LA Restaurant & Dessert Bar (已結業)

餐湯係蕃茄雜菜湯，餐包係香脆多士配自家製嘅蕃茄莎莎醬，食落味道清新，好fresh🍃香煎鵝肝伴多士 啱啱煎好嘅鵝肝入口即溶😍多士無因為吸收咗鵝肝油脂而變軟，仲係好香脆！鵝肝仲有成塊多士咁大，每啖都食到鵝肝同多士，好正呀～西班牙黑毛豬鞍配蘋果泥 肉味香濃充滿脂香，就咁食都好juicy, 亦可以配燒肉汁同蘋果泥。酸酸甜甜嘅蘋果泥原來同豬鞍扒味道好夾，除左中和肉膩感之餘，仲令肉味昇華，更香更juicy🤤北京烤鴨薄餅 味道中式，用西式方法呈現。甜甜嘅海鮮醬、薄薄嘅餅皮、鴨肉，都令我諗起片皮鴨，見到餐廳加入左西式元素，例如青瓜絲取代京蔥、脆邊嘅薄餅、芝士等等，中西合璧得嚟又唔會有違和感，配搭得宜。將餅皮捲起就好似食緊加入左好多芝士嘅片皮鴨！正😍Big Boss 超大杯🍹係用apple cider 加少少青檸，跟餐加$38 都算抵！

女人街兩邊好多餐廳地舖，要去揾食相當就腳。LA Restaurant主打西餐，精緻菜式選擇也多。跟餐周打魚湯和餐包，魚湯超鮮甜，味道不錯。鵝肝多士細細一塊，鵝肝香滑肥美，作為前菜確係 𝗀𝗈𝗈𝖽 𝗍𝗋𝖾𝖺𝗍😋北京烤鴨薄餅餅底脆薄香口，烤鴨肉味香濃，配上青瓜絲同醬料，有點在吃傳統卷皮感覺，入口香脆也好夾呢。美國安格斯牛小排配燒肉汁外層煎香，肉心鮮嫩，牛味濃郁。肉質好鬆軟，沒有筋，醬汁惹味。飲品試了𝖯𝖾𝖺𝖼𝗁 𝖥𝗅𝗈𝗐𝖾𝗋和𝖡𝗅𝗈𝗈𝖽𝗒 𝖮𝗋𝖺𝗇𝗀𝖾。微甜，帶點果味，為美好的晚餐作結。

自從疫情後，都很少外出用餐。今天放工後，懷着興奮的心情與友人相約到這間西餐廳吃飯。選這間餐廳的原因是因為它在旺角，是大家的中心點。想不到食物也不錯喔。西班牙風乾火腿薄餅薄餅採用了博批，焗得夠脆口。香濃的芝士配以西班牙風乾火腿，味道夠晒有層次。澳洲殼飼西冷西冷大大塊，夠看頭。每次吃西冷最喜歡那條肥膏邊，肥膏配以牛扒入口，淡淡牛油香。由於牛味香濃，配以燒汁已十分足夠。蒜蓉多士配蕃茄沙沙+三文魚忌廉湯蕃茄沙沙味道清新，同蒜蓉多士好夾。用來沾湯食一流！鵝肝多士好有驚喜，鵝肝夠熱，油香在口裏爆發。多士脆卜卜的，冇得輸！飲品方面點了fruit punch和yellow circle。Fruit punch就不多解釋了，yellow circle就即是mango smoothies。 個人比較喜歡fruit punch。店內還有很多其他選擇，大家可以試試喔。整體來說，這餐廳的食物也不錯。我閒日來晚餐店裏亦滿座。不得不讚一下店員姐姐，全晚只看見她一個在鋪面忙，但也保持應有的服務態度，面帶笑容。

女人街多餐廳，今日見到一間坐滿人，好似好吸引～～一於試下～蒜蓉多士配茄汁醬好開胃～先order一個pizza, 海皇烤大蝦菠蘿pizza, 薄餅底，邊邊好香脆，鋪上層層芝士，creamy 又有煙韌口感，燒菠蘿好fresh同juicy,配搭鮮味彈牙大蝦好夾，蝦肉啖啖肉～叫返個牛扒嚟share食，穀飼肉眼肉味幾濃，煎得接近well done, 但仲有肉汁，配搭燒汁香濃惹味～～另外，叫咗兩個串燒，半熟帶子，超大粒，爽嫩彈牙，雞軟骨幾香脆～～Mojito同melon green, 飲品多款式揀，透心涼～

呢日去旺角行街，中午先去女人街搵食見呢間西餐廳岩岩開，門口見都多野食簡，就入左去.lunch menu 都幾多選擇而且坐低都有口罩套提供，都幾nice餐湯係白湯，仲有d 假魚翅男朋友簡左豬手薯條$78薯條都幾crispy, 豬手啖啖肉係好軟果d texture, 充滿骨膠原我order 左個硬切豬扒飯$68呢個煎得又香又入味，唔錯餐飲加$15有特飲Tiffany Light (kiwi milk)Mojito 好飲價錢實惠

餐湯：忌廉蘑菇湯＆蒜蓉包配莎莎醬（$30）忌廉味濃，蘑菇份量都唔少，味道唔似罐頭湯咁俗，蒜蓉包焗得好脆，蒜蓉味都好香，就咁食都好夠味，加埋莎莎醬一齊食可以清除油膩感香煎鵝肝拌多士（跟餐加$30 for 1）近排都食得幾多，呢度既鵝肝質素絕對唔差，相比之下呢什至比某d食鐵板燒既餐廳更高質。北京烤鴨薄餅（$98）餅底好薄，焗到脆卜卜，搽左薄薄既烤鴨醬再加上大量芝士之外再舖上鴨肉,烤鴨醬甜甜地，加上芝士既咸味感覺幾特別，除左鴨肉有少少乾之外，整睇黎講都幾好食威靈頓牛柳（$198）用酥皮直接包住牛柳焗，酥皮焗得夠香脆，牛柳大概五成熟，肉汁豐富。醬汁黑椒味都好香，帶少少辣味，伴碟既蔬菜同沙律亦都好好食，一d都冇馬虎焦糖燉蛋伴雪糕（$68）燉蛋入口幼滑，好香既忌廉同雲尼娜味，本身唔太甜，加埋面頭既焦糖就岩岩好。焦糖脆肥咬落有d似威化餅，加埋雪糕一齊食幾得意LA Mojito（跟餐加$15）冇酒精既Mojito,本身好鍾意飲d薄荷同檸檬味既飲品，呢度一杯有齊哂，而且唔係太甜，感覺清新，大熱天時飲岩哂Yellow Circle（跟餐加$15）即係芒果沙冰，芒果味好香，仲有粒粒果肉，味道唔太甜而且大大

又黎試新野啦~~, 其實呢到唔新, 係我未試過!呢到係小工業風, 氣氛幾好㗎~鵝肝(@$30)前菜揀左豪豪地既鵝肝, 不過價錢一d都唔貴!!一件只係30蚊咋, 唔係細到冇晒口感, 一口剛好~~餐湯+蒜蓉包南瓜湯, 打得好蓉好香忌廉味~西班牙黑毛豬鞍配蘋果泥 ($168)呢個係今日highlight, 咁厚既豬鞍, 但係一d都唔鞋, 仲好juicy, 食落軟綿綿, 意想不到咁高質!!西班牙風乾火腿pizza ($98)睇下塊cheese!!! 係薄pizza, 香脆得黎又唔會太飽!! 食住飲下野咁, 好夾呀~~Bloody Orange (跟餐+$15)

係女人街見到間西餐廳，見佢大大個LA招牌同埋menu野食幾吸引，而且又唔想再食燒肉/日本野（好悶🤨）一於膽粗粗同男友去試下😝我地一向慣左出街早食飯，6點個場剩係得我地，包場感覺幾好🤭🤭但一到6點半就開始多人，而且好多枱已經reserved，個人即刻安心哂🤭證明我冇揀錯鋪，一定冇伏😝😝waitress 好好咁推介左幾款人氣野食俾我地，對於我地呢啲選擇困難人黎講係超好既方法🤣嗌左Peach Flower（右）同埋LA mojito（左）重點推介Peach Flower 因為入面有elderberry勁香勁好味超啱我飲😍餐前包~多士勁香口，連埋蕃茄蓉食好fresh🍅椰菜花煙肉忌廉湯~口感幼滑，咸淡適中又唔膩👍🏻絕對唔怕飲完個湯就滯左食唔落野😏香煎鵝肝多士~加$30就有1件，依家好少係街會食到（除非buffet/高級餐廳）所以緊係嗌黎試下啦😏鵝油好香但唔油膩，入口即溶，加埋多士食真係絕配，估唔到咁既價錢都有咁好既享受🤤Parma ham pizza~唔好以為佢只係普通pizza，佢既薄身程度我影唔到個效果🥲濃濃芝士加埋Parma ham係絕配，餅底纖薄香脆，配料同餅合2為1，唔會咬到牙都軟👍🏻

旺角通菜街特色食肆之多、選擇之多可謂冠絕同區,今晚就給我眾裏尋他,竟然發現這小店在平日也坐無虛設,在等位期間,聽見其他食客在談論今次要試什麼什麼,証明有回頭客,這區有咁多選擇,也竟有忠實Fans,一於食個究竟。終於入座,地方不大,但佈置也很講究,先叫了兩杯Mocktail消消暑,再慢慢看看Menu,價錢很大眾化,最重要是食物味道如何,先點了幾款前菜小吃,包括做緊Promote嘅一口鵝肝及串燒蒜香雞肉,鵝肝Size不大,但很甘香一口剛剛好,雞串很惹味配上秘製醬汁"正"。另外一個鹽烤秋葵,很有特色且又不會烤得太乾身,"好得"。主菜前先上鮮番茄碎伴烤多士及餐湯,竟有驚喜,濃濃的忌廉伴三文魚茸,絕不糊口,不像一般的例湯,"又係正"。主菜是西班牙黑毛豬鞍配蘋果泥,外皮煎得香脆,很厚肉且肉汁充沛,惟蘋果泥就不太特出,不過"都係好正"。意猶未盡再叫多客海鮮薄餅,"正"不是厚批又多Topping够脆口。整個優質晚餐由一客伯爵茶奶凍雪糕作結尾,甜品伴碟很精緻講究。每位消費也不過二佰多元,怪不得咁多食客話下次要試其他菜式了,一定要再來一定。

旺角通菜街係食街就無人不知，今日收工就經過呢間餐廳，望下個餐牌都唔錯，於是就入去試下🌠蒜蓉包 + 三文魚忌廉湯 set+$30🌠蒜蓉包極之脆，蒜蓉都夠香小驚喜係忌廉湯好好味，有三文魚肉更加香甜👍🏻🌌香煎鵝肝伴多士 set+$30🌌鵝肝極度香，入口即溶，多士夠脆，抵食！🎆串燒越南大虎蝦 $58 + 鹽烤杏鮑菇 $28🎆大虎蝦燒得幾香，肉幾鮮甜彈牙，而且真係相當大隻杏鮑菇調味剛剛好，配少少鹽及胡椒極之出色🌅北京烤鴨薄餅 $98🌅以北京烤鴨做薄餅非常少見，餅底似餅乾非常脆口，醬汁為千島芝士醬，唔錯👍🏻🎆德國鹹豬手配孫椰菜 $168🎆豬手份量相當大隻，外皮燒到脆卜卜，肉嫩味道又唔會過份重，剛剛好😋😋🌄Tiffany Light $48 + LA Mojito $48🌄Mojito飲落好Fresh，清新解油膩簡直一流，薄荷葉好香😋😋總括而言，呢間西餐廳以平民價錢享有高級食物質素，相當唔錯👍🏻

最近逢星期日都會到旺角參加興趣班, 有朋友推薦這間LA Bar&Restaurant, 其中的原因也許是容易記的餐廳名吧。內部沒有浮士誇的裝潢, 長方形的格局放滿了坐位, 不論多人朋友聚會或是情侶用餐也有足夠的座位。餐湯與蒜蓉包作第一道菜, 蒜蓉包香脆也不焦, 旁邊的蕃茄醬帶著強勁的蒜辣味, 要是再加新鮮青檸更能帶出整體味道。未幾煎鵝肝多士送上, 在鵝肝邊邊煎脆的邊非常好食, 如果能夠把整塊鵝肝的表面都煎脆整體效果一定最好吃。更值一提的是一份鵝肝多士只售$30, 絕對值得一試。隨後是風乾火腿pizza, 薄脆的批邊配搭上Cheddar和Mozzarella兩款芝士, 還有數片風乾火腿在內, 整個配搭味道可說是無敵組合。另外這內所用的share plate是方包形, 與平常的圓碟更有親和力。食物的最後就是炸豬手, 豬手外皮被炸至金黃色, 可知豬皮是脆卜卜的, 烤炸的時間剛剛好, 裹面的肉也成功的保留肉汁。放在旁的烤菜三寶也有被適合地調味。不過只用餐刀來分切整隻豬手的確有點勉強, , 而且光是用黑醋也有點被酸味搶過的感覺。兩款飲品也能為整餐添點特色, 整枝蘋果cider倒轉插在杯上氣勢十足

餐廳環境舒服 間隔闊落黃昏6:30pm嚟 大概入座率三份一餐廳都會安排客人坐得比較疏、疫情期間感覺上依然食得安全😊同隔離枱客人嘅距離足夠餐廳好細心，有紙袋放口罩嘢飲方面我哋揀咗蜜桃梳打同埋cookie chocolate smoothie 蜜桃梳打超好飲🤤有氣得來個底仲有啲椰果、玫瑰花香同蜜桃糖漿😋攪勻飲之後飲落口感好豐富😍Cookie chocolate Smoothie係朱古力沙冰面頭加一球曲奇雪糕，曲奇/雲呢拿雪糕慢慢溶落去會令杯野嘅味道更加豐富、口感更加creamy前菜食咗鵝肝配牛油多士鵝肝表面煎得好香，佢係外面煎得少少燶+ 脆卜卜、入面依然係鬆軟，同牛油多士係好襯嘅配搭😆主菜試咗煎帶子墨魚汁意粉同黑毛豬鞍配蘋果蓉帶子煎嘅時間恰到好處、表面金黃有少少焦香得來有好juicy好易入口👍意粉有嚼口、夠入味豬鞍嘅配菜好足料、有車厘茄、沙律菜、菇、翠玉瓜同埋茄子，豬鞍切開嘅時候肉質好鮮嫩、好夠淋整體來講大推、超高質😆👍

🦀🥑烤焗芝士蟹肉牛油果 $88蟹肉足料，點投啲芝士焗到半溶，撈埋牛油果一齊食，一啲都唔會覺得膩。🪵🍚松露野菌意大利飯 $88上碟已經好香松露味, 米粒係偏硬身，煙韌有咬口。🍮LA伯爵茶奶凍焦糖脆脆伴雪榚 $68伯爵茶奶凍茶味好出，雪榚朱古力味都好濃郁，建議食奶凍先食雪榚，如果唔係就蓋過晒茶味。🧉Cookie Sweetie $48冇留意到menu原來係寫Cookie chocolate, 以為係cookie & cream, 但都好飲。🍸Bloody Orange $48呢杯比想像中甜好多，適合超甜口味嘅朋友。

通菜街兩邊好多唔同種類既餐廳 食乜有乜😆襯星期六放假就揀佐呢間門面比較chill既西餐試🙌🏻 見兩點黎到都仲爆曬棚，應該不會失望吧✨慢煮黑椒牛舌飯($68)個人其實麻麻地牛舌🙈通常煮得比較乾 但男朋友鍾意食就叫佐，點知有驚喜喎‼️牛舌肉質超級林，好容易咬開👍🏻食得岀佢既🐮味同平時食既牛舌唔同💥感受到慢煮既誠意😆同有成6塊牛舌都算多，加埋黑椒汁少少辣幾開胃👏🏻成個意粉食曬🤣抵食烤厚切🐷扒伴蘋果泥飯($68)🐷扒超大塊厚身，十分有份量💥男仔都夠飽🙌🏻食落唔會好un，肉質幾有咬口👍🏻蘋果泥可以解食佐成塊厚切🐷肉既油膩感‼️酸酸地有啲似berry醬👍🏻撈飯一齊食幾開胃Bloody Orange 🍊 (+$15)食完2個肉肉餐飲杯酸酸甜甜既橙+西柚soda mocktail🍸 好fresh Fruit Punch (+$15)Orange juice + pineapple juice + fruit 🍉 🥝🍓🍇🍍 都係十分解膩既配搭✨✨滿足的weekend lunch抗疫期間，熱飲仲免費添飲😍為食指數: 3/5性價比指數: 3/5推介指數:3/5

旺角區有唔少好野食，但呢間隱世西餐真係十分滿意。因為朋友推介，第一次黎。2pm 仲有午餐，有唔同選擇，價錢黎講真係好抵食，仲包埋餐湯。叫左兩個午餐烤厚切豬扒伴蘋果泥(薯菜)份量好足，厚切豬扒口感一流切開淡淡肉汁，蘋果泥就酸酸地幾開胃，配上豬扒味道幾夾。慢煮黑椒豬手(飯)平時午餐好少食到豬手，慢煮既關係肉質仲係juicy, 加埋黑椒好惹味。大大隻豬手加埋飯，好滿足。叫左杯特飲，Tiffany light ，係奇異果奶昔，味道好清新，亦唔會好酸，岩晒夏天消暑。同埋叫左杯凍檸茶。