Kuru Kuru自家製手作意粉 (已結業)

今日放假打算去荃灣運動，當然食個午餐才有力運動，所以揀左快捷簡便的意粉店，而且仲要自家制手作的意粉，一個人黎食都得。意粉是自選醬汁及配料，有5款醬汁，配料有10款，煮法及配搭都以西式日式爲主。我點了明太子醬汁意粉$48，配煙肉$9、炸雞$12、西蘭花$9雖然睇落每款配料都好平，而炸雞有4件是最抵食的，但計計下，個意粉就變到$78，同其他餐廳差唔多。而呢度賣點是自家制手作意粉，加上可自由配搭，所以價錢都還可接受。炸雞大大件夠熱，炸得油份都透出，特別香口。西蘭花都煮得剛好，保持蔬菜的爽脆，顏色又翠綠吸引。煙肉就味道一般，份量是多，但太腍太爛，若脆口點或油香多點更好。明太子唔算好多，由於醬汁較稀，所以意粉掛汁較少，味道不太濃，食完唔膩。來到重點的意粉，的確好好味，有彈性有咬感，看似粗大煮過頭，但原來岩岩好，而且仲可以加錢增量，男仕都夠飽。跟餐$12的自家制冰茶，帶微微橙味同水果香，冰茶超多冰夠哂凍，夏天感覺更好，微甜清爽味道。雖然食物味道都滿意，而且價錢也合理，上菜速度快，環境也光鮮乾淨，只不過服務太差，侍應都不太理客人，由帶位入座、點餐、結賬，都感覺沒人理，當時也很多位，完全不忙，我都是過

下午行完荃灣宜家家俬，落樓下同場有間小店食自家手作意粉，見下午茶時間過左，晚飯時間又未到，肚又唔餓，但一小時後有會開又怕肚餓，唯有食個early dinner啦 ，叫左個最簡單嘅蒜蓉辣椒鯷魚意粉，加杯自家製冰茶，碟意粉一上枱望落粗粗地，以為比較淋，食落好彈牙喎，同出邊西餐廳好唔同，口感獨特，蒜蓉夠多炒得好香，加上小小辣椒仔更野味，但又唔會蓋過鯷魚味，食開左個胃，追加炸雞及西蘭花，$12炸雞有四件，尚算合理，相對西蘭花$9，份量就比較少

荃灣行完宜家家俬，去左宜家出口落電梯之後隔離嘅呢間意粉餐廳食野，呢度地方唔大，但係因為商場樓底高，所以感覺好開揚，加上餐廳刻意擺放左綠色植物，令人感到舒適。坐底之後叫左$48嘅套餐－本菇白汁忌廉意粉。碟意粉外表普普通通，粉量亦唔多，但入口發現意粉口感唔錯，每條意粉都沾有白汁，原來餐廳直接去工廠攞意粉，仲指定用日本進口嘅麵粉做成，唔怪得之口感幾好。加左$12要杯自家製冰茶，𥚃面有成半個橙，味道十足。

跟大肚婆同事吃飯，當然要任由她選擇，時間、地點和食乜都任由她決定，最緊要歡喜，大肚婆真係大晒架！已有9個月，肚子大過嗰籮，唔走得太遠，就選了她住的荃灣區，雖由港島去荃灣的確有點遠，但講明大肚婆大晒！大肚婆口味時時變，一向都唔覺她喜歡吃意粉，今日卻選擇了。餐店地方不多，泊牆設有一排長沙發座配二至四人枱，近圍欄有幾張二人枱，中間有張三角形餐枱，可坐約十多人。以淺木色調為主，裝潢簡約柔和，以不少畫作作裝飾，店頂和四周都有綠色的假植物，綠油油挺舒適。餐店主打意粉，唔好睇佢地方小小，原來有自設工場手造意粉，保證新鮮，誠意之作。翻開餐牌，設計精美，亦清晰易明。客人可自由配搭，如唔想動腦筋的話，亦可揀已有的combination，而我倆當然按自己喜歡挑選啦！另外還有少許飲品和一款甜品供應。先在五款醬汁中揀一款，分別有蒜蓉辣椒鯷魚、煙肉蒜蓉番茄汁、牛豚肉醬、明太子和本菇忌廉。一向愛吃辣的我當然要有蒜蓉辣椒鯷魚，而大肚婆要酸咪咪，揀了煙肉蒜蓉番茄汁。諗好醬汁就揀配料，有十款，不同款不同價錢，包括有馬鈴薯、茄子、粟米、四季豆、西蘭花、煙肉、日式本菇、日式炸雞、蝦仁和芝士, 選擇不算好多, 但都算均衡。**

🍝炸雞球明太子意粉$60+芝士粉 $12 配餐飲🍝算新新地開嘅餐廳 主打手製意粉環境幾舒服 店員服務亦好主動同細心👍.客人先選意粉味道 再自選材料 幾特別😎一上枱 比想像中細碟 但女仔食岩岩飽又不過意粉質地堅好味 比一般韌度高 麥感同香重啲 有冇得單買意粉😂 明太子睇落算多 但可以再濃啲👀炸雞係即炸 🐤芝士原來係芝士粉 舖滿灑成碟👍呢個配搭可能會有啲dry(但我自己揀又唔會怪人嘅~) 怕dry嘅朋友可以選擇肉醬/忌廉意粉🙆但店主真係要加大份量 男仔一定唔飽嫁🙈..最有驚喜係個甜品 雖然做法簡單 但又真係幾好食($18)💛💛係曲奇雪糕+黑糖黃豆粉 好香又唔甜膩 我會掛住呢個😚(之後係屋企試下整先!)

拿，暴露年齡都係咁話；即係我都承認見到呢間餐廳個名同logo，會即刻諗起那滕麗名主唱o既卡通片。呢～有個所謂勇者，有個魔女，有個跳草裙舞o既老伯(我好記得動畫提到佢屁股o既扭動其實係傳承自古老魔法陣o既圖案，係重要線索) o個套呢……餐廳又係o係商場半開放式設計，唔係好多位，但好光猛，亦坐得好舒服。中間一張三角檯上有一大棵植物，而燈呀、d 架o個d 都擺o左好多植物做裝飾，好有田園氣息。呢間o野食手作意粉啦，叫法係先從五隻醬料入面揀一款，再因應食量喜好追加配菜，加幾多都得。未叫o野食之前，侍應姐姐先遞上一杯熱湯，係送的。問o左咩名堂，話係日本鰹魚湯。細細o既一杯，飲落都幾似木魚o既味道，帶點自然o既鹹味。因為想留一留肚試埋佢個雪糕，所以我淨係好簡單叫o左一樣餸，我呢個係明太子日式炸雞意粉($48+$12 未加一)。賣相好似有d 普通咋wo，但食o既，係內涵，等我試真d 先。先講個粉底，軟硬度適中，蘸上粒粒o既明太子，淡淡蝦子o既鹹香，加埋d 紫菜碎，再添一層海苔自帶o既腥味，令到個粉就算無多餘醬汁，都有股海鮮o既味道，非常之唔錯。至於d 炸雞，粒粒飽滿，而且入面仲係ok 嫩滑。跟餐加$

放工時間約左係荃灣番工個朋友係附近食飯 ...行到去8咪半個到見到間新開食意粉既餐廳, 裝修仲好靚。見到佢話係自家制意粉,同埋朋友話佢都未食過, 所以2個人就挑戰下呢間野!入到去坐低左, 見到餐牌先知原來係醬汁同配料都係自己揀, 不過我覺得配料太少肉類揀, 再多D野就好啦。最後我叫左個明太子醬+茄子+蝦仁既意粉。我地等左10分鐘就有得食啦!!仲係熱辣辣嫁添! 佢個麵係扁身唔同平時食開個D圓筒狀個D意粉, 硬身少少但係彈牙! 個明太子醬仲有一粒粒明太子.好好味, 不過好多都就趺哂落底, 食到尾先知。最初見到D茄子咁油有D驚, 但食落又冇話食口油, 同埋唔太腍,幾好味! 但係D蝦就麻麻地, 冇咩味... 唯有撈多D醬等佢有D味啦...成個意粉埋單66蚊, 本身仲想講份量多D好似抵D囉...但查番先知原來手做意粉係其他地方閒閒地都要百幾蚊!! 個意粉係高質既! 突然想食意粉既話, 呢間餐廳都係唔錯既選擇!  可惜荃灣離我住個到太遠啦...

放假去IKEA買完野肚餓，IKEA太多人落左樓下見到開左間手作意粉又唔係好貴就入左去試下啦叫左個蕃茄蒜蓉意粉+炸雞，未食過手打意粉以為唔會差好遠但原來d意粉口感都幾唔同，彈牙好多個蕃茄醬唔似一般肉醬咁食落似用左新鮮蕃茄，酸酸地幾開胃炸雞同意粉都好夠熱不過可能太肚餓覺得唔係好夠飽仲有杯橙冰茶唔記得左影添冇檸檬茶咁澀而且甜度啱啱好如果平日5點前去仲可以送野飲同一款topping，蝕左添！同埋買完野好攰d凳唔係咁舒服囉，搵日再去食先

又到左要諗食咩既晚飯時間，諗起新年經過中染大廈見到間新開既意粉餐廳，之後經過幾次都無食到，今次就揀佢啦去到門口7點幾，唔洗排隊。位置唔算闊落，餐牌選擇亦唔算多。有4種意粉醬底，4揀1配意粉，另外仲有8、9種配料可加錢配。十足十食車仔麵咁，揀個麵底再加自己中意既餸。當然亦都有D已經配搭好既推介食法可以揀。飲品亦需要加錢配，有汽水、自家製冰茶等等。我揀左本菇忌廉意粉加茄子。一上檯覺得份量有D少。我本身幾中意食忌廉蘑菇醬意粉，不過呢個醬只係普通而且好少本菇，但係勝在意粉整得非常煙韌有咬口，有麵粉既香味。中意煙韌口感既朋友可以一試。另外我都加左茄子，但係皮太乾，唔入味，唔需要試。同行既朋友就揀左明太子醬意粉加炸雞。呢個應該都係配搭好既推介食法。又係份量唔夠多，同行男朋友食完都未飽 係無咩味既明太子醬，炸雞係好味但係有D位又乾到有D硬，都係果句意粉好食！就快食飽既時候，侍應姐姐送上兩杯“茶”，我仲好奇怪點解依家先比茶我地。一飲，鹹既？原來係味增湯，味道係一個字：奇怪！最後埋單HK$125，價錢唔係貴，因為份量少，而且味道唔算突出，試一次就夠。如果食厭左港式車仔麵，試一次日式醬汁意式麵底既車仔麵都

落單大概十分鐘就上菜，都好快手，我就叫咗一個本菇忌廉意粉，配菜有粟米，炸雞，蝦仁，煙肉，仲送咗個日本京魚湯，細細杯，仲叫左個自家製嘅冰茶。本茹忌廉意粉個忌廉味都重忌廉味，好味道， 個意粉好彈口，好食，個炸雞好脆，香口，好好味 ，真係一定要食呢個炸雞，好抵食，12蚊有三件， 仲有煙肉，都好食，同個意粉好夾，鹹鹹地， 蝦仁就好彈牙 ，粟米好甜 。日本京魚湯是送的，好重魚味，鹹鹹地，幾特別，我幾鍾意飲。正好open嘅area最平的意粉48蚊就有得食，配料就可以逐樣加錢，自己可以選擇幾多配料都得。幾好， 鍾意食乜嘢餸就乜嘢，鍾意食幾多就幾多。個賣相好豐富，好味道六點鐘來到這間餐廳已經有幾枱客人食緊，感覺這類像快餐店，好開陽，因為你係度座可以望到好多客人不停喺度行嚟行去 ，光線好充足， 環境都舒服，坐得都ok。有幾款飲品俾你選擇，全部跟餐都是12蚊，散叫25蚊。自家製冰茶好特別， 有兩舊橙喺度，甜甜地，因為佢自家製， 同凍檸茶有些不同， 這個跟餐就12蚊，散叫就25蚊。

放假去左荃灣宜家行街, 行到差唔多6點提早晚餐, 樓下都開左好多新餐廳, 呢間意粉賣點自家製, 之前響網都見過, 雖然鋪頭細細, 不過都幾舒服, 試下先.自由配搭醬汁同配料, 醬汁分牛豚肉醬, 蒜蓉鯷魚, 煙肉蕃茄, 本菇忌廉, 明太子等, 配料就有10款, 可以隨意加, 每樣唔同價錢.要左牛豚肉醬+茄子+本菇, 肉醬份量多, 可以撈均一整碟意粉, 味道好濃郁, 而且夠杰.自家製意粉質感好似比平時食既厚, 口感夠. 唔會太腍, 好爽口, 感覺唔錯.配料有茄子, 都幾夠腍同入味, 而本菇加埋落D肉醬里一齊食.飲品選擇唔算太多, 不過見到有款自家製冰茶, 起初以為凍檸茶, 但飲落似凍橙茶, 好清甜既橙味, 夠fresh, 食意粉食我漏飲呢個一流.另外每位仲送一杯湯, 係鰹魚湯, 咸咸地, 食意粉前飲左幾開胃.

發現新大陸，呢個新商場開左唔少食店。見呢間開放式意粉店超新，門面燈光明亮，sofa櫈坐得舒適。menu以自由配搭為主，揀完主要個醬汁意粉後，再按個人食量及喜好增加配菜，概念係唔錯既，所以甘於冒險一試！甫坐低，未點餐，店員已擺低1小杯所謂既鰹魚湯，微暖，色澤勁淡，味道少咸，都唔知似緊d咩，只知難飲明太子+粟米意粉：唔夠熱，醬汁偏水，無咩明太子味本菇忌廉+日式炸雞意粉：忌廉味淡，偏干，炸雞$12得3小塊，質感好似浸腍左咁，好奇怪最正常係呢杯跟餐加$12既冰茶。半塊鮮橙甜甜地中和茶味，冰涼解渴意粉似煮熟後同配菜撈埋一碟就上得檯，毫無誠意，咁既質素比自家製差，而且價錢仲要唔平

位於荃灣青山公路8咪半的KuruKuru，是一間便宜的意粉店。意粉店類似港式車仔面，客人自選麵底， 價錢約$39起，然後自選配料，價錢約$9起，所以最平的意粉約$48。個人較大食，一口氣點選多種配菜，令意粉堆至滿滿一碟。天氣漸熱，想吃點重口味東西，餸菜中我最愛炸雞，肉厚大，質感結實。意粉質素平平，幸好調味充足，但若只加一餸，會不太滿足啦-------------------荃灣青山公路荃灣段382-392號8咪半1樓120號舖

今日去左荃灣行街街，原來荃灣依家變左好多，有好多個商場，又大又靚，餐廳既種類又有激多，真係唔知食乜好啊。由於已經Shopping ，Shop左一段時間，冇乜錢淨，但又有少少肚餓，就去左間好平既意粉店試下。先選擇要咩意粉，然後可以仼加想食既餸，我叫左咁少餸，所以成盆意粉望落好豐富。意粉都幾夠味，意粉粗身大條，份量充足，富有嚼勁，蕃茄好香濃稠，奶香豐盈，緊緊包著意粉，加上煙肉片，鹹香惹味，但就煮得腍左少少。

最近荃灣開咗好多新商場～而且人妻要做個好老婆～所以專登去荃灣賣藥材煲湯！ 呢排天氣實在太濕要去濕呀 行行下 就行咗去愉景新城附近～ 呢個商場最近開咗好多新嘅食肆，其中就有呢間專食意粉嘅舖頭！ 本人妻除咗係個飯桶之外，其實仲係一個澱粉質狂熱份子 所以一發現呢間舖頭即時就捉咗小鮮肉老公入去首先一入到去嘅時候環境非常闊落光 猛，枱與枱之間非常闊落，令你同隔離嘅鄰，保持適當嘅距離唔會過份親密你知啦！有時坐入面如果出去嘅時候，太迫的話自己個龍躉好容易迫走咗人哋 而且裝修真係好靚～ 我覺得有啲似上烹飪班的課堂～ 完全貫徹佢個店名自家制和手作～所以呢度實在坐得非常舒服總括嚟講，因為係意粉專門店梗係食意粉㗎啦！ 餐廳一早配定咗幾款畀你選擇 當然你亦都可以喺餐牌最上面 自己選擇以分同配菜以過來人經驗本人強烈建議最少揀兩個配菜，令意粉，更有層次同豐富！ 至於飲品方面 加12蚊就會有他們自家製的冰茶人妻未飲過冰茶㗎要試下啦～～～我覺得自家製冰茶可以改名做凍橙茶 基本上是凍檸茶嘅變奏版～把檸檬轉咗做香橙！ 佢冇咗平時飲凍檸茶嗰種苦澀味， 取而代之係淡淡嘅橙香和果味 本人妻喜歡 叫完嘢之後～侍應姐姐就攞咗兩杯