KITCHEN

營業中

休息中

因為週年慶典，想搵間有景睇下又可以慢慢食野既地方，所以選左九龍站既W Hotel, 呢間食落真係麻麻地，凍龍蝦乾同韌都無鮮味，凍蝦好一般無咩感覺，食落淡茂茂，熱食好少野選擇，甜品都唔多，我都係係咁而揀左個布甸食下，但鰻魚卷壽司同花之戀幾好🍣，細細舊咁，飯唔會散開晒，呢樣係值得推介，間酒店燈光比較昏暗，食左一個鐘都無已經食完，比起其他五星酒店佢的確好少款式，但就唔算貴既，平日$638加一，白金信用卡仲有9折，呢間試過就算。

Book 左十幾 位 ，本身都有d期待， 價錢都唔平仲要唔包果汁飲品 ， 食物一圈都已行曬 蠔又細隻 沒咩野食 食物都麻麻， 真係比起平佢d既酒店自助餐差好多 沒下次 服務都麻麻， 禁既價錢 咩特色野食都沒 好hea 行一圈都唔想再拎既 感覺 要求安排 近窗 點知去到比最角位 ， 又唔講清楚 ， 想試新野既 就要考慮清楚係咪食呢間， 3 百幾個d質素，沒咩食物值得一讚， 普通過唔普通，我好細食既人， 因為食物唔太好食 係沒咩食野 食完一餐都餓住走 中伏100% 。

說起來，已有好一段日子沒造訪過Kitchen了，而近日知道有新攪作，實在有點期望。 原來自從法籍星級大廚Chef Olivier Elzer加盟後，Kitchen的吸引力大增，就算是Lunch Buffet，都依然座無虛席，真是魅力沒法擋。 中午時段，餐廳有自然光的透入，令人倍覺寧靜舒適。 為了迎接聖誕，餐廳推出三道節慶限定菜式，只在Kitchen提供，但供應期只去到2月。 鵝肝杯薑餅紅酒啫喱 薄薄的一片，口感輕盈，但卻有濃郁的鵝肝油香，與及肉桂及豆蔻等香料 ，加上紅酒Jelly，口感濕潤，配以長條形薑餅，淡淡的香氣，平衡了油膩感，相當細心的處理。 香檳焗蠔 用香檳汁取代常用白酒，調製出荷蘭汁，無疑是多了一份酒香，表面又焗至焦糖化，將蠔汁鎖緊，連同西式韮蔥及紫菜，實在吸引。 火雞胸配松露栗子 火雞肉毫不覺粗糙乾身，火喉處理得極好，原來是以醬料醃製火雞胸肉達12小時，然後slow cook，保留了肉汁而將栗子、煙肉碎、薯仔和洋蔥，烘焗及煙燻，最後加以黑松露醬燴煮，風味獨特。 Seafood Station 雖然是Lunch

又到覓食星期六，之前同事送了張W HOTEL 既HK$500 DINING COUPON，可以到酒店內的餐廳消費。所以便約了喵星人去佢地既KITCHEN RESTAURANT 食個DINNER BUFFET。 身邊既同事朋友都有講過唔好抱太大期望，講真可以平到HK$500去食，我唔會仲咁高要求啦。食過什麼也不能盡錄，簡單而言，選擇雖然唔算好多，但該有的都有，法國生蠔，波士頓龍蝦，麵包蟹等；沙律BAR，芝士區，日本刺身；各種肉類熱葷區；湯麵點心區；甜品區等都有齊。 味道的話，我同喵星人都俾合格分數，因為水準唔差，但沒有驚喜或者有某些食物係特別好食而令我想ENCORE的。 原先星期六DINNER BUFFET 一位係HK$698加一，用了COUPON後加同事MEMBERHIP 75折後，只係HK$450+，係抵食既。但原價的話，真心唔會喇。

成日聽到啲朋友同事講有幾好食,服務好好,水準唔差可能聽得多,期望非常大 ! 11月15號係我嘅結婚紀念日,所以決定食好啲！去到確實環境係唔錯,service 的確亦唔差,但當我行入攞嘢食一刻,我……呆了原以為好多嘢食,原來一啲都唔多,只能夠講能值回票價嘅就係有我最愛食嘅生蠔甜品都唔錯,中式食物亦比較多,飲品可以加錢任飲,可惜如果以我嘅飲嘢方式絕對唔適合,肯定嘥錢 ! 反正最後都有送咖啡奶茶嚟宜度其實都適合一家大細嚟慶祝生日,當日眼見最少3枱嚟慶祝。失望只因選擇太少 !

每次食 buffet ，最享受的莫過於將不同的美食，隨自己的心思意念擺放在自己的碟上；享受美食之餘，更可以把自己幻想成世界名厨......😝今次到 W Hotel 食 lunch buffet 都只是隨便跟外國回來的家人聚一聚，本著沒有特別的祈望，還加上少少戒心而來，最後卻帶來驚喜呢！首先，salad bar 的蔬菜是一盤盤滿滿的，又綠又新鮮！Salad dressing 、配菜和 cold cuts 的種類有很多。選擇了抽子醬油汁，配上燒牛肉，味道非常清新！午餐的凍海鮮種類不多，有魚生，青口，麵包蟹和龍蝦。龍蝦的海水味太重和肉質不夠鮮味，魚生和壽司有點乾。以麵包蟹最鮮甜，一家人大大話話每人食了最少一隻的份量呢！由於吃了太多凍食，於是嘗試以中式的欖菜炒飯作伴碟，兩者的味道出奇地配合。藉得一提的是這個炒飯夠乾身，有鑊氣之餘而不油膩，味道非常適中！午餐每人送一隻小小鮑魚，體積真的小得可憐，但勝在口感和味道都不錯，賣相都有花心思，大家都食得很開心！當日有三款湯，以中湯的蟲草花廋肉湯最受歡迎，每人喝了兩碗！突然，有家人驚喜地發現放在酸辣湯旁邊的鍋巴！他們都用來餸湯，而我就把它配於西式的龍蝦燶汁

整體上，食物、環境都唔錯，唯獨是4百幾5百元一位，居然欠缺蠔，服務人員由到達至到餐廳都幾好服務又有禮，揸車去都方便，如果消費$400（基本上一定到）早少許到達仲有免費泊車三個鐘。不過係先到先得，無位就自費泊圓方。另外即場申請SPG會員除免費外，最緊要係即刻比9折。

環境正，座位望到海，如果餐廳高d風景仲好。一去到就攻海鮮，但不知怎的，龍蝦的膏被人挖了出來，每隻開邊龍蝦的肉都有條坑，好像俾人食過一樣。 無想過五星級酒店放d咁既野出來。如圖，我食左6邊，不同時段出去拎，都是咁。但我肯定本來一定有膏，因條坑是好大條。而且到了8點左右，蟹就無refill，只得一堆無乜肉的蟹殼(麵包蟹d腳)在冰上面，真是覺得好灰暗。唯一可取的是黑魚子幾鮮美，我填左d黑魚子入龍蝦條坑度扮是膏安慰自己。其他野我無乜點食，因一心打算凍海鮮吃到飽。是最後食左2球雪糕，但朱古力口味無哂，一開頭巡視是有的，到我食的時候變左雲尼拉。餐茶我飲凍檸茶，好明顯茶底唔夠用狂加水出來的成品，飲下去淡而無味，仲要是比同枱早我一小時叫凍檸茶的朋友(佢果杯已融哂冰)的茶底淺色好多。另，我是w hotel member,75折，但我都有匯豐卡，78折。。。我為什麼當初會花2000幾買member。。。

摛晚去左食我自己既生日飯，真係令我太失望！我1年前去過食，因為食品唔錯，待應服務好，最緊要係有好好食既無限仼拎鵝肝，所以我摛日先會再一次食我既生日飯。點知，而家價錢貴左之餘，廚師服務黑口黑面，問多二句都好似唔想答甘，野食無驚喜，最緊要係而家鵝肝只限一人一塊，坐齊人會派，而且重係凍既！好心啦，貴為國際大品牌酒店，你地唔好做得甘寒酸啦，唔怪而家無乜人嚟，你地反醒一下啦！我會講比我身邊既朋友知我呢次經驗，唔想身邊朋友中伏，亦對你地嘅自助餐非常非常失望!!唔會再有下次

90歲的老爸近年愛上了自助餐，雖然食量很少，但看到琳瑯滿目的食物已經很雀躍。Kitchen今期主打上海菜式，估計熱葷會較多，口味會適合老爸，而且用匯豐咭有78折，平日晚上折實每位約$550，包一杯飲品及每位送鵝肝多士一客，如好杯中物，只要加錢就可以紅白酒任飲。酒店位置就在西隧九龍入口旁，臨近海邊，為讓客人可觀賞日落，所以6pm就可以入座。酒店位置非遊客區，所以食客以本地客為主，而且大部份係OL白領斯斯文文，攞野食亦有規有舉，乾乾淨淨。座位舒適寬敞，與隣座有適當距離，而且看得出酒店在座位安排上的細心，不會太嘈吵(可能是平日，客人未滿有關)。一定一定要讚的是服務態度，雖然大多5星酒店的服務態度亦很好，但是，難得的是在工作中仍看到他們的笑容。每次陪老爸食自助餐都讓他自由地享受一切過程，我只會在遠處看着，有需要時才跑去幫忙，我看到老爸每次攞食物回座位途中總有侍應幫他接過和陪他回座位，負責食物枱的員工亦很親切，壽司枱的姐姐會主動幫老爸夾刺身，而雪糕哥哥更主動向老爸介紹小籠包擺設，那一個才是可食用的小籠包甜點，怕老爸攞錯我在旁看到這一切亦感到窩心終於要介紹食物了，今期主題是上海菜式，可惜，菜式和水

由於太突然約朋友去食自助晚餐，只有W Hotel有位， 諗住未試過，去試下。點知出事。朋友book咗4大2小，去到佢俾咗張4人同3人既兩張分開咗既枱我地。最後佢話可能攪錯。我覺得都無所謂。重點d食物，真係好一般，唔似五星級。好似三星級咁上下。種類少，諗住滾粉面食，佢話無雲吞，無丸，得白魚旦。仲最簡單既生菜都無。甜點，一樣少得可憐，得三款蛋糕，一個迷你朱古力噴泉和雪糕。另外，我諗佢地方唔夠大，d食物枱，整到都幾高，一般小朋友係唔會攞到最高個層（因為佢將d食物分兩層放），所以呢到要扣分。最後，唯一值得讚，係個景，好靚。

一睇咁多咁差既食評就預左唔好食，不過既然coupon就試一吓，心唸一間5星級酒店應該唔會差得去邊掛。點知真係中伏，未見過一間餐廳可以全部食物都唔好食。除左一樣，雪糕！因為唔係佢地廚師整。食物種類尚算齊全，有海鮮、冷盤、沙律吧、熱葷、烤牛肉、刺身、甜品、雪糕等等。先講一講海鮮，有半邊波士頓龍蝦、生蠔、蝦同青口。生蠔瘦到無可再瘦，一d肉都無咁制，而且淡而無味，未試過食自助餐生蠔竟然連一打都食唔到。不過佢refill既速度都算快，好快就有人refill。跟住到冷盤，有不同既芝士、辣肉腸、巴馬火腿。因為都是外購，所以整體上味道可以。湯有兩款，但都好淡，唔足料！刺身尚算可以，但壽司飯好「林」。熱葷方有叉燒，雞，鴨，牛扒，羊，咖哩，炒菜等，可惜無樣好食。跟著灼粉麵，本應無野好彈，但佢的湯底都無無味。至於甜點亦非常一般，沒有驚喜。注意：切記勿點任飲白紅酒，因為很難入口，好難想像一間酒店會入這些酒，如水一般！十分失望！總結，不會再光顧！

昨天 29 August, 2017，朋友揀選了 W Hotel 的 Kitchen 為我慶祝生日，大家都是第一次來，先向海鮮區攞食物，第一眼看到龍蝦，感覺還不錯，跟住見到超細隻的法國生蠔，感覺不太好，有很多都被開蠔師傅弄破蠔肉，再看是麵包蟹，攞左龍蝦和生蠔，龍蝦不過不失，生蠔入面很多蠔殻碎，沒有海水味，味道一般！第二轉再攞生蠔和一麵包蟹蓋，這次生蠔更差，不夠凍，有點怪味，肯定不新鮮，轉吃凍肉，沙律，可能太少食物選擇，很多都非常普通，完全唔想攞來食，甜品選擇亦少，完全無驚喜，這個原價 $6XX 的價錢吃這些食物，簡直是浪費金錢！雖然匯豐信用卡有 78折，但都一點不值！反而要讚的是這裡的員工服務超好及有禮貌！

一行九人八女一男 於一星期前訂座 準時六點到場 地方優雅 乾淨寬敞 陸陸續續入座 都有九成客 標榜龍蝦任食長腳蟹生蠔 三文魚 鵝肝多士都係我嘅至愛 尚有美國牛扒 嫩牛仔扒 冇乜驚喜嘅餐湯 或中湯 非常之失望 已六百八十蚊左右另加一再八折嚟計 係非常之唔抵食嘅buffet 每位$610左右 自助餐款式普普通通 冇乜特別 侍應招呼相當有禮貌 但是執碟 緩慢 望出窗外整過海景唯一一個特別之處

因為朋友生日, 就揀左W HOTEL 食BUFFET， 但呢間酒店食物質素只可以用3個字形容"好鬼差"，如果一般聚餐食飯都算，今次因為同朋友慶祝生日想食得開開心心， 竟然會令我地2個都咁憤怒失望。 話晒都係一間有出名嘅5星級酒店，但真係想像唔到佢地D自助餐食物質素居然連普通三星級酒店都不如，係我食過五星級酒店中最差嘅一間，可能係我本身對呢間酒店期望太大！當晚7:30左右到餐廳，一入海鮮區見到生蠔已經嘩左一聲，生蠔得三四隻全部都係得好小好小嘅肉，好似營養不良咁呀大佬! 仲有補野食D速度又慢過烏龜，失望！再去到魚生區，真係想講粗口，居然D雪溶到滴水滴落地下到，你估街市咩，失望！好啦再去甜品區，朱古力噴泉周邊D水果呀曲奇餅呀上面全部都有D朱古力醬，直情見到都冇胃口呀 ！真係對間餐廳任何一PART 都係好失望！五星級呀唔係三星呀，完全係唔值呢個價錢！以上所講都係講佢D 食物質素，但Kitchen D 侍應們服務態度係好好又有禮，唯獨係餐廳D食物質素真係不敢恭維，實在係有損酒店聲譽同形象，我好嬲呀唔會再去。