Kuro Shabu (已結業)

餐廳位於中上環地區，這天剛好同事相約一同前往那邊，朋友正在安排他的拍攝地點， 餐廳主打日式火鍋，一人一鍋做主題。裝修方面，充滿日本風格，在柔和的音樂底下，吃飯的時間更為輕鬆和舒服。我選擇的是他的午市套餐，全因為知道吃午飯時，絕對是套餐性價比最高，加上店員的推薦，令我更有信心。食物味道方面，清淡，配上昆布湯，絕對能帶出肉的鮮味，加上用料新鮮，還算不錯。另外，我最欣賞的就是他的蔬菜拼盤，全因為多種的蔬菜，可以令這天的營養及纖維補充一番。

最近生日, 好友請我食lunch, 佢帶左我黎上環荷里活道Kuro Shabu~~第一次黎, 原來呢度係新開, 好友住附近見入面既野岩我食, 所以帶我黎!入面裝修感覺係高級, 裝修都好OK!一坐低, 先揀餐~我地都揀左KURO SIGNATURE SET~入面有和牛、豬、雞, 隨餐附送野菜、茶.牛係黑毛和牛、黑豚肉(豬肩肉)、黑薩摩鳥(雞胸)~黑毛和牛嫩滑，油脂分佈極佳，大概6成熟，入口即溶，真心正！原來黑豚肉可以半生熟咁食，淥5秒左右，已經可以喇，呢個比較有口感～黑薩摩鳥(雞胸)薄切，食落好嫩，唔錯！野菜都係金菇、蔬菜、菇類等等，好健康，可以中和頭先既膩～最後個綠茶雪糕真係冇得輸，creamy 又夠冰, 加埋餅乾碎有D口感, 連雪糕都咁有心思, 下次可以帶老公黎!!

話俾大家知丫，我寶係好鍾意食火鍋架，最近去試左間日式火鍋 Kuro Shabu，佢獨賣日本黑毛和牛、黑毛豬、黑雞，全部來自鹿兒島Nanchiku農場嘅shabu shabu🤗🤗🤗 牛肉好似會係口入面溶化咁，濃厚牛肉味，肉質鮮嫩，好好味，啲和牛唔使煮太耐，要保持肉質嫩滑。食材新鮮😋😋😋店員服務態度好好，又細心介紹牛肉既不同部位，應該食邊個部位先後次序。餐廳裝潢好有日本feel🇯🇵, 喜歡簡約既感覺！

同男朋友經過上環，見到新開左呢間shabu shabu,裝修得幾清新，好有日式和室嘅感覺，見到Menu原來係食Omakase shabu shabu,我哋兩個都冇食過,一於試下！我哋坐咗喺吧枱，侍應好快就浸左查俾我哋然後拎咗Menu問我哋想食邊一set，我要咗個黑毛和牛A4特選set，男朋友要左個kuro Omakase set!坐係吧枱嘅好處係可以望住啲師傅製作嘢食，而且佢切割肉類之前，仲會特登拎到我哋面前俾我哋睇，啲和牛色澤好靚，雪花分布好均勻，望已經好急不及待食。個雜菜有好多款嘢食，例如紅蘿蔔、冬菇、娃娃菜、皇帝菜、蘿蔔、豆腐等等，我要咗個烏冬，男朋友要個白飯，兩種都係嚟自日本，係珍珠米嚟㗎，烏冬亦都同平時嗰種唔同，幼身好多食落仲好煙un。由於個湯底好清，所以佢有芝麻醬同埋醬油，俾我哋佢調味，啲肉類你都唔使驚分唔出係咩，因為上面會有個牌介紹係咩肉類，由於我同男朋友係share食，所以我都唔太分得出邊款係我個餐嘅肉，定係佢個餐既肉，不過有幾款肉類我想重點推介。黑毛和牛胸腹肉，佢嘅油脂分布其實好高，但食落口唔會一陣肥油，反而真係做到入口即溶，好難以形容啊！正！黑毛和牛西冷A4大大塊，

念念不忘之前喺鹿兒島食嘅shabu shabu，返到香港一直都想揾間質素好啲嘅食下，朋友介紹上環有間新開嘅日式火鍋店應該啱我要求，咁我當然要去試下！呢到主打日本鹿兒島嘅農場飼養嘅黑毛和牛，有四個set揀，分別係黑毛和牛A4特選 $568、黑毛和牛A4標準 $438，如果唔食牛又想食Shabu Shabu可以揀黑豚set $368，另外仲有個Omakase Set有齊師傅推薦嘅肉 $788！我就揀咗Omakase Set，湯底係比較清淡，咩配料都冇，因為想俾你試真啲肉味，調味就有三款，分別係柚子醋、柚子胡椒、同埋自家制嘅辣味芝麻醬！呢個Set淨係牛肉都有6款，每款兩片，望到都知係靚嘢，每款各有特色，我最鐘意係A5黑毛和牛西冷同埋肋肉眼，因為佢嘅脂肪比較細、有牛味得嚟質地柔軟，入口就溶化咁濟！豚肉就有里肌肉同埋腩肉，唔好睇里肌肉好似好瘦咁，佢嘅肉質係比較結實，有咬口，但一啲都唔柴！雞肉係黑薩摩雞腿肉，黑薩摩雞係鹿兒島名物，之前都聽過人食雞肉刺身就係用呢款雞，飼養嘅時候會喺佢哋嘅飼料加入咗微生物做營養，而且唔會用籠困住佢哋，所以佢嘅肉質係比一般雞柔軟，勁有彈性，無論點煮都好，呢種雞不會變硬，

今次真係不得不出食評講吓呢間餐廳，呢間係我一個鐘意尋幽探秘，周圍搵啲隱世既朋友介紹🥴咁我最近加咗人工🤭都要搵餐好既慶祝一下啦🥳🥳呢間位置喺上環，地鐵站行去都起碼十分鐘🥵但去到附近真係好清幽，令人洗滌煩惱😌😌呢間啲座位都主要係bar枱為主，師傅主要喺中間切肉，準備套餐👨🏼‍🍳👨🏼‍🍳但都有兩張四人枱俾你選擇！最後我哋都安排坐bar 枱，呢度得Shabu-shabu食，都係主要揀你想食既肉，最後我就咗A4和牛 premium set ($568)，包埋蔬菜拼盤，烏冬 and 甜品，好快就已經上埋個清湯，之後就係等佢滾起同我的靚和牛🐮了😚😚切和牛既器具正正擺喺我地面前，師傅拎起一磚磚好似雲石咁靚既各部位和牛🤩🤩，雪花紋理清晰可見，淨係見到都已經令人心曠神怡😚師傅手起肉落，我碟肉好快已經上得了，再加上啲湯已經微滾，再加上我既烏冬，我既豪華大餐要開動了🤙🏻🤙🏻首先我個餐雖然得5塊牛肉，但係每塊都好大吓，有👶🏽👶🏽塊面咁大，而且每塊質量都好好，加上淡淡既清湯，完全食得和牛既原味🤤油份豐富，確實係入囗即融，令人難忘！烏冬煮到啱啱好就撈起，再過吓冷河，每條烏冬都好爽口彈牙，再加埋店家既自製麻醬，麻香十

今晚在上環吃飯，這家餐廳位於斜坡上，駕車過來更方便。餐廳裝潢有檔次，裡面燈光柔和，石紋牆身配搭石質地磚，中間是吧台，另外兩邊也設有雙人座椅。這裏主打日式火鍋，提供的都是A4或A5和牛或優質肉類，可以單點也有套餐。這裏採用一人一鍋，提供柚子醋和芝麻醬，兩種醬料都很香，不過由於肉質新鮮，所以不沾醬料也很好吃。⭐️Kuro Omakase set$788⭐️A4黑毛和牛套餐$438我們點了兩份套餐，火鍋湯底一律採用籠目昆布湯，入口清淡，但營養價值很高。店員建議先涮蔬菜，讓湯底有甜味才開始涮肉。吃了不少牛肉，有足外側肉、胸腹肉、牛肩肉、肋肉眼、上肩胛肉、西冷等。和牛的雪花分佈也不一樣，吃起來的口感很不一樣，例如足外側肉的脂肪比例較少，入口清爽，肉味突出。胸腹肉的雪花密密麻麻，入口滿嘴都是油脂香，各有特色。我較喜歡西冷和肋肉眼，脂肪和肉的比例恰如其分，一大片一大片豪邁吃起才過癮。另外還有豬肉腩肉和里肌肉，口感紮實。最後再吃一盤稻庭烏冬，烏冬吸滿湯底的精華，入口有香濃的肉香。⭐️烏龍茶$58日本到港的烏龍茶，茶味香濃，十分棒。

呢排做嘢比較忙，星期六日都要返工，咁慘就當然要食好啲黎保持身心健康。中午出街食飯決定要大擦一餐。知道上環開咗間新嘅日式火鍋店，就去觀摩下。門口已經貼住鹿兒島和牛證書。午市餐牌一目了然，我就叫左黑毛和牛A4特選set（$358），跟蔬菜籃、牛小排、西冷、白飯、甜品，加$20可以將白飯轉稻庭烏冬。呢度個格局係半圓形吧枱圍住廚師係中間準備食材或者整甜品。一坐低就有杯熱茶，另外侍應介紹呢度既火鍋醬料，分別有辣蘿蔔蓉同蔥花。柚子胡椒，味道係鹹辣，幾特別。柚子醋，酸甜，適合鍾意食清淡啲既人。自家調既芝麻醬，味道係胡麻醬再加少少辣，甜甜地既，比較重味。我幾鍾意呢個醬啊。好快就切好和牛盤，有120g既薄切牛，前面大大塊係西冷，後面細塊啲既係牛小排。A4牛無A5咁肥，將牛肉放入昆布湯3秒左右攞起，牛肉超嫩滑，油脂分佈極佳，大概五成熟，簡直入口即溶啊！蔬菜籃都非常多蔬菜種類，分別有紅蘿蔔、皇帝菜、娃娃菜、白蘿蔔、豆腐、大啡菇、本菇、蕃薯粉等等。最後食既稻庭烏冬當然爽彈無比，加埋充滿和牛精華既湯，再加啲醬料，就夠曬完美喇。甜品係綠茶雪糕，下面有啲餅碎，食落綠茶味幾重，加上餅碎，口感幾豐富。食飽飽又係時候返公

9點多去吃shabu shabu會不會太邪惡？走過門口，不用等位。店員細心介紹菜單，我們點了綜合套餐（有A5,A4和牛，黑豚肉和雞）$788。湯底是昆布湯底，可以讓客人試出真正的肉味。首先上菜的是一盤野菜，裡面有菇，娃娃菜，粉絲，南瓜，蘿蔔等。來了A4和牛胸腹肉，A4裡肉，A4牛肩肉。店員建議，先吃脂肪比較多的肉，因爲味道比較淡。然後再吃瘦肉。再來A5 和牛，黑豚肉，雞肉，最後才是稻庭烏冬。牛肉非常出色，兩種肉比較下雞肉比較遜色。後來吃到很飽，沒辦法吃完烏冬，烏冬煮30秒就可以了。餐廳冷氣風口大，通風做得好。吃完沒有一貫的火鍋味。

月頭出完糧緊係要食好野啦, 見到附近開左間新的日式shabu shabu, 就入去試下啦, 入面裝修好靚好高級, 同出面d 日式shabu shabu 地方好唔同! 我地坐左係bar 枱到, 一路食一路望住d 師傅整野食我叫左個omakase set同A4 特選set, 見住d 師傅係我地面前切和牛, 真係口水都流! 每一枱都有一技枝佢地自製的辣柚子汁, 十分特別, 柚子汁配上蔬菜真係好夾! 等左咁耐A4 特選set 就到啦, 佢有3個A4和牛的部位, 每個位有2 片, 全部都好大片, 可以選芝麻醬/辣柚子汁, 個人建議第一塊唔好點任何汁先, 每塊淥2-3秒 就已經可以了, 自己就鍾意唔好太熟, 入口即溶 同 有牛味因為同朋友share, 所以都食埋omakase set, 同樣都係A4和牛但部位就唔同, 同樣都係好有牛味都好鮮, 油脂分佈都好平均! 質數好好! A5 和牛就唔洗講, 當然係正啦, 入口即溶, 師傅都會教我地點樣品味 A4 同A5 和牛, 十分細心. 呢個餐都會有其他肉, 例如黑豚肉, 呢種豚肉我第一次食, 師傅叫我整到7成熟就ok, 起初我都怕, 不過味道真係好正,

睇咗Facebook啲報道好多次，今日終於有機會嚟呢度試呢個和牛shabu shabu去到門口見到個招牌同裝修已經覺得好興奮同朋友嗌左一個A4特選set同一個omakase set share食，望住師傅喺我哋面前即切啲和牛，越望越肚餓啊每個枱面都有一支自家調製過微辣嘅芝麻醬同埋自家製辣柚子醬。同壽喜燒一樣，呢度都會有個蔬菜盤，不外乎都係金菇蔬菜等等。上咗A4特選set先，一共3個部位嘅A4和牛，每個部位兩片。其實好大片，配合清清嘅湯底，再點芝麻醬，真係好享受！師傅好細心咁建議我哋應該有邊個部位開始食先，每塊淥大概3秒左右，保持住牛嘅鮮味，正！跟住就開始食omakase set啦！第一件事當然都係食咗和牛先啦！同樣都係A4和牛，不過部位唔一樣，有腹胸肉呢類厚身少少嘅肉，相對頭先嘅和牛有口感啲。同樣地師傅都係叫我地淥大約3秒左右，亦都有教我地由邊個部位開始食先終於嚟到重頭戲A5和牛啦！！油脂分佈比起頭先嘅和牛都更加平均，牛味好出，同喺日本食嘅感覺好似，入口即溶除咗牛之外，呢個set仲會有其他肉類。第一次聽黑豚肉都可以半生熟咁食！師傅建議我哋淥5秒左右，口感唔會好un，食完和牛食返啲有咬口

這天下午與朋友一同吃午餐，朋友工作地點在上環，當然也是一些高價的地方，他安排了一人一鍋，本以為與牛陣他們相約，沒想到超出了我的想像。 餐廳裝潢方面，充滿氣派，充滿日式風味，配搭柔和的音樂，令整個午飯時段更為放鬆，使人身心也能輕鬆的吃一頓飯。食物方面，我點選了a4黑毛和牛的午市套餐 ，其實我還想吃更高級的，但是我發現性價比最高的絕對是套餐。套餐包含一人一鍋，九種不同的蔬菜拼盤，配搭2個不同部位的A4和牛及白飯，餐後更逢上甜品一份。 整個套餐的重點，除了是黑毛和牛，油香十足，肉味豐富之外，就是白飯產自日本的白米就是分外美味，入口口感與別不同， 煙韌有口感，加上飯味實在，充滿了我的味蕾。真善美好的一頓午餐，下次再食過。

第一次黎食係食lunch，覺得十分抵食。環境氣氛非常好不過地方唔大。服務員非常有禮貌亦有用心介紹食物。如果自己一個人食lunch又想食d好野，呢度係一個不錯既選擇。之後又約左一班朋友去食dinner。大家都試左個omakase set, 試到好多不同部位，黑牛豬雞都可以品嚐哂。大家都食到超飽，好滿足，又唔貴

唔知大家有冇去過鹿兒島,我之前去過一次, 對果到既鹿兒島黑豚實在印象深刻, 從來冇諗過原來豬有咁鮮甜既味道, 十分感動, 番到香港之後, 誓要食番相似既味道, 於是不斷地尋找香港食鹿兒島黑豚既鋪頭。有日經過上環見到有呢間試業緊既和牛and黑豚既shabu shabu, 佢地話材料都係黎自鹿兒島, 當時我地就梗係心都郁晒。雖然都知道一定會有差距, 所以都唔會抱有極高既期待可以食番一樣既味道, 但求做到類似就已經滿足。 一黎到餐廳既時候,職員就好nice咁介紹肉既部位同埋佢地既特點, 亦有推介我地食咩好, 呢點係值得讚既。同埋環境感覺都好高級, 光猛新淨, 裝修華麗。然而, 黎到最重要既部份--食物。我地嗌左A4和牛set同埋黑豚set, 當菜式上到黎, 見到賣相的確唔錯, 感覺應該會幾好食, 殊不知, 當擺第一件黑豚入口既時候, 本以為會有既鮮甜味並冇出現, 取而代之既係, 只得淡淡既肉味,鮮甜味欠奉,而且食多幾舊都唔會話愈食愈有味。一個Set有三個唔同既部份, 但佢地既味道唔足以濃到食得出分別,同埋口感都係。至於A4牛肉, 質素就好過黑豚, 都仲食到少少既脂肪香味, 但牛肉味其實唔算濃

好多時去蘭桂坊覺得太熱鬧,  所以今次行過少少去到上環,  有間食牛肉火鍋專門店, 有級數, 要來試試北海道出口的黑毛牛.今晚提早了 6:00 吃晚餐,  因為 7:30 要去 IFC 睇戲.  餐廳吧檯位已留座了,  我們坐方檯.師傅團隊好專業, 為客人準備食材好用心. 店長介紹, Wagyu Beef A4 standard set,  180 g.  連野菜, 鳥冬/白飯.  我們同意落單了.侍應先替我們預備胡麻醬, 鼓油, 火鍋用具齊.蔥及辣蘿蔔蓉都有.野菜送上:  有 蔬菜, 香菇,  蘿蔔, 豆腐等材料,  滿滿一碗.連稻庭鳥冬, 也 到了.黑牛餐主角:   是三種A4 和牛的拼盤, Chuck roll (牛肩胛肉), Shoulder clod (牛前腿肉), Short Plate (牛胸腹肉). 整体三種牛肉, 肉質鮮美, 油花均勻, 幾嫩肉,  冇結霜,湯底一人一鍋, A4 和牛:   Chuck roll (牛肩胛) :牛既味道濃,  食落嫩滑. 薄切味道都好好, 唔錯.  褐紅肉色搭配少許油脂,   Short Plate (牛胸腹肉):   顏色鮮紅頗新鮮,