Lava Java 咖啡西餐廳 (已結業)

趁著周末下午的閒時，來到這間開在一家銀行樓上的餐廳食 tea 😋。這間餐廳比我想像中的大，四面牆中的兩邊是大玻璃窗，自然采光，讓人感覺到光猛、透亮和舒暢。下午茶餐牌共有 24 款可選擇的套餐，包括了烏冬、意粉、漢堡包、三文治、甜品等，跟餐送咖啡或茶，價錢由 $32～$90 不等，免收加一服務費，豐儉由人。選了［煙肉蛋沙律牛角包伴蜂蜜柚子汁沙律］$64。這個餐有著長…長…的餐名，包含有兩種沙律，一種是牛角包裡夾著的煙肉碎和蛋碎沙律；再一種是伴碟的沙律菜，用蜂蜜柚子汁拌著吃，味道是甜的🍬。這個餐的特點是餐名夠長……😄。大廚推介之［蘋果肉桂金寶批］$52。這是一款經典的西式甜品，通常出現在大餐廳的餐桌上，新鮮熱辣出爐，鬆軟的格子酥皮的外表，上面淋了焦糖糖漿和白色的糖霜，裡面是厚厚的一層聚集在一起的蘋果粒，既香甜美味又賣相不俗，只是甜度很高🍬🍬🍬，如果不怕甜的話，吃起來一定會大感過癮和滿足的！［迷你窩夫］$48。1/4 size 的扇形窩夫，上面立著一個雲尼拿味的雪糕球，四周圍灑了草莓粒伴草莓醬，再用忌廉伴碟。＂熱窩夫配凍雪糕＂，感覺就像曾經在其他餐廳吃過的＂熱吐司配凍雪糕＂，＂熱香餅配凍雪糕

星期三晚兩個人來到觀塘工廠區搵食, 見到呢間位於商廈的西餐廳幾多好評就試一試!蘑菇湯算係呢餐最好的一環, 味道幾濃, 足蘑菇足忌廉; 餐包唔熱又乾, 有欠誠意; 田螺卷好細舊, 酥皮不鬆化也不香, 不過已經好過主菜; 龍蝦汁帶子義大利飯: 汁味道還可, 飯食落好淋, 無咬感似稀飯, overcook 左唔短時間, 帶子三粒只有一粒正常, 另外兩粒肉質無彈性, 無味; 蝴蝶雞: 其實係中間切開的春雞, 好薄肉, 比大型連鎖快餐廳早餐雞排還薄, 肉質不見得好, 味道也是大型連鎖快餐廳的香草味, 係塊皮煎得脆好過大型連鎖快餐廳; 隨餐附送伯爵奶茶, 同加$15有杯火山朱古力; 埋單$500 的價錢真係絕對唔值, 可能商廈比較貴租反映在食物價錢吧, 廁所的確比其他工廠區餐廳企理最主要係同呢度既食評太大落差，所以比劣評

星期五happy Friday 試了這間位於觀塘開源道王子大廈的樓上西餐。味道不錯，份量夠大，個餐湯的麵包夠熱夠軟熟，需這裡的burger餐大到真的可以兩人份或者打包返公司tea time都得，真係都幾值得一試的。

好耐無搵野食啦，終於得閒嘆下依家觀塘所有工廠大廈，仲有一，兩間樓上cafe/餐廳，是但搵間上去依間都幾多人黎食，我得一條友坐吧檯，環境都幾舒服，由其叫左杯焦糖龍貓朱古力，一路食個餐包，一路望住人垛係到整，睇住佢畫🤓主菜叫左帆立貝蟹子義大利燴飯，其實鍾意用汁撈飯既，會好鍾意食燴飯，由其佢個忌廉份量岩岩好，再加d波菜中和油膩感，每啖都滿足由其將處理過既帆立貝，同啖飯一齊食，幾隻味道一齊黎，有爆炸性既感覺

叫了個香煎比目魚，以清清地普通魚柳的心態，但出奇地味道不錯，沒有魚腥味，而且調味剛剛好，鹹淡適中，魚皮也煎得香脆可口，而飲品Rose Choco，也香濃美味。相對之下焗羊架味道沒比目魚出色，但整體水準也不差，只是若在汁料上花點心思及功夫會更好。甜品藍莓芝士餅有很大進步空間，餅底可以與餅身完整分離，而餅身太硬太乾，應該是隔夜餅。手工水果茶水果不足，剛上時果味足夠明顯是加果汁做成，在再加添時不應只加清水，若一開始是用果汁加味，應該貫徹始終，在添加時加果汁，不用多，因為飲的人在添加時已做好心理準備，一定不及第一泡的果味，就一點點也好，不要只加清水。

得知觀塘有間餐廳d飲品幾得意, 而且價錢親民, 就搵日同老公黎呢到食飯, 位置好近apm, 好方便, 上到黎, 地方光猛闊落, 裝修簡潔, 感覺舒適, 但可能係平日, 比較清靜同老公每人一個set dinner再 share食,我叫左個芝士漢堡配韓式烤肉汁, 而佢叫左香煎比目魚,set dinner除左主菜, 仲有餐湯或前菜(6選1) 同飲品,我地問侍應是日餐湯係咩, 不過佢話今日只有羅宋湯同野菌忌廉湯, 我地兩款都要左一個,羅宋湯好足料, 好多蔬菜, 蕃茄味幾濃雜菌湯唔係一般罐頭湯, 係飲到粒粒菌類, 好有口感餐包都有焗返熱先上主菜都幾快黎到, 兩個一齊黎,牛肉漢堡幾厚, 肉味濃郁, 切半後亦唔易散哂, 無嘥到肉汁, 配搭生菜蕃茄, 係經典既配搭,叫得芝士漢堡, 我本身諗住有多D芝士,不過整體味道係唔錯,仲有厚切薯條, 香脆可口,另外特別之處係另上韓式泡菜 &烤肉汁, 不過泡菜幾咸, 而烤肉汁, 都唔知點處理好, 但Burger 其實唔加醬汁都已經好好味 香煎比目魚, 賣相精美, 配上沙律菜同雜菜,比目魚唔單止無骨, 外皮煎成脆皮, 內裡肉質依然嫩滑, 我甚至連魚皮都食埋,我地加左$

係觀塘番工既好處又係可以係工廈覓食，今日就同FD好random黎到呢到！可能係星期一，人唔算大太，而且呢到係以木色同綠色調為主，所以感覺都幾舒服。夜晚有DinnerSet，雖然價錢唔算好平，但啲 Main Course 都幾吸引，咁我地就緊係直接點Set唔洗煩啦！頭盤我地點左野菌忌廉湯同埋一口法式田螺酥盒。 先講我最鍾意飲既野菌忌廉湯，呢個湯都好濃野菌味，而且佢濃稠得黎又唔會好漏，所以都唔錯。至於個法式田螺酥盒都幾好味，酥盒好香脆鬆化，田螺連埋芝士一齊焗，味道都好配。 先黎既Main Course係法式燒春雞 $206，燒春雞既雞樣燒到皮薄香脆又唔會好乾身，雖然佢既Size唔太大，但整體肉質好嫩滑，而且好Juicy都惹味，都算幾高質。 至於軟殼蟹南瓜意大利飯 $168 都好有驚喜，南瓜意大利飯除左有好濃既南瓜味，仲有少少甜甜地既日式咖哩味，令到整個飯更香口，而且佢意大飯既淋到岩岩好；另外個軟殼蟹都炸得好香脆同埋唔會成口油，配埋個飯食都好好味。

不少工厦都因租金相對優惠而吸引餐廳營業。這次找到鄰近APM的Lava Java。工厦最大優勢是鋪面面積相比街鋪較大，能讓食客在舒適環境下用餐。踏進餐廳時職員很有禮貌地為我們帶位，每張枱上有枝水樽以供自助裝水。我們一共點了兩個套餐，頭盤選了忌廉蘑菇湯和田螺一口酥。蘑菇湯每口充滿著粒粒的蘑菇碎，又帶著淡淡的鮮菇味。主菜則選了蕃茄意大利雲吞和軟殼蟹南瓜意大利飯。番茄汁底裡添加三色燈籠椒和洋蔥增加風味，但如果意式雲吞可以自家製就更好。意大利飯上的軟殼蟹炸得酥脆但可惜意大利飯烹調時間過長而失去了應有的口感。最後甜品點了火山窩夫，原以為會燃點酒精再淋在甜品上，但原來是烤棉花糖配朱古力雪糕窩夫。賣相非常吸引，而且份量亦相當多。當日見不少客人在這家餐廳慶祝生日，也可作為特別日子慶祝的地方。

..店家係王子大廈，係一幢好似好high class 既商廈，同平時果啲要捐窿捐罅既工業大廈唔同，幾乎以為自己去錯地方😂.地方闊落，設計以木系為主導，坐得好舒服呢～.我就為龍貓朱古力而來既，所以無論叫咩dinner set我都係飲呢杯野嫁啦😂可以揀焦糖 /薄荷朱古力，我就揀左薄荷。唔係得個樣嫁，味道都唔錯。..當晚同朋友一齊黎，叫左兩個意粉set, 分別係牛肝菌意粉配燒雞 &帆立貝龍蝦汁天使面。超大碟！！非常足料，燒雞皮脆但肉唔難，龍蝦汁天使面掛汁的黎又唔會煮到變左一pat野，完全喜出望外。..**我地食飽仲坐係度傾左半個鐘頭計，工作人員們都好好不停添水比我地，竟然無黑我地面，實在係太好人啦😂😂🤦🏻‍♀️..

龍貓，完全吸引了我！見到餐牌，有set dinner，又見到risotto，所以我都覺得唔需要再考慮叫咩食。是日餐湯係菠菜湯，膽粗粗就試下，菜未完全溶，都有D咬口，但都不過不失，而且菠菜係完全溶入湯既味度，所以值我推薦！之後上main，軟腳蟹risotto，通常rosotto都係配菇或黑松露，今次配軟腳蟹，都真係想試下。蟹都炸得幾軟，絕對唔脆，真係做到軟既感覺，有蟹子係面，加埋濕濕地好creamy既risotto一齊食，有d咬口，蟹偏少少咸，而飯就濕，岩岩好溝暈佢地兩者既味道，讚！到我最期待既龍貓，有caramel同mint味兩種味，我就揀左前者，好甜，連我呢個好食得甜野既人，都覺得甜就真係甜，或者公度D講，我本身都唔對caramel有興趣，所以都真係一般，因為都蓋過朱古力味，因為我都比較鍾意飲朱古力既人，所以加其他野都唔太討好。但確實，見到龍貓咁可愛，都唔想用匙搞暈佢，哈哈！但set dinner份量對女仔來講係OK，朋友叫左扒都食唔飽，加多個waffle，可惜，佢既甜品都真係唔太得，都係main好D！不過佢地既service都唔錯，全晚佢地不停加水，like！

上網見到有龍貓飲品，專程尋找，順便為朋友慶生。一入去，已經好鐘意這兒環境舒適👍🏻。三個細胃口女仔，叫左一個dinner set、軟殼蟹南瓜意大利飯、加抹茶紅豆waffle。軟殻蟹南瓜意大利係好好味，南瓜包著每一粒飯，軟殻蟹又新鮮好味，尚算大隻🦀🦀🦀，十分推介。 重點之一係龍貓焦糖朱古力，外貌💯，靚到唔捨得飲，朱古力味濃，再加上泡沫， 唔算太甜，接受到。唯一失望係甜品，waffle太硬，太甜，雖有大大抺茶雪糕，但都彌補不到。

很喜歡這間餐廳的龍貓朱古力和三眼仔拿鐡，今天終於有機會一試。餐廳雖然位於工厰區，但其實是位於很新簇的商業大廈，所以比其他位於工厰大廈的餐廳方便，又不用乘載貨的升降機，而且地點方便，距離地鐵站只需幾分鐘路程，很容易便找到。餐廳裝潢簡潔很舒服，侍應招待也很好，套餐還包頭盤或餐湯和咖啡，價錢又合理。一口法式田螺酥盒酥盒做得很鬆脆，田螺很腍又不會焗得太乾，加上半溶的芝士真的很好味，是必叫之選。野菌忌廉湯 很足料的野菌湯，吃到很多野菌碎，有濃濃的菌味，真的很好味。軟殼蟹南瓜汁意大利飯 意大利飯比較軟身，和傳統硬身的不同。南瓜汁很美味，軟殼蟹很大隻，炸得很香脆而且不乾身。保雲酥焗羊扒 足足有三大塊羊扒，羊扒燒得很香，我們要求medium rare, 廚師也弄得剛剛好。羊扒有少少羶味正合我意，肉質鮮嫩又很入味，配菜也很健康。抹茶鮮奶 套餐可以半價享用特飲，我們選了三眼仔圖案，不單只是樣子可愛，又有濃濃的抹茶味，令這餐晚餐更完美。焦糖龍貓朱古力 龍貓畫工很靚，朱古力味也很濃，但因為加了焦糖所以會比較甜一點。

收到朋友介紹今晚唔使煮 選擇同老公去左嘆囉 不過又係觀塘嘅工廈 哈哈 不過今次係係王子大廈 它們入口都較其他工廈豪華 5/F上到去一開lift門就見到架啦 女侍應即刻招呼 服務周到 店內裝修簡單整潔用上淺色木 好warm 又夠大坐位環境都舒服 Dinner Set 頭盤都有多款選擇 (可另加一款$22) + 主菜 + 餐包 + 餐飲 (可揀特飲加錢)野菌忌廉湯 香濃味重 每一口都充滿野菌碎 打得Creamy 好正呀 有驚喜 揀熱辣辣餐包 出奇鬆軟 煙三文魚凱撒沙律 新鮮salad菜 一口法式田螺酥盒 賣相精緻 味道唔錯 酥盒鬆化 內餡加左白汁同主角田螺 一口一個容易入口 味道好夾 芝士漢堡配韓式烤肉汁 $148 巨型超厚身牛肉漢堡 加上特厚香脆漢堡包夾著 生菜蕃茄酸瓜 無得輸還有點肉汁 大滿足 同老公一半都好夠份量可能飲左碗濃香嘅野菌湯+面包 牛肝菌偏意粉配燒雞 $168燒雞烤都皮脆而雞肉亦唔會嚡 偏意粉煮得有咬口 依依韌韌 意粉煮到入晒牛肝菌味 份量夠晒大 最終太飽已經食不下了 連甜品都唔敢order留代下次吧 特飲唔少得 只需多加$17 就享受到啦 (跟餐)岩石朱古力凍飲 味道有著

一家四口又想去試新嘢，住官塘區的我，近近地，緊係去官塘工廈揾食啦！今次老公睇咗Open Rice, 揾到這間樓上餐廳認真唔錯！搭Lift上到五樓，一踏入餐廳，就有一種好乾淨舒服的感覺，即時問老公，這間餐廳好像新開，吊燈睇落沒有一點塵埃（後來才知道原來開了一年多）職員服務算ok。唯獨是有一位職員就“好似唔識笑“，面容有點“疲累 ”。希望佢可以改到多些笑容（服務性行業嘛）食物味道好好，值得一讚！相信會Encore的

今日放平日，又去搵左係官塘返工既朋友仔食lunch我地去左佢公司附近既一間樓上餐廳食飯朋友仔要成點半先放lunch，去到都仲見到有唔少人啵Lunch meun有A-H 八個選擇，價錢由HKd$72-105不等，包埋餐湯餐飲都唔洗加一我地揀得黎落單都已經差唔多兩點，待應姐姐仲好好咁提我地，兩點後落單個lunch set會有八八折嘻嘻，咁我地就等多五分鐘先落order啦估唔到個餐湯已經有個小驚喜，唔單止茄味自然，飲得出有肉味，飲到底仲見到有唔少牛肉粒呢個就係朋友嗌既Set C“香煎豬扒配芥末籽酸瓜汁(伴意粉)”HKd$96，兩大塊連骨豬扒煎到香噴噴咁，好吸引咁啵而我Set A既“特式芝士牛肉漢堡”HKd$95賣相都無輸蝕加左牛油再烤脆左既包身，加上肉厚5成熟既燒汁漢堡，配上半溶芝士片同蕃茄生菜，一啖咬落去個種滋味真係好滿足而伴碟既粗薯條同樣炸得香脆滋味之後我地見有折，所以就每人加多HKd$30要份甜品朋友揀左Blueberry cheesecake; 我就揀左Crème brûlée再加左球HKd$7既雪糕Crème brûlée外有香脆焦糖，內有軟滑布丁，正朋友要左解渴既凍檸茶，而我就加