La Kaffa (已結業)

這間西餐廳位於北角，不是在大街，而是在其中一條小巷上，本來是沒有意圖在北角吃晚飯，但是經過這間鋪頭，被它光猛閃閃的招牌吸引着，我拿着它的Menu ，看見價錢相當合理，所以便入了這間店舖。這天我們叫黑松露香菇比薩，M2招牌豬肋骨及雞翼三重奏，一個主菜加了少少錢（$25）升級變了一個set，一個set多了沙律、甜品草莓奶凍及餐飲秘密花園水果茶（兩人份量）（$30）。首先是上了沙律，之後便上了雞翼三重奏（$58），這三重奏是有檸檬味雞翼、玫瑰味雞翼及水牛辣味雞翼，檸檬味雞翼味道夠清新，玫瑰味雞翼甜甜地有清清的玫瑰香味，而水牛辣味雞翼真的很辣，但幾野味。三重滋味我最愛的都是玫瑰味。M2豬肋骨半份配薯角（$98），豬肋骨烤得很香醬汁，醬汁有少少似BBQ醬，有少少酸酸甜甜很開胃，不過肋骨肉太少了，而且有少少硬，切起上嚟也不易。反而著角得很脆，很香口。黑松露香菇pizza（$78），香菇和黑松露在pizza表面都很多，而且黑松露的味道聞落去也很重，Pizza的邊邊也烤得很脆。整餐飯＄317 ，以這個價錢能夠吃到咁多樣的食物，算是價廉物美。

聽朋友講尼間既all day breakfast 🍳 非常正話要再去食多幾次咁平日我都會經過附近所以去左試試佢又幾正咁我就去食個午餐12點鐘既時間不算太多人但到左1點左右都人滿咁我黎當然要試佢個招牌all day breakfast 啦睇餐牌個圖覺得都吾係好大份點知送餐來嚇左我一跳超大碟仲要樣樣野都打孖上 包括西多士 薯餅 香腸等等尼個餐根本可以兩個人分享 真係同個名一樣夠晒豪華但雖然好大份好多但味道就好一般雞扒超乾身 多士都係好硬 無乜口感所以到最後當然都食吾晒 係超飽另外我點左個棉花糖朱古力加$25反正飲品好驚喜超香濃而不會太甜

跟男友罕有的在北角閒逛覓食，突然被這落地玻璃的La kaffa cafe搶眼球了！裝橫是歐式的英倫風，牆上更有掛著六個不同國家時間的鐘，像是置身外國的酒店一樣。近來愛上了喝茶，於是點了一壺手工水果茶，男友則點了蜜桃萍果酒。水果茶以精緻的玻璃茶具和蠟臅底座呈上，維持熱騰騰的狀態才是茶的精髓！熱情果的味道最為突出，酸酸甜甜超開胃！！蜜桃跟萍果酒的配搭亦不錯。白酒忌廉燴藍青口的酒味鮮有的突出，但略嫌忌廉不夠多，汁較稀難以把青口沾上醬汁。黑松露香菇pizza舖滿芝士，拿起會有超邪惡的芝士絲！！配搭清淡的香菇中和了味道不會太膩。巴黎汁牛柳粒扁意粉不過不失，巴黎汁味道不錯，只是牛柳粒略嫌有點韌。餐廳環境佈局有情調，是情侶約會不俗的地方喔！

2人晚餐set好難食青口腥+鞋牛排5成變全熟春雞唔熱皮唔脆鞋到無朋友奶凍不知所謂最後埋單差唔多5百竟然收現金我從來無留過言但見咁多like 真係唔想其他人黎中伏...

從openrice找到這家不錯的食店，雖然有分店但這家服務和食物質素不錯，十分值得去試。客人不停的出現。位置雖然不在大街也不難找到，地鐵再行1條街可到餐廳。我和愛人也會列入再會試試的清單內。

偶爾就跟小師妹來個短聚來談談近況，要聊天就當然要選 Cafe 這類型的寧靜地方。沿英皇道一直走經過這家 La Kaffa 門外，兩人就給二人餐的餐牌吸引，喜歡cafe的我當然就想試一試吧！店內的擺設跟佈置也相很特別呢！坐下後就馬上點菜，店員超友善，閒聊中有說有笑。我們點了一個精選二人晚餐 《 B 》，因為可以選的款式好像都很不錯，非常適合我們這些有選擇困難症的人！上菜速度不算慢，而且看得出廚師挺花心思於食物的配搭上！是日餐湯 - 栗米忌廉湯原粒栗米打成碎製成的忌廉湯，喝起上來仍然喝到栗米的口感，味道來說算細膩，餐湯來說絕對是合格之上。廚師沙律作為小前菜的沙律菜也算很新鮮，而且餐前來個黑醋醬汁，超級開胃！「有脆」搖滾雞餐前小食我們點了這個「有脆」搖滾雞 (因為主菜都以肉類為主，不喜歡這麼多肉的也可以另選白酒忌廉燴藍青口) ，大概我個人不太喜歡青口的關係，還有是因為這個雞塊的名字吸引！來看看他是如何搖滾…「有脆」搖滾雞的確是脆，炸雞炸得相當脆身又不泛肉汁，配上特製醬料跟七味粉相當惹味！8oz 頂級西冷牛扒主菜 - 8oz 頂級西冷牛扒 (五成熟) - 這個是超推介的！因為完全是超乎想像的美

朋友約食飯，本嚟諗住唔去這間食，因為評價關係，心想會否坐車嫁。不過去完後，又感覺不是太差喎，環境感覺浪漫英式，舒服，服務態度都很好。我去到心想，點解同上網睇，差咁遠😀😀😀我們兩個人，點選了幾樣本店精選，香菇黑松露比薩，黑松露香菇扁意，每日餐湯，海陸小食拼盤，芝士忌廉焗雜菜，咖啡凍抹茶首先餐湯先，個湯味道有待改善，而且多士唔夠脆，飲完個湯有點擔心😓😓😓到焗雜菜，睇到好靚仔，而且多芝士，還有薯容底，雜菜份量充足，還有好多菇菇，食落即時改觀感覺不是太差跟住到拼盤和凍飲，拼盤份量好大份，不過雞翼就過熟，所以硬了點，薯角超正，香腸和炸尤魚圈都很好食，還有個醬油，不是太過濃烈，酸酸地配上炸物一流，抹茶凍飲甜了一點點，而且少了點咖啡味，但基本上本人感覺都好好飲，賣相靚靚，而且底層還有點點粒粒配合最後就是香菇黑松露pizza 和扁粉，賣相超吸引，pizza 很多芝士，黑松露，香菇，份量十足，相比很多pizza好味很多。而那個扁粉，一樣充足配料，搞到我差不多全碟食晒😂😂😂重點食物完全熱度十足，服務員態度一流，雖然還有一兩樣不足，有待改善，食物上菜速度我還嚴快左點，可能天氣凍的關係，所以會比較快凍，我食完

是日的外勤到了北角，與同事一起午餐。卡邦尼意粉向來為小人所好，這道帶子長通粉的卡邦尼汁濃杰和調味俱掌握得不俗，味道溫和，而長通粉的坑紋用來掛汁是一流的，吃著每一條濕潤的通粉都在嘴裡拼發出汁的香氣和滑溜感，滋味爆發。帶子混了卡邦尼汁仍食得出帶子本身的味道，肉嫩細滑，整體配合恰怡。比目魚柳既大塊又厚肉，魚皮以及邊位皆煎得甚是香脆，魚肉油份充足，細嫩而滑溜，無需甚麼特別的醬汁，就能簡簡單單的突顯出魚的鮮味。如果再到附近辦事，我們都會再來的。

今日星期六放假去左呢間西餐hea下享受一下週未嘅悠閒啦呢間野上次友人都話食過幾唔錯同埋見佢個menu 一個lunch 都成八九十蚊所未食之前都有d期望架我就叫左個黑松露汁牛排飯真係好失望先講個汁好多菇…似茹汁多過黑松露…然後係水還水渣還渣又唔熱真係唔知想點又多油…再講塊牛其實一睇個樣牛肉乾甘都無乜期望架啦…又乾又硬又無牛味算吧啦凍咖啡都好普通無話特別好飲一行五入都叫左好多個餐友人食果個咩冬陰公意粉一放低真係唔講都唔知係冬陰公食左一啖係有少少辣甘啦😅算啦有d舖係甘做旺左就求期………

最鍾意就係周圍搵好嘢食❤今日黎到北角既La kaffa cafe 叫左個二人晚餐🤤🤤 我哋揀咗雞翼三重奏（玫瑰，檸檬，水牛城）香辣番茄海鮮扁意粉同香草煙三文魚pizza雞翼別具特色 有三種口味 最鍾意就係好重玫瑰味嘅雞翼 感覺新鮮又特別 檸檬雞翼就少咗啲檸檬味 水牛城都唔錯 😋意粉方面個人認為比較辣 但味道唔錯 蕃茄味濃 如果少點辣會較好香草煙三文魚pizza係我嘅至愛 一食就愛上❤❤ 厚厚嘅芝士配合煙三文魚 味道一流😍😍😍🤤 pizza控必食食完正餐仲有奶凍做甜品 好滿足啊👍🏻👍🏻

前晩在網上搜尋，發現在北角有這餐廳，網評很好，而且以前在沙田也嘗試過，不錯的。所以前晩一試，入到餐廳，裝修不錯，雖然只有一、兩枱客人，感覺孤清，可能是平日吧。侍應只有一人。落單時，侍應服務很一般。叫了一客炸魚意粉及豬肋骨。首先嘗了煙肉薯仔湯，很鹹，告知侍應，沒什麼反應，只拎走啲湯把它倒了，沒有更換。至於炸魚意粉，魚的味道真的特別，但不太欣賞，而且魚很薄。最後到頗期待的豬肋骨了，骨粗肉少，跟以前在其他不同的餐廳吃開的很不同，可能不同部位吧，味道亦一般了，但最失望是中間不熟，發現後，也不敢再吃下去。告知負責人後，他只説將會告知廚房🙄及問我們要否打包拿走😞，這樣的反應及服務，真的失望！😞😞😞

今日工作經開北角，約左男友食飯。正當諗緊食咩之際，經過一條小巷就比la kaffa 既招牌吸引左過去，原來北角都有d 咁有格調既餐廳，而且以西餐價錢黎講唔算貴，一於拆番餐勁慰勞下自己。餐廳設計幾懷舊英倫feel，環境寧靜，燈光柔和，感覺幾舒服，牆上仲有好多火車，時鐘，齒輪既佈置。收工太攰都係有選擇困難症😂，唔想諗最後㨂左個$398 既二人餐，可惜呢個set 無飯同意粉㨂，主菜主要係全肉既配搭。我都驚太飽，不過男友話easy job無難度。✨檸茶豪不吝嗇，超多檸檬ar ~~我叫左小冰，佢真心做到我小冰既standard👍🏻✨餐湯係薯蓉粟米湯，質地唔算滑但味道唔錯。跟餐多士烘得剛剛好，微微脆好鬆化，搽埋牛油超正✨沙律只有生菜同車厘茄，貪心的我略嫌感覺有d 寡，但個醋汁都ok~~✨白酒忌廉燴藍青口： 排到好整齊咁上碟，份量都幾多，有成十幾隻。青口肉質鮮甜，我拆晒d肉連埋洋蔥，青椒絲，忌廉汁大大啖咁食，汁都飲埋。個汁好香，一d 都唔會漏。✨8oz 頂級西冷牛扒：好大塊！上面仲有牛油同rosemary 好吸睛。牛扒肥瘦適中，加埋邊位d 肥油食落好香~牛味濃郁，點埋個燒汁好正👍🏻扒餐可以㨂薯蓉/薯

北角繁華大街道入面~轉入小巷後，有間走英國懷舊風，以舊式英國火車站做主題嘅餐廳。一到店內，店員就送上一份航海地圖外貌嘅餐牌俾我地點餐。點完餐後，餐廳內嘅環境佈置 都成為拍照留念嘅焦點。店內嘅收銀處都模仿緊英國賣火車票嘅地方。齒輪、路軌同火車等嘅佈置佈滿整店，有種置身外國地方嘅感覺。呢個角落 都令我感受到聖誕氣氛，好似提早過聖誕甘!紅豆宇治抹茶 $28抹茶同紅豆都在底部，中間牛奶部分，頂部本身是堆得滿滿的忌廉。可惜我忘記左忌廉總會頹落黎。 味道唔算係好濃，甜度適中溫和。秘密花園水果茶（凍）$48色彩鮮豔，吸晴度極高。絕對是selfie 必點嘅飲品。茶底係百香果茶~內有士多啤梨，藍莓，火龍果同奇異果。呢杯相信係鎮店之寶，而且份量我相信係二人前!呢個角度見到生果比例都幾多，味道都係唔算甜!酸酸地可以去下我食全部都係肉嘅油膩感!M8 香烤德式豬手配 酸菜及薯蓉$178 呢度嘅豬手外皮係少少脆，肉質屬有咬口果款。沾上芥末醬同埋夾埋酸菜一齊食，減輕肉嘅膩感。豬手中間薯蓉部分混入忌廉，會令薯蓉較creamy!夾在豬手食，又有另一種不同感覺。M1 法國香草燒春雞 配魷魚圈 全隻$138燒春雞order

今晚跟女朋友去了位於北角明苑西街的「La Kaffa」，此店裝潢佈置像法國小店。我們點了一個二個人套餐,頭盤是周打魚湯，湯加了很多大大隻蝦，令湯更加鮮味，再配上麵包美味非常。第二道菜是深海鮮蝦凱撒沙律,用上傳統材料包括羅文生菜、新鮮大蝦、蛋、車厘茄等伴以沙律汁，酸酸的很清新開胃.主菜我點了有8安士頂級西冷牛扒配黑椒汁及香煎法式鴨腿配辣肉腸及薯角。餐廳選用頂級紐西蘭安格斯，牛味香濃、肉質綿密、口感細緻，個人就比較喜歡6成熟就可以，因為可充份體會到牛味。另一款主菜香煎鴨腿就比較有點失望，因為鴨腿肉肉質比較乾，不夠軟嫩。整體來說，食物質素還好，餐廳環境很舒適，是拍拖和三五知己一個很好的聚腳點！

叫咗二人餐 前菜係青口，只係些微暖！😑主菜西冷牛扒及豬肋骨，牛扒完全唔熱，入面仲要凍嘅，叫佢換過，俾番一塊新嘅，要五成熟，但黎到係全熟！豬肋骨又唔太熟！食咗一餐難食又冇癮嘅晚餐，絕對冇下次亦會叫朋友不要幫襯。😡賣相係唔錯，可惜得個樣無內涵，嘥錢食呢餐！！