址： 旺角彌敦道688號旺角中心一期一樓F51號舖

【#foodhealinghk旺角】( ´ ▽ ` )ﾉ💛 #foodhealinghk黃店 會想試呢間舖嘅原因係經過嘅時候發現間舖有個大連儂牆滿滿嘅memo紙貼滿成個店面～———————————————#車打芝士雞蛋仔 ($26) 即叫即整嘅熱辣辣雞蛋仔永遠都唔會太差而今次試嘅車打芝士味每粒都有好重嘅芝士味 餡料毫不吝嗇呀而且做到外脆內軟好有口感———————————————會想再食：7/10 (會想試伯爵茶味加麻糬)———————————————店家資訊•店名: Ice Puff•地址:旺角彌敦道688號旺角中心一期1樓F51舖———————————————#foodhealinghk港式( ´﹃｀)

食完飯就梗係要食甜品㗎啦！好多人喺旺角食完飯都會行下旺中，我有日經過啲鋪頭時突然之間聞到一陣好香嘅味，就發現原來係呢一間雞蛋仔同格仔餅鋪入邊傳出嚟🤤所以就即刻同朋友叫咗一個阿華田脆脆雞蛋仔... 不過比我想像中唔算好濃味，唔太特別，仲要價錢偏貴，有啲失望。😔☹️☹️☹️

#中意嘅請分享請點讚🍻----------💛#黃店💛1/10, 11/11, 12/11, 13/11 罷市----------🐣阿華田脆脆雞蛋仔 $29一拎上手已經聞到好香阿華田味，雞蛋仔好脆好重阿華田味，不過每粒雞蛋仔中間都唔算好實心，價錢偏貴。----------🔎Ice Puff🚩旺角彌敦道688號旺角中心一期1樓F51舖

次次暑假返香港 🇭🇰都必去旺中一趟 為既就到呢底雞蛋仔/格仔餅。依家知佢係黃店更加要多多支持💛 全部都係即叫即製 所以多人個時都要慢慢等，不過都不減我既食慾🔥🔥咁多個味之中 最愛黑古古力 最正😋個雞蛋仔既texture 都好nice 加少點蛋香 但有唔算濃厚既蛋味。如果想要新派/有多d口味既雞蛋仔 呢間係一定唔可以放過既一間💯加店主人好好👍🏼。買格仔餅 又見你有fd一齊，就會主動問洗唔洗幫你切一半分兩袋🤩。見我有次傻傻地唔小心企左係廁所附近食🤭，就提我企遠廁所少少🤣。仲要見我食完 左望右望搵垃圾桶個時，主動問洗唔洗幫我扔。平民美食 但五星級服務🔥

之前同朋友行旺角中心，行行吓覺得好肚餓，見到一間賣雞蛋仔嘅舖頭就去試吓💛💛💛仲要係黃店🥰比利時70%黑朱古力雞蛋仔$25+$6麻薯其實就咁睇個價錢覺得好貴，都有D唔捨得，老闆見我企左喺前面諗咁耐，極力遊說我加麻薯😂😂😂老闆一整完個雞蛋仔出嚟，就聞到好香嘅朱古力味，雞蛋仔嘅朱古力味好香濃，再加埋煙煙韌韌嘅麻薯，係三重嘅享受😋😋😋食完之後覺得呢個價錢係值得嘅👍🏻👍🏻雖然個荷包真係好肉赤🙈😭😭