Ilis (已結業)

有時星期6日出街真係好辛苦，因為到到都堆滿人，想食野都要排好耐隊。所以而家假日多數都唔會去商場食野，反而會去D無甘多人既區，支持下小店。今次去左佐敦，都係行下見到邊間吸引就入。當日見到呢間LLIS LUNCH SET幾抵食，又多款揀，就入左去試試。餐湯，牛油多士叫LUNCH SET會有湯同多士跟埋，本來以為會係一般既紅或者白湯，但原來係蘑菇湯，甘又幾有HEART WOR!蘑菇湯好香，而且仲有少少蘑菇粒粒咬下，都唔錯。但係黑椒落得重手左少少，飲落有少少辣。辣茄汁魷魚意粉 $68個汁酸酸辣辣甘好開胃，魷魚亦幾鮮嫩，唔會咬唔開，而且份量都唔細架，$68都幾有驚喜~烤黑椒肉眼扒配飯 $98肉眼扒質素一般，肉味唔重，但肉質唔差，至少唔係用粉腌到林BABA。個黑椒汁調得唔錯，唔會好杰成個漿，用黎送飯正!葡萄蜂蜜 / 青蘋果紅茶佢呢到既餐茶唔同出面既餐廳，有多好多選擇。兩杯飲品都好有台式水果茶既感覺，成日都係飲凍檸茶，奶茶，黎呢到就可以有D新意喇。最後仲有甜品JELLY送，雖然唔係D咩好特別既甜品，不過呢個價錢，由湯食到落甜品，真係幾抵。而且呢到環境都幾舒服，又唔多人迫，食完慢慢傾下計先走都仲得，反

同媽媽食生日飯 帶佢去食ilis 之前食過 覺得好味又抵食 岩晒餐廳唔算好大間 不過坐得舒服 服務又好好我地㨂左二人套餐 有湯·沙律·前菜·主菜·甜品前菜係水牛芝士伴紫蘇梅蕃茄凍份量少少的 水牛芝士少少咬口 果凍帶點梅味小食㨂左法式焗田螺 薯蓉非常creamy大量螺肉 味道唔差喎餐湯係蘑菇湯 好香濃 入口有點蘑菇粒 好飲溫泉蛋卡邦尼意粉 整得好好味喎溫泉蛋無過火 卡邦尼意粉上灑上大量芝士粉入口非常creamy 加上煙肉 口感一流慢煮牛柳燒大蝦 配菜好好食 份量都幾大下甜品係心太軟同焦糖布甸 即叫即整 好味

因為和朋友的生日相當近，今晚就相約一起慶祝。二人套餐比較抵食，又不用想太多，所以就點了餐。*水牛芝士伴紫蘇梅蕃茄凍套餐跟一個餐前小食，是用紫蘇梅和蕃茄做的果凍；味道酸酸的，不過個人唔太愛吃啫喱類的食物。*法式焗田螺熱辣辣上台的法式焗田螺；下面的著蓉偏硬身，感覺落的忌廉是比較少；田螺厚肉彈牙，不錯不錯。*煙三文魚沙律煙三文魚沙律普通，不過不失。*餐湯是日餐湯是忌廉磨菇湯；湯夠熱，有磨菇粒，不會太咸。*香煎帶子海鮮蕃茄意粉蕃茄意粉酸酸的很開胃；意粉不會太淋身，帶子彈牙；除了有青口，還有蝦、魚做配料。*慢煮美國牛柳配燒大蝦牛柳好淋，稍為調過味，又不會蓋過本身的牛味；大蝦燒得剛好，不會太乾；旁邊很特別的，除了平時見到的燒蔬菜，還配了火龍果和西柚。*甜品甜品有三款可選，綠茶心太軟、朱古力心太軟和焦糖燉蛋。朋友點了綠茶心太軟我就點了焦糖燉蛋。可能太耐沒有吃過焦糖燉蛋，真的覺得不錯。焦糖燉蛋幼滑，不會太甜，配上脆脆既焦糖，正！

呢一晚去到尖沙咀嘅Llis食晚餐，雖然地方唔算好大，但係食物質素相當上乘，絕對值得為大家推介。侍應最推介嘅二人晚餐，首先有水牛芝士伴紫蘇梅蕃茄凍。水牛芝士味濃郁，而梅蕃茄酸酸甜甜，一咸一酸兩者非常合拍，醒胃十足。接著有巴馬火腿沙律及田螺配薯蓉。前者巴馬火腿薄薄一塊，但係台十失咸香味，跟配上芝麻醬嘅沙津就最合拍; 而後者田螺厚肉而份量多, 薯蓉打磨得夠細嫩，用上牛油更加添香味。餐湯有忌廉磨茹湯，磨茹打磨得夠細，揮發到食材嘅香味，再加添忌廉令到個湯更加順滑。主菜方面先有香煎帶子海鮮蕃茄意粉，上枱時香味十足，海鮮材料豐富，有香煎嘅帶子、鮮甜嘅青口同蜆肉，而意粉軟硬適中，中意食飽肚嘅朋友就必點。而牛柳配大蝦亦令大家非常滿意，慢煮嘅方法令到牛柳非常嫩滑，牛肉香味濃郁，而大蝦亦以煎封方法處理，令到蝦殼十分香脆，而蝦肉亦爽口彈牙，值得推介愛肉之人。最後以綠茶味心太軟同焦糖燉蛋作結。燉蛋嫩滑綿密，心太軟味道濃濃，一定令大家滿足。

尖沙咀食lunch食到厭左，今次同事仔就帶我去近佐敦的山林道搵食。十二點零就出到去，餐廳好多都係啱啱開門，可以俾我哋慢慢揀。同事仔介紹我去一間西餐廳，有種溫馨小店的感覺。而且價錢都好溫馨，午市套餐由$65到$98都有。我點左我最鍾意的Carbonara，只係$65。餐湯同餐包都係套餐配送的。意粉個汁夠杰，足夠沾滿每一條粉。而溫泉蛋係整個意粉的靈魂，蛋漿同Carbonara汁，係一流的配搭。我哋亦點左一客煙三文魚沙律share，個碟好靚，三文魚份量好多， 沙律菜好爽脆。同事就點左一份西冷扒，牛扒厚切大塊，而且配菜極豐富，有五至六款。簡單輕鬆的一個午餐，仲係一個價錢全包，確係幾抵食，相信又會成為我哋的飯堂。

呢晚同朋友嚟試下新開既餐廳，餐廳雖然唔太大，但感覺舒適。叫左二人套餐。抹茶latte有漸變色望落好靚，但飲落非常苦，加左糖漿苦度依然太高。朱古力latte同樣有過苦既情況，濃到太高，難以入口。水牛芝士配紫蘇梅番茄凍就唔錯，香濃既芝士加上彈滑帶酸既果凍，好清新。法式焗田螺底下薯蓉軟滑，田螺都幾多而且冇沙。磨菇湯黑椒味偏重，蓋左磨菇既香味，但整體都幾滑。Parma ham沙律沙律菜新鮮爽脆之餘，火腿油潤軟滑，配上香濃既芝麻醬，唔錯。松露雜菌燴飯本來以為系意大利飯，原來唔系，用上長米既飯煮得比較濕淋，口感一般，但菇味都幾濃。慢煮牛柳配大蝦就唔錯。牛柳淋滑有鮮味，生熟剛好，醬汁恰到好處；大蝦亦爽彈鮮甜。甜品要左朱古力心太軟同焦糖燉蛋。心太軟外脆內軟，朱古力味濃郁；焦糖燉蛋面夠脆，裏面軟滑。甜品反而有驚喜，其他有待改進，希望小店繼續努力。

最近很努力上堂, 學習實用的知識, 為我們的將來努力, 男朋友好好, 今日放工來接我放學, 逛一陣街後一起去吃晚餐。原來他已選好了預訂了一間西餐廳, 和我拍拖晚餐, 來到山林道, 見到這間小餐廳, 落地玻璃設計感覺開揚, 地方小小但坐得舒適, 感覺溫馨。我們坐在靠窗位置, 除了你眼望我眼外, 還可以一起望望外面的景物, 少了拘謹, 氣氛也較輕鬆。本來我們打算散叫的, 但剛巧選的食物和二人餐很類似, 店員很好的提議我們可選擇二人餐, 較抵食。凍檸檬茶(二人餐) 男朋友選的飲品, 糖漿分開上, 可自調甜度, 我試了一口, 紅茶味特別香。熱葡萄蜂蜜(二人餐) 葡萄和蜂蜜的味道是融和的, 果香自然, 喝著感覺很像之前在日本買的某牌子巨蜂蜂蜜, 似曾相識的感覺, 而那蜂蜜是不便宜的, 這裡不當作特飲, 不用加價就喝到真好。水牛芝士伴紫蘇梅蕃茄凍(二人餐)由面層開始吃, 蕃茄清新, 水牛芝士散出淡淡芝士香, 最驚喜是底層的紫蘇梅果凍, 酸酸甜甜的梅味很是討好, 有開胃作用。法式焗田螺(二人餐)田螺配薯蓉, 穩陣的做法, 加點沙律菜可減膩, 首先個人沒特別喜歡田螺, 不過男朋友想食, 間中也可以,

無諗過幫佢地寫食評，剛巧今日較遲食晏，已過了午餐繁忙時段，餐廳亦較清閒，侍應哥哥亦有空同我地傾下計。侍應哥哥話曾有客人在繁忙時間等待食物時，大大聲咁講，將佢地同隔離的港式扒房餐廳比較，話人地上菜快又抵食我地呢D在附近工作的客人都知道Ilis 的定位係一間小店式的西餐廳，與同一條街的茶餐廳或港式扒房定位完全唔到，質素完全唔能夠相比，每一份餐都係落單即做，D扒唔落梳打，熟成度要控制得好好，意粉唔係大鑊煮好夾比你。所以客人都要公道D，趕時間的客人可能就唔太合適，而且一分錢一分貨，用料亦完全唔同，呢到餐飲都係即磨咖啡，M記買一杯都要2X蚊啦，點可以同隔離唔同定位的餐廳比較。工作無咁忙的日子都會到Ilis食午餐，以現在的物價，幾十蚊可以食到一個有湯，蒜蓉包，主菜，甜品，飲品，食得飽飽而且質素相當唔錯，好用心去做，服務又好的餐廳食個午餐，真係好難架。最初係比佢個卡邦尼意粉吸引，佢絕對唔係做好一大盆，等有order 就翻熱上碟果隻，所以制作需時，芝士汁味道適中，唔太稠，但每條意粉都被芝士汁包住，意粉軟硬度恰到好處。午餐一般有7款，頭盆客人可以點沙律或湯跟蒜蓉包，每日只有一款湯，我個人喜歡湯，無論蕃茄

星期五晚去左呢間位於山林道既Ilis食西餐，見到裝修唔錯，客人唔算多，唔駛等位就入左去。餐廳舖面唔算大， 但環境氣氛唔錯， 可以靜靜地傾下計食下飯。叫左兩款啤酒" Paljas rose "，呢支Rose清甜容易入口"蜜糖黑椒雞翼"師傅好細心將雞翼拆成單骨，就算用刀叉食都好方便， 而且真係好好食，  又唔會太甜 ，  值得推薦睇到都口水流既"芝士煙肉焗扇貝"真係正d扇貝加上芝士香濃，洋蔥的香加上煙肉香十分滋味呢!"慢煮西班牙黑毛豬"黑毛豬肉質嫩滑，配上柚子汁減去油膩感慢煮令肉香味溢出"綠茶朱古力心太軟"都十分吸@@引又唔會太甜，賣相好正，又係我至愛"綠茶"總結: 食物質素唔錯，而且員工服務態度好，有禮貌有笑容。價錢算係抵食，值得一試。

這間位於山林道的＂ILIS"餐廳不算大，七點半後座無虛席，所以訂位比較穩陣，點解咁爆原來他們的二人餐真的很抵食，加上飲品有8道菜， 餐廳價錢但有酒店服務和水準，餐廳侍應細心觀察客人吃完一道菜才上另一道菜，可以慢慢享受每一道菜的味道🤗Sapporo Premium Beer $38每一口濃郁麥香及清新爽口的後勁，值得一試Paljas rose $48玫瑰清香帶甜味容易入口，最啱女士🌹水牛芝士伴紫蘇梅蕃茄凍水牛芝士味濃郁梅蕃茄酸酸甜甜好得意醒胃芝士煙肉焗扇貝幾款不同的芝士和煙肉一起焗鹹鮮味出眾巴馬火腿沙律巴馬火腿大大片沙律新鮮爽脆蕃茄餐湯蕃茄湯是用新鮮蕃茄味道微微酸誠意十足香煎帶子海鮮蕃茄意粉份量一點也不吝嗇，海鮮材料豐富鮮甜，味道酸酸甜甜意粉軟硬適中，醬汁剛好不會太乾身👏🏻香煎烤羊架香煎烤羊架擺盤精緻把羊架豎起再用一片菠蘿套著滿有特色，而且羊架煮的火喉剛好十分嫩滑再加上生果蔬菜做配菜既可中和油膩感，真係無得輸心太軟心太軟細細粒所以個面特別脆而裏面的朱古力漿依然慢慢流出，讚👍🏻👍🏻焦糖燉蛋焦糖燉蛋味道綿密細緻，面帶少許甘蔗味，真的是晚餐後完美的甜品😋水蜜桃梳打水蜜桃味香甜梳打氣十足🍹

呢間餐廳位於山林道，落地玻璃設計，雖然感覺好open, 而且又細細間鋪頭，但坐係度食野，份外舒服！服務員個個都笑臉迎人，提供親切的服務。其實都不是第一次到來，只是平時只食午餐，今次就嚟食晚餐。晚餐的二人set dinner真超值，有頭盤，沙律，餐湯，兩個主菜，仲有埋甜品及餐飲。仲要，呢度除了提供紅白酒外，仲有幾種手工啤酒。食好野之餘，仲要可飲住酒同朋友傾計！最喜歡就是這個意粉，足類又好味！而且個黑毛豬，配上香甜的汁，份外好味！

今日是我們的週年日，上open rice見介紹呢間西餐廳，於是book左7：00，但我哋7：00前已去到，去到得我哋一枱，以為時間尚早，晏少少就會有其它食客，怎知全晚得我哋，像包場一樣，以為可以好寧靜去享受一頓晚餐，但原來一点也不享受，有少許聲音也被注目。好，講返食物，我們order二人餐，各款的食物非常精緻，味道也相當不錯，睇得出厨師認真製作，侍應哥哥不停給我們添加清水，態度好好喔！但真不明白為何會沒有食客，或者可能當晚是平日吧，但無論如何我也會再去光顧，真是值得推介喔。最後值得一讚就是甜品，流心抹茶朱古力，焦糖布丁，真心好食過好多甜品店有非常高的水準，可惜没有獨立order，至今仍念念不忘喔！

又到食飯嘅時候，一個人漫無目的，一直行，公司附近的餐廳試得7788 ,所以沿途一直諗唔到食乜嘢，經過山林道，一路行，本來想是但去金鳳食個午餐，突然見到呢間鋪頭，就入去試吓啦。入到鋪頭，安排左窗口位置，點了烤黑椒肉眼扒配飯，$98+10%。頭盤湯或沙律，我點了沙律，然後有一片蒜蓉烤小法包，偏硬，主菜賣相OK ,肉眼扒肉質唔錯，配上糙米飯，最值得讚嘅係個黑椒汁，黑椒味香濃，而且唔會好似出邊嘅鋪頭做到個汁好杰，唔錯食飽飽後，有餐茶及甜品，甜品就係有唔同味道嘅啫喱，我揀咗提子味啫喱，但味道很淡，建議一係就整得好啲，一係就唔好送啦，影響咗成個午餐，之後飲品有唔同味嘅紅茶，我揀咗熱情果熱紅茶，味道還可以。整體來講，大家可以試吓，下次會同老公去試下佢既晚餐

遲來的食評。我係網上訂座嘅，直到去餐廳前都好擔心，因為無人打嚟 confirm，而今次係同朋友慶祝生日嘅。(希望之後餐廳可以打比客人 confirm booking 啦)餐廳唔大，枱同枱之間會比較貼，不過不減情調。海鮮意粉，足料，好味！仲有個蜜桃黑毛豬 (無記錯的話，其實有相，只不過由於影埋人所以唔方便放上嚟)，雖然有點點肥肉，但唔會好肥膩。值得一讚係店員好細心，見我哋食完一道菜先再上第二道菜，唔怕凍晒，都適合我哋慢慢食慢慢傾。當晚人唔多，最後係變咗我哋包場，哈哈。最開心係本來應該得一個心太軟，最後餐廳送多一個比我哋。朱古力心太軟，一界開啲朱古力湧出嚟，好誇張！抹茶心太軟雖然無湧出嚟，不過味道比想像中好！

有一天路過山林道看到宣傳牌寫著有德國咸豬手，再看看店內有啤酒飲，正正乎合我的壽星朋友要求喎，於是見人少少都入去試下啦。我們隨意點了: 煙三文魚凱撒沙律，黑松露芝士薯條，蜜糖黑椒雞翼，德國咸豬手， 卡邦尼意粉，全都很好吃，更驚喜的是他們的甜品都是即叫即做的，不好甜食的我也覺得好好味。價錢合理，服務周到，絕對值得推薦的小店。