JD Euro (Jade) Cafe & Bar (已結業)

又去試新野喇今次我地今日好早到呀，去到餐廳都未有人，坐得好闊落，又播住啲音樂，成件事都好chill第一樣叫架呢係salad佢主要應該落左啲黑醋去調味，相對尼講重味左少少，但酸酸地真係十分開胃，同埋之後一食個pizza 就即刻balance 左！要特別讚呢佢個菜唔會係成大大塊咁樣上，而係又切到碎碎，好易入口！欣賞！跟住叫左兩個pizza 一個係海鮮一個係vegetarian pizza 海鮮如常地好香好好味，但係估唔到veggie尼個都好好味！唔知道佢係點燒架呢？個啲菇同pizza同有炭燒過嘅味，好香，但又唔會食完覺得好熱氣個種，相對尼講，我自己鍾意尼種薄薄地嘅pizza多啲！另外一大個亮點係啲甜品呀！特別係尼個rice pudding入面真係一粒粒飯尼架，唔算好甜，但係好香奶味！值得一試！

如果食啲無咁common嘅菜呢，多數都會驚會唔會好難入口，或者啲調味唔太岩胃口，但估唔到呢，土耳其菜又幾好味，同埋好岩食！今次係小妹第一次食土耳其菜呀，一尼到JD Euro，座位好舒服，好岩朋友尼慢慢食慢慢傾呀同埋好欣賞佢嘅佈置都好用心咁營造氣氛好多好特色嘅燈同埋deco我地叫左個JD Salad , 佢落左啲檸檬汁同埋醋，酸酸地，好開胃，唔覺唔覺就會食哂成碟菜叫左個海鮮pizza, 佢係薄身個種，但係好脆同埋仍然好有口感，同埋好重要嘅一樣野係！佢！唔！油！就算我用手食完，隻手都唔會即刻好肥😂😂好方便呀同埋每一塊都好足料，有幾種海鮮同埋好cheesy!! 成個pizza 非常香，同埋因爲佢係薄底，變左食完都唔會好濟跟住要再介紹埋個土耳其咖啡，非常香，同埋個set杯真係好靚！！

友人話想要間好view既餐廳嘆下午茶，而佢又幾鍾意飲咖啡😋本身諗住求其搵間starbucks/ pacific就算，但諗諗下一場出到黎都係試下新野，享受下生活。朋友搵到呢間土耳其餐廳，而且係酒店既頂樓，仲可以見到日落tim! 我地就決定去一試～ 老板今日推薦左我地試佢既土耳其咖啡，turkish coffee on the sand. 首先佢會加左咖啡粉同奶，然後會係沙上面加熱（好得意🤗）磨下磨下，咖啡就會開始熱，亦會帶來一陣香氣～～～之後，佢會再額外整奶泡。最後倒出後去特色既土耳其咖啡杯，咁就完成啦！老板仲比左土耳其零食比我地送咖啡，係一d包住果仁既糖，同咖啡好配合。佢話土耳其咖啡既正宗飲法，就係一口咖啡，一啖糖果，然後再飲清水。當你用清水洗乾淨個口，你先再飲一啖咖啡，咁樣可以確保每一口咖啡都係咁香濃🤗。其實我都係第一次見土耳其咖啡，估唔到香港竟然有咁正宗既土耳其菜，有機會我都會想黎埋試下夜晚！

禮拜日下午，一個朋友硬係要拉我陪佢歎咖啡，我自己就唔係咩識歎咖啡嘅人，唔識飲又坐唔住，本身唸住推咗去，但係朋友又講到呢次去歎嘅係土耳其咖啡，好特別，我見咁岩又無乜野做，就陪朋友去試下啦😃😃😃😃。其實歎咖啡嘅地方係一間土耳其餐廳，係油麻地一間酒店嘅最頂層，會有下午茶嘅服務提供，土耳其咖啡就係其中嘅最大特色。雖然話呢度嘅景觀唔係山唔係海，但係咁高嘅地方望落喧鬧嘅城市，感覺都幾好。講翻個土耳其咖啡，佢嘅特別之處是煮咖啡的手法，先將土耳其特產的咖啡粉同水倒入蒸餾咖啡嘅器皿，然後將器皿埋係沙堆入面，加熱啲沙，通過沙同機器嘅熱力黎蒸餾出咖啡。雖然我唔係幾知咁樣沖咖啡嘅好處，但係成個整咖啡嘅手法真係幾特別，幾好睇。店主話呢隻咖啡無可卡因，可以放心飲，仲比咗幾粒土耳其嘅糖，教我地先飲一啖咖啡，覺得苦澀，可以含一糖一齊飲，跟住飲啖水，清一清口腔嘅異味，再去飲下一啖咖啡，咁先可以真真正正咁品嘗到咖啡嘅香味。老老實實，我真飲唔出咖啡同出面嘅有好大分別，少少苦味，但有好味嘅糖可以一齊送咖啡，我覺得都可以接受，咖啡香味的確好濃，我個飲慣咖啡嘅朋友，都話好香好正。最得意嘅係，飲完咖啡，店主話可以將個咖啡杯倒轉，然

同朋友傾project ，佢介紹去上海街海景絲麗酒店高層19樓嘅JD Euro，地點都好方便，位於油麻地，清靜兼且夠開揚，傾傾下可遠觀景色，個腦都會鬆得快D。坐底至知食土耳其菜，本身偏愛中東菜，主菜大多採用原材料，無太多加工食品，利用蔬菜本身的色香味去配搭，五穀類不論麵包或米飯亦有獨特口味。先叫個特色小食炸薯條及兩杯咖啡先，茄子、車厘茄、芝士、香草、黑胡椒。。等等與炸薯條同食，平平無奇嘅薯條立時高一層次。黑咖啡，芬香撲鼻，飲後口腔餘留咖啡味，唔濃清清地好易入口。我哋傾到咁上下，要左份招牌雞肉配麵包，賣相及份量都同我響北美洲食嘅相差一段路，帶點港式，不過一食味道有驚喜。開心果酥餅及土耳其軟糖，小小甜啱口味。

雖然未食過，但唔知點解，一直對土耳其菜都有好感，可能之前睇電影🎬見到土耳其菜簡單得嚟又好豐富，所以今日特別嚟左油麻地呢間土耳其餐廳，話時話，其實呢間餐廳都幾容易揾，因為佢就响酒店嘅19樓，而呢間新落成冇耐嘅酒店就喺廟街榕樹頭對面馬路，即係美都餐室隔離，雖然餐廳面積唔大，但景觀開揚，空間感十足。首先飲左個廚師湯，上檯時熱辣辣，有濃郁香草味，見到碟邊有新鮮檸檬🍋，放埋入熱湯𥚃面，再飲啲湯，發現味道更醒胃。想講個沙律🥗，蔬菜用料新鮮，亮點喺喲洋蔥，甜甜的，唔會有辣喉嘅感覺，加上佢地自製嘅沙律汁開胃醒口，一邊食一邊欣賞開揚景色，正。仲有杯咖啡☕️，放喺面前已經聞到陣陣咖啡香味，唔會話好似連鎖咖啡店甜都不得了咁，咖啡-靚景-土耳其音樂不斷播出，感覺幾好！

香港人對土耳其菜都很陌生，我和男友最近就都試下新菜式，加上很久沒有到油麻地這邊用餐了，今日決定到這餐廳試一試！餐廳位於酒店19樓，很特別，走的路線似是介乎高級西餐廳與土耳其餐廳之間，在這區來說，價錢算是中上。甫一進來，抬頭看就看到不少很有特色的燈飾，很有氣氛，整個感覺令人很舒服。我們見到有二人餐，加一後$550/兩人，頭盤是我最愛的胡麻沙律，不錯！另外前菜也有兩小碟，口味就未必適合港人。餐湯附上檸檬一片，未加之前沒有好感，加檸檬汁後卻很開胃，立即喝下一整碗。至於主菜有四款選擇，另附飲品。我們選擇了雞肉香草飯和牛肉麵包。它們其實份量不大，不過鍋氣味十足，加上飯有香草味，推介！而這個飲品的確有驚喜！沒有咖啡因的咖啡，容易入口，晚餐都可以供大家選擇，也有占卜功能，大開眼界！

油麻地廟街有一間餐廳位於酒店十九樓，樓上景色優美，環境謐靜，座位舒服，而且充滿土耳其特色Slow cook Turkish coffee即點即整，仲可以睇到整個製作過程，首先，將咖啡粉倒入杯內再加水，然後於熱沙中慢煮咖啡，用沙係因為唔會過熱，而且熱力均勻，所以煮出黎既咖啡味道得以保留，咖啡味好香，入口少少甘，但咖啡味好香，非常特別彩椒特色薯條彩椒非常入味，再加上又熱又脆既薯條，味道一流，而且配上土耳其特色醬料，好味第一次去食土耳其菜，估唔到土耳其菜咁啱香港人口味！

2019的新奇體驗～估唔到可以係油麻地，仲要係一間酒店GE頂樓食到土耳其菜一直都好想試土耳其咖啡，聽講無咖啡因之餘，仲對身體好好，土耳其女仔都要煮得好先嫁得出去TIM今次有即席示範煮法，原來係要好有耐性地係熱沙上面烹煮，飲落係香氣充足GE咖啡，但就無澀味飲完咖啡就開餐啦～來一碗豆湯，味道好濃郁JD Euro salad，都係店內招牌，加左土耳其GE專用香料，清新中帶點鹹香香燒雞肉串配飯，雖然無咩土耳其風味，但都好惹味JD Euro pizza with mozzarella cheese - 俾十個讚，芝士多到瀉出黎，但就無膩GE感覺，值得再試甜品好特別呀～有開心果酥同龍鬚糖！so sweet~~

老闆全程的招待都很好，充滿人情味。試了特色的 Turkish Coffee, 在香港很少能嚐到的， 會再來光顧 Tea Set 的份量大份，性價比高！環境舒適，食得招積老闆好好人，好多gifts

一個愉快的晚餐，因為員工的熱情招待，令我一定要寫這個食評。星期一晚上客人不多，環境舒服，食物不錯。羊架肉質鮮嫩，薯條小食夠特色，pizza芝味剛剛好。一定要讚的是員工服務非常友善，親切及主動，還示範煮咖啡過程愉快。可惜餐廳位置設於普通酒店內，要細心找尋。

第一次吃土耳其菜位於酒店的19樓，好像早上的時候還會提供早餐buffet，地方不是很大，但擺抬不會很密，餐廳的職員全部都是當地人3個人去，叫了一個二人餐及另叫了一道羊肉跟餐還有沙律，餐湯，薯條和飲品味道也不錯，很特別環境也很寛倘安靜另外叫的土耳其咖啡，expresso的份量，看上去很濃但是喝上去跟越南咖啡有點像

係openrice見到top10內既呢間土耳其餐廳，幾個朋友就同壽星仔膽粗粗嚟試下。這間餐廳位於油麻地酒店內既餐廳，環境細少但由餐廳望出去既風景都唔錯這不是南瓜湯而是扁豆湯，每一啖都有豆蓉，味道較清，感覺新鮮4人份量既沙律薯條配集椒Set dinner你唔會知食d乜，你只需選擇雞/牛/魚/羊，然後任由廚師設計餐單，感覺都幾得意，不過......等候時間非常之長，仲要嚟到既時間食物係凍既，食咗野等於冇食過咁，當日天氣凍冰冰，仲要食凍既野，感覺好似冇野落過肚。我選擇了牛肉，牛肉夠韌，脂肪較多仲要凍食，滿口油膩反而青椒最好味唔知係咪佢哋知道我哋等到唔耐煩，最後附送咗呢個甜品，超級甜既甜品，我鍾意食甜野，都搞唔掂，但一番好意，我哋全部都食哂

早前有同事話有間土耳其菜幾特別，有日收工就同佢去試下。間餐廳喺酒店嘅高層，夜景盡收眼底。我地點左chef design set，土耳其式omakase。必點土耳其咖啡，係用沙加熱煮的咖啡。店員邊示範煮咖啡，邊講解土耳其咖啡的由來同習俗。每杯咖啡都用呢個華麗的杯裝住，重點是杯咖啡係冇咖啡因，飲幾多都唔怕瞓唔著。到正餐，首先係扁豆湯。扁豆磨成粉要煲，吃到粒粒扁豆碎。前菜係JD euro沙律，加上土耳其香料，清清地幾開胃。JD euro pizza - 好濃郁的mozzarella cheese味，薄薄的一口好軟熟，好快食哂。香燒雞肉串飯 - 雞肉配類似茄汁嘅醬料再送一啖飯味道好夾。作為配菜的西蘭花同蘆筍味道都唔差。甜品就有開心果酥餅同龍鬚糖，我不好甜點，不過友人話好味。唔係只係食土耳其菜，仲加深左對土耳其飲食文化的知識，不錯不錯。

今晚要同友人食飯，大家都想試下新野，土耳其菜比較少見，見呢間位於酒店上面嘅土耳其餐廳零負評，就book位試下。我地唔知食咩好，就叫chef design set，唔洗煩。呢度最出名原來係土耳其咖啡，個杯好靚呀！好有中東特色~入口無咖啡味，似熱茶咁，少少甜，值得一試，而且無咖啡因，可以安心訓覺。扁豆湯，豆味濃。JD Euro Salad，好fresh，醬汁酸酸地。JD Pizza with mozzarella cheese，餅底超薄，最鍾意咁薄嘅餅底，唔洗驚滯住，可以一口食一塊。香燒雞肉串飯，雞肉燒得好香，白飯夠米氣，個醬都好味。甜品有baklava，即係開心果酥餅，仲有伊斯坦堡龍鬚糖，好有心思嘅擺碟，甜入心呀~