J.S. FOODIES (港威商場)

營業中

休息中

The souffle pancakes are the signature dessert and the main reason to dine. The taste was great although a bit too soft for my male taste buds. The main pasta and drinks were good. Many other restaurants offer similar mains and diners don't have to stand in line or can reserve a table or get an online ticket, which are both unavailable here.

成日係harbour city 行過呢間餐廳，總係會見到好多人喺度排隊，今次的起心肝排一排，睇吓係咪真係咁好食🫢首先叫咗個海膽carbonara，雖然海膽份量少到幾乎睇唔到，但係個carbonara so far係好食嘅😋😋😋另外嗌咗個crab cake + salad 🦀🦀🥗值得推介！再嗌咗份Lobster avocado bread🥑🥑🦞，正啊！健康與邪惡之間😂最後試咗呢杯邪惡野，肥到爆🤭🤭食完呢啲基本上已經好飽😢

平日下午同朋友嚟到海港城搵野食，行過JS Foodies平時鬼咁多人排隊，難得今次只要等一兩枱，就決定排隊了，都話我最鍾意就係排隊了🤣我叫左Egg Benedict Souffle Pancake ($139) 老實講我平時對於enn benedict無話特別熱衷，今次叫都係沖住佢個pancake，但呢個決定真係完全無錯🤣egg benedict我就真係唔係好識點comment，因為我個database無佢太多資料，但係個梳乎厘我就識講了，真係好 好 食😍 個主食都算係鹹食，個梳乎厘係甜，但佢又唔係好甜，唔會搶走晒啲味，然後梳乎厘係軟稔稔咁，但裏面幾綿密，會feel到佢喺口中溶化嘅感覺，食落肚嘅唔係梳化厘，而係幸福🥰 伴菜薯條都好好食，佢係脆身，但又唔係好熱氣嘅感覺，出色👍🏻平時見佢咁多排隊，好自然就會skip左佢，但食過一次就明白了，下次我會再乖乖地排隊試埋佢甜品souffle pancake🥞🤤

西日cafe,，環境方面座位唔算寬敞，窗口位只有一個，要好好彩先坐到🥹介紹食物先海膽卡邦尼意粉💰188價錢同食物唔相符😅 海膽少到我就嚟見佢唔到，完全食唔到有海膽嘅味道，感覺只係普通一碟卡邦尼意粉。意粉係幼身，應該係天使麵，以一點普通卡邦尼意粉來講係OK嘅🙈只係性價比唔太相符🤣酸忌廉黑松露炸薯條💰69薯條炸得好脆！個酸忌廉醬亦都好好食😋份量仲好多Tim 😍甜品-法式焦糖班戟💰139有士多啤梨香蕉同藍莓，班戟表面用焦糖燒香，外脆內軟，勁好味！勁推薦呢個😋 本身自己好中意crème brûlée🙈所以呢個甜品係超級啱我🤪飲品咗綠茶latte and coffe latte, 正常發揮🤪海港城嘅餐廳，如果有coupon來講，係抵食嘅，如果唔用coupon就，，，，，，🤫🤫🤫

海港城長期都要排隊既餐廳🍽今次排咗半個鐘先有得食🍄士多啤梨藍莓香蕉班戟（$129）個賣相已經好靚 班戟有三件份量都好足配上士多啤梨同藍莓 酸味中和班戟嘅甜味👍🏻班戟既空氣感十足 呢個真心幾高質🥰🍄黑松露忌廉意粉（$139）上枱之後已經聞到陣陣松露香😙天使麵都唔會煮得好林 軟硬度適中🍄酸忌廉黑松露薯條（$69）鍾意黑松露嘅我又點會抵擋得住黑松露薯條🍟配埋酸忌廉簡直就係無敵😋薯條仲要又熱又脆😈😈

前排買野換左一堆海港城coupon 就快過期。知道呢間Cafe出名多人排隊，所以中午前趁冇咁多人嘅時候就到左，等左一陣就入得，我地一行三人，仲好好彩地坐到個窗邊卡位，加上今日既天氣大好，可以望住個咁靚既維港景用餐，配搭上美味既食物真係一流👍-粟米天婦羅 ， 有D乾身。-明太子醬北海道三文魚籽意粉， 味道出色，Creamy既醬汁配搭得好夾。-芝士漢堡，份量都幾大，個漢堡都啖啖肉。-班尼迪蛋疏乎厘班戟， 鬆軟可口。

今日我同老闆行尖沙咀海運中心shopping,shop到夜晚6:30左右 見到TOMMy對面有呢間西餐廳 有十個人排隊 於是我又同老闆排隊試吓呢間食店啦等咗20分鐘 到我地坐低望到小小窗囗景⋯⋯我地叫咗黑松路薯條、茄汁海鮮意粉、魚柳包set,甜品梳乎釐、2個drinks食物好快到（可能限坐90分鐘吧）先談薯條 我覺得佢個醬比較漏 呢個要調較下，意粉夠熱 有4粒帶子2青口 蕃茄蓉夠出眾，魚柳包set 就一般般 因為d魚比較散⋯⋯亦有薯條配，所以其實5洗叫個黑松薯條的至於甜品就出色 又多料 飲品都5錯的 如果地方大啲就坐得舒服啲⋯⋯⋯記得用商場消費卷呀 最多可以扣$250㗎

又一人氣餐廳系列 唔知係咪太耐冇堂食，排左成1個半鐘頭都冇唔耐煩～食完仲好滿足♡龍蝦沙律♡🦞想食龍蝦，又見龍蝦沙律好少見，一於試下。食材好有驚喜，最驚喜係有三文魚籽，份量仲要唔少。仲有牛油果，烚蛋，去芯粟米，車厘茄，沙律菜。食材都好新鮮，三文魚籽意外地提升左碟沙律既味道，因為其他食材味道偏淡，夾埋三文魚籽既鮮鹹味正正提升到其他食材寡口既感覺。♡士多啤梨藍莓香蕉班戟♡🥞好耐冇食pancake了，依然咁好食，一碟有3大舊pancake，質感好鬆軟，配埋鮮甜既生果🍓🫐🍌同淡忌廉，推介♡Matcha Latte♡🍵如常既一冷一熱飲品，menu有抹茶既野通常都抗拒唔到。♡Mint Mocha Frappe♡🥤本身對薄荷既食品有啲抗拒，成日覺得好似食牙膏。今次又唔係咁既味喎，薄荷味反而中和左朱古力既甜膩，配搭好夾呀～♤又一推介之選♤

香港人一向鍾情日式美食，無論刺身、壽司、拉麵、天婦羅、燒肉，甚至日式西餐，皆有捧場客。日系時裝品牌Journal Standard 旗下日式西餐「J.S. Foodies」進駐香港超過三年，今日終於有緣去到尖沙咀分店朝聖。正午12點去到。餐廳開11:30，第一輪入座客人正在用餐；但門外已有10多人在排第二輪。由於用餐時間限時90分鐘，排隊60分鐘後終於可以入座。旁邊有個外賣部，但只處理漢堡包及飲品，意大利麵同沙律免問。始終甜品 pancake 是餐廳人氣美食，既然日式梳乎里班戟冇辦法外賣，就創造了 pancake pie。睇照片及甜品櫃內的實物外形，有點似迷你日式紅豆夾餅；當然，餡料就是其他味道。今次冇買到，唔知味道如何。餐廳面積細小。儘管裝修風格充滿日系西餐廳風情，但佈置了太多餐枱，空間感稍嫌侷促；使得餐廳只有其形、卻欠其實，缺少了日系西餐廳的舒適空間感。幸好獲編配了全餐廳位置最佳、採光最好的座位。常設餐牌只有3頁，另外還有兩頁定期轉款的推介餐牌及時令新口味日式班戟。藍青口沽清、松葉蟹忌廉意粉又沽清，只好揀脆炸蟹肉餅（$149），賣相同餐牌上的照片簡直一模一樣。中間的蟹肉餡料唔夠豐富

之前約咗朋友喺海港城度傾偈食飯，朋友話想食呢一間，見到門口已經企咗大約30人，等咗一個鐘左右，終於入得啦！我哋嗌咗一個海膽醬意粉，一個龍蝦沙律，最咪再嗌多個忌廉士多啤梨pancake做甜品。海膽醬意粉比較幼身，有少少似天使麵，而海膽醬非常濃郁，仲有三文魚子配襯，食咗¼已經覺得有啲飽飽地。龍蝦沙律入邊有非常多配料，有雞蛋牛油果，非常Fresh，沙律醬有兩個口味選擇，分別係日式胡麻醬同明太子醬，店員推薦我哋要胡麻醬。而忌廉士多啤梨pancake真係好好食， pancake充滿蛋香軟綿綿，食食下口腔略甜，食啖士多啤梨中和口腔，點埋忌廉非常出色。

這店非常受歡迎的。每次都要排隊。今次等候時間都很長，等了1小時才可入座，店裡坐位很少，有點壓迫感。環境一般了。今次吃人氣班戟。1.班戟非常鬆軟，很喜歡這種軟棉棉的質感，而且有濃濃蛋香味，一吃令人愛上了。喜歡吃甜品的一定要試。2.沙律都很新鮮，加上烤焗過的蒜蓉包，有誠意的沙律。3.脆炸薯條配上黑松露，香脆美味。推薦啊。最後喝一杯熱咖啡，完美了。整體食物水準很好，令人很滿意。侍應生也有禮貌，服務也滿意。如果能夠登記攞位比較好，門口位置都比較狹窄，排隊空間實在太迫了。

嘩嘩嘩！人排我又排？老實說，不是手上有coupon唔想浪費，也不會排成一個半鐘為食這間班戟。雖然好食….但可以的話就最好唔駛排有得食，哈！餐廳開放式，好光猛，但座位少，所以等位等好耐。一個人真係唔食得多，點了一款就飽，其實覺得唔係好抵….一向食開梳乎厘班戟，今日就想試下普通的薄班戟。想食得清啲，單點了一客野菜湯沙律班戟  ($109)。睇落賣相好fresh ，沙律菜好新鮮，除了有雜沙律菜之外，還有青瓜、紅黃椒、西柚和橙，配上少少油醋汁，酸咪咪，好醒胃。野菜湯熱辣辣，好多蔬菜粒和薯仔粒，酸咪咪好醒胃。當然唔少得兩塊又圓又大的班戟，表面金黃，色澤平均，好靚仔！厚度適中，唔乾硬，有啲柔韌，口感不錯! 配有楓糖漿和酸忌廉，各有特式，但個人還是鍾意乜都唔加，原有味道甜甜地，味道剛好，仲食到蛋香，底部微濃，有啲焦香味，正！原來真係厚薄都好吃。

好耐無一家三口出去食嘢，之前太太同家中小公主講過，搞到小公主都好期待，所以搵咗晚收工後，掛名係自己嘅生日飯去試試佢 行緊過去已經見到成條隊，最後因為無枱嘅關係，但又想滿足小公主，最後決定買外賣返屋企食（外賣返屋企食係會凍曬，但好過見到小公主失望果個樣）。我地叫咗一份龍蝦沙律，海膽意粉，牛油果漢堡包，士多啤梨疏乎厘 pancake。 最後好好彩，因為一件事，令到我地可以享受到熱辣辣嘅美食（轉頭先分享發生咗咩事）。龍蝦沙律：明顯眼到大份龍蝦肉，新鮮嘅沙律菜，新鮮嘅牛油果，粟米，蛋，及少少點綴嘅魚子/三文魚子海膽意粉：海膽有一定分量，加埋隻半生熟蛋 牛油果漢堡包：漢堡牛肉多汁鮮嫩，加上有牛油果（我係牛油果怪）士多啤梨疏乎厘：啱啱出爐，熱辣辣，再加上果個 cream and 水果，yummy～～  （直係唔敢想像，返到屋企凍咗，對佢嘅評價會差咗幾遠）好好彩事件：如以上提到，一去到已經見到成條隊，不過既然一場嚟到，排就排啦 排咗一陣，有位店員出黎數咗一數，都同我地提過，因為我地都係後補第4台三人，有枱機會好渺茫，建議我地考慮外賣（呢個動作我覺得好窩心，唔洗客人等到尾先知無枱，話曬排隊都攰）。因

為了一嘗人氣甜品，專程出尖沙咀去試下叫左黑松露忌廉意粉，蕃茄肉醬意粉，經典漢堡 當然唔少得pancake - 士多啤梨香蕉pancake黑松露忌廉意粉都幾大碟，什菌都算多，可能係我個人口味，覺得D白汁略為多左D, 有少少水汪汪的感覺蕃茄肉醬意粉可能個汁比較杰身，所以會好少少，蕃茄肉醬個汁味道岩岩好,唔會太酸至於經典漢堡咬落夠juice, 唯一不足的是薯條唔夠熱, 如果再熱D就會再好不過到左最後甜品 - Pancake, 單睇賣相就已經好吸引，空氣感好足夠，下次可以再試下其他味道

呢間餐廳門口永遠都見到長長嘅人龍，一直都好想試，近排呢間餐廳罕有咁樣可以用海港城$50 coupon，就去左試。平日中午大約12:30 去到，諗住避開人龍，最後都要等45分鐘先有位，其實最想試佢嘅pancake 甜品，不過中午時間又未想食甜野住。最後揀咗Egg benedict soufflé pancake，可以當正餐又試到pancake，由於嘢食係即叫即整，都等咗大約15-20分鐘先有得食。佢個pancake 真係超級鬆軟，有空氣感，唔會比egg benefit 壓扁。上面嘅egg benefit, 蛋黃流心，兩個egg benedict 口味不同，其中一個係煙三文魚，另外一個係煙肉，可以一次過試2種味，上面嘅荷蘭醬鹹酸渡剛好，質感少少稠身。薯條雖然係配菜，亦係即炸，非常香脆。下次亦會再光顧👍🏻