Little Fresh Cafe & Bar

營業中

休息中

和朋友齊齊遲了放工，迅速的見個面食個晚餐。沒什麼頭緒，又走到銅鑼灣這橦大廈，每層都有好野食，今次随便找了間未食過的餐廳來試。•餐廳地方不大，平日的夜晚食客不多。不多想點個dinner set就算。•是日餐湯洋蔥湯 經典的法式湯。看上去平平無奇，用匙羹一拌才發現裡面是滿滿的洋蔥塊。邊拌邊散發著濃郁的洋蔥香氣。湯的口感不算濃稠，滿滿洋蔥的甜味，不錯。•Main: 11小時慢煮油封鴨髀 $238 鴨肉經過長時間的慢煮，皮質酥脆，肉質嫩滑。慢煮的過程使得鴨肉充分吸收了香料的風味，每一口都非常濃郁。薯蓉充滿牛油香，好食。伴菜也煮得十分入味，十分搶風頭😍 •Main: 墨魚汁海鮮意大利麵 $188 和熟悉的朋友仔才會點的墨魚汁意粉，不介意吃到滿口黑漆漆互相取笑😂 材料豐富: 蜆、青口、蝦、帶子和魷魚通通都有，略嫌墨魚汁不夠濃郁，麵條亦略嫌乾身。•又試了一間新餐廳，最喜歡和朋友仔一齊去試未食過的餐廳😝 •As usual, menu for ref :

銅鑼灣嘅依間西餐廳見到幾乎零負評，吸引左我上去試一試。每樣食物都新鮮熱辣，食物普遍都有一定水準，可以稱得上幾好食，果然係零負評，如果去銅鑼灣都可以去試下。洋蔥湯入口飲到洋蔥嘅香甜，而且仲好足料，食到好多煲到軟哂嘅洋蔥，湯亦都好夠熱。配上兩塊蒜茸包，夠哂香脆。田園沙律沙律菜新鮮爽脆，加埋啲沙律醋，清新開胃。西班牙風味鮮海蝦蛋餅蛋餅切開有流心嘅蛋汁，熟度岩岩好，唔會焗到太熟，食落充滿蛋香。入面有蝦同煙肉，食落更有口感，味道更豐富。冬陰公蟹肉意大利飯入口係滿滿嘅冬陰公味，比想像中冇咁重奶油感，但就夠哂濃郁嘅冬陰公味，我自己就幾滿意充滿泰式風味嘅意大利飯啦。而且蟹肉比想像中多，亦都食到有蟹味，整體都幾好食。Today Special慢煮三文魚配檸檬忌廉汁三文魚切開就見到粉嫩嘅顏色超級吸引，入口亦相當嫩滑。檸檬嘅酸味令到入口更加開胃，同三文魚嘅味道好配合。伴碟嘅菜都好新鮮，薯蓉好滑。

環境5分：樓上西餐廳格局，乾淨企理舒服，滿分。服務5分：服務一流，落單爽手唔囉唆，傳菜迅速效率高，滿分。味道5分：1)     西蘭花忌廉湯味道濃郁，每碗連兩塊蒜蓉包，兩個好夾。2)     墨魚汁海鮮意大利扁面有兩隻蝦，蜆，墨魚。黑色嘅麵條煙韌，充滿了墨魚汁的香味，非常好味，食完牙齒也是黑色的，好足料！3)     Today Special是法式油封鴨腿，個皮好香好脆，個肉好淋好有鴨香味，下面舖滿薯蓉，非常之滑，配埋翠玉瓜，西蘭花，蕃茄，個主菜好惹味。4)     配埋指定啤酒咁啱就係最喜歡的Hoegaarden，真是一絕。抵食5分：樓上西餐廳二百幾蚊位，唔使加一，三五知己傾計吹水可以慢慢坐，非常超值，滿分。

同babe去慶祝拍拖週年紀念，揀咗呢間cafe，好有驚喜，廚師好好，嘢食都好有水準。而且位置喺時代廣場後面嘅百樂中心，好方便。紐西蘭肉眼扒5成熟嘅肉眼扒可以煎到鎖得住肉汁，切完之後再擺入口，肉汁依然澎湃，好香嘅牛味，而且有少許牛臊味，唔洗配任何汁都已經好香口。廚師好巧妙咁用咗薯蓉墊底，盛住牛嘅肉汁，再食薯蓉，都食到好香嘅牛肉味。再食埋蔬菜，就啱啱好，一啲都唔膩。墨魚汁海鮮意大利麵第一次食到墨魚汁係有墨魚味，而且仲有海鮮嘅鮮甜味，應該係我食過最好食嘅墨魚汁。意粉入仲藏住咗唔少墨魚。廚師連同一齊炒，所以意粉都食到鮮甜味。前菜仲有沙律同埋西蘭花忌廉湯。西蘭花忌廉湯好清甜，一啲都唔鹹，飲完都唔會好口渴，再配兩小塊蒜蓉多士仔，好香好脆。

這間餐廳在油麻地也有分店，主打法國菜，晚市menu 很抵食，價錢不貴，也很高質.💠羅宋牛肉湯有濃郁的牛肉風味和豐富的湯，很鮮甜😚再伴有2塊蒜茸包，很適合用來跟湯食.💠田園沙拉味道清爽，再加了黑醋汁很開胃☺️💠紐西蘭PS牛肉眼扒 $298叫了5成熟，有豐富的肉汁和嫩滑的口感😝口感柔軟、多汁，可見到肉的血紅色，非常高質的肉質.另外再加配薯菜，薯蓉很香，食到薯仔粒.💠冬陰功蟹肉意大利飯 $198有少少辛辣、酸辣和香料的味道，加入了鮮嫩的蟹肉，意大利飯的米飯很香稔，伴冬陰功的味道很特別.💠檸檬蜜桃水果茶 $28 （熱）茶有濃郁的水果香氣和微酸的口感.💠青檸薄荷梳打 $28有酸爽口感，帶有薄荷的清新香氣.

店舖係銅鑼灣同旺角都有分店 今次去左銅鑼灣分店 餐廳環境不大 但坐得幾闊落舒適 食物推薦火魔醉蜆💛▫️火魔醉蜆 ($88)呢道菜係店鋪既Signature 一上菜畫面十分震撼🔥蜆好鮮甜無沙 食落辣辣地同有酒香 連埋洋蔥、蒜片一齊食仲惹味😋▪️紐西蘭PS牛肉眼扒 ($298)牛扒叫左7成熟 煎得啱啱好 帶些少粉嫩 肉質食落軟熟 一啲都吾會鞋同韌🥩配菜有西蘭花、蕃茄仔、翠玉瓜同薯蓉🥰▫️勺草忌廉汁龍利柳意粉 ($188)第一次食勺草忌廉汁 味道幾清新 醬汁除左忌廉外 仲添加左海鮮湯同蟹膏烹調 令味道更加鮮明 食落冇咁溜😋龍利柳炸完再煎 食落好香口肉質又滑～▪️餐湯是日餐湯係蕃茄牛尾湯 蕃茄味濃郁 帶點牛香 伴碟仲有2舊蒜蓉包😚🫶🏻

銅鑼灣little fresh cafe位置方便，食物款式都多選擇。餐湯夠熱，質地creamy滑溜，雞翼焦香入味，幾開胃。慢煮三文魚扒配香草忌廉汁賣相令人垂涎欲滴，三文魚扒經過煎香，外觀呈現柔軟的粉紅色，肉質鮮嫩。香草忌廉汁搭配檸檬皮蓉，為整道菜增添了清新的風味。薯條則金黃酥脆，是完美的伴侶。這道菜的味道濃郁，帶有三文魚的鮮美，忌廉汁的滑順，以及香草的芬芳。牛肝菌香草雜菌意大利飯散發著濃郁的香氣。牛肝菌、香草和其他雜菌的組合，讓這道菜的味道豐富多層次。意大利飯煮得剛熟又有彈性，每一口都充滿著香氣和口感。這道菜的賣相簡單卻吸引人，是一道讓人回味無窮的美食。

餐廳位置距離Time Square幾分鐘路程百樂中心樓上cafe 排隊搭lift有d人龍餐廳裝修簡約 每張木系餐枱 都有水樽同印有店名既小燈仲安裝左圓形鐘仔 可以呼喚店員除左主餐牌之外 有set menuDinner Set包湯/沙律 + main course +飲品可以加錢要special drinks/ 甜品我地叫左2個dinner set湯同沙律各1是日餐湯係忌廉蘑菇湯 配2件蒜蓉包上枱就聞到好香蒜蓉味厚身蒜蓉包焗到外脆內軟趁熱食比較好凍左會有d硬 再點忌廉湯都ok沙律菜新鮮加左柚子醬 開胃Main course 法式香煎盲曹魚柳 $218醬汁淋係煎魚柳上面魚柳下面鋪左蔬菜類有小蕃茄 翠玉瓜 西蘭花無骨魚柳方便食用 幾厚身食到小小脆魚皮 同醬汁幾夾朋友幾滿意墨魚汁海鮮意大利扁面 $188海鮮量足 有蝦 青口 蜆蝦 好細心剝左蝦身既蝦殼黑monmon既墨魚汁藏有切粒配菜 e.g. 魷魚 菇類扁意粉口感適中

今日同朋友喺銅鑼灣行完街，諗住搵餐廳食吓晚飯嘅時候，就搵到呢一間樓上西餐。餐廳大概有八至九張枱左右，枱與枱之間亦都唔會狹窄，令人坐得都舒服。餐廳佈置幾浪漫，有啲吊燈裝飾。今日我同朋友就嗌咗兩個set，一個係蟹肉冬陰功意大利飯，另一個就係紐西蘭ps牛肉眼扒。首先先嚟咗是日餐湯，係黑松露蘑菇湯。飲落去黑松露味都香，而蘑菇味都好濃郁，成個湯嘅質感係偏creamy，飲落好順口。而另外亦都配搭咗餐包，餐包唔係普通嘅牛油麵包，而係搽咗牛油烘咗嘅法國長棍麵包，食落好香口，而加埋湯嘅配搭唔錯。主菜先嚟冬陰功蟹肉意大利飯，意大利米嘅質感煮得啱啱好，仍然保持到彈牙同煙靭嘅口感，唔會過分硬或者腍。味道方便，好濃冬陰功味，偏辣，食得出加左青檸，辣得來又帶酸味，好惹味唔錯。另外蟹肉味都突出，亦都見到落咗唔少蟹肉。另一個主菜係牛扒，牛扒鋪滿咗松露汁。先講牛扒嘅質感，大概係七成熟左右，口感唔會韌之餘仍然保持到肉汁，而牛扒亦都有牛味，就咁唔配搭醬汁食都好食。而松露汁亦都好香，唔會過鹹，配搭牛扒食增加咗另一種風味。今餐我同朋友都覺得唔錯，地方幾好坐好啱朋友嚟呢度吹水聚吓。而食物質素亦都相當唔錯，喺銅鑼灣鬧市實屬一個好地

之前係旺角都好鐘意食呢間Cafe，聽朋友講起原來銅鑼灣都開左間，即刻捉埋佢黎試下先！我地當日19:00左右到達餐廳，都仲有d空位，不過一接近19:30就開始陸續多人黎🙀但位就唔算多，只有9～10張枱左右，不過枱與枱之間好寬敝，所以都坐得好舒適👍🏻佢地既晚餐有Set同散嗌可供選擇，不過Set就得5款，當中有一款係✨Today Special✨，一坐低職員已經會主動介紹👍🏻不過我同朋友就興趣不大🤣所以就叫左一個紐西蘭PS牛肉眼扒同蟹肉明太子奶油忌廉意大利扁面。先上頭盤，我同朋友揀左一個是日餐湯一個田園沙律，是日餐湯係含有牛肉既洋蔥湯，一飲落去已經覺得洋蔥味十分之鮮甜濃郁，仲有淡淡既牛肉味襯托，兩者既味道超～夾，而且湯入間仲有洋蔥碎粒，已經係軟化晒超入味超甜😋！而田園沙律就食落又清爽又清甜，食得出係好新鮮既蔬菜👍🏻每食一啖都覺得自己好健康🤣之後就係紐西蘭PS牛肉眼扒🤩我地叫左5成熟，一上菜見到內部保留既粉紅色，已經覺得烹調得好靚，好平衡！唔會太生又唔會太熟👍🏻！再試一啖先！肉質超～鮮嫩，但仍然有一定既咀嚼感，每咬一啖都有好濃郁既牛味🤤而且汁液都保留左唔會乾爭爭，出色💯蟹肉明太子奶油忌廉意大利

約左朋友去銅鑼灣睇戲，所以喺銅鑼灣附近搵食，上網揾到呢一間Cafe好評都幾多，所以一於試試佢😋餐廳唔算大但成個感覺好chill好舒服我同朋友order左2份lunch set Lunch set會包頭盤（可選湯或沙律），主菜及餐飲頭盤-雜菜湯配蒜蓉包🍲天氣咁凍🥶所以我同朋友都揀左湯，雜菜湯比較濃味，點蒜蓉包簡直絕配😋要特別讚即焗蒜蓉包，熱辣辣又好軟熟香煎肉眼扒配薯菜 🥩$118賣相靚，肉眼牛味濃再配埋個汁，好倉😋side dish好豐富，有西蘭花、翠玉瓜、車厘茄以及薯條，薯條超級好食，炸到好香口😋菠菜忌廉汁三文魚扁意粉 🍝$98份量超多🤣🤣我同朋友都兩個人食都食唔晒菠菜忌廉汁意粉十分掛汁，每一啖都食到汁同扁意粉，好食👍🏻👍🏻水牛城雞翼5隻 🍗$78雞翼炸到香口，加上醬汁，有少少辣又夠惹味，令人想食完一隻又一隻😋凍朱古力&熱檸水凍朱古力賣相好靚😍飲落超濃朱古力味🍫最後埋單2個人食左$298整體嚟講，餐廳環境舒服👍🏻食物質素高，價錢合理👍🏻lunch set抵食👍🏻推介大家嚟銅鑼灣可以試吓😋

百樂中心好多好野食18樓仲有間little fresh cafe&bar可以chill下 唔洗去地下啲bar☺️地方不算大但佈置乾淨企理有氣氛，檯與檯之間有一定距離，沒有逼夾感，令人有一種簡單舒服的感覺，係個適合同朋友暢所欲言嘅地方忌廉西蘭花湯配蒜蓉包清甜好飲，有淡淡西蘭花味，配上即叫即焗嘅新鮮蒜蓉包火魔醉蜆打卡又好味嘅一道菜蜆肉鮮甜，加上辣椒、蒜頭、牛油一齊爆香，超級惹味每隻蜆都渗有酒味而且份量不少，值得推介蟹肉明太子忌廉意大利麵擺盤好靚，未食已經聞到淡淡蟹香味，充滿期待蟹肉明太子份量非常足，每啖都可以食到，唔會食食吓得返意粉意粉汁配有香菇、洋蔥、香草等嘅配料，味道香濃而不膩，意粉軟硬適中，加上粒粒明太子，口感豐富有層次慢煮紐西蘭草飼肉眼扒肉眼扒經低溫慢煮，令肉汁不會流失，火喉控制得得宜，肉質嫩滑有牛味手打薯蓉香滑充滿牛油香，另外仲有粟米、翠玉瓜、西蘭花平衡返味道埋單時收到優惠碼B43889 ，用作訂座有9折優惠餐廳無論食物、環境、服務態度都非常好，我同朋友都非常滿意，值得再訪

星期四約左舊同事慶祝佢生日，去左銅鑼灣Little Fresh Cafe & Bar食lunch。我地各自揀個lunch set，包前菜、主菜、飲品。田園沙律大大兜，沙律菜唔會唔新鮮。是日餐湯係粟米忌廉湯，配有兩小塊蒜蓉法包，粟米湯味道濃郁，好飲。瑞士汁德國鹹豬手意粉鹹豬手已經切成一片片，方便進食，肉質軟腍，唔會過鹹，意粉滑身。慢煮三文魚扒配香蒜奶油汁三文魚煎得幾好，個汁唔錯，鍾意有唔少蔬菜伴碟，份量又足夠飽肚。飲品叫左凍美式咖啡同熱檸茶。

呢間黃店一直由旺角開始幫襯到銅鑼灣，雖然地方細又唔係靚裝，價錢亦冇話特別平，但食物質素（曾經）係的確唔錯的。直至最近兩次幫襯，都發現員工服務態度極差，以為自己係唔洗比錢嚟食飯。仲要出餐極慢（等足一個鐘都仲未上主菜）講緊現場都係得兩場客。叫左set杯餐飲又係等足成個鐘，要叫佢先識上嘅檸檬茶，咦檸檬茶冇檸檬嘅，呢個畫面似層相識（同百x百嘅咁似嘅）只能說再幫襯真係智商稅。

朋友聖誕節去咗呢間食就推介咗俾我，原來佢而家只要訂位嘅時候講優惠碼B439889，埋單就可以九折，冇訂位唔緊要，即場like 社交平台都可以平$10 ！🤩晚市套餐點咗田園沙律同餐湯紅菜頭雜菜湯各一，沙律菜新鮮爽口，好開胃，雜菜湯味道濃郁，配蒜蓉多士好味，主菜點咗慢煮法式香煎鮮鴨胸$218，鴨胸煮得好稔容易切開，慢煮可以完美鎖住啲肉汁，油脂感香溢，200蚊有呢個舌尖上既享受好正，鹹味醃得啱啱好，非常入味，連配菜薯蓉、西蘭花、蕃茄仔、豆角都好好食，媽子點左蕃茄忌廉汁蟹肉燴長通粉，一上枱都嚇親，份量好足夠，長通粉口感恰好，蟹肉同茄汁混合一齊，酸酸甜甜又惹味，另外小食點左白酒煮青口，大力推薦，白酒好香，青口大大隻連湯汁一啖咬落去超正，有煙肉同香草調味，最後甜品食埋檸檬撻，好好味，媽子平時唔食甜品都中意食，因為佢味道有層次，面頭有蛋白，檸檬皮點綴，整體嚟講餐廳嘅質素都好高，而且環境舒服，staff又有禮貌🥰