Ilis (已結業)

朋友升左職。就請咗我呢llis 度食好野我地叫左個2人有小食、湯、前菜、意粉、主菜、甜品及餐茶每人都係二百幾蚊呢個價錢會唔會太過超值每日都會有不同嘅餐湯今日係南瓜湯 帶陣陣南瓜香味味道帶點甜質感尚算杰身得來又creamy我哋就揀咗煙三文魚沙律帶有少少鹹味嘅三文魚配上新鮮蔬菜一齊食感覺清新白酒煮殻殻鮮甜而醬汁有好香濃嘅牛油味而食落口既時候會慢慢滲出白酒嘅香味大愛💕慢煮美國牛柳配大蝦賣相非常吸引五成熟嘅慢煮牛柳肉質腍及好juicy大蝦口感爽口配上大量蔬菜覺得油膩時可以食點蔬菜減少油膩感覺焦糖燉蛋味道唔會過分甜口感好滑👍🏻每一道菜嘅賣相非常精美食品嘅份量唔少價錢亦相當合理環境及服務亦不錯係可以再次來幫襯嘅好地方

同一個好耐無見既朋友聚會，又想搵一個地方好好傾下計，靜靜地又想食物質素高又要平。要求高又麻煩既港女為食Chloe搵到一間符合晒以上條件既餐廳。位處於山林道不算顯眼的位置。位子坐得舒服，播住悠閒既歌，我地就揀左個角位坐,慢慢食野傾計，是爽的。見到有一個二人套餐呀，超正的。只需$418加一，咁多野食，超抵食仲要入面已經有晒我想食既野喇，啱曬我呢D選擇困難症既人呀。小食先黎左個紫蘇梅果凍同沙律先，第一次食，酸酸地，好開胃呀。仲有個忌廉磨菇湯，打得香濃幼滑前菜叫左法式焗田螺。我好中意每道菜廚師都慢慢上菜，可以比多D時間我地品嘗同消化，而且每道菜都由廚師悉心炮製的。讚!餐內的香煎帶子蕃茄意粉，大大隻帶子同青口，麵的份量都好多呀。 我同朋友已食到半飽喇.哈哈到主菜，揀左慢煮西班牙黑毛豬扒。呢個極力推介呀，真係食到耳仔郁呀，用慢煮方法烹調，肉質滑嫩，加調配醬汁，用生果蔬菜作配菜，一流。消化一陣後，到我最喜愛甜品時間喇，有朱古力心太軟同埋焦糖布甸呀。完美句號呀.呢個二人份量三人食真係都可以，份份都超大份呀，所以廚師慢慢上菜都係一個技巧，令我地又唔會咁快飽呢。值得一讚係，店內侍應都係老闆之一，食飯過程中

ilis物超所值去尖沙咀睇戲之前竟然搵到間物超所值既餐廳，山林道既ilis，店舖雖小但座位寛闊。叫左個二人晚餐。水牛芝士伴紫蘇梅蕃茄凍~看似cream既原來就係芝士，果凍味道似話梅味酸酸甜甜好特別！法式焗田螺~熱辣辣田螺食落口有種好柔軟既感覺，薯蓉香噴噴亦不太咸。巴馬火腿沙律~沙律好清新，加左芝麻醬更好味，唔會太單調。南瓜湯~好Creamy，香滑細膩！香煎帶子海鮮蕃茄意粉~青口同帶子好味，意粉軟硬適中，配蕃茄汁好開胃！慢煮美國牛柳配燒大蝦~砌出來個賣相好用心，大蝦燒得好香好美味。牛柳超正，5成熟既紅色我至鍾意架，肉汁完全鎖住無流失！朱古力心太軟~呢個甜品超有水準，細細粒但切開入面既流心如泉湧出來，味覺同視覺享受！食完之後有暖笠笠既感覺！焦糖布丁好好食，好滑又唔太甜，拍得住高級餐廳喔！

響尖沙咀行街，想搵一個坐得比較舒服嘅餐廳，希望可以同閠蜜傾下心事，價錢又唔想太貴，朋友就帶咗我去山林道呢一間西餐廳！睇Menu見到有一個二人餐，每人只係二百多元已經有好多嘢食！其實係超級抵！不過今日同朋友都唔太肚餓，所以我哋決定散叫。首先要左一個溫泉蛋沙律，分量好多，沙律菜好新鮮，好多芝士！溫泉蛋亦都好滑！要一份龍蝦湯share，好大碗足夠兩個女仔分！仲有一隻龍蝦！不過龍蝦湯應該係用粉開嘅，雖然味道不錯，但始終欠了一些鮮味。小食要左芝士煙肉焗扇貝，芝士味好濃，扇貝size都好大，幾鮮味！又不太乾！呢度叫一份主菜可以加＄30轉套餐，我哋就叫咗一set。餐湯今晚係番茄湯有少少蕃茄蓉，酸酸甜甜都好開胃。主菜要咗一份大蝦伴牛柳。牛柳有𡁻口，有牛味。蝦亦好霸氣響牛柳上面，肉多又甜。甜品要左一份心太軟。職員介紹係用黑朱古力製成，所以朱古力不太甜，流心好吸引！食咗一個套餐加一份沙律同小食已經好飽！呢度坐嘅環境亦都好舒適，好啱三兩知己響度談天說地！

上次同事帶我地為食組員4個係山林道呢間Iris點左2個二人餐食, 超豐富超正, 尤其係個法式羊架。😍 今晚同老婆係尖沙咀睇戲前決定帶佢黎撐枱腳, 因為老婆都好鐘意食羊架, 黎呢度食佢一定滿意。😁我地7點左右到餐廳, 客人仲未係好多。餐廳裝修簡約而有情調, 座位唔多, 就算坐滿客人都唔會太擠迫。原本我打算點二人餐, 因為二人餐$418有餐前小食, 前菜, 沙律, 餐湯, 意粉/飯類, 主菜, 仲有甜品同餐似, 超豐富, 不過老婆唔想食咁飽, 同埋唔想食意粉同埋飯。結果我地點左兩個主菜, 再加$30轉套餐, 價錢差唔多, 仲可以食到兩個主菜, 而且都有甜品食。😆套餐嘅沙律同餐湯份量都唔少, 今日嘅餐湯係蕃茄濃湯, 蕃茄茸好多, 相當醒胃。👍我點嘅主菜係烤12oz美國牛扒, 件牛扒比我想像中大件好多。😮 外層烤到金黃色, 用薯蓉墊起少少, 加埋烤香嘅配菜同芥末醬, 賣相勁吸引。😍西冷扒以海鹽黑椒簡單調味, 肉質鮮嫩, 五成熟熟度剛好, 口感軟腍, 12oz非常大件, 一個人食超級滿足。😋老婆份法式羊架賣相都好吸引, 以菠蘿掛起羊架, 羊肉好嫩滑, 以生果做配菜, 味道都幾配, 老婆都話好食。

今日做完野係尖沙咀周圍行，本來諗搭西鐵走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。 卡邦尼意粉卡邦尼意粉上面有隻流心蛋令人覺得好治療，入口夠晒香濃，一啲都唔會太油膩，而且份量都夠晒足又夠晒熱，餐廳果然係即叫即整，一啲都無花假。即燒豬手即燒豬手最重要嘅一點係豬手入口要夠外脆內軟，餐廳呢碟即燒豬手入口外皮夠晒脆，而且份量亦都好足唔會太小，肉質都夠嫩，不過食到尾位就有小小乾了。心太軟心太軟最緊要係內裡要夠濃之餘又流心，廚師整得唔錯，朱古力香味十足嘅同時又夠濃，個人係心太軟嘅粉絲，餐廳絕對值得一讚。二個人食幾樣野食到飽晒，真係好滿足，絕對值得再黎

又到老朋友的生日月份，當然沒藉口推搪出來請食飯的機會。這晚由朋友選址要到這間西餐廳來吃，便順應他的要求。一揭開餐牌，便看到二人晚市套餐，$418的價錢包有前菜、沙律、意粉或飯類其一、主菜和餐飲，價錢的確幾抵，不過鑑於這晚和朋友都想變做食肉獸的關係，決定另選一菜單，所有主菜無論是意粉、燴飯或主菜，都可以加＄30轉做套餐，配上餐湯或沙律、甜品或飲品，價錢只是比二人晚市套餐貴少少，但卻能夠滿足我們食肉獸的願望，也是一舉兩得。黑松露牛肝菌忌廉湯呷一口暖暖黏身的湯，菇香渾身是勁，澎湃濃郁，與黑松露互相綻放迷人氣色，混合松露油之後湯質更加滑溜不少，但仍然感受到蘑菇味道令人停不了口。黑松露燒春雞 ($175)一心為了燒春雞而來，體積不算大，兩個人分享綽綽有餘。雞皮外面佈滿密麻麻的黑松露、香草和黑胡椒，醃得非常入味。雞皮不算燒得很脆，但勝在夠肉嫩，內裡的雞肉滲透出淡淡的香草味，與獨特迷人的松露香的雙管齊下，香氣隨處撲鼻，味道真的不錯。肉質嫩滑不留口，加上灑下的Truffle oil，令雞肉更油潤滑身，一隻燒春雞就被我倆輕易地消滅了。慢煮美國牛柳拼燒大蝦 ($228)廚師預先把蝦肉翻開，一看就看到肉身，

餐廳算係優雅, 細細地唔算大,地方坐得都算舒服~肉丸我覺得唔錯, 味道一黎都好食, 2黎我覺得幾開胃, 份量都算多~唔會話得幾粒咁. 其實我覺得呢個真係唔錯,當時想叫多一碟黎食, 但最後都係試多D菜好D湯都係好飲, 除左樣子唔錯之外,味道偏甜的, 份量算多既都係,所以基本上都好滿足,甜品正常的, 樣子比較簡單, 但味道唔錯,同埋都偏健康, 主要係杯仔裝住食落唔太方便.呢到既沙律, 三文魚正常, 菜帶小小鮮甜, 我反而比較中意佢係細細份, 因為我其實唔預會食好多, 食得太多反而會過飽搞到食唔到其他店員好NICE, 熱情 , 整體不錯~

After site visited at nathan hill, we come here to have a good lunch~ We all choose set E which is bb pig leg with salad($86). First come a pumpkin soup and garlic bread! The soup is very nice and some pumpkin still there😻 Then the main come!! The bb pork leg is not very big but the meat is juicy and easy to chew. Very nice one! And the sweet potato is so tasty!Finally have a milk pudding which is little bit too sweet. Strongly recommend the long black

又一晚去覓食，今次埋單每人二百零蚊，中等價位，都唔錯二人晚餐 $418(加一)包括: 1.水牛芝士伴紫蘇梅蕃茄凍: 梅味濃郁，幾特別幾醒胃。2.煙三文魚沙律:有一大片煙三文魚，沙律菜亦夠fresh。3.法式焗田螺: 推介！田螺不用自已去殼，薯蓉做得好細滑仲好黏，一口薯蓉加田螺，幾正4.香煎帶子海鮮蕃茄意粉: 帶子幾大粒！仲有尤魚、蝦、蜆等，而蕃茄汁濃郁，意粉軟硬適中。5.慢煮西班牙黑毛豬扒:造型用心，而黑毛豬扒肉質好嫩，加柚子汁甜甜地，抵食之選。6.甜品-綠茶心太軟及焦糖燉蛋: 綠茶心太軟綠茶味濃，入面好多綠茶醬流出，而焦糖燉蛋有香脆糖衣，燉蛋幾creamy。Paijas 跟餐減$20(原價$48)未飲過比利時手工啤，係ROSE味，相比之下呢款啤酒冇咁甜，酒味重Ｄ。

今日放左工同朋友一齊去尖沙咀做facial, 所以先同朋友去食個Happy Lunch 先😜 行過山林道見到坐滿曬人，間店勁多人，所以就一齊趁熱鬧等下位，一齊試吓呢間餐廳！ 午市套餐選擇唔多，得幾個選擇，我同朋友一人選在一個餐。 每個套餐都包括一塊多士和湯或沙律任選一款 🍞香草牛油多士 🍄黑松露湯 🥗沙律 🍝香草忌廉什菌意粉（$65） 意粉質感是我非常喜歡的，什菌份量夠多，爽滑又夠可口，忌廉汁夠香，掛汁力亦非常高，味道非常香口。 🐷柚子醬燒豬仔骨（$86） 豬仔骨分量唔算好大，一條骨可切成六至七小塊，肉質香腍軟滑，齒頰留香，配上有子俊嘅味道香甜又開胃，是一個非常好的配搭。 🐥香草烤春雞（$98） 燒春雞是半隻的，份量非常足！ 雞肉肉質鮮嫩，一啲都唔鞋，配上嘅香草汁味道非常香，旁邊仲有一啲燒汁，可以蘸住一齊食！ 每份套餐都可以揀飯、意粉、或者薯菜。我地兩份都揀左薯菜，入面想豐富，有粟米粒、紫薯粒、薯蓉、茄子、翠玉瓜、和沙律菜等！ 估唔到午市套餐都有甜品送埋，當日嘅甜品係朱古力布甸或者水蜜桃啫喱。 飲

今次嚟到山林道搵食，從店外面見到呢間似乎幾浪漫，眼見都已有三對情侶共進晚餐，外面個餐牌2人餐又唔錯。男待應唔單止禮貌，連男朋友都feel到個種斯文好客咁帶位同介紹餐牌，而我哋喺門外已決定個二人餐，所以只係揀返餐中某啲配搭前菜：法式焗田螺沙律：煙三文魚沙律意／飯: 香煎帶子海鮮蕃茄意粉主菜: 慢煮美國牛柳配燒大蝦先上一個餐前小食<水牛芝士拌紫蘇梅蕃茄凍>起初以為係一般較稀嘅Jam個類，其實係好開胃嘅啫喱，甜甜帶微酸，配上水牛芝士令食欲大增。跟住沙律不過不失，蕃茄餐湯就攪到極蓉，並不是全茄膏湯，好足料都幾鮮味。之後就係田螺，出奇地又大粒喎，焗得唔會太乾身而且都幾入味，但原來底部嘅薯蓉勁香勁幼滑，配上田螺嘅牛油蒜蓉汁超香！意粉方面，海鮮主要以貝類配搭，大蜆同青口都幾飽滿新鮮，而帶子有種香口感覺，整體嚟講確係唔錯。主菜終於出場賣相都幾靚仔，牛柳已經砌成牛柳條，方便！牛柳瘦底好難住得嫩，我自己怕煮得唔好就好少買。但餐廳用咗慢煮嘅方法，做得肉嫩皮香，又保留到香濃肉汁，正。大蝦開背燒，蝦殼燒得勁香，蝦肉彈牙爽口，而且配菜都唔馬虎，瓜類保持爽口多汁，高水準之作。額外叫多個小食，水牛城雞

山林道有好多打邊爐，但發現一間唔錯小店，睇到菜單好似幾吸引，走入去試試，有驚喜！二人套餐 $428有好多野食！！！餐前小食：水牛芝士伴紫蘇梅番茄凍餐湯 x2煙三文魚沙律 x2絕對唔求其，煙三文魚都幾大塊，上面有灑芝士粉，生菜新鮮法式焗田螺薯蓉好香橄欖油同牛油味，唔會太油太膩唔使自己拆殼～ 另外加的 Ilis 拼盤 $138好正！ 必食！ 份量好多，又炸得夠想唔太油，而且中好 juicy～ 有熱狗棒、肉丸、蝦餅、雞翼同豬仔脾！ 雞翼同豬仔脾 juicy 到必汁～抵！幾個人share 都唔怕唔夠食～ 好適合配啤酒～松露什菌燴飯好多什菌，好濃松露香味，d飯夠入味慢煮美國牛柳燒大蝦好豐富！！！ 除咗有厚切牛柳 + 燒大蝦，仲有好多沙律菜同水果！！！ 估唔到咁大份! 味道仲唔錯，係真慢煮（坊間好多假慢煮），牛柳夠嫩，好味～甜品 x 2朱古力心太軟抹茶心太軟睇相都知道好味～ 飲埋餐飲，超滿足的一餐～

ILIS 位於山林道，地點十分方便餐廳裝潢簡㓗，配搭時尚，座位舒適，適合朋友們聚會menu 有二人套餐，有小食、前菜、沙律，意粉、飯及主菜、餐飲及甜品，相當豐富，價格只喺418.00 ，好扺食亦可以點主菜，只需加30.00 便可轉套餐Ilis 拼盤見到已經好開心，好豐富有蝦餅魚餅，雞翼，熱狗捧及豬脾，樣樣有，最啱貪食既我們豬脾香脆美味，蝦餅新鮮彈牙，雞翼炸到脆卜卜，好香囗又唔乾蒜片辣椒大蝦意粉大蝦大隻新鮮，肉質雪白，味道鮮甜意粉比較辣，加左蒜片好惹味抹茶心太軟，抹茶味道濃郁又唔甜蕉糖燉蛋都好出色

早前去了尖沙咀ilis食晚飯，選了二人晚餐， 餐前小食係水牛芝士伴紫蘇梅蕃茄凍. 賣相幾精緻, 入口酸酸甜甜, 幾醒胃, 好適合作為餐前小食. 前菜二選一，選了法式焗田螺. 上枱時香味撲鼻. 田螺唔會太乾身, 而且薯蓉幾幼滑. 沙律二選一，選了巴馬火腿沙律. 估唔到份量都幾大. 蔬菜幾爽脆, 而火腿唔算太咸, 與蔬菜一齊食, 兩者好夾. 餐湯係南瓜湯. 南瓜湯質感偏向稀身, 我自己較鍾意杰身一點. 主菜選了香煎青衣柳野米飯和慢煮西班牙黑毛豬扒. 香煎青衣柳野米飯. 青衣柳都幾大件. 我自己特別鍾意個飯, 加入野米, 口感多一點, 健康也多一點. 慢煮西班牙黑毛豬扒. 賣相好靚. 黑毛豬扒切成一條條, 較易食. 但對於我來講, 偏向肥一點, 我鍾意瘦一些. 配料也不要錯過, 除了瓜外, 仲有水果, 顏色夠繽紛, 也可以起中和作用. 甜品三選一，選了朱古力心太軟. 估不到跟餐不用加錢也有心太軟. 一切開, 朱古力流水, 時間控制不錯, 甜度也適中. 飲品點了熱朱古力啡咖. 價錢只係$418加一，相當抵食.