Lamlam脷 (已搬遷) 新店位置

這間小店一向難book期，曾試過3個月後先有期可訂。今次1個多月前whatsapp店主，一直未有回覆，本身都打定輸數訂不到，但事隔1個月後突然回覆我了，只因太多訊息未能迅速回覆，10月頭溝通後竟然有我要10月中的訂期，太好了！始終可以一嘗小店有多好味有多吸引！伯爵茶千層蛋糕6吋cream真的很滑，千層皮都不厚，但可能因為食之前影相太耐有點溶！店主建議取後30分鐘內放回雪櫃店內還有2-3張高櫈可供客人walk in食cake，每日都有random既味道出爐，訂唔到成個cake都可walk in食個件裝cake先！整體的確不錯的而且價錢超級便宜，只是$170，加寫字生日牌都只是$5，太抵了有機會我都會想再試其他味道，朱古力流心好像都是皇牌！

上一篇食評提到訂咗個香芋牛乳，又甜顏色又偏紫，感覺大失水準，今次試咗六款唔同既切件，仍然有啲失望。上面啲插牌係我同朋友自製既，先遮一遮樣，唔駛理會。今次order既味道分別有：朱古力流心、焦糖牛乳、百香果芝士、藍莓芝士、焙茶同伯爵茶。六款味入面，焙茶同伯爵茶甜度最低，亦都有足夠既茶香，怕甜既朋友可以考慮下。百香果芝士既芝士量都幾多，食落去有近似日式芝士蛋糕嗰種粘粘地既感覺。藍莓芝士隻色最靚，但相對地藍莓同芝士味都唔出。焦糖牛乳聽個名你都唔會expect佢係淡味架喇，都唔算甜得太過分既，同埋入面有啲脆脆粒粒，口感層次上贏咗。朱古力流心今次個流心效果好好，不過面頭既朱古力粉好多，壽星女「逐」親咗好多次😅😅😅lamlamli既出品一直係水準以上既，只係之前有種住家既天然味道，而家就流向商業化：偏甜，食材亦都好似有所調整。當然，$170-190一個6吋既千層蛋糕依然係抵食既，大家冇食過都可以試下。

都食過無數個lamlam脷既千層蛋糕，一直覺得佢仲好食過某名店既出品，仲要超平，但今次有啲失望。Order咗個香芋牛乳，之前食過啲cream加咗好多芋頭粒粒又唔會太甜，點知今次超甜，啲cream又冇芋粒，仲要個色紫過之前。拿三個月前買焙茶就真係幾好食既，嚟緊訂咗切件，比多次機會佢，希望keep返水準，唔想呢間小店失守😭😭😭

聞說呢間人龍蛋糕店。。。訂蛋糕🎂都話要等幾個月。。曾經話買件餅每人只限買兩件🍰🍰。。不過今日可能係十一假期🇨🇳。。周圍啲地鐵都停晒所以冇人排隊。。我差唔多12:50去到竟然係排第一個。。乜嘢味都齊啊。。我最期待就係啡色系列。。伯爵茶+提拉米蘇+咖啡焦糖😍。。另外我仲訂左個7吋彩虹🌈牛乳11月初取嘅生日蛋糕。。希望到時再同大家分享😍😍

Lamlamli 可說是近年來最成功(同時亦最幸運)從網上小店轉成實體的蛋糕店。雖然IG上有各式各樣的千層蛋糕店，但真的可以支付起香港鋪租，亦在年輕人間流傳的甜品店，最有名的肯定是這家了。傳聞它比Lady M要好吃，價錢更便宜，所以老早就想試試了。可惜他們人手不多，只能在IG上看公布時間來落訂 （但這次發現其實可以致電或到店裏約時間取餅，真的不用等那麼久！），等了足足三個月！綠茶流心千層蛋糕希望越大失望越大。因為網上評論說這小店可以媲美Lady M，所以原本以為會吃到驚為天人的味道，結果發現味道其實只屬普通。真心認為，如果不是網上的讚美這麼多和少有的流心選擇，其實它只是略贏街上一般麵包店10多20元的千層蛋糕。和Lady M的相比，忌廉明顯的不夠幼滑，也比較稀，而且忌廉比例過多，吃下去滿口都是忌廉。反而Lady M 每一層的crepe也比較薄和煙韌，每一層與忌廉的比例也恰到好處，不會滿口的肥膩感。值得一讚的是他們鋪面的抹茶粉不錯，雖然略有苦澀，但抹茶味濃郁。（但忌廉反而沒茶味欠奉）當然，以他們的價錢來說， $170 六吋也算是性價比合理，和Lady M $75一件的價錢相比，有點不公平

由ig shop到實體鋪，lamlamli店主經歷好多嘅努力，由於太受歡迎，預訂原個蛋糕都要等至少半年後，見今日係附近，特登行過去買散件試下。每人最多只可以買兩件，令更多客人可以買到切餅，呢個安排好好，更多人可以試到！平時lady m都有千層蛋糕，但流心嘅就比較少見，綠茶流心係我一直最想食！皮薄好溜，好好食！一人食一件剛剛好！每日新鮮製造，$40有找，價錢都算合理，比起lady m平得多！一定要過黎買件試下！

雖然已經唔係少女，但係，我感得自己喜愛甜品嘅程度反而超越少女時期！見到蛋糕千層蛋糕點會唔心動！太子呢間專賣千層嘅店，原來係人氣小店。今日路過有口福了🤤淑女千層出名貴，不過呢間一D都唔貴。價錢就係少女都比得起。當日有熱情果芝士 同 藍莓芝士 兩款口味。我揀左藍莓芝士。咁靚當然要相機食先！雖然係少女千層，不過一D都唔馬虎。一層層班戟夾住藍莓芝士忌廉，班戟透薄到冚住嘅藍莓都透視到。每層厚厚忌廉。餡料十足。加上藍莓醬顏色漂亮，好治癒忌廉幼滑，每啖都有藍莓同芝士味。重有少少果肉，甜而不膩。十分滋味！一層層嘅美味道當然要開心share！店內佈置走簡約文青路線，有張吧枱可以堂食。又可以影相呃like🙈💕

終於食到lamlam脷😋嘅七吋抹茶流心千層蛋糕🍰，真係名不虛傳呀！1️⃣抹茶流心千層蛋糕🍰 $200佢嘅千層蛋糕好足料，而且性價比高過Lady M。抹茶🍵唔會好甜，抹茶粉超多，抹茶🍵流心係每一下🍴落去都有，餅皮煎得好薄身，每一層嘅抹茶忌廉都好creamy。不過可能因為佢有抹茶粉比較多，所以食完輕微口腔會覺得乾身，建議大家要配嘢咖啡☕️食。同埋每次食唔到多，因為都有少少膩，不過肚肚表示滿足。🙆🏻‍♀️美味指數:7.54/10💡整體來講，性價比高，而且佢真係超流心🍵！lamlamli bakery地址🐾:太子界限街12號A2號舖

難得平日放假，終於俾我試到期待已久嘅lamlamli！十二點五十分去到已經有兩三個排緊隊， 不過都仲買到我最想食嘅抹茶流心千層蛋糕 同埋 伯爵茶千層蛋糕！抹茶流心千層蛋糕作為一個抹茶控，我覺得呢個抹茶嘅味道真係好好食。佢食落唔會覺得漏，抹茶味道唔會太甘，或者太甜，啱啱好。每層千層糕都好薄，口感非常之好。配合埋濃濃嘅抹茶流心，成個配搭真係100分。伯爵茶千層蛋糕至於另外一個我好想試嘅味道就係伯爵茶千層蛋糕。口感一樣非常之好，伯爵茶味就好香好濃， 一啲都唔俗，真係好好食！總結兩隻味都好好食！我甚至認為lamlamli比某大連鎖蛋糕店嘅千層蛋糕仲要好味！！有機會仲好想下抹茶奶蓋同埋曲奇口味！

搬左太子住⋯幾次外出都見lei間唔太起眼既店都幾多人排⋯仲要未開門都排隊⋯所以心思思想試下⋯網上好多人都試流心千層⋯朱古力控既我當然要試下⋯另外再買多件伯爵茶千層⋯返到屋企打開⋯朱古力流心溶溶地令蛋榚歪歪地變型⋯食個陣都有少少狼狽⋯味道呢⋯⋯朱古力味好香濃⋯尤其個流心⋯濃到好似真係食緊朱古力⋯另外面層既朱古力粉都有一定既厚道⋯令成件cake朱古力味濃上加濃⋯雖然頭個幾啖真係好正⋯不過口感太厚實⋯食到中途有點膩口⋯而我男人食左一啖話太濃唔岩佢⋯至於伯爵茶味⋯茶味淡淡的⋯相對口感輕盈好多⋯整體而言都好值得一試的⋯皮薄cream滑⋯不過今次lei兩款試一次夠了⋯下次會試其他口味⋯

打算搵間太子旺角cafe hea下，冇意中sesrch到呢間千層蛋糕店，以我對甜品的狂熱，點可以唔試一下。午餐過後雖然好飽，但照樣按計劃去試下個千層蛋糕。去到門口才發現原來只是間賣蛋糕的小店，旁邊只有幾張高椅得俾客人食嘢。店員告知只有3⃣️款口味選擇，仲話原個蛋糕要訂2個月至有貨，當堂嚇暈左。咁我哋就叫咗件抹茶流心千層蛋糕試下，抹茶味夠濃，cream也夠滑身，可以令到整件蛋糕的口感夠細滑，足夠同Lady X爭長短。由於價錢較M記平，我就認為此小店的出品性價比高得多。

由網店開到上實體店呢間蛋糕店紅極一時曾經係一cake難求👅熱潮過後終於有機會試下千層蛋糕口味多達十幾款選擇困難症又發作啦最尾都係揀左多人推介既抹茶流心🍵第一眼望落就已經好矚目既流心抹茶一拮落去抹茶醬就瀉出來 哇甜中帶甘既抹茶味 非常濃郁每一層餅皮都好薄 夾住抹茶忌廉質感creamy得黎比較濕潤（個人覺得好食過某大連鎖千層蛋糕店起碼唔會愈食愈乾🤔）層次感UPUPUP⬆️$34食到咁既質素係十分滿意🥰

好味又抵食，一半M的價錢，但仲好味過佢由於太好味未影得切相就食完😂試左檸檬芝士同培茶味檸檬好香，淡淡芝士味培茶好濃，都好好味好多款都冇曬了，下次再黎要試下其他味道👍🏽

自重M小姐進駐左香港後，千層蛋糕熱都無乜減退過。M小姐價格並絕對唔平，值唔值就見人見智，但由網紅店走到實體店既，買個千層蛋糕分分鐘要排2個幾月，而且價錢唔貴，我諗呢度係個唔錯既選擇！👍🏻👍🏻👍🏻之前我家姐好鍾意係度訂蛋糕，所以好多款我都食過，朱古力流心對我來講有啲過甜，抹茶既回甘好香好食，而今次我就揀左伯爵茶千層，伯爵茶個Cream 好香，夠滑，食起上來無其他款咁甜。食到第2件都唔覺好漏。而且有好多層，口感好足。👍🏻👍🏻 坦白講$200一個蛋糕，淨係叫你煎啲餅皮再層層搽Cream 都搽到暈啦。$200淨手工我都覺得好值。😂😂👍🏻👍🏻

係呢間ig大熱嘅甜品舖買過幾次 千層蛋糕頭兩次都係買返屋企食 今次 直接係佢嗰度食原來即食係會再好食啲今次叫咗綠茶味千層蛋糕甜度適中 綠茶味都好突出 而且有好多層 每層唔會太厚 我覺得好好食