LA Restaurant & Dessert Bar (已結業)

行完街隨意黎到食dinner，入到黎晚飯時間尚早，食客未算多，環境舒服。西湯係紅湯，調味都幾濃，多蔬菜，哩個天氣咁熱，飲紅湯幾開胃。蒜蓉包好脆，好味。烤焗芝士蟹肉牛油果 $88一上枱好香呀，牛油果同蟹肉真係perfect match，加左芝士同沙律醬，好快清晒。帶子墨汁意大利飯 $108主菜份量都大，煎香既帶子都好大粒，好鮮，軟熟。意大利飯吸晒墨魚汁，鮮味有咬口，好味。Big Boss $68Apple cider加青檸汁，降溫首選，happy hour飲番杯！哩個甜品心心眼，伯爵茶奶凍茶味好出，面頭既脆脆考功夫，好脆，好食呀哩個甜品。

旺角☕呢間平價親民西餐廳，野食豐富，高質素，性價比仲好高。dinner time好貼心，👍任何menu主食一份，🥰每個人都會送埋西湯同蒜蓉包。食dinner環境好舒服，嘢食得好唔錯。🥩今次同friend gathering，我哋主要食牛，佢哋嘅牛扒好大份，有熟度可以揀。🍄西餐係忌廉蘑菇湯，好香滑好濃郁，佢哋嘅蒜蓉包係現焗，所以都好香脆。牛扒大份過預期，好抵食。肉質厚實juicy，厚實鮮美，味道唔錯。

次次去到旺角都會好煩惱究竟食咩好，因為實在太多嘢食。朋友話想食西餐，咁我就記得前排去過呢間Cafe，價錢平之餘，啲嘢食仲要非常好食，咁就帶佢嚟試吓啦。我就唔食蒜蓉包嘅，但係朋友話呢個蒜蓉包整得非常好食，比起好多連鎖餐廳更加好食。而我就覺得呢個忌廉湯好足料，而且飲落唔會太膩，反而有啲開胃。上次黎食過牛扒好高質，不過今次呢個朋友唔食牛嘅，侍應就推薦左我哋呢個豬扒，估唔到真係同牛扒一樣咁好食。佢食落唔會好硬，豬扒竟然會有啲鬆化嘅感覺，而且佢嘅調味整得啱啱好，食落好香。之前試過意大利飯好好食，咁今次我哋就叫咗個帶子墨魚汁意大利飯，佢嘅帶子超大粒，煎得啱啱好，面頭有少少脆但又唔會太熟，真係好正啊。而佢嘅飲品都幾有特色，我就叫咗個奇異果牛奶。飲落又清新又開胃，而且又唔會太甜，啱晒女仔飲。呢間餐廳又抵食又高質，以後嚟旺角就唔使煩惱啦。

今晚約了朋友到旺角聚舊，於是到了女人街附近睇睇，發現呢間餐廳裏面佈置都幾別緻，感覺好舒服，價錢唔太貴，於是在這裏吃晚餐。天氣太熱，我們叫了兩個特飲，Yellow Circle $48，其實係芒果沙冰，清甜消暑；朋友叫了Big Boss （Apple Cider + Lime juice + Ice) 原價68跟餐只需加$38，好抵飲，apple cider 加了少少Lime Juice ，好清新！忌廉湯幾好味，而且好多蜆肉同蘑菇，蒜蓉包好香牛油味，脆卜卜，加了些碎蕃茄粒，幾特別！主菜係德國鹹豬手配酸椰菜 $168，侍應放低時真係嚇了一跳，非常之大隻，外皮香脆，我哋兩個女仔都食唔晒，而且有沙律菜、車厘茄、燒茄子、燒雞髀菇及燒翠玉瓜伴碟，好豐富。烤焗芝士蟹肉牛油果$88，第一次食烤牛油果，味道唔錯，超多蟹肉，味道鮮甜，啖啖肉！牛油果都幾大隻，食完都好飽。LA伯爵茶奶凍焦糖脆脆伴雪糕 $68，好鍾意呢個甜品，奶凍係陣陣清香嘅伯爵茶味，唔會太濃，食完都唔怕肥。唔經唔覺我哋都坐咗3小時，呢間餐廳好啱拍拖同聚舊。

咁啱同兩個朋友一齊出街食飯我哋又想食西餐但係又唔想食咁貴你知啦質素好少少嘅都要每人幾百蚊食西餐真係一件好高消費嘅事點知俾我哋發現到呢間餐廳因為又唔係話真係好肚餓嘅關係就決定一人嗌一樣嘢食我仲記得每人叫咗杯嘢飲然後佢就有呢個餐湯同埋蒜蓉包個蒜蓉包嗰個茄醬係值得一讚嘅跟住就叫咗呢個菠蘿火腿Pizza因為我幾鍾意餅乾底所以我覺得呢個都幾好最估唔到係有威靈頓牛扒平時出去食一個都要三百幾$400呢度完全唔使仲要好好食另外一個豬又係啖啖肉好林 超好食對於我來講價錢同食物一樣高質性價比極高 下次可以再嚟食

▪️餐包&餐湯牛油餐包烘得香脆，沾上creamy的海鮮周打湯很配。略嫌Chowder太重忌廉味，欠缺chowder湯的鮮味▫️煎鵝肝多士小小一塊bite size剛剛好，上面還有2小塊鵝肝，入口即溶😋▪️安格斯牛柳粒串燒▪️雞軟骨串燒安格斯牛柳有5塊，選用了比較瘦的部位，非常適合我😚口感完全不會乾柴，裡面仍然微粉紅👍🏻雞軟骨燒得香口爽脆，又不會太油▫️香辣番茄大蝦天使麵番茄醬比想像中辣，有一點點辣味提味。番茄很新鮮，而且有充分的醬料。3大隻大蝦已經去殼，吃起來很方便，鮮甜多肉👍🏻天使麵雖然幼但是煮得少少硬，口感剛好▪️松露野菌意大利飯好大一碟的意大利飯，非常抵食🤤松露味很香，意大利飯粒煮得濃稠之餘粒粒分明。稍嫌松露醬比較重忌廉味，如果能多一點菇的香味會更完美

次次去親旺角 都唔知食咩好 因為實在太多嘢揀啦 今次就將呢個重任交俾朋友😈經朋友介紹 就黎左呢間西餐廳試下***首先前菜係蒜蓉包配番茄莎莎醬 一咬落去微溫又香脆 仲有個周打蜆肉湯 一啖湯一啖包好好味 作為牛油果fans 好想講佢地嘅烤焗芝士蟹肉牛油果係我嘅最愛 牛油果上面鋪滿住份量勁多嘅蟹肉仲有芝士 成個口都係好有滿足感 朋友就勁鍾意食佢地嘅鵝肝多士 入口即溶 質素拍得住自助餐 如果係食肉獸 可以不妨試用下佢哋嘅燒汁澳洲穀飼肉眼 大塊到好似一塊臉咁 唔會太韌😹最後飲埋杯mango同哈密瓜沙冰

先黎餐湯，粟米忌廉湯，好creamy,都有幾多粟米粒同火腿粒。蒜蓉多士，好香牛油同蒜蓉味，加埋醃過酸酸地嘅蕃茄，好開胃。鵝肝多士，件鵝肝size都唔細，都幾大塊幾厚，鵝肝煎到啱啱好，面頭焦焦香香，入面充滿油份，好甘香。北京填烤鴨pizza, 初初都抱住試吓嘅心態，原來填鴨crossover pizza咁夾， 個餅底好薄好脆，d鴨肉好嫩滑，勁多芝士，芝士下面有d填鴨醬，好惹味，d芝士仲有拉絲，唔錯。西班牙黑毛豬鞍配蘋果泥黑毛豬好厚切，黑毛豬d肉質好嫩滑，店員話點埋個蘋果醬一齊食，個醬酸酸地幾開胃Melon Green-係蜜瓜沙冰，飲落好清新，唔會過甜，上面仲有粒粒嘅蜜瓜肉，好足料。Cookie Sweetie-係朱古力曲奇沙冰，上面有雲呢拿雪糕，mix埋d沙冰一齊，好滑，而d朱古力沙冰個味道好濃郁，幾好飲。最last緊係要食甜品啦，今日special係伯爵茶奶涷伴雪糕，個奶涷好香茶味，唔太甜，加埋雲呢拿雪糕一齊食，好滿足。

Happy Friday 同朋友黎旺角搵到呢間低調小店，好味又抵食！黎到雖然有好多檯仲食緊，但好快就有位！餐牌好多選擇，價錢都好合理！我地就叫多D嘢share食！第一樣餐湯同包已經好好味，南瓜忌廉湯好creamy，配搭蒜蓉包好味之余，仲有新鮮番茄醬可以點黎一齊食，好有心思！appetizer我地叫咗芝士焗蟹肉牛油果，芝士焗到脆脆的，一畢落去就有蟹肉同牛油果，味道配搭得好好，推介！Main我地就叫咗個德國豬手黎share，份量十足，夠曬我地share黎食！ 豬手唔會好似出面果D咸到食唔到，呢度入味之余仲焗到外脆內嫩，配埋D酸菜食真系好好味，仲要只系$168，真系又抵又美味！最後梗系要叫翻個甜品，我地叫咗伯爵茶奶凍，好有驚喜，除咗奶凍好有茶味之外，佢仲有D honeycombs，加埋個vanilla ice cream，口感豐富，非常滿足！同埋都想贊贊佢地既飲品，我地叫咗cookie black smoothie 同埋 bloody orange mocktail，兩個都做得好有心，presentation靚，cookie black smoothie 系 cookie 同 black c

戈晚本身都吾系好諗到想食咩，記得之前都黎過旺角呢間LA Restaurant & Bar，野食吾貴之餘仲要好好味，比我印象非常深刻，上次系同老公黎食，今次佢都話想再黎😆小食嘅種類幾特別，有龍蝦、大啡菇食㗎。晚餐仲有dinner set，啱曬選擇困難症嘅人😆鵝肝多士系餐廳送㗎😍好慷慨！鵝肝嘅味道好鮮，燒得好香，有入口即溶嘅感覺呢。平時喺其他餐廳真系好少食鵝肝，證明呢間餐廳好dum本。芝士蟹肉牛油果呢道菜式太特別，表面成塊熱溶芝士好邪惡🧀底下就系滿滿嘅蟹肉，蟹肉好新鮮又清甜😋同芝士match就不在話下啦。蟹肉周邊系牛油果，可以用匙羹刮黎黎，成個配搭都好fresh。蒜蓉包做餐包都好常見，配以蕃茄粒又有幾可會有？原本蒜蓉包都夠脆，蒜蓉部分香口，配以蕃茄粒系另一種感覺。香辣蕃茄大蝦天使麵，大蝦都幾爽口彈牙。話辣但好彩都吾會太辣，同時又可以刺激味蕾。茄醬佈滿成個意粉，每一啖都feel到濃郁嘅蕃茄味🍅甜甜酸酸咁好味😋烤焗半熟帶子忌廉墨汁粉🖤半熟帶子清甜可口❣️好似日式餐廳帶子刺身嘅味道。墨魚汁麵打卡一流🤪墨魚汁味濃郁，食完記得抹下咀邊🤣

前5星酒店大廚主理 LA Restaurant & Dessert Bar 殺入旺角 果然不失所望😚價錢方面 唔算太貴 大家都負擔到🥰德國咸豬手配酸椰菜 $168肉質易切鮮嫩 味道香濃而不含味精👍🏻烤焗芝士虎蝦墨汁意大利飯 $108性價比高😍有大大隻虎蝦 墨汁好濃味 偏杰身 意大利飯粒質地唔會太硬 易入口 好飽肚😚烤焗芝士蟹肉牛油果 $88健康有營😉蟹肉🦀同牛油果🥑份量好足料!用左烤焗既方式去烹調 冇添加油/味精🤩Melon Smoothie $48蜜瓜味好重 奶昔好滑推薦😈Cookie Chocolate Smoothie $48以朱古力味🍫為主軸既奶昔

上次到旺角試了一間西餐小店，估唔到有驚喜，味道好，價錢實惠，旺角其實可以找到很多性價比不錯的餐廳！今日黎到通菜街！星期四晚上，大約7點來到不是很多人，之後7點多差不多坐滿了！❤️大蒜薯仔湯 配餐包 （set dinner) - 湯味道濃郁，薯仔增加口感，味道不錯，餐包也很脆！❤️鵝肝多士(2 塊）HKD 60 - 鵝肝味濃，配多士十分夾！不會過膩。❤️烤焗芝士蟹肉牛油果 HKD 88 - 很特別的菜式，通常吃牛油果會室溫或冷凍吃，這個配上芝士和蟹肉焗，牛油果微微融化，加上蟹肉的鮮味和芝士，味道不錯，很有層次和新鮮感！❤️德國咸豬手配酸椰菜 （set dinner) HKD 168 - 主菜有驚喜，估不到不是德國餐廳也做出差不多的質素，性價比高！皮香脆，不會很硬，肉加上油脂感足！惟一不好是酸菜不夠多。❤️Fruit Punch HKD 48 - 不錯的mocktail 懷念唱k 叫的飲品！❤️Yellow Circle (Mango Smoothie) set dinner 加HKD 15 - 也不錯，芒果味夠。

一間幾有格調既西餐廳，餐牌design都幾靚，前菜有蒜蓉多士配洋蔥，多士烘得乾脆，一咬落去爽爽聲，之後既鵝肝多士好好味，從來未試過食咁大件原粒鵝肝，以前食既鵝肝都有少少苦，但呢個完全無，反而有甘甜味，多士有牛油作底，第二樣我地揀左烤焗芝士蟹肉牛油果，焗過既芝士有焦香，蟹肉醬好creamy，兩大件都只係88蚊，加埋牛油果清清既牛油味，3種食材配搭完美，加埋主菜西班牙黑毛豬鞍配蘋果泥，蘋果泥甜甜地，黑毛豬鞍超級好食！！肉質濕潤鮮嫩，本身都有燒汁做底，中意鹹可以沾燒汁，中意甜可以沾蘋果泥，好大塊而且夠稔好易切，一點也不痴牙，飲品就推介fruit punch，男朋友揀cookie black smoothie都話好好飲👍👍

我們在旺角街行後,正是食晚飯時候,就到女人街覓食,就來到 LA Restaurant & Dessert Bar。餐廳裝潢充滿歐陸風格,四周掛上特色的畫及擺設。...............................首先免費每人送上餐包及餐湯牛油多士法配上酸酸甜甜開胃的蕃茄醬汁,食慾全開。..............................是日餐湯忌廉蜆肉餐湯很有驚喜,口感Creamy濃滑, 不錯好飲,正!..............................【烤焗芝士蟹肉牛油果】 $88原隻牛油果切開一開二,上面有蟹肉、芝士等食材來烹焗,很香美味,是健康、清新又開胃菜。..............................【德國咸豬手配酸椰菜】 $168豬手外層皮香脆又煙韌可囗,而豬手的肉質好軟腍嫩滑,點配醋酸汁更好味,與酸菜可以食,可减底食豬手的肥膩感。..............................【澳洲殼飼西冷配燒汁】  $188落五成熟,煎到粉紅色的西冷牛扒,入口細緻幼嫩,都好重牛味,肉質鬆軟豐盈且不失嚼勁,伴燒汁,將味道更美味,在旁有新

我們在旺角街行後,正是食晚飯時候,就到女人街覓食,就來到 LA Restaurant & Dessert Bar。餐廳裝潢充滿歐陸風格,四周掛上特色的畫及擺設。............................................................首先免費每人送上餐包及餐湯牛油多士法配上酸酸甜甜開胃的蕃茄醬汁,食慾全開。..............................是日餐湯忌廉蜆肉餐湯很有驚喜,口感Creamy濃滑, 不錯好飲,正!..............................【烤焗芝士蟹肉牛油果】 $88原隻牛油果切開一開二,上面有蟹肉、芝士等食材來烹焗,很香美味,是健康、清新又開胃菜。..............................【德國咸豬手配酸椰菜】 $168豬手外層皮香脆又煙韌可囗,而豬手的肉質好軟腍嫩滑,點配醋酸汁更好味,與酸菜可以食,可减底食豬手的肥膩感。..............................【澳洲殼飼西冷配燒汁】  $188落五成熟,煎到粉紅色的西冷牛扒,入口細緻幼嫩,都好重牛