La Postre (已結業)

服務員有禮貌，態度不錯，食物質素維持水準，已經幫襯過第二次，值得推介由其係芝士蝦餅，我平時不吃芝士都接受到，不錯！沙律🥗都不錯。整體來說，食完又滿足又開心！一定會再有機會幫襯！！

今日放工往銅鑼灣行街和晚膳，在百樂中心La Postre食西班牙菜。餐廳裝璜富歐洲小鎮色彩，燈光柔和，簡潔舒適。先來一道黑毛豬蜜瓜小食，黑毛豬軟滑帶油香，蜜瓜清甜，兩者很配合，夾起來一齊吃口感更佳。主菜西班牙海鲜炒飯，擺設整齊富心思，青口和大蝦大隻又鲜甜，蜆仔亦可口，炒飯味道亦調配得宜。甜品是鲜果麻糬窩夫，即製新鮮熱辣，窩夫以心形排列成花瓣狀，內有熱滑麻糬，鋪上雜果雲呢嗱雪糕，再塗上蜜糖漿，香甜美味，是一道窩心嘅甜品。加上鲜製野莓沙冰，冰涼清爽，細語輕談，頗舒閒滋味嘅感覺。

今日老公生日諗住食得特別d, 就試左喱間西班牙菜。我有預先book 枱，去到唔駛等位就可以入坐👍之前我地食左d 野，最後order 左2樣必試推介：西班牙海鮮飯2人份、芝士焗蟹肉@西班牙海鮮飯好大份，3-4個人食都得。不過味道就真係好麻麻。上菜時都已經唔係好熱，海鮮唔算好新鮮，好似茄汁飯咁。。。焗芝士蟹肉蛋：果樣好似好吸引，實際上係唔知想點。蟹肉又唔新鮮，急凍蟹魽。蛋焗都乾曬～只有芝士味😔仲諗住食d 特別野，點知失望！

其實我都挺喜歡吃西班牙菜，la postre可說是比較平易近人又貼近我們口味的餐廳！這晚跟好友來到百樂中心吃晚飯！餐廳裝飾有格調，燈光帶昏暗，頗有情調。先點兩杯特色飲品！選擇很多！蜂蜜玫瑰茶我一向不喜歡凍飲，點了一壺熱蜂蜜玫瑰茶，對女生來說挺好的，不太甜又養顏！鮮雜果Mojito朋友的鮮雜果Mojito很清新，裡面有蘋果、鮮橙，還有薄荷葉，涼涼的，很解膩！蜜瓜黑毛豬（24個月）天氣悶熱不想吃太多肉類，點了蜜瓜黑毛豬，大大片黑毛豬，咸香開胃，不會太鹹，嚼起來亦沒「渣」！配搭十分清甜的蜜瓜，perfect！西班牙海鮮炒飯我覺得每間餐廳的西班牙海鮮炒飯總有點不同，我特別喜歡這裡的，炒飯用鐵鍋盛載，份量十足，海鮮非常新鮮，有蜆、青口、蝦，竟然還有櫻花蝦點綴，口感層次大提升！炒飯吸了上湯味，飯的調味加了辣，更惹味！雜果麻糬窩夫外脆的窩夫裡面藏住煙煙韌韌的麻糬，加上各種新鮮雜果，還有不常見的新鮮無花果，外形也十分討好！是這裡必食的甜品！

第一次嚟試吓呢間西班牙餐廳，因為OpenRice冇最更新嘅餐牌，所以嚟到有啲失望，冇乜款啱食。是日餐湯 - 周打忌廉湯好奇怪，我哋有一碗係好結嘅湯，另外一碗係好稀嘅湯😓味道還可以。泰式酸辣鮮蝦意粉（$118）都有五粒蝦，意粉唔算特別多份量適合女士。唔少蔬菜。卡邦尼煙肉意粉（$88）畢竟係卡邦尼，都係比較濟嘅。芝士味好重，都唔少煙肉。青醬牛肉意粉（$88）比我想像中嘅差幾遠，青醬應該係意粉都會變綠色嘅，但係只不過有啲香草。唔知點解意粉味道偏甜，但係味道撈埋啲牛肉一齊食都唔錯嘅。我個人覺得油膩咗啲，牛肉片係普通牛肉，質素唔似西餐廳嘅質素。都多蔬菜。黑松露西班牙黑毛豬扒（$169）［需時15至20分鐘］要等20分鐘嘅豬終於嚟啦！啲豬肉好腍，好似慢煮咁樣，比較多豬油同埋汁，啲細路鍾意食🤣😅薯條都好味，但係可以再炸得脆啲。有碟小菜係有啲凍嘅帶子肉粒，我個人唔係好鍾意配甜酸醋味嘅。午餐都仲都送甜品 - 芝士蛋糕蛋糕係唔係焗嗰隻，係雪嘅芝士蛋糕。下面果層海綿蛋糕幾好味。個人比較鍾意濃味啲嘅紐約芝士蛋糕😅餐飲好細杯，咖啡唔得😕食物嘅質素還可以改善（牛肉好似一般茶餐廳嘅質素），因為午市都偏貴。環境方面幾

嗰日約咗朋友食飯傾下計，想搵個好地方，最後決定去銅鑼灣嘅La Postre。餐廳位於銅鑼灣耀華街百樂中心。晚上7點左右, 人數不算多, 餐廳燈光柔和，設有卡位同埋一間房。蜜瓜黑毛豬(24個月），黑毛豬咸味恰到好處，蜜瓜又甜又多汁，兩種味道十分配合。西班牙豬手，起哂骨十方細心，豬手皮十分香脆，肉質嫩滑，醬味道特別，加上蜜糖味道更加突出。紅酒無花果芝士蛋糕，無花果果味中帶出酒香，芝士蛋糕口感結實，入口香滑。抹茶拿鐵，綠茶味香濃。荔枝莫希托，甜度適中，非常清新。

海鲜锅不错，甜品不错，只是龙虾冻汤实在是太难喝那个味道简直是一言难尽，千万要避开，这个是雷区！除此之外我们店的意面还ok。有点失望的是本来以为会有ham，结果也没见到。

我們點左開胃菜，主食，甜品和兩瓶飲品。先聲明， 這一家的份量很多，夠兩到三人吃。蛤蜊青檸同辣椒煮煮出來的蛤蜊有完全不同的風味。做為開胃菜，它十分成功。推薦可以拿蛤蜊和地汁一起吃，酸中帶點少辣， 過癮。西班牙海鮮炒飯濕度剛剛好。畢竟西班牙炒飯本身都不是要求乾炒，反而有底濕先好吃。飯本身有少少辣，可以提升個炒飯的口感。海鮮有青口，大蝦，蛤蜊，除此之外還有火腸切片。朋友們可以一口飯，一口海鮮，十分過癮。甜品為止震撼，不會太甜但是推薦每吃一款就喝地水清下口腔。這樣做可以防止你吃地野全部都一個味道。 蛋糕本身少甜，上面的藍莓同餅乾幫蛋糕增加了層次感。可以和杏仁片一起吃，效果非常好。 無花果同另一個圓形蛋糕都好吃，應為吃到那兩個甜品的時候已經好飽。個人覺得下次應該全部試左先再決定吃完哪一個。蜜桃柚子冰沙個人覺得有點甜， 但是青檸帶來的酸幫到我解膩。冰沙本身攪到剛剛好，不會太細也都不會太粗，喝起來好順口。鮮雜果莫希托店家採用新鮮水果來做果然重本。水果鮮甜，並不會因為有水果酸而破壞左整杯的口感。

又是令搞手頭痛不已的生日飯。是日揀了呢間。佢响尖沙咀、銅鑼灣都有分店。環境不錯，但人極少。與樓下的炸雞店好大對比。食物方面，呢間係偏貴一黎即靜悄悄地order咗個甜品寫生日字。食完先嗌上枱。店員跳出黎幫我地影即影即有，再攝入生日卡入面送俾我個friend。估佢唔到，大大加分，讚！（好嘞，寫咗出黎，冇晒驚喜嘞）（汗）西班牙海鮮墨汁飯(Squid ink Seafood Paella)(for 2 person)($298)二人份其實都幾多。個飯入面有頗多料，例如洋葱碎。上面的海鮮不算太新鮮，不過不失。帆立貝亦只有一個五蚊銀咁大。我會歸類為可以一試但不要太大期望。芝士煎蟹餅(Crab Cake with Cheese)($168)蛋味較蟹味突出，面頭的芝士相當淡味。鐵板夠熱，不差。西班牙豬仔骨(Baby Pork Ribs)(5 Pcs)($298)個人黎講，覺得豬仔骨只要夠熟而唔煮過龍，基本上係冇得輸。呢個豬仔骨就甚得我心。肉質算嫩，但略嫌肉汁唔夠多，有啲乾。配芥末醬相當惹味。比較有驚喜係黑毛豬煙肉欖油意粉($98)，意粉olive oil好香，調味恰到好處彈牙得黎係有鑊氣同時煮到平時唔

去開銅鑼灣嘅朋友應該都知道百樂中心，係times square 附近，差唔多成幢都係食嘢，咩菜式都有，今日就去試吓西班牙菜😋😋頭盤叫咗個crab cake with cheese，入面有蟹鉗雞蛋芝士，味道唔錯，但係因為有芝士都幾漏😏之後就叫咗西班牙菜必點嘅西班牙海鮮炒飯，賣相好靚，朋友即刻用咗黎打個卡😂熱辣辣，海鮮鮮甜，好香好食😁唯一不足嘅係我個人比較重口味，如果有多啲西班牙火腿就仲正啲飲品方面叫咗一個signature fruit tea同一杯荔枝特飲😋😋兩杯都好味，佢個水果茶唔太甜太酸啱啱好👍最後甜品叫咗個chocolate donuts 🍩 朱古力冬甩配上朱古力醬同朱古力雪糕，朱古力味濃得來唔會太甜😋好味

朋友話想食西班牙菜，我就諗起呢一間。侍應俾餐牌我哋時，已經提醒我哋如果揀豬手，要等45分鐘，朋友都照揀。頭先等咗朋友咁耐，個肚打哂鼓，快啲嗌過沙律充肌先啦!無花果章魚黑醋沙律章魚腍得嚟有咬口，無花果新鮮，屬開胃菜。西班牙豬手真係值得等45分鐘，豬手皮脆卜卜，啲肉軟腍又唔韌，而且廚司好細心幫我哋起曬啲肉，唔會食得好論盡，配沙律菜個醬汁好特別，有千島、芥末、香草和忌廉味， 味道有啲似食緊辣肉腸pizza味，不過我都係鍾意配蜜糖食豬手，因味道會更加香。金寶果仁朱古力冬甩朱古力唔會益好香，又唔會漏，個冬甩個口感比較似麵包，裏面有啲黏性，似糯米質地。藍莓芒果莫希托新鮮芒果同藍莓味道，好冰涼。士多啤梨朱古力咖啡小小士多啤梨果肉配朱古力同咖啡，味道唔苦仲有少少甜味。我哋坐吧枱，但係下面有一個櫈腳可以俾你晾腳，唔會吊住腳唔舒服。沙律同豬手都有一個夾夾食物，方便好多。侍應不停為每一枱客加水。下次有人想食西班牙菜，都係會黎呢度。

曾經與朋友到過La Postre位於上環的餐廳，評價很好，所以今晚約了姊妹到銅鑼灣分店品嚐一下其他美食。地點位於耀華街百樂中心19樓，由時代廣場只需步行數分鐘便可到達，非常方便。餐廳門外裝修跟上環分店差不多，內裡裝潢由掛畫到小擺設都有着歐洲小店的風情，環境舒適優雅。服務員態度良好，放下餐牌後便叫我們慢慢挑選食物。蜜瓜黑毛豬（24個月）首先要了我們最愛的西班牙小食，蜜瓜黑毛豬，蜜瓜非常冰涼清甜，黑毛豬火腿片薄切，咸香軟滑，跟蜜瓜一起吃是絶配。龍蝦燉飯原隻龍蝦放在西班牙海鮮燉飯上不但吸睛，氣味香濃；西班牙海鮮燉飯配料十足，有帶子、蜆、蝦等，配上creamy的義大利飯，味道和口感一流，二人份量十足。抺茶麻薯窩夫 (Full)一向是麻薯的愛好者，甜點來說份量很大，抹茶、紅豆蓉、糖醬一併用上，加上冰凍的抺茶雪榚，層次感一流，甜品控必選鮮雜果mojito優雅的玻璃樽放入多種新鮮生果，包括青紅蘋果、藍莓、橘子、士多啤梨和薄荷葉，清涼解渴。

今日適逢係一個小小紀念日，預早book左黎La Postre食個晚餐我地係最早到既客人，店員安排左我地坐梳化角落位，自成一角，岩晒傾計坐低之後店員就放低餐牌同幫我地斟水，揀左一陣就決定好要食咩啦～啤酒海鮮火鍋$368店員送來一盤五款海鮮，分別有螺肉蟹鉗蜆肉大蝦同帶子，仲有一小碟混合左蒜蓉sour cream同辣辣地嘅醬汁～同埋一壺啤酒湯，我地揀左番茄忌廉味，賣相好吸引！仲附上小杯比我地之後飲返個海鮮湯～海鮮方面，螺肉最鮮甜，其他都唔錯，但蟹鉗就有啲雪味，最好配返個醬汁黎食～4/5個湯充滿濃濃既海鮮同番茄味黑松露薯條$68薯條新鮮炸起又熱又脆，黑松露醬可以再濃啲4/5安格斯牛扒配芝士煙肉焗薯皮$268五成熟牛扒剛剛好，可以沾海鹽或者芥辣～沙律菜配上甜甜地既黑醋好好味～焗薯皮夠香口～4/5咖啡味麻糬窩夫$108窩夫口感好得意，煙煙韌韌，上面有粒粒brownie同棉花糖，仲有一球咖啡雪糕附送既一小杯baileys影唔到添～臨尾店員問我地可唔可以幫手做個小問卷，當然無問題啦～贈送左個小小cream brûlée，水準一啲都唔差架～* * *呢度環境好舒服，燈光柔和，空間寬闊又唔會迫～最值得一讚

喺銅鑼灣，想逃離瘋狂的人群，我通常都走到耀華街，踏上樓上的餐廳，試試精緻的#LaPostre。·🍈先來一個#melonparmaham，24個月黑毛豬薄切，淡淡鹹香，好醒胃！·🦐最期待的#龍蝦燉飯，份量十足， 龍蝦好𡁻口，蕃紅花令海鮮鮮味更突出！海鮮飯混入不同材料，啖啖入味，繼西班牙海鮮飯後，成為我的摯愛！·👆🏼值得一提，餐廳以Tiffany Blue為主色，配上復古風格的時鐘🕤型！ #龍蝦燉飯 #正 #好好食 #食材 入味 #又有style #食完要踩車找數 #hkfoodie #吃貨人生

今晚想食西餐，餐廳位於時代廣場附近百樂中心，裝修富歐洲風味，環境清雅。蜜瓜黑毛豬是最佳配搭，蜜瓜清甜夾著黑毛豬鹹香，十分和諧。西班牙海鲜炒飯二人份量，海蝦大隻鮮甜，蜆仔精緻而肉鲜，青口清潔美味，炒飯微濕帶茄香，令人感覺清新。甜品是全份什果蔴糬窩夫，賣相精緻，香脆窩夫呈花瓣型，內藏吉士什果，中間有雲呢嗱雪糕，香甜可口，佈置具心思。飲品亦有驚喜，什果沙冰鲜果榨製，冰凉潤喉，鲜什果Mojito果味淡香，帶给人陣陣清爽感覺。侍應禮貌款待，食物有序上桌，顧客可悠閒地享受美食。