Ilis (已結業)

朋友介紹一間平民意大利餐廳，就係公司附近，就約左同事一齊去食午餐，叫左個雞胸肉沙拉，雖然雞胸肉比較厚加入沙拉醬覺得幾好味😋肉質又嫩，冇諗過嚟個雞胸肉沙拉午餐都可以飽，真係冇介紹錯👍🏼

尖沙咀山林道之滿足西餐lunch🍜🍝******************************公司係小店附近，店內約25-30個座位咁岩又有同事last day,。小編就Call 齊人馬包起左呢間小店午飯時間1小時打工仔一定會明白lunch time得一個鐘的沖忙感呢間小店勁貼心 可以Whatsapp 餐牌比你落定單。黎到坐定定有得食講反食物，小編叫左《燒春雞配薯菜》$98本身以為燒春雞都吾會大隻得去邊上到台，大家都嘩嘩聲，超大隻的春雞啊燒的時間控制得岩岩好，保留到肉汁，連雞胸都好嫩滑個餐跟埋餐湯，蒜蓉包同野飲。真心推薦，不錯吃哦

揾咗呢度同朋友晚餐，訂檯覆檯都無講限時咁就試一試啦 😄我早咗小小到朋友又晏咗小小到，佢都由得我坐喺度煲劇等，餐廳得個女仔 take order 同上餐，佢哋有幾款晚餐，若唔啱心水可以主餐牌 +$48 轉做餐。我哋揀咗後者，叫咗兩個主菜加 $48，朋友話個軟殼蟹沙律太多醋，我個焗帶子薯蓉就普普通通。餐湯南瓜忌廉湯，唔算 creamy，反而主菜有小小驚喜，個意粉黑椒味小小辣，而個黑毛豬夠淋，仲有件菠蘿調味，真心覺得好味。最後仲有甜品同餐茶，朋友食法式燉蛋，我食綠茶心太軟，心太軟甜咗啲，而啲士多啤梨醬裝飾就特別咗啲 😅😅

今日我地3-6pm 包場, 幫阿仔開生日會。同往年生日會外賣自取一樣，食物一年前後都無令人失望，親友都一致好評。今年我地仲要包場，煮好即食，d食物更加新鮮滾熱辣。老闆準時交場，仲比我地整左少量佈置，老闆娘仲要幫埋手招呼我地，服侍非常週到👍🏻👍🏻 讚！我地同行有老人家，佢仲好細心比左杯暖水我地個太婆，細心程度無得輸！我地18個大人5個細佬1個BB，叫左好多野食，每一樣野都有份量，完全無欺場，我地食到個個捧住個肚走，仲有剩可以打包。我同老公晚餐都唔駛食！小店繼續加油！明年生日都係會繼續來打攪你！1. 煙文魚芝士沙律2.芝士煙肉焗扇貝 3.蕃茄肉丸4.水牛翼 5.蜜糖黑椒雞翼6.香草豬仔脾 7.慢煮牛柳 8.烤羊架 菠蘿9.黑松露薯條 10. 法式焗田螺薯蓉11. 烤雞12. 焦糖燉蛋

聖誕節大餐揀左喺呢度食。第一道前菜係牛油果醬吞拿魚他他同鵝肝多士，淨係前菜已經好大份好飽肚，而值得一讚嘅係，個他他好有心思，一層一層嘅，而且牛油果溶好香濃，同吞拿魚配搭得好好。餐湯有黑松露蘑菇湯同周打硯湯，黑松露味濃得不得了！之後嘅主菜同甜品都不俗。但整體而言，最值得一讚嘅係餐廳嘅心思，每次都會等你食完先上另一道菜，非常細心，呢啲真係小店先做得到。而整體服務非常貼心，服務員好努力去滿足我哋嘅要求，無時無刻都會照顧我地，令我地覺得好窩心

中午食飯時間得一個鐘所以去山林道搵野食就最好，因為行去這條街大部份都係餐廳食肆咁就唔駛嘥時間周圍搵，之前見到這間餐廳內裡都是坐滿人今日我同同事都嚟試下先，中午有 set lunch 價錢唔貴唔駛一佰蚊就已經有牛油多士、湯或沙律，主菜同甜品跟餐飲沙律配醋汁酸酸甜甜好醒胃。香草牛油多士，今日餐湯係南瓜忌廉湯香草烤春雞，半隻春雞一啲都唔細隻啖啖肉好嫩滑唔嚡跟薯菜，有好多蔬菜好健康。紫穌梅醬烤豬扒，估唔到有驚喜好腍煎得好香剛剛好。烤紐西蘭肉眼扒，7成熟都唔韌有肉味跟唔同蔬菜一齊可以解油膩感覺。餐飲叫左杯熱咖啡，這餐真滿足。

餐廳知道我男友生日來慶祝 主動係我地既甜品到加happy birthday 幾個字，好有心意，加分! 食物水準都好平均，由前菜到甜品每樣都有水準，食得出廚師有心記煮，另外order 左個芝士黑松露薯條，又香又脆，味道唔會過濃，好好食

風球前的晚餐，幸好店員還是耐心服務餐廳環境不錯，客人不多，進食環境挺舒適的。點了兩個餐，隨餐附西湯，兩個口味都點了，味道不錯的。餐的前菜，我們選了田螺及帶子，前菜來說，有點一般。我們餐加錢要了鵝肝多士，這個就不錯啦！鵝肝不腥又多油脂！好吃好吃好吃！！軟殻蟹意粉，意粉可以，蟹則一般。黑毛豬扒好吃！肉身軟滑，與一般較乾身的豬扒出色很多。羊架一般，略嫌太熟，有點硬。不過配菜搭夠，翠玉瓜入味好吃。總結：還點了其他菜式，牛扒也不錯的。

今次同朋友叫左set lunch，價錢算ok啦，平均一百元一個人。有餐湯，主菜，飲品餐湯是黑松露菌忌廉湯~每口都嘗到黑松露及爆滿Juicy 的雜菌蓉容易入口之餘！又可食到那啖啖黑松露香氣味道恰到好處。加上脆脆多士, 完美搭配主菜我食雜菌忌廉意大利粉, 味道清清地, 芝士有味道, 不過香味就差了少少. 白汁薄薄的, 但混了上面的芝士粉之後, 又給予我們一點點的驚喜。朋友食茄汁意大利粉另加沙律食完都好飽下！埋單我唔洗一百元總結此餐廳, 味道不算有什麼特色！不過就以抵食搭夠.

服務態度好👍🏻野食又好食👍🏻價錢合理👍🏻環境衛生👍🏻極度推薦👍🏻🤩前菜揀左軟殻蟹沙律湯 揀左南瓜湯 朋友揀了黑松露忌廉湯 有驚喜 有誠意而且甜品仲有心太軟揀👍🏻聚會好地方

今天和同事來了這間餐廳吃午餐。裝修也不錯，不過就是坐位比較迫，坐得不夠舒服。多款紅茶和咖啡跟餐不用加錢就能點，挺好的。跟餐送香草牛油多士，焗得幾香，挺好吃。餐湯是蕃茄湯，酸酸的很有蕃茄味，很開胃。我點的是A餐煙三文魚忌廉意粉，三文魚幾香，忌廉不會覺得溜，挺不錯，但如果可以加點磨菇和其他配菜會好點，冇咁dry.餐飲我點了熱的蜂蜜柚子紅茶，甜甜地幾好飲。甜品是熱情果啫喱，熱情果的味道比較特別，不同於普通的啫喱，挺新鮮。埋單2個人共147元，價錢合理，味道也不錯。

首次來訪，滿有驚喜！西餐菜式多元化，即使不點晚市套餐，也可加幾十元將主菜換套餐，套餐份量十足，cp值高！先有頭盤～帶子沙律、焗田螺、焗扇貝（我們點了三個套餐），再來湯（黑松露鮮菌、南瓜蟹肉）再有主菜（黑毛豬、牛扒、海鮮意粉），還有甜品！（朱古力心太軟、綠茶心太軟、焦糖燉蛋），最後還奉送熱飲（latte、美式咖啡及熱檸茶），三人捧腹而回，相當滿足！菜式份量充足，而且製作認真，我尤為喜歡黑毛豬～配襯柚子醬及新鮮菠蘿，入口香甜多汁又不膩，配襯甚佳！其他食物都很滿意～下次會想試黑松露烤春雞/豬手😀環境方面～也很乾淨清靜，適合與好友共聚聊天，店員很友善細心，常主動加水換碟，但又不打擾我們吃飯聊天。稱它為含蓄小店是因爲它真的很含蓄🙈，店員話不多～但都很用心，喜歡這類型的小店👍🏻

西餐味道不錯。用料、煮法、擺碟都有水準。餐前小食有醒胃之用:一味芝士煙肉焗扇貝，令人回味:主菜出色:"慢豬"非常淋滑又有肉味松露什菌燴飯清新又唔會太硬甜品都有水準:小店服務殷勤卻坐位不算多，早少少食晚餐免等位，否則打去訂位為佳。舒適、慢食、細味之選。小結: 呢個高水準的西餐，又不用拘緊，地點又方便，抵食...值得再食。

同屋企人到山林道呢間西餐廳食晚餐，場內裝修有風格，有啲rock 既感覺，有牆上結他，電單車擺設，見到餐牌有二人餐，唔想諗，就叫了，價錢$418，先有餐前小食，兩隻shooter 杯, cocktail 般，其實係紫蘇梅果凍，口感像啫喱，淡淡的話梅味，上面放了車厘茄。再來沙律, 係Parma ham 配新鮮羅馬生菜，用了日本芝蔴醬！配搭特別，過往多用黑醋。小食有好杰的薯蓉釀在扇貝殻上，薯蓉焗過好香。套餐陸續上枱，有餐湯, 意粉/飯類, 主菜, 仲有甜品，餐湯有好香濃的蘑菇味，並有碎粒的蘑菇，好creamy！主菜有香煎帶子海鮮鮮茄意粉，係海鮮雜匯意粉，海鮮包括了很多BB蝦、帶子、青口和蜆，十分豐富的海鮮配上香濃的蕃茄汁，唔會太重味！黑毛豬出埸喇！慢煮西班牙黑毛豬扒$188，肉質好稔，中間夾有少許肥膏令肉質更滑，喜愛旁邊的配菜，竟然用了蜜桃，夾上豬肉一起食好清甜，還有茄子，露荀也是至愛的，最特別係薯蓉上放了幾片金黃色的，起初以為係金箔，食下原來是脆香豬油渣，非常香口。另一主菜叫了香草烤羊架配薯菜$186，羊架是另加的，賣相都好吸引, 以菠蘿掛起羊架, 羊肉好嫩滑, 以生果做配菜, 火龍果是冰

在尖沙咀工作多年，許多朋友都說，尖沙咀的山林道有許多野吃，我一直不以為然，直到今日朋友話吃飯，還指定要去山林道吃西餐，我一早收工去搵位。環境舒服系我的首選，因為要傾好耐野，實在太耐無見啦！員工很NICE，服務態度良好，不斷幫我們加水，又好好笑容，這是加分的地方！慢煮西班牙黑毛豬扒肉很嫩，加上醬汁，口感一流，慢煮的功力不得了，眾所周知，豬扒要煮得嫩是相對不容易的，拌菜是山果，顏色鮮豔，就僅僅只是賣相就能夠吸引味蕾。這樣的設計非常有心思。滿足的享受。泰式炸蝦餅濃郁的鮮蝦味道，香脆的口感，金黃色的賣相，泰色炸蝦餅，炸得好，吃起來是香而不膩的。這家餐廳做出了這個效果，味道更加不用懷疑，非常美味。巴馬火腿沙律火腿不是太鹹，配合新鮮的沙律菜，很回味。南瓜湯濃郁的南瓜味道，味道帶甜又非常creamy,入口很滑，很享受每口的味道。心太軟(綠茶味)心太軟一向是我的至愛，只是綠茶的心太軟還是第一次吃。朋友說這個甜品最好吃，果然名不虛傳。