KK正宗印度餐廳 (已結業)

優惠飽肚之選其實呢一間咖哩屋之前喺網上已流傳甚久一置好評，咁就試一試佢。睇吓咩standard 去試啦...一般屋邨/領匯餐廳計，佢係超班水平嘅。有地道香料煮製，味道正宗得嚟又好食嘅，服務亦都滿意，款式算豐富，坐位又OK. 但係...如果你以銅鑼灣嘅水準計呢，咁可能你會覺得唔值得坐車嚟，因為美孚同荔景嘅山上面，要GRAB UBER 或者自駕會好少少。所以地理位置已經差一截。然後如果你單純諗著打卡呃like 呢，咁呢度都係未必合適嘅...不過價錢同份量就好岩 d 後生男仔呀打完波嚟囉...講返食物叫左兩個不同款嘅薄餅/酥餅，兩款咖哩。Chicken Kurma & Curry Lamb. 後者羊羶味夠！Cheese naan 輕輕芝士味，不過不失啦！正評

今日出去做嘢，有點被發配邊疆的感覺，這裡的餐廳選擇怎麼就可以這麼少？赫然在目，KK啊？這麼潮的名字冠於印度餐之名，老實說，是被他的名字吸引進去的。既然是正宗、新鮮又健康，試下無妨啊。一打開餐牌都有啲被嚇到，咁偏遠嘅地區，價格同商業區有得揮嘅價錢，心裏碎碎念：千祈唔好係伏啊！之後我叫咗個Set B好大件下，配埋個醬，味道幾好，不過以我對印度餐嘅認識，呢個醬稍微淡咗，唔知係咪迎合港人口味？！不過都好味牛肉咖喱，大概有七塊牛肉，燜得幾淋，唔覺有筋，咖喱可以選擇大辣中辣同小辣，可謂照顧周到。秉承小女唔愛飯嘅壞習慣，我選擇咗烤餅，上檯仲熱辣辣㗎，可以點下啲咖喱食，好好味，不過份量略少，如果你驚唔夠食，可以選飯嘅。最後可以加錢轉特飲，呢個係banana milk shake，見到佢真係即時拎咗條香蕉去打，打完以後份量仲多到分多咗兩杯，當然，我都係飲咗自己比錢應分飲嘅果一杯。口感順滑，而且，肯定健康啊。結果令人滿意，估唔到超出預期，明顯嘅性價比都高。不過當日去食，真係冇乜人，常到附近嘅朋友可以去一試無妨。

Discovered this little restaurant in this very quiet mall. We had veggie soap, veggie samosa, bread and curry chicken for tea.Delicious fresh food made by the owner. Nice and friendly authentic Indian food. We will come again

肥腩腩今日又帶蜜桃小丸子去試新野，就係印度菜！店舖位於荔景嘅祖堯邨商場內，老實講，唔係腩腩帶我來，相信無人會專登嚟呢度食野，因為除咗條大屋邨外，呢度係無野好行！為了一試新菜式，就無妨吧！由於我地係下午茶時段來，所以店舖係無人的，只有老闆在看電視，廚師在午睡（打攪哂）。不過，有生意唔通唔做咩，所以老闆都好好人咁邀請我地入嚟食。首先，叫了一道前菜叫Samosa veg. Samosa嘅港版係平時食開嘅三角形咖哩角，正宗印度版就係一個好立體嘅三角形，可以係炸或者焗而包住咸點例如辣薯仔、洋蔥、豆的小食，係阿拉伯地區、東南亞、中東地區以至印度十分流行。食落口裏面有好豐富嘅薯仔，咖哩味香濃而不太辣。另一個前菜係Papad Masala。Papad指一種好薄嘅脆片，可能因為我地晏來，個Papad唔夠熱，但就算脆。Masala係指混合嘅香料，我估係呢度菜式上係指脆片上嘅雜菜，包括蕃茄粒、青瓜粒同洋蔥粒，啲雜菜粒先用香料撈過，所以食落去好香，同埋啲脆片食，一硬一軟咁，口感唔錯。蜜桃小丸子最欣賞就係個Cheese Naan同Lamb masala。Naan係指一種平平嘅麪包，我覺得唔可以叫做薄餅，因為佢嘅

迫不得已要係荔景呢個荒蕪之地食晚餐，試過荔景既野食，覺得太少選擇，只係一心諗住唔想食頹飯，於是把心一橫上山搵野食，本來想去間港式茶餐廳，點知下午5、6點呢個時間都竟然冇開門，又唔想行返轉頭，最後就黎咗呢度。我不嬲都想窮食，點知入到黎打間餐牌係咁貴，平均都70、80蚊，心諗中伏了最後叫咗個最平又食得飽既，都預咗佢其實只係普通公仔麵，不過真係整得好食，軟硬口感好，咖哩好味好香，唔會辣好耐，唔食得辣既人應該都食到，但係呢個價錢既羊肉就較少，但不致於唔合理。其實佢有好多其他炒飯、薄餅、沙律，今次一個人冇機會試，我諗應該會唔錯，屋邨地方冇乜街客，一班人叫唔同野食一齊share,唔會有人阻到你，係傾計好地方

筆者其實不太喜歡什麼特別標榜正宗的餐廳 , 因為總是覺得有一種 "此地無銀三百兩" 的感覺 , 然而 , 異國風情的餐廳為了吸引本地客源 唯有標榜其正宗 , 作個賣點也是無可厚非的 ~這一間位於 葵涌 - 祖堯邨 的 " KK 正宗印度餐廳 KK Curry Kebabs Indian Restaurant ", 就絕對夠資格稱之為正宗 .... 而我亦絕對夠資格去評論 , 因為我就是香料商人 , 且曾在 印度 居住四年之久 ~Menu ~Mint Lassi Salted 薄荷鹹乳酸 $ 35 : 在印度食品 , 乳酸總會跟薄荷帶上關係 , 原因是因為當地氣候問題 , 乳酸加上薄荷就能平衡身體機能 , 亦有助腸胃消化 , 以起食療之效 , 當然也是不錯喝 ~Goa Fish Curry 椰汁咖哩魚件 $ 78 : Goa , 其實是印度南部的一個省 , 曾經是 葡萄牙 的殖民地之一 , 因為沿海 , 而且氣候溫和 , 種滿了椰子的關係 , 這個省 的食物很多都用魚肉和椰子入饌 , 這造菜的名字叫咖哩 , 但其實並不是用咖哩粉調成的 , 主要用的香料是黃薑粉和荳蔻 , 這店的廚師煮道

每每遇到這些好吃的小店, 都想讓更多人知道,以免有天有質素的餐廳又少一間朋友住在祖堯村附近, 依日黎探佢, 佢就帶左我黎依間餐廳食lunch想不到這屋村之中竟然有間正宗印度餐廳, 由一家印度人經營朋友話依間簡直是他的飯堂既然他說自己那麼熟悉, 那麼點菜的工作當然由他做朋友推薦了蝦沙律, 上菜的時候看到, 這不過是一碟普通的菜上面有些蝦而已,有甚麼特別呢?吃的時候才發現原來裡面加入了一種香料的味道 , 挺清新, 原來這就是印度沙律的味道我們還點了羊肉烤餅和普通烤餅來配咖哩雞,烤餅配咖哩汁真的好好味, 不過小辣真的一點也不辣, 下次要叫個中辣的!

真想不到在一個公共屋村裡，竟然存在着一間印度人士開的餐廳，令大家可嚐到正式的印度菜，燒雞肉沙律……與我們食過的沙律真的有分別，乾身的雞肉配上一絲絲新鮮菜絲，撈上沙律醬，令到雞肉混合上菜絲，沒乾澀感覺，少許鹹香烤餅煙煙韌韌，有口，咖喱魚，沒有辣味，甚有咖喱的色香味，魚肉不會散開，烤餅點上些咖喱汁，烤餅味道變得更好味，炸長條麵包，看名字似很特別，但吃後，感覺失望，麵包本身似港式牛利酥，但不是甜味，加上香草與黑胡椒，本來應該是少少辣及香的味道，可能加了很多鹽的原故，令到麵包變得很鹹，味道不很好吃，老闆待客禮貌和善，就算只剩下我們這枱客人，亦不會因太夜關門，而催促客人離去，只會閒閒坐着等客人離去後才收店，另外一提，就是店外的公厠，是非常乾淨乾爽，窗外還附有美麗夜景，只是廁內燈光較暗，較為可惜，有興趣的食客，可來試試這印度菜館

 一向很喜歡吃咖哩，朋友極力推介這間餐廳，介紹到眉飛色舞，講到好似唔試過係一個損失！因為這間餐廳客人不多，大家也擔心他們在香港的各樣成本高企的經營環境，他們能支持得住嗎？所以我跟老公真的特登去到一試！晚飯時間，只有兩抬客人，對我們食客來講就真係坐得很舒服!  餐牌也有很多選擇！我必定大力推介呢杯 Mango Lassi, 好香芒果味，好滑，有少少碎冰，一飲真係有驚喜！   先黎 Chicken Tikka Salad, 以為印度沙律有好多洋蔥香料, 但完全不是我們想像的, 但很精美, 最重要係那些雞肉完全唔"鞋口", 好滑好軟!更值得一提就是那個 Naan 印度薄餅, 我們選了原味及蒜蓉味, 樣靚味道香濃, 大大份, 當然叫了一客咖哩牛腩加一起食啦!  初時我們以為得兩人叫得太多食唔晒, 但結果樣樣都好好味, 我們全部食晒!尚有一件咖哩雜菜角及一件雞肉角作為前菜, 味道都ok的 希望多點人去食, 他們能繼續支持下去, 等我下次再特登去搵佢時, 佢仍然喺度吧!

睇完食評，一心歡喜去享受一餐印度菜，但中午去到没人，大熱天時又唔開冷氣，叫了咖喱牛，没咖喱味，白飯是硬的，最難食的印度餐廳，個大電視又播印度電影，唉没下次，倒不如去重慶大廈。

今時今日，冇受領匯魔爪影響嘅屋邨少之又少。9成9公屋商場，唔係變晒快餐店，就係連鎖茶樓。最離譜算係黃大仙公屋居然有元氣壽司，要草根階層俾幾舊水食魚生菜當晚餐，你冇嘢呀嘛？剩返少之又少嘅公屋商場，依然由政府管理。而當中，又存在少之又少嘅小店，KK算係其中之一。肯肯定，去到祖堯邨呢種荒蕪之地，除非你係車主，否則平日專程會上去嘅，一係街坊，一係就學生。斷估唔會有碼頭工友衝上山搵食吧！所以，星期六黃昏時間走到KK，見到成間餐廳半個人影都冇，又覺得好正常。因為冇人，成間餐廳任坐。兩個人坐六個人大枱，如果係大商場食店，肯定俾人鬧爆祖宗十八代。點菜，基本係一個地道粟米沙律頭盤，加Garlic Nam及Chicken Masala，另配兩杯特製芒果奶昔。事先聲名，呢杯奶昔唔點唔得，一來好味，二來印度菜重口味，冇杯甜嘢中和的話，都幾難受。栗米沙律醬汁濃厚，好此道者不應錯過；Chicken Masala辣度適中，一言以敞之，有中價印度餐廳嘅水平。相比近年稍為跌watt嘅重慶森林，KK算係驚喜。當然，港島區恆河依然保持水準。其實應該叫多幾個朋友開餐，咁至夠人試足咁多道菜。結果埋單兩百蚊左右，不過不失。重點係

假日想遠離人群，於是朋友揸車帶我去葵涌食正宗印度野。呢間餐廳毫不起眼，位於屋村入面，由印度人開辦的。呢度既烤餅有好多種，我地點左洋蔥烤餅及芝士烤餅，洋蔥烤餅食落較煙韌，而芝士烤餅我覺得好味D，芝士唔會太「流」，烤餅又唔會好多「油」，再配上濃濃的Curry汁，雖然味道就濃味左d，但感覺好正宗，都幾好味，加上其他地方絕對食唔到咁特別的烤餅，所以我覺得好有新鮮感，耐唔耐試下新野都唔錯。另外，我地仲點左青口，但唔太好味，青口唔夠新鮮，但可以理解到既。又點左鐵板羊肉，用了鐵板上菜，所以味道好香，令到平時唔食羊的我都試左一口，d羊肉硬左d，唔太好味，但賣相幾好。最後再點左炸雞肉麵包，口感一般。

早前牛先生搜尋到一間風評不錯的餐廳, 剛巧今天他早點下班, 就等我放工一起出發往荔景了。KK正宗印度餐廳在荔景的祖堯邨, 在荔景站A出口後, 往右邊走上一條斜路, 大約10分鐘到達祖堯商場。 餐廳以茶色的玻璃作間隔我們來到時, 未到晚上七時, 餐廳一個客人也沒有, 走的時候近八時, 也是沒其他客人。餐牌大大本大大隻字門口的印度美女, 餐廳內也有, 在看著我們吃飯, 不知這美女是誰?餐廳是家庭式的, 但看這樣的生意情況, 究竟能養活一家嗎?我們點了:1.) 芒果奶昔$282.) 蒜蓉烤餅$283.) 椰汁咖喱牛腩$684.) 咖喱羊肉麵$48最先來到的是芒果奶昔大大杯$28現打的芒果奶昔有香濃天然的芒果味, 甜甜的, 混上乳酸的味道, 成為了可口的印度芒果奶昔, 我們最喜歡喝這款飲品。其他菜也是即叫即做, 但不用等很久。蒜蓉烤餅$28 送來時聞到很香的蒜蓉味, 這令我們很有興趣和期待。可是, 讓我們看到第一塊缺了一角, 就好像被人咬了一口, 但我們都算了照吃。一吃下去, 很「拿」的味道, 是生蒜啊, 怎麼蒜不熟的? 生蒜令人很難入口, 唯有不斷的點咖喱汁吃, 幸好沾了咖喱汁, 就蓋過了

情人節行山去食印度菜舖內只有兩台客，可能地點比較偏僻椅桌擺放得很鬆動，燈光比較暗但舒適很寧靜，不會像旺角等熱門區吵吵鬧鬧店員很好笑容，讓我們隨便坐，很家庭feel點餐沒有不便老闆和老闆娘懂廣東話，員工能用英語溝通但最方便還是指著餐牌吧XDDD"餐牌除了分食物種類，也有跟肉類的分類，一目了然☆田園沙律跟我們認知的很不同，應該是青檸醬?配起來比沙律醬更好味，好開胃☆印度雞湯比較粘，味道比想像中清淡(習慣了史X生的味道....)大量雞肉和rosemery，好足料☆菠菜燴羊肉☆雖然只是手掌大小的砵，但羊肉份量也不少!味道比較咸，建議可配白烤餅而且菠菜蓉很多，也可以拌白飯(有白飯的啊)作maindish可不為過，兩人可以食到飽☆雞肉咖哩角拳頭大的size，可以兩人share!外皮似中式的煎堆，酥皮的感覺切開中間有肉碎跟香料，口感比較乾身☆印度奶茶聽聞很有名，而且見老闆和員工都放在櫃面當水飲，點了杯試試....外表跟茶記的沒分別，但一飲....香料味十分重，第一口沒心理準備，真的很嗆鼻但之後邊吃邊飲，其實跟印度的菜式十分配合因為食物的味道太濃烈了反而奶茶的香料味可清清口腔是否好喝就見仁見智2人消費

在網上SEARCH到呢間印度咖哩,相約好友一試. 地理位置偏僻,我唸要住附近屋村既人先知, 大慨荔景站行10分鐘先到入面環境就好似一個食堂一樣,有6至7張枱,橙光較暗但都尚算舒適我地叫左印度野常點既NAAN,牛油NAAN烤得夠香食落啖啖牛油味,洋葱NAAN 香氣清新,上面有芫茜同蘿白粒吊味用NAAN 點落咖哩魚,咖哩雞同菠菜芝士入面口感不錯,其實我地好難識得佢落左乜野香料而造成呢三樣野,但我食落去知道,魚同雞肉都好滑,所以香濃充滿香料椰奶香既咖哩汁滲哂入去,食落去不錯, 而第三樣菠菜芝士就係吾辣既,入面充滿一粒粒暖得黎一半蓉左既芝士粒,配以菠菜蓉,連埋NAAN 食十分有層次感另外,烤雞都係必點之選,以鐵板上,香氣撲鼻,雞肉去皮,出面嗰層肉已佈滿橙色既香料,而入面十分滑,正而炸洋葱亦都吾錯, 用厚厚既茨粉包住軟軟既洋葱炸,一軟一硬,食落硬度剛好, 幾得意!呢間食物質素吾錯,係遠左D,都算係喺附近區域一個食店好選擇!