Just Eat (已結業)

在西營盤站長長的斜路上，扶手電梯可通往每條內街，英華台便是其中一條這條短短的街，就有間很爆場的越南菜座落於此看去座位不多，不過潔白乾淨，賣的是傳統越南菜食物：雞絲扎肉湯金邊$52簡單的牛骨湯跟金邊粉，粉量很大，非常飽肚，湯底味道夠濃，雞絲跟扎肉作為點綴也恰如其分，沒有搶越南粉的風頭燒雞撈檬$62這一份的凍檬粉很爽口，燒雞夠彈牙又夠惹味，加上必備的傳統酸辣汁，夏天吃一絕消暑生菜包$72豬肉夠乾身不過肥，加上大量青檸，少量有紅蒽頭，令人非常開胃吃個不停！喜歡吃越菜的人，也會喜歡的

依一帶好多特色餐廳，今日嚟到呢一間越南餐廳，裝修簡約舒適，而唔錯就入咗去啦。濱海伴燒雞「濱海」是越南話，煎米粉餅的意思，賣相頗有趣，由米粉組成米糰，很像蜘蛛網。越南人會撒些花生碎、葱油同吃，有點像生菜包。Just Eat的濱海伴燒雞有四件燒雞，學越南人在粉上放上蔥蒜再用生菜包住食， 雞肉鮮嫰，味道亦不錯。素菜芒果卷入邊有好多菜，芒果加上甜味，再點上甜酸汁，係開胃嘅小食。香茅燒豬扒份量適中，香茅味幾濃，點埋蔥油，調味相當好。豬扒外脆內軟，感覺新鮮。再食埋個牛肉湯河個湯好濃烈，調味相當夠，牛肉份量都幾多，食埋其他芽菜等等嘅配料，非常開胃。青檸梳打、越南桔仔甘蔗水:青檸梳打青檸味恰到好處，清涼解膩飲品，夏天消暑精選。越南桔仔甘蔗水酸甜度適中、令人想一喝再喝，夏日消暑解喝不二之選

估唔到係呢個地方都可以食到咁好味既越南同泰國菜！餐廳裝修簡約，以黑白為主，座位唔算好多！餐牌有多款不同的選擇！泰式生菜包，一向都喜歡吃生菜包，見到呢度有，當然要試下！肉碎份量都幾多，唔會太辣，酸酸辣辣再包上生菜，新鮮又開胃！牙車快，這款沙律拌上酸辣汁，加上有雞絲，爽口又夠fresh，是好好的前菜！香茅豬扒湯檬，豬扒不會太肥，有稍稍炸過，有點脆口，有香濃的香茅味！檬粉軟硬度剛剛好，湯底清清地，再加入附有的青檸和辣椒，味道更惹味！青檸梳打、薄荷青檸梳打，前者青檸味都幾濃，夠哂解膩，而黎者還有薄荷的香味，令飲品更fresh更涼快！

附近好多美食，西餐，四川菜韓國菜咩都有🍴Just Eat 裝潢簡潔，光猛感乾淨企理👍🏻放工過嚟好肚餓，二話不說坐低叫嘢食先！🔸泰式生菜包🥬 $72每次食泰菜，都會叫生菜包，肉碎中加入咗檸檬葉，提升咗成個生菜包，香料refresh同減少油膩👍🏻馬拉盞炒通菜 $60通常食多兩啖食到底都會覺得好咸好口渴，但呢個絕對無此感，聞落好香好有鑊氣，食到停唔到口😋😋🔸菠蘿🍍海鮮炒飯 $88炒飯飯粒粒粒分明，唔會濕出哂水，海鮮主要係魷魚同蝦好足料🦐🦑🔸青檸梳打 $24🔸越式凍檸茶 $26唔會太甜，健康啲😁😁推介越式凍檸茶，幾特別！

裝修簡潔舒服，人流唔多，上菜快。食物味道77分，幾好食，但份量較少。.🔸泰式生菜包 ($72)肉碎炒得好香，少少辣，生菜包住黎食好惹味。但係得5塊生菜for你包肉碎。.🔸馬拉盞炒通菜 ($60)碟菜係廚房炒緊，我係出面都聽到好有鑊氣。果然食落真係炒到熱辣辣又香口。份量夠2個人食，但一個人都食得哂。.🔸燒牛肉撈檬 ($62)燒牛肉十分冧，又唔痴牙又入味。檬粉唔會好碎，撈埋汁食幾開胃。.🔸菠蘿冰 ($38)梳打水，底下有大量菠蘿同柚子碎，好夠味，味道較甜。.🔸越式凍檸茶 ($26)放左青檸清新左，中規中矩，味道較甜。

大食妹好鍾意四周圍搵好野食之前去西營盤食晚飯嘅時候, 發現果頭有好多好野食今日就約左住係附近嘅好姊妹去食新開嘅越南菜-Just Eat<濃味牛湯浸牛肉河>Just Eat嘅牛湯好鮮甜, 一啖牛湯一啖河粉, 食落入味又暖胃份量都好多, 兩個人share碗粉, 再加啲小食就好飽啦牛肉都好鮮<越式雞(半隻)>越式雞食落啖啖肉, 雞皮嘅油脂感幾高, 聞落有好香嘅雞油味食到一半想轉下味道, 仲可以沾佢嘅醬料有甜、有咸、有酸, 總有一款啱你口味<Just Eat 春卷>炸到脆卜卜嘅春卷配上新鮮生菜, 中和左佢嘅油膩感<青檸薄荷梳打>青檸薄荷梳打好似冇酒精嘅Mojito, 清爽又解渴<越式凍檸茶>越式凍檸茶味道偏甜, 茶味突出

每次係正街搭扶手電梯時，我都會見到中間一條神袐既橫街，今日同朋友走去一探究竟，原來入面有兩至三間餐廳，其中一間係新開既越南餐廳Just Eat。餐廳面積比較細，但環境舒服，裝潢以白色為主，加上燈光十足，令人非常精神。- 濃味牛湯浸手切牛肉河餐廳用上金邊粉，口感煙韌。湯底非常濃味，當我嚐湯底既一剎那，牛肉既精華立即䆁放出嚟。手切牛肉切得幾厚，半生熟但入口仍然軟稔。- 濃味牛湯浸牛肉河牛肉份量幾多，粉麵方面都係用左金邊粉，湯底一樣非常香濃。- 青檸梳打而家天氣咁熱，仲要啱啱由地鐵站行過嚟，我一坐低就叫左杯涼透心既青檸梳打。甜度適中，感覺超級清爽！- 越式凍檸茶我覺得同港式有少少分別，茶底比較香，after taste比較強，不過比港式略甜。- Just Eat春卷加生菜越式春卷非常酥脆，餡料亦更豐富，生菜包住春卷食可以減低油炸既肥膩，而且更添爽口。手切牛河同春卷非常出色，尤其係手切牛河，我從未係香港食到湯底咁濃味既越南河。

好掛住越南，唯有去食Pho頂下忍。濃味牛湯浸手切牛肉河($78)食Pho最緊要熱辣辣，佢d湯熱辣辣不特只，d牛好淋，個湯好濃牛骨味， d粉好多！-泰式生菜包 ($72)我叫左少辣，幾惹味，生菜唔係好多，每人食幾塊就無，d肉剩曬，不過我地都有食曬d肉🤣-青芒魷魚木瓜沙律 ($48)魷魚幾多，好少食一條條木瓜幾得意，酸酸甜甜幾好味。-越南桔仔甘蔗水($38)因為係蔗水所以好清甜，仲有d桔仔酸酸地，好飲又健康。

-Just Eat西環英華臺1-6號華輝閣地下2-3號舖————————————————————————————係西環穿過橫街窄巷，黎到呢一間朋友介紹既越南餐廳，食一食地道既越南菜。-✨ Just Eat春卷 ($52) (⭐⭐⭐⭐⭐/5🌟)見到菜色名有Just Eat兩隻字好明顯就係呢間餐廳既招牌菜啦，黎到呢到點都要試下Lol春卷一共有兩條，切成四件，春卷炸得好脆，入面有彈牙鮮蝦，足料之作~ 比較特別既一點係旁邊有幾塊生菜比我地包住食，別有一番風味~-✨ 雞絲扎肉蝦頭油炒飯 ($76) (⭐⭐⭐⭐/5🌟)幾有驚喜既一個炒飯，首先用蝦頭油炒令到個飯充滿住獨特既油香，同埋每粒飯粒都係金黃色，夠哂鑊氣。雞絲同扎肉同個炒飯好夾好夾，將雞肉既鮮味迫哂出黎~~-✨ 香茅串燒雞 ($36) (⭐⭐⭐⭐/5🌟)一共有兩串香茅串燒雞，香茅味道幾濃郁，鍾意香茅既朋友絕對唔可以錯過。雞肉亦都燒到剛剛好，好嫩滑~————————————————————————————#BE西環#BE誠實豆沙包

今次終於離開comfort zone，唔再係喺公司同屋企附近飲飲食食，而係去到西環試下間新餐廳🍴呢間餐廳主打越南菜，餐廳環境簡潔乾淨。香茅串燒雞 $36食落有淡淡嘅香茅味唔會太濃，雞肉唔會太老。雞絲扎肉金邊粉 76呢個粉份量好夠，一個大男人食都飽，個湯底都幾夠味，金邊粉好幼滑，雞絲唔韌札肉夠味，落埋青檸同辣椒夠哂惹味。濱海伴絲網春卷 $48呢個菜式好特別，用生菜包米粉加絲網春卷，咬落去有多重口感，咬落先食到生菜嘅爽，再有放左酸辣汁嘅軟軟米粉，最後係香脆嘅絲網春卷！

Just eat曾經係台灣菜嘅食舖今日經過先知轉咗越南菜眼見openrice唔少好評一於試下有幾高質！店舖牆身枱櫈以黑丶白丶灰色做主題， 整體都好和諧舒服。打開餐牌首先揀咗香茅茶同青檸薄荷梳打青檸同薄荷嘅配搭好清爽解渴， 夏天飲消暑一流員工幾細心香茅茶嚟到嘅時候提我哋焗一焗等味道出啲我幾鍾意呢杯香茅茶 佢唔算濃烈 但清淡得來非常之舒服， 成個口腔會散發著淡淡香茅嘅味道。主食方面都幾多選擇一開始食咗最開胃嘅生菜包先佢 將檸檬葉搣得好碎，再加埋辣椒， 酸辣味十足，好好食！而且啲菜夠爽脆， 清新惹味！香茅串燒雞串燒雞燒得夠嫩滑多汁，配埋佢哋自家醬料風味十足。香茅豬扒金邊粉香茅豬扒比我想像中大塊厚肉， 豬扒表面夾雜住炸蒜片同香茅，食落好香口。 好快就食曬成碗金邊粉！

大熱天時，一去到餐廳，一定要叫兩杯飲品散下熱降下火！我哋叫咗越式檸檬茶同菠蘿橙梳打。越式茶底清香又唔澀，唔飲港式檸茶嘅濃茶底，平時飲開檸茶嘅我非常喜歡！而杯梳打店員就介紹係廚師用新鮮菠蘿同橙皮做成果醬，溝埋梳打，甜度岩岩好，又有咬口，好岩夏天飲👍🏼👍🏼我哋算係無雞不歡，所以對越式雞好期待！越式雞有啫喱，肉質嫩滑，雞皮彈牙，口感一流！扎肉雞絲金邊粉個雞湯幾濃郁，雞絲扎肉都係唔錯，如果份量再多啲更好。馬拉盞通菜算係中規中矩，醬料有唔少材料，例如蝦米、紅蔥頭、辣椒，惹味得嚟又唔太辣。食物價錢以中西區計算相對平，不過餐廳位置冇咁就腳，要上斜路，好彩附近亦有扶手電梯，相信去開西營盤會再encore！

好多朋友成日都話西環好多嘢食，不過Fatbrown 就覺得局限於西餐同埋一啲舊式冰室，今日經過西營盤見到有間新開嘅越南野，好耐冇食過越南河粉就食下啦<牙車快$46>牙車快睇個名都唔知係食乜，原來係好似泰國嘅粉包，包左椰菜同雞沙律，食落去幾爽口<濱海伴燒牛肉$56>炭燒牛肉油滋滋，外層香脆，內面又唔會乾喎<濃味牛湯浸牛肉河$62>湯底有香濃牛骨味，幾滋補牛肉薄切幾嫩，索埋牛骨湯底更加好味<越南滴漏咖啡$38>第一次飲越南咖啡，超級鍾意同西式咖啡比，味道更香醇，奶味無咁重<越式凍檸茶$26>同港式凍檸茶差唔多，都幾好飲

一到weekend 同老公二人世界一定會來西營盤周圍搵好西，第一次來到比較專做街坊生意既越南菜，我同我老公都覺得受了一種好warm既招呼。第一時間，我一坐低，店員就好快介紹左我食雞絲扎肉湯金邊，雖然呢個唔係我最愛，但我更愛店員既其他介紹。濱海伴燒雞 & 素菜芒果卷先係我喺呢間店既大愛，因為本身我係好鐘意食烤雞檬粉 （濱海），同埋rice roll類既越南野.飲品：我飲既香茅茶真係不錯，平時唔太鐘意食香茅既我，竟然個茶係我驚喜。總结：service 同食物既賣相都係優勝之處。

抵食西半山越南小店新嘗試～～～星期五收工 同大舊一齊去咗西環 參觀朋友係西半山嘅新居 參觀完之後由於朋友屋企連煲都未買 煮唔到飯所以我哋就直接去咗佢屋企附近嘅餐廳食飯 揀嚟揀去 最後我哋想食越南野 所以就揀咗呢間入面有好多人嘅越南餐廳 通常多人嘅地方總係唔會有錯嘅～～～一坐低 唔算太肚餓嘅我哋 只係叫咗三樣食物濱海伴燒雞香茅燒豬扒同 扎肉雞絲粉～～～濱海伴燒雞：成日都見到越南餐廳有濱海食 但係成日都冇食 因為價錢都唔平 又唔知好唔好食 見呢度價錢好平就叫一個試下 點知味道真係唔錯 好似生菜包米粉同燒雞 嘅感覺 幾清新 味道balance得幾好～～～香茅燒豬扒：大大塊 又軟諗入味 高性價比之選 高質～～～扎肉雞絲粉：湯底味道比較濃 扎肉好重黑椒味 幾特別 中意濃味嘅人會中意 ～～～推薦度：🔥🔥🔥🔥🔥🔥🔥🔥