INN - I’m Not Nothing (已結業)

元朗很多美食，但要找間裝修特別的就不多。剛巧經過Inn I'm not nothing。已被店外的設計吸引，富有小清新的歐陸風情，所以決定在這裏進食晚餐。有戶外座位，方便有寵物的顧客店面小小，但給人很舒服的感覺，雲石的圓枱，柔和的燈光，歐陸裝潢，很適合跟朋友來聊天。我們一行兩人，點了兩道菜意式蕃茄松露芝士意大利雲吞 $118六隻雲吞，而且很大隻。雲吞皮滑，厚薄均勻。松露餡很香，餡料挺多的。記得點蕃茄醬汁一起吃，調味不錯，醬汁也多，每隻雲吞加醬汁吃也足夠。奶油大蝦嫩菠菜煙肉忌廉意粉 $118共有4隻蝦，大小OK。喜愛醬汁，奶油不太膩，有少許甜甜的，很適合女士。份量也足夠，個人很喜愛。另收加一服務費主食餐牌 ：

<Hong Kong🇭🇰•Yuenlong>“咬我唷!!!秘製蜜汁豬手配酸椰菜”人愈大愈知道兒時建立嘅友誼是多麼真摯，多麼不可取捨唷！特別係你😚係你帶我走香榭麗舍大道，今日到我帶你去法國檸檬園🍋唷！秘製蜜汁豬手配酸椰菜巨型甜蜜蜜嘅豬手！豬手焗得金黃金黃✨皮滑滑，肉多多，配上芥末醬真不錯唷！食啖酸椰菜可以生津解膩唷！低溫慢煮澳洲牛柳八安士配紅蔥頭紅酒汁五成熟嘅牛柳大有厚度，切開肉質依然粉嫩多汁。特別鍾意佢哋嘅薯菜，新鮮爽甜，不錯。士多啤梨藍妹奶昔粉紅色嘅外表，非常吸引！唔會太甜，打卡之餘，仲幾好飲。......#chantaljj元朗#chantaljjcafe#元朗美食#香港美食#hkcafe#香港打卡#打卡cafe

是日到元朗駕駛學院學車後，約左老婆大人去元朗行街食飯。老婆望完一輪openrice 之後決定帶路去雞地食飯。可能因為雞地好多整車店，一直俾我一種粗獷的感覺。以為係打邊爐等等的地方。估唔到呢間INN 又俾到一種好清新的感覺我。INN 舖位係正大街上，加上門面充滿植物的設計，非常吸睛！餐廳內不算太大，但高樓底，加上以白色作主調的裝潢。一點焗促的感覺也沒有。餐牌的選擇也不少，單是意粉、飯和扒等主菜選擇也有10款。因老婆大人怕食兩個主菜太豐富，她點了一客小食，而我就點了香煎牛油波士頓龍蝦牛肝菌意大利飯和她一起share。意大利飯醬汁Creamy 而且滲透出濃濃菌香。龍蝦肉彈牙爽口，調味和火候剛剛好。最驚喜係餐廳會將龍蝦箝拆殼等客人唔洗好狼狽咁整黎整好！啖啖肉，好食。頭先有提過老婆大人驚太豐富，所以無叫主菜！就係因為佢見到d班戟吸引，所以點了一人一客做甜品。我就點左 榛子朱古力、香蕉、棉花糖、忌廉，加左＄10配多舊雪糕。雖然雪糕好邪惡，但個人覺得一口雪糕一口班戟先正。班戟料豐富，我覺得自己食左兩條蕉而班戟皮也沒有一般粉粉的感覺食得出有蛋香。平時飲開Latte，見到飲品有杯叫Flat White於

踏入門口見到小清新文青藝術風既裝修格調十分開胃日頭坐門口位打卡更是一流是日餐湯係蘑菇忌廉湯 係將蘑菇打到吃不到縱影既幼滑質地 帶有些少松露味前菜生蠔有半隻掌心咁大 多肉新鮮 海水味唔太重也冇鐵味 口感creamy入口即溶主菜香蒜帶子羅勒意粉 份量不大 意粉有嚼口 帶子都幾大隻煮到8-9成熟會食到一絲絲但唔會太韌 好濃蒜同洋蔥味亦帶有少少辣 另外主菜8安士澳州肉眼配薯菜燒汁 肉質相對瘦身有咬口 燒汁味道不會太濃而搶咗牛味 甜品法式班戟 淡淡的軟綿綿的餅底上有淡忌廉 朱古力榛子醬加香蕉呢無敵CP 加埋火炙左一下既半溶棉花糖 已經冇得輸 再加埋脆卜卜嘅杏仁片 口感再昇華

尼間西餐廳幾出名一直都想試，短時間係幾區開左唔同分店，咁勁緊係要黎試下，元朗本身都多西餐廳，而餐廳風格係偏向歐陸風，比起區內西餐，環境的確吸引😎食物方面，唔好睇少咁細既鋪頭，食物選擇都幾多有齊意大利飯、意粉、扒類和小食（生蠔、薯條、沙律）等✨香煎牛油波士頓龍蝦牛肝菌意大利飯係有驚喜既意大利飯🤩👍🏻牛肝菌啖啖菌香，味道醇厚，食完一啖已經好食想食第二啖😋，雖然龍蝦唔算好大隻但肉質彈牙爽口都不錯而且啖啖肉🤣✨奶油大蝦嫩菠菜煙肉忌廉意粉🍝奶油大蝦已經剝左殼，值得加分！意粉軟硬適中而且非常掛汁，因為忌廉醬汁贏在夠多👍🏻加埋菠菜煙肉等配料，成個意粉非常足料✨法式班戟班戟有4款口味可以選擇，我地揀左最常見既榛子朱古力、香蕉、棉花糖同忌廉口味，班戟煎得非常軟薄👍🏻，朱古力加香蕉尼個組合一定唔伏，因為去過泰國既人應該都係過🤣我個人係鐘意泰國嗰款多D✨士多啤梨藍莓奶昔健康低卡飲品之選👍🏻士多啤梨+藍莓攪拌而成，飲落香滑口感而且唔酸，係夏天飲非常適合。

原來元朗依間都越嚟越多依啲文青味極重嘅餐廳🤣。一開頭我俾佢吸引到嘅係佢嘅餐牌，因為佢餐牌係一個我幾鍾意嘅插畫師腔叔畫嘅🤣。入到餐廳就覺得佢嘅設計同元朗街道嘅感覺有種格格不入咁，不過佢餐廳入邊嘅設計係幾靚嘅👍🏻。食物嘅質素都幾好。一坐低就叫咗杯Flat White（$38）先。正正常常一杯嘢🤣。前菜叫咗嗰青芥末牛油果三文魚子蟹肉多士（$88），依個好好食🤩，每樣食材好食，然後夾埋一齊嗰口感都好正。最正係佢都真係幾多蟹肉同三文魚子，每啖都可以食到三文魚子同蟹肉🤩。跟住主菜我就叫咗個香煎牛油波士頓龍蝦牛肝菌意大利飯（$148）。我覺得依個價錢嚟講，依個質素完全係超哂班🤌🏻。龍蝦肉爽口彈牙啦，啲蝦膏拎埋嚟撈飯又超香。然後本身嗰飯其實都煮得好好，牛肝菌味好香濃，調味又啱啱好👍🏻👍🏻。我覺得大家都可以試下依個。我覺得依間餐廳係元朗區較少見嘅餐廳，大家都可以去試下👍🏻👍🏻。但大家去之前都可以book定位先，因為都幾full。

講到覓食，點可以少咗我呢？今日我就嚟到元朗，呢度嘅大街小巷特別多美食，等我周圍睇吓先。有間叫INN嘅西嘢，好似幾好食咁，就揀你啦！好，坐低睇吓有咩好食先！南瓜湯，飲落好柔滑，而且十分濃稠，南瓜味突出，越飲越上癮！香燒焗豬肉眼配肉桂蘋果醬，有好多配菜，薯蓉食落冇顆粒，蘆筍則十分爽口，望返主角，豬扒好厚身，但係一啲都唔老，仲好juicy，配埋肉桂蘋果，正！蟹肉南瓜意大利飯，忌廉綿密嘅口感搭配蟹肉嘅鮮甜，同意大利飯簡直係perfect match，食到人一啖接一啖，美中不足係意大利飯有少少冧，但係除此之外非常完美！香蕉朱古力奶昔，朱古力唔會太甜，加埋甜甜嘅鮮忌廉，好滿足！士多啤梨藍莓奶昔，原本以為會好膩，但飲落意想不到地清新，又唔會好酸。

今晚係鳳攸南街搵食，行過就被呢間以森林系為主題既西餐廳吸引住，餐廳門口用好多花草做裝飾，猶如城市中既綠洲一樣，讓你暫時放低壓力，輕鬆一下。北海道刺身帶子配夏日西瓜青瓜沙律第一次食以西瓜同青瓜做主菜既沙律，西瓜同青瓜都係一d味道比較清新同淡既水果，加埋一齊都好夾，而帶子亦好鮮甜，有一面係微微煎過，另一面就係刺身，食落口有兩種口感，醬汁帶微酸，好開胃。香煎牛油波士頓龍蝦牛肝菌意大利飯波士頓龍蝦都幾大隻，煎到好香，肉質鮮味爽口，意大利飯口感軟熟。榛子朱古力、香蕉、棉花糖、忌廉法式班戟加雲呢拿雪糕個人覺得班戟係必食既甜品，班戟皮薄，唔會乾爭爭，餡料又夠多，榛子朱古力唔會太甜，越食越停唔到口。

早排見到呢一間喺元朗開咗分店 即刻約咗喺附近住嘅朋友一齊嚟食🤤 餐廳嘅裝修好優雅～有種貴婦去食tea嘅感覺😝蟹肉南瓜意大利飯 $88 推！👍🏿本身唔係特別鍾意食南瓜 所以叫嘅時候都有啲卻步 但係朋友想試吓就叫咗 點知一食就停唔到😍蟹肉同蟹籽嘅份量好多😱 同汁嘅味道好夾 重點係Risotto嘅軟硬適中 口感好好👍🏿香燒焗豬肉眼配肉桂蘋果醬 $98個醬好重肉桂味🤤同豬扒好夾 豬扒嘅肉質唔錯！食得出佢本身嘅調味 Yumyum!士多啤梨藍莓奶昔 $48 相比起士多啤梨 藍莓嘅味更加出 好有飽足感😚香橙芒果薄荷梳打 $46依個就fresh d!唔會話太甜 好消暑✨除咗主食分量十足之外 佢哋嗰餐都會包餐湯同$28 以下嘅飲品 其他就有半價😎！平時飲湯通常都會估到佢係咩 但係今次真係估唔到 竟然係煙肉薯仔湯 我都係第一次飲🤣 好特別🥔食物：👍🏿👍🏿👍🏿👍🏿環境：👍🏿👍🏿👍🏿👍🏿價錢：💰服務：👍🏿👍🏿👍🏿👍🏿性價比：👍🏿👍🏿👍🏿👍🏿*滿分：👍🏿👍🏿👍🏿👍🏿👍🏿

下班時間，大家吃飯了嗎? 大家不如輕鬆一下，外出用膳，享受美妙的晚上吧。元朗餐廳到處都有，今晚這一間餐廳的口味跟風格我都很喜歡。INN - I'm Not Nothing設計成純白典雅風，光看已覺得蠻有意境，拍到我欲罷不能，不亦樂乎。朋友強力推薦這裡的英式炸魚薯條，炸魚被炸粉包裹著，外表金黃不焦，一咬下去，朋友非常佩服大廚厲害的炸工，魚肉鮮甜馬上吃出來。除了英式炸魚，還配有大量薯條，十分香脆。秘制蜜糖燒豬手配酸椰菜外表呈現焦糖色澤，並閃著油光，讓人垂涎極致。一切開秘制蜜糖燒豬手，立即流溢出肉汁，粉色豬肉看起來超鮮嫩，果然入口沒讓我失望。秘制蜜糖燒豬手燒功不錯，豬皮彈嫩，不油不膩，富含膠質，入口肉香味在口中釋放開來，豬手經過蜜糖醃漬後相當入味，沾點芥末醬或伴酸椰菜吃，更添風味，酸椰菜蠻爽脆開胃。香煎牛油波士頓龍蝦牛肝菌意大利飯聽起來是不是超厲害? 又有波士頓龍蝦，又有牛肝菌。龍蝦直接擺在意大利飯上，氣派十足，讓人看了食慾爆棚，龍蝦肉超有彈性，蝦膏豐富。牛肝菌意大利飯真材實料，那股牛肝菌菇味濃郁無比，飯粒軟硬適中。士多啤梨藍莓奶昔入口順滑，沒有一般奶昔的甜膩，可能因為奶昔加入乳酪，混合藍莓

見元朗新開左間cafe!! 用openrice 訂座 晚市有生蠔或crepe 送！即刻訂位！一行6大2小 雖然店舖面積細 但坐入去都幾舒服 員工服務態度唔錯Menu選擇都算多！主菜加38元可以轉餐！有餐湯同野飲，轉特飲可以用半價買飲品顏色鮮艷 非常吸引梳打唔錯！反而奶昔淡左少少 ，但唔嗜甜ge人就啱飲食物方面整體唔錯！分量都ok！豬手同肉眼扒最抵食！$158勁大份呢到ge上菜速度唔錯！一開始會有餐湯同上左我哋叫ge沙律🥗同小食先見我哋差唔多食哂就上主菜同生蠔🦪因為朋友生日🎂我一早係openrice 備註 要求在甜品上加上生日字句！員工會在當日打電話confirm booking 同確認生日名 服務一流加10元仲另加雪糕一球！明明寫了用餐時間90分鐘！但我哋食左2小時先提醒埋單！就算出面好多人等位都無催促用餐！態度值得一讚薯條外脆內軟！好食

INN - I’m Not Nothing地址：元朗鳳攸南街9號好順利大廈地下60號舖餐廳名字好有意思😈，原本已經有好幾間分店，最新一間就座落元朗市中心，鋪頭裝修簡約、清新有格調，坐落幾舒適。🍳Fish and chips($68)英式炸魚薯條炸到金黃色，麵糊份量剛好，調味咸味適中，熱辣辣送上黎，裏層軟嫩濕潤嘅魚肉同外層新鮮炸好嘅麵衣形成強烈對比，層次轉變形成豐富口感，薯條炸到酥脆香口，搭配炸魚一流，英式風味重！🫕是日餐湯($28)餐湯好creamy好smooth，淡淡黑松露味，香濃！🥩澳洲牛柳8安士配薯菜燒汁($158)牛柳好嫩滑，大大份只係$158相當抵食，醬汁都配搭得好好，值得一試！🍪香蕉朱古力班戟($68)Pancake賣相相當吸睛，pancake皮唔會過厚，餡料非常多，咬落去充滿甜絲絲嘅朱古力香蕉，cream奶味好香好重，好食！餐廳性價比都幾高，環境舒服，想搵人一齊坐下cafe可以試下去chill下☕️

睇到呢間新開既Cafe一開就連續開左四間分店 一睇就俾佢地既食物吸引左 已經bookmark左好耐想去 宜家係Openrice book位仲有優惠 真係幾抵 我地book左平日晏晝兩點半 但當日落大雨又塞車 我地遲左成半個鐘 好彩冇影響 餐廳仲有位 由元朗西鐵站行過去餐廳都要啲時間 都要十幾分鐘左右 餐廳既位置都幾隱蔽 都唔易搵到 我地搞到三點先去到餐廳 當時餐廳得一枱客 可能過左食飯時間同埋落大雨既關係 所以冇乜人 叫lunch就會包埋是日餐湯同埋飲品 特飲就半價 今日既餐湯係南瓜忌廉湯 本身我就唔中意食南瓜味既野 但朋友話好飲 咁我就試下啦 點知一飲發覺真係幾好飲 飲落好滑身 甜甜地 幾好味主菜我揀左香燒焗豬肉眼配肉桂蘋果醬 呢個應該係呢間餐廳既招牌菜 必叫 豬肉眼份量十足 真係好大舊好厚身 肉質食落岩岩好 唔會太乾身 肉桂蘋果醬食落完全冇肉桂味 食落只有好香甜既蘋果味 呢個配搭好夾 如果可以再多啲蘋果就好了 豬肉眼下面仲有薯蓉 炒雜菜 仲配埋燒汁 薯蓉份量都幾多下 食落好滑身 點埋燒汁好好味 炒雜菜有五條露筍 兩條粟米芯仲有幾條紅蘿蔔 成個配搭好夾好好味 絕對係招牌菜 一定要試下

今日去yoho行街，不知不覺又到晚飯時間，放假時間商場太多人，於是去咗鳳攸北街嗰邊揾食，見到有間I’m not nothing 嘅西餐廳，店舖不大，喺疫情下當然要支持一下小店啦！這裏有多款套餐選擇，價錢不貴百多元就有交易！炸魚薯條，炸得非常香脆，再配上大條嘅薯條作為餐前小食一流！香煎龍蝦🦞意大利飯，意大利飯煮得剛剛好，不會過硬，波士頓龍蝦亦非常大隻，而且非常多膏！法式班戟，粉量十足，班戟煎得香口，配上藍莓醬士多啤梨等等非常清新，60多元便有交易！餐廳整體質素十分高，店員服務亦很好👍人均200元很超值吧！

肉食系嘅大家應該會俾呢張相引到😂但我想重點推介係後面個飯🤣🔥澳洲肉眼扒配薯菜 $158🤏🏽叫咗5分熟～邊邊位係特別好味，牛味重啲，肉質食落都軟腍，唔會咬唔開☺️醬汁係燒汁，味道較淡，唔會蓋過牛味～佢嘅薯條炸到堅脆！🤗🔥波士頓龍蝦牛肝菌意大利飯 $148🤏🏽呢個飯精彩，一定要食！本身自己係好中意牛肝菌😇佢入面嘅菇係好爽有汁架！重菇味，正！個飯唔會太硬，迎合下香港人口味，同埋好creamy🤗真係成碟清晒😂本身個飯嘅好味程度我覺得冇龍蝦都ok🤣不過龍蝦肉都彈牙嘅～ 🔥士多啤梨藍莓奶昔 $48🤏🏽好似嚟到舖頭一定要點😂超級肥仔水！酸酸甜甜～我諗香蕉朱古力應該會好味啲🤨