影片
港鐵荔景站 A1 出口, 步行約6分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
食家推介
優惠飽肚之選其實呢一間咖哩屋之前喺網上已流傳甚久一置好評，咁就試一試佢。睇吓咩standard 去試啦...一般屋邨/領匯餐廳計，佢係超班水平嘅。有地道香料煮製，味道正宗得嚟又好食嘅，服務亦都滿意，款式算豐富，坐位又OK. 但係...如果你以銅鑼灣嘅水準計呢，咁可能你會覺得唔值得坐車嚟，因為美孚同荔景嘅山上面，要GRAB UBER 或者自駕會好少少。所以地理位置已經差一截。然後如果你單純諗著打卡呃like 呢，咁呢度都係未必合適嘅...不過價錢同份量就好岩 d 後生男仔呀打完波嚟囉...講返食物叫左兩個不同款嘅薄餅/酥餅，兩款咖哩。Chicken Kurma & Curry Lamb. 後者羊羶味夠！Cheese naan 輕輕芝士味，不過不失啦！正評
繼續閱讀
今日出去做嘢，有點被發配邊疆的感覺，這裡的餐廳選擇怎麼就可以這麼少？赫然在目，KK啊？這麼潮的名字冠於印度餐之名，老實說，是被他的名字吸引進去的。既然是正宗、新鮮又健康，試下無妨啊。一打開餐牌都有啲被嚇到，咁偏遠嘅地區，價格同商業區有得揮嘅價錢，心裏碎碎念：千祈唔好係伏啊！之後我叫咗個Set B好大件下，配埋個醬，味道幾好，不過以我對印度餐嘅認識，呢個醬稍微淡咗，唔知係咪迎合港人口味？！不過都好味牛肉咖喱，大概有七塊牛肉，燜得幾淋，唔覺有筋，咖喱可以選擇大辣中辣同小辣，可謂照顧周到。秉承小女唔愛飯嘅壞習慣，我選擇咗烤餅，上檯仲熱辣辣㗎，可以點下啲咖喱食，好好味，不過份量略少，如果你驚唔夠食，可以選飯嘅。最後可以加錢轉特飲，呢個係banana milk shake，見到佢真係即時拎咗條香蕉去打，打完以後份量仲多到分多咗兩杯，當然，我都係飲咗自己比錢應分飲嘅果一杯。口感順滑，而且，肯定健康啊。結果令人滿意，估唔到超出預期，明顯嘅性價比都高。不過當日去食，真係冇乜人，常到附近嘅朋友可以去一試無妨。
繼續閱讀
Discovered this little restaurant in this very quiet mall. We had veggie soap, veggie samosa, bread and curry chicken for tea.Delicious fresh food made by the owner. Nice and friendly authentic Indian food. We will come again
繼續閱讀
肥腩腩今日又帶蜜桃小丸子去試新野，就係印度菜！店舖位於荔景嘅祖堯邨商場內，老實講，唔係腩腩帶我來，相信無人會專登嚟呢度食野，因為除咗條大屋邨外，呢度係無野好行！為了一試新菜式，就無妨吧！由於我地係下午茶時段來，所以店舖係無人的，只有老闆在看電視，廚師在午睡（打攪哂）。不過，有生意唔通唔做咩，所以老闆都好好人咁邀請我地入嚟食。首先，叫了一道前菜叫Samosa veg. Samosa嘅港版係平時食開嘅三角形咖哩角，正宗印度版就係一個好立體嘅三角形，可以係炸或者焗而包住咸點例如辣薯仔、洋蔥、豆的小食，係阿拉伯地區、東南亞、中東地區以至印度十分流行。食落口裏面有好豐富嘅薯仔，咖哩味香濃而不太辣。另一個前菜係Papad Masala。Papad指一種好薄嘅脆片，可能因為我地晏來，個Papad唔夠熱，但就算脆。Masala係指混合嘅香料，我估係呢度菜式上係指脆片上嘅雜菜，包括蕃茄粒、青瓜粒同洋蔥粒，啲雜菜粒先用香料撈過，所以食落去好香，同埋啲脆片食，一硬一軟咁，口感唔錯。蜜桃小丸子最欣賞就係個Cheese Naan同Lamb masala。Naan係指一種平平嘅麪包，我覺得唔可以叫做薄餅，因為佢嘅質地軟綿線係似扁嘅包包多啲。入面有層薄薄嘅芝士，食落去有點咸香，好好食！至於個Lamb masala, 好特別地係用銅器盛載，據說銅器可以對食物產生一種很好的能量。個Masala由多種香料混合起來令到佢好香、味道濃郁，而佢嘅辣又唔會令到你流哂汗，唔係好食得辣嘅我都入到口，將啲lamb masala同啲naan一齊食，正！飲品叫咗杯mango lassi，芒果奶昔，對於我嚟講甜咗少少，不過配合其他食物來吃又幾清新。平時真係好少食印度菜，今次第一次食，感覺正面，味道幾好，可以再嚟試其他菜式。
繼續閱讀
迫不得已要係荔景呢個荒蕪之地食晚餐，試過荔景既野食，覺得太少選擇，只係一心諗住唔想食頹飯，於是把心一橫上山搵野食，本來想去間港式茶餐廳，點知下午5、6點呢個時間都竟然冇開門，又唔想行返轉頭，最後就黎咗呢度。我不嬲都想窮食，點知入到黎打間餐牌係咁貴，平均都70、80蚊，心諗中伏了最後叫咗個最平又食得飽既，都預咗佢其實只係普通公仔麵，不過真係整得好食，軟硬口感好，咖哩好味好香，唔會辣好耐，唔食得辣既人應該都食到，但係呢個價錢既羊肉就較少，但不致於唔合理。其實佢有好多其他炒飯、薄餅、沙律，今次一個人冇機會試，我諗應該會唔錯，屋邨地方冇乜街客，一班人叫唔同野食一齊share,唔會有人阻到你，係傾計好地方
繼續閱讀