Ilis (已結業)

一直都想試呢間小店。我地大約7:15PM左右到, 一早book了檯, 一入去完全無客人, 但慢慢就開始有人, 入座率約6成，唔算好多人！餐廳裝修簡單舒服, 令人好relax 既感覺!晚餐基本上得2人餐同散叫, 我地叫左$418 既2人餐。先來一個芝士果凍- 味道清新特別~整得幾精緻,  細細杯有refresh既感覺!再來焗田螺配薯蓉- 田螺都幾多, 一d都唔吝嗇! 田螺厚肉入味, 薯蓉夠林又夠牛油味!Parma ham沙律- 沙律好新鮮, 沙律醬又夠多, Parma ham大大塊! 味道唔錯!蘑菇湯- 有心思! 有蘑菇粒粒打碎變成蘑菇蓉, 用心之作! 前菜小食都有水準! 到主菜- 反而令人失望!帶子蕃茄意粉- 意粉食得出係唔錯既意粉, 但煮得有點硬! 而且蕃茄汁似罐頭開既味道咁, 大失所望!帶子海鮮都有急凍味, 似未解凍好就煮, 味道唔新鮮又有d腥! 大蜆同蜆肉係最腥我覺得廚師應該唔擅長煮意粉, 因為味道確實似自己屋企亂咁煮咁!有好大改善空間! 因為西餐意粉宦係好重要既菜式!主菜- 牛柳配大蝦-  牛柳好味! 夠林又有牛味大蝦就唔算好大隻, 但尚算新鮮!配菜都有烤過咁, 翠肉瓜烤完都水

慶祝朋友生日晚餐之前透過OpenRice訂枱時在註明寫了朋友生日，但去到我沒有再提及，在最後上甜品時員工竟細心到在木盤上寫左Happy Birthday，令我同朋友們都十分驚喜。我們order了二人餐再加一個套餐，二人餐的黑毛豬好好味，其他食物質素和分量也不錯！員工很有善

第一要讚既係餐廳好近地鐵站，好易搵到。第二樣係雖然地方細細，但裝修好靚好舒服。第三係啲waiter十分非常好禮貌，清理檯面快手，好識得留空間比客人傾計，本身坐近廚房，佢見靠窗個檯客走左，好貼心幫我地安排坐去個邊，真係加哂分啲野食當然最重要，由於琴晚好肚餓，乜都無影叫左個二人餐，由前菜，沙津，湯，小食到主菜，甜品，無一樣野係唔會舉手指公，因為真係每一樣野都好好食！ 由其係小食煙肉芝士扇貝，其他餐廳hea住整無落足料，呢間真係好多芝士、煙肉、扇貝大大粒入面仲有啲薯容！！！！主菜慢煮豬扒食到我地想今晚再食多次 最後因爲訂檯指明左係紀念日，餐廳再一次好貼心咁係甜品度花左心思，呢個我有影底 總括黎講，我比100分絕對會再幫襯！

這間餐廳早已在我的to-eat list入面，但到最近才有機會光顧。起初男朋友聽到是食西餐顯得有點抗拒，畢竟質素不佳的西餐廳不少，甚至很多是茶記式的偽西餐。走到餐廳門口，有點猶豫，因為星期六的晚上8點，餐廳內竟然一個人也沒有？！畢竟外觀氣氛各方面都不錯，菜式選擇又多。會是伏嗎？最後都決定試一試。我們2人選了一個2人餐。其他單選方面價錢大約是$1xx-2xx 加幾十元可以有甜品，飲品，沙律/餐湯。2人餐算是幾抵食，因為主菜那幾個選擇單選的話大約200左右。餐前小食 － 水牛芝士伴紫蘇梅蕃茄凍紫蘇梅蕃茄凍味道有點話梅？微酸甜，作為餐前小食不錯個人認為可以軟一點，口感再接近啫喱比較好前菜 － 芝士煙肉焗扇貝很香煙肉味，整體還好。敗筆在於芝士用了片裝的，味度遜色。沙律 － 巴馬火腿沙律沙律汁用日式芝麻醬，材料新鮮不會乾或苦餐湯 － 蕃茄湯不是一般開罐頭，真的是自己用蕃茄打出來的，用心度100分不過味道有點單調，就很濃的蕃茄香，或者可以加點celery? 或者蕃膏？或者cream做cream of tomato?意粉 － 溫泉蛋卡邦尼意粉有點驚喜，喜歡它不太膩的口感，比較light，吃完不會覺得

聖誕節當然就係三五成群咁食飯慶祝啦！我們再去TST幫襯Ilis ，試佢地既新推出既聖誕晚餐！食物水準果然依舊，新菜式同配搭都有d 驚喜！👍🏻👍🏻1）焗田螺- 足料，薯蓉好滑！👍🏻👍🏻👍🏻2）牛油果烤大菇 - 最愛牛油果，加埋烤菠蘿，Fresh!!!3)周打蜆湯 - 每碗都有兩大隻既新鮮又juicy 既大峴，超愛！好好飲呀！我朋友叫左佢地另一款的松露湯，又係好足料架！4）散叫炒雜菜 - 正！5）慢煮牛柳 - 肉質同味道都一流，洋蔥薯仔都整得超好食😍6）蒜香牛油焗龍蝦+ 芝士焗扇貝 - 岩哂我地班海鮮控！😍😍😍7）烤羊架 - 新鮮煮法，手準依舊！😍😍😍8）心太軟 - 簡直係晚餐完美的句號 😋😋超飽又滿足！

之前聽新城DJ介紹過這間西餐廳，適逢朋友生日，決定去試試！餐廳面積不算大，坐到大約二十人，建議book左位先去! 是晚點了二人晚餐！由前菜到甜品，都非常出色，超爆滿足的一餐！先飲左個磨🍄忌廉湯，磨🍄味道非常濃郁！煙三文魚沙律菜配上日式胡麻醬十分開胃！吉列蠔多士蠔味濃，香脆可口！前菜我們選了白酒煮蜆， d蜆勁juicy👍🏻👍🏻，好好味！我地連個蜆湯都飲埋！唯一美中不足就係無多士跟個蜆湯😅！主菜方面我地點左松露什菌燴飯同香草烤羊架，兩樣賣相相當有驚喜，而味道亦十分好！二人餐仲跟埋是日甜品，我揀左法式焦糖燉蛋，而朋友就㨂左心太軟！估唔到依間餐廳甜品同主菜一樣出色，燉蛋非常滑身，甜味恰到好處！而心太軟係即焗，朋友都大讚！

睇食評滿有期望咁嚟，但假日lunch set唔算吸引，相信晚飯無論dinner set或者散叫一定更多選擇更吸引吧~鮮蝦辣蕃茄意粉 - 一嚟到扣晒印像分係啲蝦，半透嘅蝦肉完全冇蝦味；其實個辣蕃茄汁係美味，意粉亦彈牙唔會太林烤黑椒西冷扒配薯菜 - 唔錯，要求生啲，生得嚟唔會血林林，個黑椒汁好好味~後記：係俾啲蝦肉嚇親，如果唔係就更好評喇；服務好好，氣氛陳設都好適合撑枱腳~

今晚同屋企人一行5人去左山林道食晚飯。我地叫左4個 Dinner set，再散叫左幾樣野食。食物都好唔錯呢！Yummy😋1）是日餐湯- 濃郁南瓜湯 👍🏻👍🏻👍🏻👍🏻2）白酒煮蜆 👍🏻👍🏻👍🏻👍🏻D蜆好新鮮、好好食呀！😍3）芝士焗薯蓉👍🏻👍🏻👍🏻4）烤澳洲肉眼扒👍🏻👍🏻👍🏻👍🏻5）香草烤羊架👍🏻👍🏻👍🏻👍🏻👍🏻 （超好食！屋企人最中意個汁）6）蘆筍什菇意粉👍🏻👍🏻👍🏻👍🏻7）松露烤燒春雞👍🏻👍🏻👍🏻👍🏻👍🏻（雞肉完全唔鞋口，又滑又嫩，非常juicy!)8）散叫老闆既推介- 拿破崙蛋糕👍🏻👍🏻👍🏻👍🏻個Dinner set 包餐湯/沙律，仲有飲品同甜品，而且價錢一D都唔算貴，經濟抵食！餐廳環境不算大，侍應廚師亦唔多，一眼望哂都不過是3個人。但佢地由介紹菜單、落單、上菜、直至埋單都好好招呼，好有效率。佢地仲會同每台客吹下水，默默幫我地refill 水，服務認真唔錯。By the way, 我地今晚仲同老闆傾左陣計，傾落先知道原來餐廳上星期先grand opening!! 希望呢間新餐廳會keep 住食物既高水準、同待客既熱情，生意興隆，客似雲來！

放工去尖沙咀行，行到餓就去左山林道搵食，見到間有西餐食，門面同招牌設計又簡簡單單，睇下menu就入左去試嚕Dinner set有8款揀，但又樣樣都想食於是同兩個朋友揀左幾樣野share跟餐有薯仔蘑菇湯，份量岩岩好，淡淡薯仔蘑菇味唔錯肉醬大啡菇沙律 白酒煮硯原本想叫煙三文魚沙律，不過都係大啡菇吸引啲白酒煮硯幾重酒香，硯肉好嫩唔會un香草蘆筍什菌意粉好香，成個味道好夾，好好味Tiramisu (set dessert)估唔到咁濃咖啡味，仲好食過出面街買果啲最後嘆埋杯店員推介既金桔青檸紅茶，好滿足（下次試埋羊架先，聽到隔離枱讚好好食）

經朋友介紹，我地尋晚去左一間新餐廳食飯。由於一早訂左位，所以唔駛等就入得。訂位既時候，我們一早已經pre-order左想食既野食，所以坐低無耐就已經陸續上菜。菜式全部都係我地中意食既野，我哋食到捧住個肚走😋!!我地食到十一點，個四眼廚師仲好nice咁出黎同我地吹左一陣水，問我地拎comments。佢仲好樂意接受我地既意見，話會再去研究下個味道，佢仲叫我地下次再幫襯比下意見！新餐廳黎講，佢地用心製作，誠意非常可加！我地成餐飯真係食左勁多野。間餐廳價錢合理，我地都話下次要再去幫襯！我們食左幾樣野：1）法式蘑菇湯 - 老闆話個湯係法式做法，不像我們平時飲開既蘑菇湯。2）煙三文魚沙律 - 賣相非常OK! 配上醋汁&芝士粉，誠意可加！3）芝士煙肉焗薯蓉 - 外層焗到非常脆，味道中規中矩。4）蕃茄肉醬焗大菇 - 賣相一流，有好濃既蕃茄肉醬未5）炸魚薯條 - 薯條係我中意既厚切薯條，魚質滑，無雪藏味！6) 慢煮燒雞 - 肉質滑，味道適中，唔太鹹，非常健康。但如果中意重口味既人，就要另加調味啦！7）香草蘑菇意大利粉 - 香草醬重，意粉口感一流！8）卡邦尼意粉 - 一般西餐廳既水準，不錯！(食左先記

去開尖咀行街，唔想幫襯D貴夾唔飽既餐廳，試下去山林道碰下運氣。行行下見到間裝修簡約的小店，中式、日式、西式都有，一於試下。是日有二人晩餐選擇，我們點了個燒春雞套餐。是日湯係南瓜湯，南瓜非常清甜，味道剛剛好，不會太濃太淡。凱薩沙律都食得多，IIis 整得非常之有心思，上枱時有陣好香的煙肉香味，平常食既是用方粒麵包，IIis 的是打碎，並且是熱騰騰好香脆，口感一流菠菜意麵有好多菠菜粒，麵的醬汁清清的不會太流太難消化，配上醃過的三文魚，味道好親。主菜係出名的惡魔燒春雞，平時食燒春雞最怕D雞肉硬生生全無肉汁，IIis 既一切落去，肉質仲好軟林林，配上甜甜地既燒汁，好食都眨吓眼就食晒食埋雪糕，好完美的完成了一餐註 ： 如果個套餐連埋餐飲就 perfect.

來到Happy Friday 又跟同事們岀街食Lunch，佐敦附近的食店多不勝數，不過食店其實也轉變得很快，大概可能不敵競爭對手吧！最近在山林道發現開左間新食店，以日式及西式食物為主，都乎合我們的口味，所以就來試試吧！店內少少，同一時間只能容納約二十位左右客人，先看看餐牌，有Set Lunch 的，以意粉及定食為主！吉列魚柳御膳（HK$58）定食除主菜吉列魚柳外，配有白飯、味噌湯及漬物！有兩塊剛炸上的吉列魚柳，側邊伴有沙律菜，上面淋上我至喜愛的芝麻醬！味噌湯清甜不太咸，白飯是以日本珍珠為主，份量適中！魚柳炸得金黃包，外脆內軟，雖然炸了，依然食到魚柳的鮮嫩，沾上附上的沙律醬好食，不過配飯的味道就略為單調一點，如果飯有少少調味更好！

星期五晚，同一班好朋友係尖沙咀飯聚。本來去食Applegreen 但用餐時得1.5小時太少啦！於是就係附近搵野食，無意中發現呢間餐廳仔。餐廳嘅服務態度超好！晚餐價錢合宜，而且竟然唔洗加一 😯👍🏻 有好多唔同野揀： 因為佢服務周到，我地都好樂意俾小費😙南瓜湯配多士- 個湯有啲淡，但都ok 朋友叫左櫻花御善-佢話個吉列魚好juicy 👍🏻雖然係炸野，但都唔會好多油。佢個炸魚仲好厚😍 朋友叫嘅卡邦尼意大利麵- 味道唔錯，個汁唔會淡，仲有呢個set100蚊都唔洗，都算抵食！ 朋友叫嘅秘製牛筋御善加牛𦟌- 如果唔加牛𦟌得牛筋就好少野食，所以一定要加30要個牛𦟌👍🏻。佢個汁辣辣地，好特別。菠菜汁煙三文魚意大利麵-呢個相對有啲淡，但個菠菜汁好清新，感覺好健康，三文魚份量都ok嘅，整體👍🏻 煙花女意大利麵- 料都算多不過朋友話個汁越食越辣😖如果可以少啲辣應該會好好味🤔我地食完野都傾左好耐計先走，冇限時嘅餐廳真係好！😬

其實之前來過一次都沒打算介紹她又沒打算再來的，有天到這附近做完要做的事，又餓又下大雨才衝入去。兩次我都點了意粉，但原來御膳才是這裏的亮點，性價比極高，幸好我朋友點了，看來我不太會點餐哈哈哈。不相信是58元吧，上台時我真的嘩了一下，炸得真的不錯呀，又脆又不油，蝦和魚柳都可以，御膳還跟珍珠米，麵豉湯和漬物。不是好吃得要特意來試，但這樣抵吃，mark在list上也可。南瓜湯的質地像蕃茄汁的，不膩，沒有罪惡感。當然我不會說它究竟是不是一個Carbonara。她們用了linguine，煮得合格，不會過軟。白汁，煙肉，磨菇，還有溫泉蛋做裝飾，有誰不喜歡？本身是波菜配煙三文魚的，沒貨用了煙肉。中規中矩，就是你現在腦海浮出的味道。很慷慨的魚籽，但這樣做只會浪費因為不會吃得到味的，不如加多一點明太子煮，這意粉差不多只有白汁的味。

一食就愛上的小店，最愛佢嘅吉列炸物，非常有水準！吉列魚柳外面鬆脆，一啲都唔油，內裡肉質仲好嫩！店鋪雖小，但人情味濃，好有家的感覺。如果去開尖沙咀，不妨試一試。