M3 Italian (已結業)

今日同幾個朋友放工去左沙田圍探BB，之後一齊去附近晚飯，見到d間意大利餐廳，決定一試。我們大約20:00左右到，但當時已經9成滿座，所以我們要係門外先等一會，大約10分鐘左右便能安排入座。門外有Set Dinner餐牌，但今天是星期五所以不適用。😞點菜後，餐廳先安排餐包俾我們，麵包焗得香脆熱辣辣。炸雜錦三式 $108雞翼、炸薯角、炸蝦M3 Salad $148沙律好豐富，有香草烤雞、挪威煙三文魚、帕爾瑪火腿、羊奶芝士配蕃茄和沙律菜，旁邊亦伴隨3隻醬汁供不同口味選擇。 意式香草醬海鮮薄餅 $138卡邦尼意粉 $118意粉軟硬適中，配上煙肉、芝士、蛋黃，非常好吃。烤大啡菇野菌意大利飯 $168味道很好，略厭飯較生，但整體也好味。意外地沙田圍會有一間水準不錯的意大利餐廳，好味😋

今日我地3個人食晚飯...同媽咪同男朋友...但由於我朋友俾較大食所以都嗌左好多野😂首先叫左個pizza 將水蜜桃取代左哈密瓜配Parma ham 都特別👍🏻味道仲好夾tim😋😋😋 我好鐘意食呢個😬反而個小食拼盤雖然好食, 但係就冇咩特別, 係正常應有晚水準👍🏻 至於腸肉野菌意粉味道相當唔錯😋但係個意粉比有口感既硬左少少, 可以再煮耐dd會更好👍🏻呢個真係碼得不讚既燒乳豬😍😍😍個皮真係好脆, 肉都好淋👍🏻👍🏻因爲係出面食有好多都又硬又"un"我俾5粒星呢個⭐️⭐️⭐️⭐️⭐️羊架都好食唔會蘇😆最後個甜品都好食👍🏻個裝飾做得好靚😍

朋友生日，想食d平時少食d既菜式，上網睇完見呢間M3竟然有成300幾個笑臉，食評亦好高評價，於是就決定一試！但可能期望過高，所以有d失望訂左7點，去到已經8成滿座，地方唔大，枱與枱之間都好近。意大利雜菜湯$38味道偏淡、沒有好味精既感覺、味道較普通餐包好好味，上軟個底脆，點黑醋好好味蠔$268/6隻非常新鮮好重海水味，好肥美辣肉腸薄餅$118邊位好脆，好多料，味道亦都好好帶子忌廉鰻魚汁意粉$158味道有少少奇突，似中式炒牛柳果隻味🤔帶子唔知係咪新鮮帶子？食落有鮮帶子味唔似雪藏嘢拼盤$118炸野比較失望，隻雞翼又瘦又乾、炸蝦好厚粉（好奇怪兩隻厚粉最後一隻係正常鬆化的）、薯角味道正常$58/杯兩杯都偏淡，紫色果杯都ok；summer sunshine呢杯真係唔掂，成杯無咩味，芒果味好怪Tiramisu $58味道一般，唔夠濃味、唔夠creamy埋單連加一$956沒有想像好食

 一連三日假期,刻意和男朋友到訪沙田圍這個從未踏足的地方,剛出站就發現這個和小市區格調不同的西餐廳。  因為已經很餓, 叫了雜錦小食,薯條和快餐店的不同,從外脆內軟的口感來看應該是即叫即炸的。炸雞翼有一股淡淡的檸檬葉味道,個人不太習慣這個味道,但男朋友挺喜歡。炸蝦保持新鮮炸的脆度,味道不錯。  食物份量大,吃完小食其實已經不餓,不過接下來的薄餅和意大利飯味道同樣有驚喜。意大利香腸薄餅的餅底是很薄的那種, 原本以為會很油膩, 但咬下去辣肉腸和橄欖等其他配料的味道中和,配合餅底薄脆, 恰到好處。 意大利飯的味道則和想像一樣充滿黑松露的香味,飯面的大啡姑吸收了飯的味道也很JUICY, 是有誠意的菜式。  下次經過附近應該可以再來這間餐廳         

近期慣性食中餐，今晚轉下口味，來吃個意大利晚餐我們兩人點了M3 沙律，是招牌菜，份量十足，有巴馬火腿，煙三文魚，配上清爽怡人的沙律菜，開胃好味！黑松露野菌薄餅，脆餅底，芝士蘑菇好惹味！再點了焗羊架餐，可配餐湯和是日甜品！焗羊架，焗得外焦內嫩，肉味甘香豐腴，可惜忘記了相機食先！下次再來的話，要多帶朋友來分享食物，兩人吃不下太多！

見openrice評價幾好，特登嚟試下。我覺得一般般，有點失望。食左差不多六百蚊，。覺得同樣價錢嘅餐廳不少，但可能會更好食。呢個m3沙律味道合理，份量大。煙三文魚，巴馬火腿，雞都有小小，過下口癮都可以。但不算很好吃。後悔，又乾又硬。258好唔值！三/四式芝士比薩，幾好食。但食唔多……一般，蛋味重。

同男朋友拍拖咁耐，都未吃過意大利菜。今日係沙田學車，學完車就同男朋友吃意大利菜。一入到燈光偏暗，播著輕快的音樂，座座坐著一對情侶，好甜蜜。我同男朋友點左一個黑松露野菌薄餅，炸雜錦三式同北海道帶子鰻魚忌廉汁意大利粉。首先來到係麵包，仲係暖笠笠，加上橄欖油，好特別。之後係炸雜錦三式，有三款小食，雞翼、炸蝦同薯格。雞翼炸到雞皮好脆，再沾茄汁，好香口，好滋味。炸蝦外脆內軟，有強烈既對比，好出色。跟住上左黑松露野菌薄餅，餅底係脆，饀有蘑菇、蕃茄醬、芝士加上黑松露，好有層次感，好味道。最後上左北海道帶子鰻魚忌廉汁意大利粉，帶子好大粒好新鮮，有點鍋氣味，提升了整個意大利粉的味道，好特別，男朋友不停讚好。

～去沙田買傢俬，見到這間餐廳評價幾好去試吓～東西味道真的不錯～且價錢也很相宜💰＄138有個芒果海鮮沙律，呢個味道比較普通，可以不要～＄60一大杯紅酒叫咗杯叫traffic light 既smoothie, 係士多啤梨同香蕉加沙冰打混，有士多啤梨嘅果子係入邊，增添口感～＄150四隻芝士焗生蠔，生蠔新鮮芝士味濃郁Risotto 味道不錯～北海道帶子也算大隻～個risotto同心太軟都比想像中的好😋心太軟朱古力味道濃郁🤤超勁流心🤤伴碟的雲呢嗱雪糕味道也很香🤤🤤 餐牌可以看這裏

係沙田唱完k, 朋友話附近有間唔錯意大利餐廳行左十分鐘到就到原來餐廳開6:30，當時仲差幾分鐘，已經有幾枱人係出面等緊入去好快店員就安排我地入坐，餐廳格局都好符合傳統意式風味好鐘意呢個樽一次裝黑醋同橄欖油既設計先黎兩個餐包，餐包軟熟結實，新鮮出爐好好味！朋友推介呢度M3沙律，$148但係份量十足！！仲有風乾火腿、煙三文魚同烤雞伴碟沙律菜亦非常新鮮，食完感覺好refresh!另外叫左一個野菌意大利飯上面的大啡菇好juicy!而意大利飯亦非常正宗！米飯熟的程度剛好，仲保留意大利飯果種有咬口既口感！整體非常不錯，如下次經過沙田會再encore!

好少去沙田圍站，去完附近睇醫生吾知食咩好，大排檔熱辣辣，所以決定搵間有冷氣嘅餐廳坐下。超級肚餓之際，食返個熱餐包，小小香草味，加埋意大利黑醋橄欖油，越食越餓。個凱撒沙律超級大盤，用料十足，尤其最愛大大片芝士和脆脆麵包粒。如果吾食溫泉蛋要跟侍應先說聲。呢款前菜香辣蒜蓉蝦好香和惹味。啲蒜容汁帶微辣，但未有蓋過蝦本身的鮮味,爽口彈牙。朋友也是芝士愛好者，呢個pizza 岩晒，cheese 厚切 ,一食就知係靚芝士，餅底薄脆。賣相不俗，但制作需時，建議先落單。下次有機會再試一試生蠔吧！

今晚又去沙田食晚餐友人住花園城。介紹間好食既西餐餐廳裝潢簡單，燈光柔和，暗暗地。幾啱傾計首先。餐湯係蕃茄雜菜湯份量唔少，酸酸地好開胃雜菜材料都好多配埋麵包食，好夾小食叫左黑松露芝士焗薯條黑松露味道好香，芝士好濃熱辣辣好好食又香口餐廳好貼心，配埋沙律醬，茄汁啱哂客人口味日式饅魚汁大蝦薄餅薄餅的餅底好脆饅魚汁好香，配上大蝦，菠蘿好清新材料都好多，仲有蕃茄仔，木魚絲白酒，夠凍酒精唔算好重焦糖燉蛋蛋味好濃，焦糖好脆而且唔算好甜餐廳侍應有禮，上菜又快下次會再去食

琴晚係花園城食晚飯，試咗一間有品味質素幾好的餐廳！先講環境，好懷舊的背景裝修，配合偏暗燈光，同三五好友聚會談心一流～首先上的係雜菜湯，配餐包。雜菜湯好多材料，味道較其他餐廳的酸不夠啱我胃口！餐包就用了黑醋點黎食，好香好軟熟。小食叫了西班牙豬肉酥皮撻！好特別的菜式，豬肉剁成肉碎撈了香草，然後放係撻內焗熟，即order即焗，上台時酥皮仍bo bo脆，豬肉碎也好滋味，齋睇已經見到廚師的心思和手藝！主菜我係食安格斯西冷牛扒，7成熟。牛扒有成1寸厚，切開時仍保持肉汁，內面仍香嫩多汁，火喉控制方面抵讚！甜品未到已經飽飽地，不過當Apple Crumble配以雲呢拿雪糕擺在眼，即刻發揮第二個胃的功效！雪糕凍冰冰配上熱剌剌的crumble，滋味感覺簡直想再叫多一份！！值得一提係杯Coffee Mocha，苦苦地，中和返甜品的甜膩，為今晚的晚餐劃上完美句號！

這夜在沙田用膳，想找間decent一點的西餐廳，也想遠離市中心的人潮，於是走到花園城的>>>M3 Italian<<<。如果是「沙田友」，對於如何從市中心徒步到花園城，大抵有個概念；要是打算乘坐鐵路的話，可在馬鐵沙田圍站下車，再往酒店方向走五分鐘路。 這夜決定給自己補充Omega 3，所以點了一客香煎三文魚扒伴青芥茉薯蓉(HKD198)。三文魚扒可揀七成熟或者全熟；本來屬意全熟，但侍應推介七成熟，便按其建議來一客七成熟三文魚扒。 這七成熟還真的是個好推介，細滑可口的滋味，在這厚大三文魚扒上展露無遺。三文魚扒壓著薯蓉，薯蓉內加入洋蔥，整個看似平凡的主食頓時變得好醒神。其他配菜既能提供纖維，也令顏色更豐富，是心思細密的安排。 沒有加錢把主菜轉成set dinner，因為更想一試餐廳特色飲品，選擇了Traffic Lights (HKD58)，因為所用水果種類非常豐富，包括了士多啤梨、香蕉、奇異果和蘋果，奇異果和士多啤梨籽帶來麻麻癢，很是過癮，而且雖然佐以蜜糖，味道也不會調得太甜，感覺更加健康。 溫暖的餐包以橄欖油及香醋調味，就是好喜歡這個醬油

今日黎沙田探朋友，同朋友嚟咗M3食意大利菜。一早訂定位，如果唔係一定食唔到。餐廳都幾大，但好快已經坐滿。點完嘢食好快就有溫暖嘅包送到，加啲黑醋加啲橄欖油，特別好味。香辣蒜蓉大蝦蒜蓉味好濃，大蝦肉質爽口，有少少辣椒，但唔係好辣，怕辣嘅朋友都食得，加啲沙律菜可以中和濃味。總共有六隻大蝦。凱撒沙律傳統嘅凱撒沙律，多士大大粒，好脆口，沙律菜切到細細塊容易入口，沙律醬酸味亦剛剛好，包住每一塊沙律菜，沙律菜好新鮮。中間有一隻溫泉蛋，撈埋黎食最好味。四色芝士薄餅芝士味好濃，有啲鹹但接受到，最欣賞個薄餅嘅餅底非常之薄，薄多好似餅乾，拎起手好易碎，好耐冇食過咁薄咁脆嘅Pizza。最後係海鮮意大利飯賣相非常吸引，連隔離枱都話靚，意大利飯最鍾意就係生生地嘅感覺，帶子好大粒，有蝦有青口有魷魚。味道不錯，啲汁唔算好多，夠飽肚。店員非常細心，雖然我哋坐最入個張枱，但店員都不停為我地碗碟加水，非常細心。

聽朋友介紹話呢間D食物好有水準，所以經過呢頭就去食啦。一開始會有餐包，大約搼頭咁大，表面睇黎似有烤焗過，熱騰騰，食落十分鬆軟，少少咸，吾洗落牛油，已經好好食。我地叫左個M3 salad, 入面有燻三文魚，parma ham，水牛芝士，咸咸地，送蔬菜流，仲有一D蕃茄同塊狀面包粒，加埋一齊食，好有口感。個salad有三款醬汁可以選擇，實有一款岩你口味😋。重點係份Salad 好大份，我同個Fd兩個人食完已經5成飽，Cp值好高。帶子鰻魚汁意粉，入面除左帶子，仲有三色椒，帶子食落好香，好鮮甜，好夠味，可惜太少啦，得幾粒，真係食得吾夠候。另外鰻魚汁既意粉好入味，中意食鰻魚既朋友可以試下。總結黎講，我覺得呢度D食物都幾有水準，下次可以帶多D朋友黎食，可以食多D野，有機會既話，我想食埋甜品，可惜太飽啦。